المساعد الشخصي الرقمي

مشاهدة النسخة كاملة : جهزوا لمبة الجااااز ياشعب مصر



حسام المصرى
01-24-2010, 02:30 PM
http://www.daryegypt.com/products/B0764.jpg


اسمعوا بقى الحته الجديده دى على راى عزب النكته دىىىى جديده...

حاجه عبقريه تنم عن فهم وعبقريه شديده لا تصدر سوى عن المسؤلين فى مصر اللى كانت محروسه....واصبحت على اديهم مفروسه


عارفين العداد بتاع النور ياشباب..!!!!


ايون اللى بيكون فى البوابه من تحت ده ويجى الراجل يقرا العداد وبعدين تجيلك الفاتوره وكل شويه تلاقيها عماله تغلى واسعارها عاليه...


دا بقى موضه قديييييييييييييمه خلاص بيلغوه دلوقتى اه والله زى ما بقولوكو كده..عارفين بقىالجديد ايه...؟؟


شوف ياسيدى انت وهو وهى...هيركبوا لسيادتك عداد ب 360 جنيه وبعدين انت يباه عندك كروت تشحن بيها العداد ولما الشحن يخلص النور يقطع..!!!!!


اه والله زى مبقولكوا كده والكروت تبدأ من 25 جنيه و50 و100 زى الموبايلات بالظبط...
واول مرصيدك يخلص هووووووووووووب النور يقطع....ونباه زى غزه غارقين فى ظلام دامس..


وطبعا دى خطوه نحو التقدم والتكونولوجيا اللى بتشهدها مصر فى الفتره الاخيره..!!!!!

يعنى ايه النور بالكروت والشحن؟؟؟؟


على فكره الموضوع ده اتطبق على ناس صحابى فى راس البر والحمد لله لسه موصلش البيت عندنا... واصحابى الحقيقه عملوا كل اللى بيتعمل رفضوا واتخانقوا لكن اتقلهم كالعاده

ركبوا الاول وبعدين اشتيكو!!!



ياريت بس المسؤل عن الفكره الجهنميه دى يطلع يقولنا انا اهو.....دحنا هنكرمه كرم !!!!


وبالمناسبه دى كل واحد فينا يجهز اللبمه بتاعة الجاز والشمع ..

وهوب اول ما الكارت يخلص وانت للاسف ممكن يكون المرتب خلص ومش معاك تشحن ما انت يعينى هتلاقيها منين ولا منين وكمان علشان يبسطوك اخر انبساط اخترعوا ليك كروت نور كمان...!!!!


فانت تجهز اللمبه اللى بالجاز واهو الاولاد يذاكروا على اللمبه زى اجدادهم وبالمره يعرفوا تراث اجدادهم

والشحن يا النور يقطع...!!!!!!



يارب الهمنا الصبر الناس بتتقدم واحنا بنرجع لورا..يعنى انا لو عندى ضيف اجنبى جاى من بره وفجأه النور قطع اقوله سورى اصلى مشحنتش ياااااااااااادى الفضيحه...!!!!

هموت واعرف مين اللى بيعمل فى مصر كده!!!!!

salma elsayed
01-24-2010, 03:31 PM
لا حول ولا قوة الا بالله
هما ناويين يعملوا فينا ايه بالظبط

cindrila
01-24-2010, 03:44 PM
ههههههههههههههههههههههههههههههههههههه
تصدق انها فكرة حلوة جدا
وانا بقى لو عندى ضيوف وفجاة الشحن خلص هقولهم معلش ياجماعة مش معايا رصيد نور
وتلاقى شركو طلعة تقولك ممكن تستلف نور من الشركة ويتخصم عند اول عملية شحن
ياااااسلام على التقدم والتفكير الفظيع
الله يكون فى عونا

حسام المصرى
01-24-2010, 03:57 PM
لا حول ولا قوة الا بالله
هما ناويين يعملوا فينا ايه بالظبط

بصراحة مش عارف يا سلمى بس وعد لو عرفت هقولك على طول


ههههههههههههههههههههههههههههههههههههه
تصدق انها فكرة حلوة جدا
وانا بقى لو عندى ضيوف وفجاة الشحن خلص هقولهم معلش ياجماعة مش معايا رصيد نور
وتلاقى شركو طلعة تقولك ممكن تستلف نور من الشركة ويتخصم عند اول عملية شحن
ياااااسلام على التقدم والتفكير الفظيع
الله يكون فى عونا
اه هينزل اعلان زى بتاع فودافون بتاع ابعت سلفنى شكرا ابعت سلفنى شكرا
بصراحة هو نظام فاشل والمبرر بيقول
لان فى مصيفين فى راس البر وكده بيمشوا بدون دفع فواتير الكهرباء علشان كده دى تعتبر
فواتير مدفوعة مقدما

Wild_Angel
01-24-2010, 04:58 PM
على فكره الموضوع ده موجود فى السودان

هى مشكله بصراحه
لاننا بنعتبر الكهرباء عندنا زى الهواء والمياه كده
فالهواء مش عليه فلوس
والمياه اهى فواتيرها بتييجى بعد استعمالها
والله رينا يستر
والموضوع حاليا فى طريقه للقاهره
ربنا يكون فى عوننا

MUHAMED SAMY
01-24-2010, 06:05 PM
.......اكيد طبعا ليهم وجهة نظر نحترمها ونقدرها....زى مابنحترم اى حاجة...

