المساعد الشخصي الرقمي

مشاهدة النسخة كاملة : جوبونى بسرعه



witch evil
10-20-2008, 11:22 PM
عندى سؤال محيرنى
ارجوكم كلكم تدخلوا تجاوبوا الولاد قبل البنات

ايه رايكم فى وحده تقلع الطرحه عشان فرح او مناسبه وتفرد شعرها وتلبس فستان عريان وبعد كده ترجع تلبسها

هل تحترمها وتقول ده يوم وحيعدى
ولا ايه موقفك

eslam mamdouh
10-20-2008, 11:40 PM
حضرتك مدام كتبتى الموضوع ده يبقى انتى اصلا شايفه ان الموقف خطا


واكيد الكل شايف ان ده اكبر غلط


ازاى الواحد يقابل السعاده اللى ربنا يديهاله بالمعصيه( هل الغايه تبرر الوسيله)


اما بالنسبه للاحترام فده شى نسبى يعنى يختلف فى مقايسه ومعايره من شخص لاخر

وعلى كل الصح معروف والخطا معروف والانسان ربنا عطاه نعمه العقل للتميز


واى حد بيخطا المهم انه ميقعش فى نفس الخطا مرتيين




الف شكر لحضرتك على الموضوع وافكار النقاش المتميزه

onon
10-21-2008, 03:59 PM
موضوع حلو اوي شكرا ليكي
بس انا من مش مع الناس الي بتعمل كده
ومعرفش هما بيعملوا كدا ليه غير من انهم عايزين يلفتوا لانتباه ليهم وبيفرحوا بالنظرات لاعجاب الوقتي وانا بقول وقتيه لانها اعجاب بالشكل فقط
لاني اعتقد ومن وجهه نظري ان البنت بتلفت النظر بأدبها واحترمها وهو ده من نظري لاعجاب الدائم
ومن رائي كمان ان حتي اذا اهل البنت دي وافقوا انها تقلع الطرحه في المناسبات فهي لازم ترفض اولا لانوا معصيه لربنا ثانيا لانها لازم تكون رقيبه لنفسها قبل مايكون اهلها هما مصدر المراقبه ولازم تعرف ان حتي اذا كان اهلها مش موجودين جنبها فلازم تعرف ان ربنا موجود
ده غير ان الحجاب قوه للبنت وحمايا ليها وفرض في كل الاوقات مش ماعادا المناسابات وهو كمان رمز ليها كمسلمه لازم تفتخر بيه


http://www4.0zz0.com/2008/10/21/13/228752812.jpg

http://www4.0zz0.com/2008/10/21/13/633078768.jpg

Mimi
10-21-2008, 04:04 PM
متهيألي ياحورية هي بتبقى مسألة أذواق

هي عايزة تلبس مثلا الفستان بنفس شكله

أو عايزه تعمل تسريحة حلوة تمشي مع الفستان

عمومآ الموضوع دا مش هيقلل من احترامها من وجهة نظري مينفعش الواحد يبقى كله صح او كله غلط

وخصوصآ لو في ناس بتعمل كدا والمناسبة محصورة على الاهل والاقارب بس

mohamed-gohar
10-21-2008, 04:06 PM
طيب تخيل اللي عملت كده العروسة وده بيحصل كتير يبقي ايه الرد؟

Rania Ismail
10-22-2008, 11:48 AM
بصو يا جماعه من وجهة نظرى يعنى ان معظم الناس اللى بيعملو كده سنهم صغير
لما الواحد عقليته بتكبر وبتنضج بيكون بيفكر صح وبيشوف الموضع ده انه مستفز وميصحش حد يعملو
اما بالنسبه للعروسه اللى بتعمل كده بصراحه مش عارفه انا شايفه انها بتضيع كل سنوات الحجاب بتاعتها فى مره واحده هلى اليوم ده يساتهل انها تضيع كل ايام الحجاب بتاعتها
انا مش بحبز الفكره ديه خااااالص
http://img206.imageshack.us/img206/1716/bc6e46752eis2hl5.jpg

