المساعد الشخصي الرقمي

مشاهدة النسخة كاملة : إسرائيل ومكتبة اسكندرية



MUHAMED SAMY
12-14-2009, 10:41 PM
انتقد الكاتب المصري البارز فهمي هويدي قيام مكتبة الإسكندرية بتنظيم ورشة باسم "تشبيك" دعت إليها إسرائيل، مع مثقفين آخرين من العالم العربي والجامعات الغربية.

وقال هويدي في مقاله بصحيفة "الشروق" المصرية بتاريخ 13 ديسمبر 2009 بعنوان "خطيئة مكتبة الإسكندرية": "لقد أطلقت تلك الدعوة البائسة مع حلول الذكرى الأولى للعدوان الإسرائيلي الوحشي على قطاع غزة التي فضحها مؤخرا تقرير القاضي جولدستون، وفي ظل استمرار الحصار المفروض على القطاع. وهي الخلفية التي تجاهلها تماما المسؤولون عن المكتبة، ووجهوا الدعوة إلى أربعة من الباحثين الإسرائيليين ضمن قائمة من الباحثين العرب والأمريكيين للمشاركة في ورشة التشبيك، التي ستعقد بمقر المكتبة في الإسكندرية في الثالث من شهر يناير المقبل".

KAREEM
12-17-2009, 12:20 PM
مينفعش طبعا نسكت ع الكلام دا
دا تطبيع اجبارى فعلا وحاجة ....
شكرا يامحمد على تنبيهك لينا
وأكيد لزم يكون لينا وقفة
ازااااااى مش عارف ؟؟؟؟؟؟؟

جزاك الله خير ,,,,,

Wild_Angel
12-17-2009, 12:42 PM
والله فعلا حاجه تكسف
الله يسامحهم
شوهو صورة مصر ادام اعرب
ومخلينا عملاء لاسرائيل بالعمايل دى
استغفر الله العظيم
حنحاول نشوف طريقه عشان نوقف الموضوع ده

mr.lonly
12-17-2009, 01:20 PM
حاجة تثير الاشمئزاز فعلا ويا تري هيلبسو جوانتيات عشان يدارو الدم اللي بينقط من ايديهم الاستاذ فهمي هويدي فغلا كاتب الموضوع بعنوان خطيئه مكتبه الاسكندريه شئ بجد يحزن

انا بقترح تنظيم مظاهرة سلميه امام المكتبه في اليوم اللي هيوصلوا فيه _يارب ما يوصلوا _ ونوريهم موقفنا مش موقف الحكومة

شكرا علي المعلومة يا MOh’d

mr.lonly
12-17-2009, 01:25 PM
[
COLOR="DarkOliveGreen"] ينتاب المرء شعور عميق بالخجل حين يجد أننا نقبل على العام الجديد ونحن نتباعد عن الجزائر، فى حين نعزز اقترابنا من إسرائيل. أغلب الظن أن ذلك لم يكن مرتبا ولا مقصودا، لكنها مفارقات الأقدار وسخريتها التى أبت إلا أن تفضحنا لتشعرنا بمدى بؤس الواقع الذى نعيشه. [/COLOR]


دي افتتاحيه الموضوع بقلم الاستاذ فهمي هويدي ايه اللي هيتقال بعد كدة

KAREEM
12-17-2009, 01:33 PM
حاجة تثير الاشمئزاز فعلا ويا تري هيلبسو جوانتيات عشان يدارو الدم اللي بينقط من ايديهم الاستاذ فهمي هويدي فغلا كاتب الموضوع بعنوان خطيئه مكتبه الاسكندريه شئ بجد يحزن

انا بقترح تنظيم مظاهرة سلميه امام المكتبه في اليوم اللي هيوصلوا فيه _يارب ما يوصلوا _ ونوريهم موقفنا مش موقف الحكومة

شكرا علي المعلومة يا MOh’d


انا بحييك على شجاعتك
وبأيدك جدا فى الرأى دا
ومش مهم ان شاالله
نقف انا وانت وانا متأكد
ان هيبقى فى تفاعل من
باقى الناس مع الوقفة دى
احنا لازم نبين موقفنا كشباب
جامعى فاهم وواعى للى
بيجرى حواليه ايه ........

