المساعد الشخصي الرقمي

مشاهدة النسخة كاملة : برنامج .....(Red Light)....... اولى الحلقات الحزب الوطنى الديموقراطى



حسام المصرى
01-31-2010, 03:57 AM
وانا فى الضلام من غير شعاع يهتكه

اقف مكانى بخوف ولا اتركه

ولما ييجى النور وشوف الدروب

احتار زيادة:- ايهم اسلكه ؟

عجبى

برنامج الضوء الاحمر

(Red Light)


فكره البرنامج


وضع عدسة على ايجابيات وسلبيات بعض الامور فى بلدنا الحبيب مصر

هنتكلم عن الحزب الوطنى وهنتكلم عن الاخوان المسلمين وهنتكلم عن حزب الغد ومش كده وبس

ده احنا هنتكلم عن منظمات فى مصر كتيرة ورجال اعمال

هنقول مميزات وعيوب

من وجهة نظرنا وهنطرح سؤال فى اخر كل موضوع انت ايه رأيك فى الموضوع

ملحوظة

انا مش مع حد ولا ضد حد

كل الحكاية مكتوب على بطاقتى مصرى وابويا مصرى

وهذه المواضيع لا تعبر عن وجهة نظر المنتدى ولكن تعبر عن وجهة نظر كاتبها

حسام المصرى


اتمنى الموضوع يعجبكم

يتبع .........

حسام المصرى
01-31-2010, 03:58 AM
اولى حلقات الضوء الاحمر

مع

اكبر الاحزاب المصرية

مع

اقوى الاحزاب

مع

الحزب الوطنى

http://i45.tinypic.com/v6nj86.jpg


الحزب الوطنى الديموقراطى

بلدنا بتتقدم بينا

http://i49.tinypic.com/212z79e.jpg

هذه وعود الحزب الوطنى

وهذا كشف حساب

فى قطاع التعليم

تم انجاز التالى

- انشاء وتجديد 1078 مدرسة منذ بداية البرنامج الانتخابى للرئيس وحتى ديسمبر 2007 .

-زيادة اجمالى الانفاق على التعليم قبل الجامعى من 18.6 مليار جنيه فى 2005/2006. الى 19.8 مليار جنيه فى 2006/2007.

- زيادة معدل الالتحاق الاجمالى بالتعليمك العالى والجامعى ليبلغ 28% من اجمالى السكان فى 2006/2007.

-تخفيض كثافة الفصول فى التعليم قبل الجامعى لتبلغ 38.8 طالب.


فى قطاع الصحة

-بلغت اجمالى قيمة الانفاق العام على الصحة 9.9 مليار جنيه فى 2006/2007.

-7.16 مليون مستفيد من صندوق صحة الاسرة فى 12 محافظة بدلتا مصر وصعيدها .

-الانتهاء من تطوير 945 وحدة صحية ريفية.

-تخصيص مليار جنيه لتطوير مرفق الاسعاف

فى قطاع المياه والصرف الصحى

-ارتفاع اجمالى نصيب الفرد من الطاقة المتاحة لمياه الشرب الى 307 لتر / اليوم فى 2006/2007.

-وصلنا مياه الشرب الى 331 قرية ام وتوابعها فى 13 محافظة .

الانتهاء من 83 مشروع للصرف الصحى بتكلفة اجمالية تقدر ب5 مليار جنيه وذلك فى 13 محافظة .

قطاع الاسكان

تسليم 12 الف قطعة فى محور ابنى بيتك بحولو مارس 2008 و 92 الف قطعة بحلول ديسمبر 2009

قطاع النقل والمواصلات

-ازدادت اطوال الطرق المرصوفة لتبلغ 46.9 الف كم فى عام 2006/2007.

-تطوير 23 محطة سكك حديدية منذ بدء تنفيذ البرنامج الانتخابى للرئيس حتى ديسمبر 2007.

فرص عمل جديدة للشباب

-ارتفاع صافى فرص العمل فى القطاع غير الحكومى الى 721 الف فرصة عمل خلال عام 200/62007 مقارنة ب 642 الف فرصة عمل فى عام 2005/2006.