ولسه

KAREEM
01-24-2010, 06:13 PM
والله يا حسام انا شايف
ان لما يبقى مصير كهربتك
بايدك احسن ما يكون بايد
حد تانى يعنى .......
النور كدا كدا بيتقطع
وبيقطعوه فى اوقات !!!!
- تكون بتذاكر وانت ما صدقت تفتح كتاب
- تكون بتتفرج على ماتش وفى هجة خطرة
- تكون بتتغدى او بتتعشى او بتفطر حتى

والله بيتهىء لى الفكرة دى ممكن تكون
أحسن بس لو توافرت كروت الشحن
فى السوبر ماركتات وفى كل حتة
زى كروت الشحن للموبايلات

ممكن عشان تكون جديدة مش متقبلينها

بس زى ما قلت لك

اما تبقى شمعتك فى ايدك أحسن ما حد تانى ينفخها لك

mohamed ali
01-24-2010, 06:22 PM
الصراحة فكره جميلة جدا واقتصادية جدا
وخليبالك بيعلمونا عدم الاسراف فى الكهرباء
والاقتصاد فيها

alaa eid
01-24-2010, 11:35 PM
ما شاء الله اخترعوا كروت الشحن كمان ف الكهربا دا احنا تطورنا خالص يا جماعة :1:
فاضل ايه بس وماعملهوش
الله يسااااااااامحهم
وياااااارب يكون في عونا
وهابدأ من دلوقتي احضر اللمبة بالجااااز :D
شكرا ليك خاالص علي الموضوع

ahmedooo33
01-25-2010, 12:58 AM
طب بالنسبة لموضوع تحويل الرصيد
يعنى بلاش الكروت ام عشرة دى ينفع احول ب2 جنية لغاية الصبح عشان عندى مذاكرة (هاهاها)
انا بهزر ياعم
ربنا يستر وميحصلش كدا عندنا دى تبقى فضايح
وربنا يهدى كل المسئولين ويفكروا فى افكار ناجحة غير دى

حسام المصرى
01-25-2010, 01:22 AM
على فكره الموضوع ده موجود فى السودان

هى مشكله بصراحه
لاننا بنعتبر الكهرباء عندنا زى الهواء والمياه كده
فالهواء مش عليه فلوس
والمياه اهى فواتيرها بتييجى بعد استعمالها
والله رينا يستر
والموضوع حاليا فى طريقه للقاهره
ربنا يكون فى عوننا

مين قالك الهواء مش عليه ضرائب لسه بعد الضريبة العقارية ضريبة الهوا ربنا يستر يا وايلد



.......اكيد طبعا ليهم وجهة نظر نحترمها ونقدرها....زى مابنحترم اى حاجة...

ولسه

ده غصب عنك يا محمد لازم تحترمها ههههههههههه

حسام المصرى
01-25-2010, 01:26 AM
والله يا حسام انا شايف
ان لما يبقى مصير كهربتك
بايدك احسن ما يكون بايد
حد تانى يعنى .......
النور كدا كدا بيتقطع
وبيقطعوه فى اوقات !!!!
- تكون بتذاكر وانت ما صدقت تفتح كتاب
- تكون بتتفرج على ماتش وفى هجة خطرة
- تكون بتتغدى او بتتعشى او بتفطر حتى

والله بيتهىء لى الفكرة دى ممكن تكون
أحسن بس لو توافرت كروت الشحن
فى السوبر ماركتات وفى كل حتة
زى كروت الشحن للموبايلات

ممكن عشان تكون جديدة مش متقبلينها

بس زى ما قلت لك

اما تبقى شمعتك فى ايدك أحسن ما حد تانى ينفخها لك

كريم الموضوع لو فى المصايف بس مقبول لان اللى بيصيف بيكون مرتاح ماديا لكن حرام تشحن فى الاول كارت مثلا ب25 فى ناس بيجلها اقل من كده بكتير
وحاسس انها فوكيرة لشغل الناس عن حاجات تانية



الصراحة فكره جميلة جدا واقتصادية جدا
وخليبالك بيعلمونا عدم الاسراف فى الكهرباء
والاقتصاد فيها



