المساعد الشخصي الرقمي

مشاهدة النسخة كاملة : علي اسم مصر كلمات الشاعر صلاح جاهين



Ma7amed Adel
01-06-2010, 12:00 AM
علي اسم مصر
علي اسم مصر التاريخ يقدر يقول ما شاء
أنا مصر عندي احب واجمل الأشيـــــــــــــاء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلي استحياء
وأكرها وألعن أبوها بعشق زي الداء
وأسيبها وأطفش في درب وتبقي هي فالدرب
وتلتفت تلاقيني جنبها في الكرب
والنبض ينبض في عروقي بألف نغمة وضرب
علي اسم مصر
مصر النسيم في الليالي وبياعين الفل
ومراية بهتانة ع القهوة..أزورها ..واطل
ألقي النديم طل من مطرح ماأنا طليت
والقاها برواز معلق عندنا في البيت
فيه القمر مصطفي كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جوليت
ولما جيت بعد روميو بربع قرن بكيت
ومسحت دموعي في كمي
ومن ساعتها وعيت
علي اسم مصر
مصر السما الفزدقي وعصافير معدية
والقلة مملية ع الشباك.. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه أكثر كلمة مقرية
قريتها من قبل ما أكتب اسمي بإديا
ورسمتها في الخيال علي أبدع الأشكال
ونزلت أيام الصبايا طفت كل مجال
زي المنادي وفؤادي يرتجف بجلال
علي اسم مصر

كلمات الشاعر صلاح جاهين

Ma7amed Adel
01-06-2010, 09:42 PM
بجد قصيده حلوه

باربى
01-06-2010, 10:05 PM
الله الله يا مصراوى حلوة يا اوشه

Ma7amed Adel
02-16-2010, 11:47 PM
شكرا ليكى جداااااااااااا على الكلام الجميل دى واسعدنى جدااااااااااااااااااااا ردك