-توفير 247.4 الف قرض للمشروعات الصغيره والمتناهية الصغر.

-الانتهاء من تجديد وانشاء 296 مصنع كبير فى اطار مشروع ( انشاء الف مصنع ).

-توفير الاراضى مجانا للمستثمرين فى الصعيد .

مستوى الاجور والمعاشات

-زيادة الدخول لموظفى الدرجات الاقل بمعدلات تتراوح ما بين 50% و 67% .

-زيادة عدد المستفيدين من نظام الضمان الاجتماعى ليصل الى اكتر من مليون اسرة فى 2007.

-زيادة معاش الطفل من 20 جنيه الى 40 جنيه للطفل بحد اقصى 200 جنيه للاسرة .

معك انجزنا الكثير .... ويتبقى الكثير للننجزه بثقتك فينا...


هذه بعض الايجابيات التى يفخر بيها الحزب الوطنى ولكن هناك سلبيات عديدة يجب النظر اليها

فى قطاع التعليم

التعليم يتكون من اربع محاور هما ( المدرس - الطالب- المدرسة او الجامعة - المناهج ).

يجب الاهتمام بالمحاور الاربع حتى نضمن تقدما حقيقيا فى التعليم
فالحزب وجهة جهوده الى انشاء وبناء وتطوير المدارس والكليات ونفسى
المحور الاول وهو المدرس غير مؤهل سواء نفسيا او حتى علميا .
والاسباب لعدم تأهيل المدرسين كثيرا لعل ابرزها العائد المادى ولم يضع الحزب الوطنى فى سياسة طريقة لزيادة دخل المدرس بعيدا عن الدروس الخصوصية

غياب التنسيق بين القائمين علي امر التعليم بمختلف مراحلة (ابتدائي -اعدادي -ثانوي -ث فني -عالي

فى قطاع الصحة
اين تم صرف 9.9 مليار جنيه وكلنا سمعنا انه
-ظهرت مشكلات كثيرة فى مستشفيات كبيرة مثل مستشفى العباسية والتى كان بيها تحليل انفلونزا الخنازير كان الاولى ان نهتم قليلا بصحة المواطنين فى هذه الازمة
كان من الجدير بحزب كبير ان يضع احتياطى لوزارة الصحة خاصة انه ظهر انفلونزا الطيور و امراض اخرى تاتى كل عام ولكن هذا لم يضع له حساب مطلقا
وتم صرف المليارات على مراكز للصحة لم تعمل حتى الان ولم تفيد المواطنين

فى قطاع المياه والصرف الصحى

كلما اتابع برنامج واحد من الناس لعمرو الليثى على دريم اجده يقول اماكن كثيرة لا يوجود بيها مياه
ولعل من ابرزهم مكان فى اكتوبر المياة تحيط بيه من كل جانب وهناك عمارات كثيرة بيها مياه وبجوارها بامتار لا يوجود مياه
اين مساعده الحزب مع العلم ان المياه تحيط بيهم .

قطاع الاسكان

فى منقطة برج العرب بالاسكندرية سأل احد الاشخاص عن هذه الاراضى التى يتم تسلميها
فوجد شروط غريبة جدا
ان يكون عندك ملك
ولك وسطة وحاجات كتيره كده وتسدد الارض كلها وتستملها بعد 5 سنين .

قطاع النقل والمواصلات

حقيقة لم ارى الى الان اى تطور من هذه الاشياء التى يقول عنها الحزب كل ما اراه هو تدهور فى حالة القطارات و الطرق الرئيسية
ولعل من ابرزهم طريق الموت ( مصر السويس)

فرص عمل جديدة للشباب

صراحة كل المقاهى بيها الالاف الشباب العاطل
اعتقد ان الحزب بيتكلم عن شباب تانين غير بتوع مصر


والان مع اهم القيادات

-الرئيس محمد حسنى مبارك

-جمال مبارك .

-احمد عز .

