المساعد الشخصي الرقمي

مشاهدة النسخة كاملة : اشتغالات أيام الأمتحانات



Night Moon
11-29-2009, 01:54 AM
http://img33.imageshack.us/img33/8591/salam111.gif (http://img33.imageshack.us/i/salam111.gif/)


دول 6 اشتغلات دايما بتحصلنا كلنا أيام الامتحانات


أولا :اشتغالات شركة الكهرباء

دايماً ليلة الإمتحان النور بيقطع
ده شيء طبيعي جداً لا يدعوا أبداً للدهشة أو الإستغراب
بالنسبة ليا علي الأقل
وبقيت دلوقت مبسألش يا تري النور هيقطع ولا لا؟
بقيت بسأل ياتري النور هيقطع إمتي؟

ودي مش حالة فردية ليا بس علي فكرة
كثير بلاقي حد من أصحابي بيتصل بيا يقولي
أنا هاجي أذاكر معاك لحد الصبح لأن النور قطع عندي
(خاصةً إن بيتي أشبه بالبنسيون , أو معسكر إيواء المشردين واللأجئين)


2- اشتغالات الدي جي :

كمان ليلة الإمتحان بتبقي فرصة مناسبة جداً للتعرف علي
أحد الجيران والذي تكتشف أنه يقطن قريباً منك جداً أو علي بعد عدة شوارع فقط
واللي كان طول عمره بيجهز نفسه , وبيدور علي بنت الحلال اللي تستاهله
وأخيراً لقاها علي حين غرة
وقرر فجأةً إنه يدخل دنيا ويتزوج
وطبعاً لازمن وحتمن ولا بود يعمل حنة ,,
فيه فرح من غير حنة؟
ده حتي يبقي حرام ولا يجوز ,, ولو المأذون عرف يرفض إتمام العقد

وساعات كمان المحل اللي مقفول من سنين طويلة تحت بيتكم
قرر صاحبه فجأة إنه يعمله سوبر ماركت أو مخبز فينو
وطبعاً لازم افتتاح
طيب إيه العلاقة الأثمة اللي بين الحالتين دول؟
إن في كلتا الحالتين هيبقي فيه دي جي
والدي جي بالمناسبة هو الإسم الحركي لجهاز الكمبيوتر
بتاع بن أخت العريس أو صاحب المحل غالباً يوم الحنة
ولكن مع إضافة عدة سماعات من الوزن الثقيل له.

3-اشتغالات الفيفا :

يتقمص الإتحاد الدولي لكرة القدم دائماً دور الوغد الجبان أيام فترة الإمتحانات
فلازم تلاقي ميعاد كأس أوربا أو تصفيات كأس العالم أو حتي النهائيات
أو أي بطولة مهمة تبقي أيام الإمتحانات
وهنا بقي بيبقي فيه صراع داخلي كبير بين
صوت الضمير (المذاكرة)
وبين صوت الكورة (الماتش)
وبينتهي غالباً الصراع بالضربة القاضية من أول جولة ,
طبعاً بتفرج علي الماتشات

4-اشتغالات التأمين الصحي :

لو بقي الدنيا ماشية معاك أوي ,
تعيا يوم الإمتحان ,, مش مرض جامد
بس يكفيك شوية برد .. بس فول أوبشم
(يعني بالصداع بتاعه (بتاع بلاده) وتكسير العضم ورشح ودوخة .. واللذي منه)

أو حتي نزلة معوية برضه ودي مش لازم تبقي فول أوبشن
كفاية بس تكون نازلة بالمغص ,, والإزاز الكهربا ..

نياهاهاهاهاهاهاهاها

5- اشتغالات العيال الصغيرة :

برضه من اشتغالات الإمتحانات المتعارف عليها
إن عمتك وخالتك وتانتك وخالك وعمك ,, يقرروا يعملوا مفاجأة (سعيدة)
ويجيبوا الأولاد ويجوا يزورونا في يوم ما قبل الإمتحان
والمشكلة الحقيقية لا تكمن فيهم .. دول حتي طيبين
المشكلة في جحافل الجيوش الجرارة من الأطفال
وإذا ذكر الأطفال (جمع يعني) يبقي أكيد لازم نذكر
الرغي والزن والرخامة والتباتة والزيطة والتنطيط حواليك
واللعب وإنت نايم , واحتلال الكمبيوتر

وطبعاً مش هتقدر تعملهم حاجة
لأنهم رد الفعل الطبيعي جداً .. إنه هيشغل السرينة
ويقعد يعيييييييييييييط ويصرخ ويقلب الدنيا عليك..
وطبعاً بيبقي نفسك وقتها ترميه من أي بلكونة
لكن اللي بيمنعني إننا ساكنين دور تاني ...
فمش هيحصله حاجة

6- اشتغالات المنبه :

اشتغالة أخري دايماً بتحصل
المنبه المقرف سواء في الموبايل (ابو منبه منه فيه)
أو لو منبه منفصل
أيوه اللي بيفضل طول السنه قارفك ويصحيك من النوم وينكد عليك
المنبه ده بقي بتنزل عليه الطيبة والوداعة في اليوم ده
ولما بتظبطه علي ميعاد علشان يصحيك .. بتصعب عليه ومبيرداش يقلقك
فتصحي تلاقي الإمتحان تقريباً بدأ
وتصرخ تقول
سبق الإمتحان العزل ... اااااااااااااااااااه