S2AH
12-17-2009, 03:00 PM
بجد حسبى الله ونعم الوكيل
هو فاضل اية تانى معملهوش؟؟؟

Wild_Angel
12-17-2009, 07:10 PM
على فكره
فكرة المظاهره السلميه رائعه جدا
بس المشكله ان لو فعلا الناس دى حتيجى
احتمال يقفلوا شارع بورسعيد بالامن المركزى

فاتمنى لو حنقوم بالخطوه دى
يبقى الاول نتكلم مع ادارة المكتبه ونوصلها صوتنا
سواء بقى من خلال النت او وسائل الاعلام
او من خلال اى حاجه

وبعد كده نقوم بالمظاهره السلميه
بجد فكره أحيي الشباب عليها

bare_footed
12-17-2009, 07:17 PM
خلاص مصر نويت تدخل التطبيع وش كده

مش فاهم الحكومه ناويه على ايه لكن بالشكل ده بيفتحو باب التطبيع على مسرعيه يعني احنا بنا معاهده اااه لكن ديه اسرائيل

وطبعا انا مع المظاهره ومع اي احتجاج ضد اي تطبيع وضد اي شي يهودي اسرائيلي كفايه لحد كده

حسبنا الله ونعم الوكيل

نجم مدنى
12-17-2009, 07:18 PM
انا مع المظاهرة السلمية

مشكوووورين

KAREEM
12-17-2009, 07:50 PM
زى ما الباشمهندسة اسراء وايلد قالت ياجماعة
احنا ممكن نفكر فى تحرك سلمى الاول
مجموعة مننا يروحو يقابلوا ادارة املكتبة
ويقولوا لهم ان احنا رافضين الكلام دا
كطلاب جامعة اسكندرية ونشوف رد
فعلهم ايه واكيد هيكون فى صالحنا
خاصة لو دعمنا دا بدعم من اساتذتنا

ياريت نشوف الموضوع دا ياجماعة
ايه رأيكو ؟؟؟؟؟؟؟؟؟؟؟

mo_medya
12-17-2009, 11:04 PM
مش عارفين إيه اللى بيحصل
هو تطبيع إجبارى والا ايه؟
نسينا دم الشهداء فى 1967م
نسينا اللى عملوه الصهاينة فينا؟

ايات يوسف
12-18-2009, 04:00 PM
فعلا حاجة تزعل وتنرفز
والمفروض يكون في اعتراض وصوتنا يوصل لهم
علي ان كل شاب مصري رافض اي نوع من انواع العلاقات
مع الكائنات دي

ALY ELSAYED
12-18-2009, 04:07 PM
مش حنسلم مش حنبيع

مش حنوافق علي التطبيع

شكرا ليك يا محمد وفعلا دي مهزله

مينفعش ان احنا نسكت عليها

جزاك الله كل خير

حسام المصرى
12-18-2009, 04:16 PM
http://fafafofofefe.jeeran.com/mtmt35.jpg

هحكيلكم حكاية حلوه اوى

وانا صغير كان فى واحد جارنا شكله وحش اوى كنت بخاف منه شبه الراجل اللى فى الصوره ده
ومكنتش برضى اسلم عليه
ولما كان بيجى عندنا
كان بابا بيخلينى اسلم عليه واقعد معاه
وباكل معاه بالعافية
ولما كبرت اتعودت عليه
مبقتش بعرف اعيش من غير ما اكل معاه
واتكلم معاه
فبقيت بحس ان هو زيى
مبقتش بحس بفرق ان شكلة وحش او حلو
كل ده
علشان بابا من صغرى
اجبرنى انى اتعامل معاه

ربنا يستر
انا شايف اننا كشباب لسه فى بداية حياته
بابا بيجبرنا ( الحكومة ) نتعامل مع جارنا اللى شكله وحش ( اسرائيل ) لحد ما هنتعود ناكل معاه ونسلم عليه ( التطبيع )

وضابع الحلم يا ولدى
يعنى ولا وصلنا كاس العالم
ولا هناخد بطولة افريقيا
وكمان هنعمل تطبيع

KAREEM
12-22-2009, 01:44 AM
وناااااااااااااام الموضوع على كدا
هو لحكاية دى هتحصل امتى
عشان يكون لينا دووووووووور
بس للاسف هما جايين لنا
فى وقت امتحانات وكل واحد
ملخوووووم فى حاجة
ربنا يصبرنا على مابلانا
واتمنى يكون فى تحرك ايجابى
على مستوى رسمى نقدر نشارك فيه

MUHAMED SAMY
12-22-2009, 01:57 AM
هم جااااايين 3يناير تقريبا

salma elsayed
12-22-2009, 11:22 PM
جزاك الله خيرا
انا بأيدحكاية المظاهرة السلمية

salma elsayed
12-22-2009, 11:24 PM
وذلك اضعف الايمان
يعنى عالاقل يبقى فى اعتراض طالما مفيش فى ايدينا حاجة نعملها

KAREEM
12-24-2009, 01:25 AM
الحمد لله ياجماعة الورشة اتلغت
زى ما شفنا فى موضوع
اخونا حسام

بس لسه فى جدل كبير فى الموضوع
لان مش دى اخر مرة يحاولو يفرضو
علين التطبيع مع الصهاينة مش عايز
اقول عليهم دولة فى الوقت اللى بنبعد فيه
عن دول عربية كتير زى المغرب العربى وغيرهم