انا وضعت امامكم الحقائق كاملة والله ولكم الاختيار


هل انت موافق على استمرار الحزب الوطنى فى السيطره على كل الاوضاع الداخلية فى مصر ؟

وانتظروا الحلقة القادمة مع الاخوان المسلمين ويا رب الموضوع يكون حلو

alaa eid
01-31-2010, 10:13 AM
اولا:بحييك علي طرحك للموضوع الجميل دا لان بصراحة هيناقش حاجات كتير في بلدنا
ثانيا: اجابة السؤال المطروح في الاخر انا مش موافقة يكون مسيطر علي كل حاجة لان زي ماقولت في سلبيات كتييير اوي ناتجة عنه زي الماية مثلا كتير بيعانوا منها ومع ذلك عاملين يقولوا عملنا مشاريع طيب فيبن الواضح لينا بتهيألي مافيش حاجة غير كدا حكاية القطارات اللي بنسمع عنها كتير مافيش صيانة ولا اهتمام يبقي ليه نسلمها ليهم ممكن في ناس تانية تقدر تشغل وتفيدنا اكتر من كدا صح ولا انا غلطانة
وانا مستنية موضوع الاخوان المسلمين وبشكرك جدااااااااااااا علي الموضوع

MUHAMED SAMY
01-31-2010, 09:11 PM
بص ياحسام يابنى مصر دى عايزة تتفرمت وتتقسم من جديد ...زى ما بكلمك كده...انا لاعايز حزب وطنى ولا إخوان..ولو مفيش الا هم انا افضل الحزب..لانه لم ياخذ من الجانب الدينى شعار له لتحقيق مصالح فردية ...وانا اعرف ان دين الاسلام جماعة واحدة ومش متقسم جماعات(التفرقة تؤدى للضعف) انا عايز فكر جديد..وبصراحة انا اول مرة دخلت فيها الحزب عرفت ان........ولابلاش نكلم فى السياسة..تقبل مرورى

حسام المصرى
02-01-2010, 01:44 AM
بص ياحسام يابنى مصر دى عايزة تتفرمت وتتقسم من جديد ...زى ما بكلمك كده...انا لاعايز حزب وطنى ولا إخوان..ولو مفيش الا هم انا افضل الحزب..لانه لم ياخذ من الجانب الدينى شعار له لتحقيق مصالح فردية ...وانا اعرف ان دين الاسلام جماعة واحدة ومش متقسم جماعات(التفرقة تؤدى للضعف) انا عايز فكر جديد..وبصراحة انا اول مرة دخلت فيها الحزب عرفت ان........ولابلاش نكلم فى السياسة..تقبل مرورى


والله يا محمد من واقع مشاهدتى للشارع المصرى

مصر عايزه احزاب كتيره وان الناس كلها تاخد فرصة تبرز فكرها

صدقنى هتلاقى نجاح كبير اوى

المصرى الاصيل ميعرفش كلمة مستحيل

ولو فى مبدأ تكافئ الفرص بين الاحزاب اعتقد كان حالنا هيبقى افضل

حسام المصرى
02-01-2010, 01:45 AM
اولا:بحييك علي طرحك للموضوع الجميل دا لان بصراحة هيناقش حاجات كتير في بلدنا
ثانيا: اجابة السؤال المطروح في الاخر انا مش موافقة يكون مسيطر علي كل حاجة لان زي ماقولت في سلبيات كتييير اوي ناتجة عنه زي الماية مثلا كتير بيعانوا منها ومع ذلك عاملين يقولوا عملنا مشاريع طيب فيبن الواضح لينا بتهيألي مافيش حاجة غير كدا حكاية القطارات اللي بنسمع عنها كتير مافيش صيانة ولا اهتمام يبقي ليه نسلمها ليهم ممكن في ناس تانية تقدر تشغل وتفيدنا اكتر من كدا صح ولا انا غلطانة
وانا مستنية موضوع الاخوان المسلمين وبشكرك جدااااااااااااا علي الموضوع


شكرا يا لولو وانا معاكى لازم ناس تانية تشتغل واكيد هيفيدونا واحفاد بناه الاهرامات قادرين على صنع اشياء كتيرة