A.H.D
02-14-2009, 02:27 AM
انا رايى ان اللى نفسها تعمل كدة يبقى الكلام دة يتعمل فى مناسبة يكون الرجالة منفصلين فيها عن البنات وتعمل اللى هى عيزاة كدة محدش حيقول حاجة ومش حيبقى حرام
اما اذا كان الفرح او المناسبة عادية زى كل الافراح يبقة خليكى بحجابك دة حيبقى افضل فى نظر الناس كلها حتى لو كنتى عجباهم وطبعا حيبقى افضل بكتيييييييييييييييييييييييير اوى عند ربنا
لان الحجاب دى نعمة كبيرة انا كنت اعرف واحدة كانت نفسها يعنى حتموت وتتحجب بس هى مش قادرة دة بيبقى من الشيطان
طب انتى ربنا عطاكى النعمة دى ماتفرطيش فيها
اما العروسة لو عملت كدة مش عشان هى عروسة يبقى خلاص كلة حلال وبصراحة فى النقطة دى الغلط مش بيبقى عليها لاة دة بيبقى على عريسها لان بكلمة منة مش حتعمل كدة
وبعدين معلش دة بيبقى دلع

free eagle
02-14-2009, 05:16 AM
بص بقي انا عندى وجه نظر
ان المفروض الواحد يفرح
بس بطاعة ربنا مش بمعصيته وبس وخير الكلام ماقل ودل

(الحجاب طاعة لربنا معصية للشيطان)

وشكرا ليكى يا حورية على الموضوع الجامد دة

spring sun
02-14-2009, 09:03 AM
لا غلط طبعا ده كده تباه هي مش محقبه علي اقتناع(يعني عاده مش عباده)

المحجبه للتدين هي اللي تحتفظ بحجابها دوما

والحمد لله ده بقي كتر والرايس المحجبات بقوا كتير جدا

خالد أبوسعده
02-14-2009, 12:14 PM
اولا كلنا متفقين ان قلع الحجاب حرام
ثانيا هى بتلبس الحجاب زينه ؟ ولا علشان طاعه ربنا ؟
لانها لة بتلبس الحجاب زينه يبقى تعمل اى هى عايزاه
لو لبساه علشان طاعه ربنا و تقلعه علشان تلبس فستان الناس تتفرج عليها و هى لبساه
ربنا يحاسبها بقى

و عموما المبادىء مبتتجزئش
يا اما مش محجبه يا ام محجبه
احنا مش بنحاسب البشر ربنا الي بيحاسبهم


مش مسأله انها تبقى محترمه او لا لان دا ممكن يكون تصرف فى لحظة طيش و دا ميقلش من احترامها
بس انا لو اعرف واحده عملت الموقف دا بتنزل من نظرى جدا

lolaa fahmy
02-14-2009, 02:52 PM
عيب جدا ان واحده تبقي محجبه وتقلع الحجاب في حفله او مناسبه
بس مثلا لو كانت قاعدة ستات منفصله عن الرجاله عادي مفهاش حاجه وانا نفسي بعمل كده لكن لو كان فيه رجاله قرايب او اغراب مينفعش ده حرام اولا وعيب ثانيا
اما العرايس اللي بتقلع الطرحه في ليلة الزفاف فالحق مش عليها الحق علي الاريل اللي متجوزاااااااااه


موضوع لزيز جدااا تسلم ايدك

Marwa Mahmoud
02-14-2009, 03:44 PM
بشكرك يا حورية على الموضوع جميل جداااااااااااااا
وفنفس الوقت مهم جدا
وهيا ظاهرة بشوفها كتير فعلا
وأنا طبعا مش موافقه على التصرف ده أطلاقا
لأنى بعتبرها عملية مبدأ ....
مين يتخلى عن مبدئة عشان خاطر فرح أو وقت معين وهينتهى ساعة ولا سعتين
بجد ربنا يهدى الجميع ويسترنا فى الدنيا والأخرة