ههههههههههههههههههه صح الحكومة بتعلمنا التوفير

حسام المصرى
01-25-2010, 01:27 AM
ما شاء الله اخترعوا كروت الشحن كمان ف الكهربا دا احنا تطورنا خالص يا جماعة :1:
فاضل ايه بس وماعملهوش
الله يسااااااااامحهم
وياااااارب يكون في عونا
وهابدأ من دلوقتي احضر اللمبة بالجااااز :D
شكرا ليك خاالص علي الموضوع

اه يا لولو والنبى لان هيبقى فى ازمة فى الجاز فى المستقبل

حسام المصرى
01-25-2010, 01:28 AM
طب بالنسبة لموضوع تحويل الرصيد
يعنى بلاش الكروت ام عشرة دى ينفع احول ب2 جنية لغاية الصبح عشان عندى مذاكرة (هاهاها)
انا بهزر ياعم
ربنا يستر وميحصلش كدا عندنا دى تبقى فضايح
وربنا يهدى كل المسئولين ويفكروا فى افكار ناجحة غير دى

فى فى احتياطى 2 جنيه عل ىفكره

يعنى لما رصيدك يخلص يضيفلك اتنين جنيه ودول يكفوا يوم

Arwen Undomiel
01-25-2010, 01:39 AM
كمان الكهربا بالكروت؟
ربنا يستر علينا بعد كدا يخلو الهوا بالكروت كمان

إسلام محمد
01-25-2010, 04:45 PM
وده من ايه ده ان شاء الله

هى كترة كروت وخلاص

الله المستعان

ربنا يرحمنا

MOURAD ADHAM
01-25-2010, 05:29 PM
دة اكيد واحد من رجال الاعمال شاف الفكرة فى دولة فقيرة وئلك دى فكرة حلوة ياخد توكيل العدادات دى ويقترح الفكرة على حد من وزارة الكهربة توصل لمجلس الشعب هوب تسمع تانى يوم تنفيز الفكرة دى طبعا صاحب التوكيل هيغرق الوصل الفكرة للتنفيز وادفع ياغلبان عشان كدة بزنس مع سياسة مينفعش وللاسف هو دة الحاصل كل مجلس الشعب رجال اعمال

maroooo_14
01-26-2010, 04:52 AM
ينهار ابيض......قصدى اسود اه والله اسود انا مش عارف هما عايزين يعملوا فينا ايه المسئولين فى اى حتة فى الدنيا تبقى عايزة تعمل اى حاجة عشان شعوبها انما احنا المسئولين بتوعنا بسم الله ماشاء الله يصحوا الصبح يقولوا ازلكم ازاى يا شعب مصر.

طيب ممكن سؤال هو مفيش خدمة please light me thanks من فضلك نورلى شكرا عشان لو النور قطع حد يبعتلى شحن النور يجى ولا ايه.

حسام المصرى
02-04-2010, 12:46 PM
كمان الكهربا بالكروت؟
ربنا يستر علينا بعد كدا يخلو الهوا بالكروت كمان

مستعجلة ليه كله بأوانه ربنا يخليلنا الغالى ابن الغالى ومش قصدى على جمال اانا قصدى اللى اسمه كله فلوس



وده من ايه ده ان شاء الله

هى كترة كروت وخلاص

الله المستعان

ربنا يرحمنا

امين



دة اكيد واحد من رجال الاعمال شاف الفكرة فى دولة فقيرة وئلك دى فكرة حلوة ياخد توكيل العدادات دى ويقترح الفكرة على حد من وزارة الكهربة توصل لمجلس الشعب هوب تسمع تانى يوم تنفيز الفكرة دى طبعا صاحب التوكيل هيغرق الوصل الفكرة للتنفيز وادفع ياغلبان عشان كدة بزنس مع سياسة مينفعش وللاسف هو دة الحاصل كل مجلس الشعب رجال اعمال

بالعكس دى فقرة جميلة اوى من الشيطان لتعذيب المواطن

يعنى الحكومة عايزك تستعمل الشهر ده مثلا 500 كيلو كهرباء انت بذكائك عايز اكتر بس على مين
يسلموا على مرورك


ينهار ابيض......قصدى اسود اه والله اسود انا مش عارف هما عايزين يعملوا فينا ايه المسئولين فى اى حتة فى الدنيا تبقى عايزة تعمل اى حاجة عشان شعوبها انما احنا المسئولين بتوعنا بسم الله ماشاء الله يصحوا الصبح يقولوا ازلكم ازاى يا شعب مصر.

طيب ممكن سؤال هو مفيش خدمة please light me thanks من فضلك نورلى شكرا عشان لو النور قطع حد يبعتلى شحن النور يجى ولا ايه.


موجود يا باشا كله موجود مع ام نبيل وحوده فون و انتصالات كل حاجة موجوده وسلملى على الشب الغلبان

هاجر
02-07-2010, 06:26 PM
ع ف فكرة هى فكرة مش بطالة بس حيبقى فى مشاكل كتير لما نطبقها خصوصا ف الاول