....
وبناسبة ذكر المنبه
تعرفوا ليه بلدينا بيحط جنبه كوباية شاي وهوه نايم؟
علشان الشاي منبه
طيب وليه ساعات كوباية شاي وكوباية قهوة؟
علشان لو الشاي مرنش
(محدش يضرب)

كل ده بقي والمفروض إننا ننجح صافي
طب ازاي بقي؟
شوفتوا إن العيب مش فينا وإننا مظلومين ..!!

spider girl
11-29-2009, 02:02 AM
ههههههههههههههههههههه
هههههههههههههههههههههه
ههههههههههههههههههه
لأ تحفه فعلا واول ثلاثه والله بيحصلوا فعلا
ههههههههههههه وبتبقى فترة ليها زكريات
هههههههههههه
تسلم ايدك يا اسماء

Night Moon
11-29-2009, 01:36 PM
ههههههههه اه والله ماتعرفيش ليه كيفين يقطعو النور ايام الامتحانات والافراح تشتغل ههههههههه
ميرسي لمرورك ياسارة

white heart
11-29-2009, 02:59 PM
موضوع حلو اوى يا سومه وانا والله العظيم دايما النور يقطع ليله الامتحان ولو النور مقطعش الافراح والدى جى يشتغلوا هههههههههه هههههههههههههه ههههههههههههههههههههه

mr.lonly
11-29-2009, 03:12 PM
زي العسل يا نايت واقولك علي سر كل دة كان بيحصلي فعلا

Night Moon
11-29-2009, 07:47 PM
شكرا لمروركم جميعا

la vie en rose
11-29-2009, 10:06 PM
اه والله يانايت بتحصل كتير ايام الامتحانات تسلم ايدك

KAREEM
11-29-2009, 10:26 PM
ايدا يعنى الكلام دا مكنش بيحل لى انا بس
:clap::clap::clap::clap::clap::clap::clap::clap::c lap::clap:
بجد انا اكتر حاجة كانت بتحصل لى اشتغالة الدى جى
اكتر حاجة بتجننى بجد ع الناس اللى بتظبط افرحاها مع
امتحاناتى دى :eek_yello::eek_yello::eek_yello::eek_yello:
موضوع تحفة يانايت والله

Night Moon
12-01-2009, 03:47 PM
اه والله يانايت بتحصل كتير ايام الامتحانات تسلم ايدك


هههههههه تسلميلي انتي لمرورك



ايدا يعنى الكلام دا مكنش بيحل لى انا بس
:clap::clap::clap::clap::clap::clap::clap::clap::c lap::clap:
بجد انا اكتر حاجة كانت بتحصل لى اشتغالة الدى جى
اكتر حاجة بتجننى بجد ع الناس اللى بتظبط افرحاها مع
امتحاناتى دى :eek_yello::eek_yello::eek_yello::eek_yello:
موضوع تحفة يانايت والله


بيحصل عند كلة والله يا كريم بس نعمل ايه بقي
نورت التوبك بمرورك

bata_batot
12-01-2009, 08:54 PM
تصدقى اه ههههههههههههه
الحاجات دى كلها بتحصل فعلا وتلاقى المرض بيحلى فى الايام دى والافراح كل يوم وطبعا ما فيش مذاكره فى الدوشه والاطفال الصغيره هههههههههههههههههههههه

Night Moon
12-01-2009, 09:47 PM
هههههههههه منا عارفة بتبقي عند كلة وسبحان الله بيفتكرو الافراح ايام الامتحانات وياسلام بقي لو قرايبك ولازم تروحي يااااااااااااه تبقي كملت هههههههههههههه
ثانكس لمرورك

S2AH
12-04-2009, 12:46 AM
ههههههههههههههههه
اة والله تقريبا دة اللى بيحصل بجد
تسلم ايدك يا اسماء

Night Moon
12-04-2009, 05:13 PM
ميرسي لمرورك يا سارة نورتي التوبك

ahmed5oza0
12-09-2009, 04:00 PM
فعلن هوه ده الى بيحصل وشكرا على الاشتغلات

salma elsayed
12-09-2009, 07:10 PM
هههههههههههههههههههههههههههه
حلوه اوى انا كنت بحسب انا لوحدى اللى بيحصلى كده
لا وسبحان الله القرايب طول السنة مفيش صلة رحم وبيفتكروها ليلة الامتحان

حسام المصرى
12-09-2009, 07:54 PM
اشتغاله الانترنت

ازاى اسيب موضوعى اللى لسه منزله ومشوفش مين رد عليه كل ربع ساعة

اشتغاله المسلسلات

تيجى ايام الامتحانات وتلاقى ايمان العاصى فى كل المسلسلات
حتى البرامج

Night Moon
12-10-2009, 08:37 AM
شكرا لمروركم جميعا

ساره احمد عبد الفتاح
12-12-2009, 03:30 PM
مرسى ليكى يا اسماء
والله كانك عايشه معايا

Night Moon
12-12-2009, 03:55 PM
هههههههههه يابنتي دي بتحصل عندنا كلنا مش عندك اني بس
نورتي التوبك يا سارة

lovely girl
12-13-2009, 12:18 AM
[جامد خاالص الموضوع ده و فعلا بيحصل كل ده معانا خاصة النور ذى ما يكون بيعند معانا بيقول ( انا طول السنة موجود و مش بتزاكروا جت علي النهارده) ههههههههههههههههههههه

Night Moon
12-13-2009, 08:55 PM
ههههههههههههه حلو ة دي انا طول السنة موجود ومش بتذاكرو جت علي النهاردة ههههههههههههه
نورتي التوبك بمرورك