أمى بتسلم عليكو وبتقول لكم .. عندكو طمام ؟

[Mohamed Hashem]

حين طرق باب بيتنا ... ليقول لى ولد الجيران

امى بتسلم عليكم وتحكيلكو عندكم .... طماطم....!

ابتسمت من قلبى ....

وقلت له عندنا ... ولو ماعندنا زرعنا لكم بجنينة بيتنا

هلا بالجار الصغير ....

منذ متى لم يطرق بابكم احد الجيران لطلب

طماطم او بصل او خبز ... !

ربما يقال اننا بخير ونعمه ولم يعد الطلب من الجيران

له ضروره ... ولكن لا اعتقد

فقدنا الطلبات الصغيره بين الجيران

فقدنا طعم الجيره ...

كان الجار يطلب من جاره بصل

وبعدها يرسل له قليل من الطبخه

عيش وملح

الان تعد الطلبات بين الجيران عيب وقله ذووق ... !!

وقد تستغرب ان يطرق جارك بيتك بدون موعد واذن مسبق واتصال

وقد يتهم الجار بالجنون حين يطلب طماطم

زمان لم تكن الحاله الاقتصاديه مثل الان

اليوم فواتير وديون واقساط واسعار مواد غذائيه عاليه

وعيب نطلب وندق باب الجيران...

زمان حياه بسيطه وقلوب ابسط ,,, وصغار الجيران

وجمله .... امى بتسلم عليكم وتحكيلكو عندكم بصل

جميله العباره

بجمال البساطه

وجمال المحبه

وجمال روح الجيران الوحده

كنا بيت واحد

وطبخه وحده

اخبرتنى جدتى

ان الاسر قديما تشعر بمدى حاجه جارها

وترسل له من غير طلب

واذا راعى البيت قضى لبيته ماينسى جيرانه ...

واذا بقى شي من العشاء... يرسل للجيران( غريفه)

واليوم يزعل الجار من بقايا العشاء باعتبارها فضله....

ليست المساله بمجرد الطلب

وليست عباره امى تسلم عليكم وتقول عندكم طماطم هى المحك

لا ....

ولكن العلاقه نفسها فقدت طعمها

فقدت دفئها

فقدت الجيره

لم تعد الحياه لها طعم بعد الاستغناء عن بصل وطماطم وخبز الجيران

وحين نعطى الصغير طلبه ... نتنتظر عودته بطبق من عشائهم ...

ليتها تعود تلك الايام ... رغم انى لم اعشها حقيقة

طبق الأصل : محمد هاشم
(((منقول من بريدى)))

[ALY ELSAYED]

الله ينور يا هندسه

موضوع جميل وفعلا الجيره حاليا مش زي زماااان

برغم ان جيراني معظمهم عرسان جداد

ويتردادون دائما الي والدتي ولكن ليس لطلب الطماطم والبصل

ولكن لمعرفه كيفيه طبخهم ههههههههه

شكرا ليك يا هندسه

جزاك الله كل خير

[sweet girl]

توبيك راااااائع يا بشمهندس
وفعلا احنا فقدنا الروح الجميله ديه
الجيران مبقوش يحسوا بعض ولا حتى عارفين ايه اخبار بعض
بقا نادر اوى لو لاقيت جارك بيخبط على بابك علشان يسأل عليك
ربنا يهدى ويصلح الحال
جزاك الله كل خير يا بشمهندس

[mony]

موضوع فى غاية الروعة
هو فعلا نادرا أوى دلوقتى ..............
بس الحمد لله انا بئه عندى
بجد اللى بيخبط ويقول امى بتسلم عليكم و تحكيلكو عندكم طماطم

مش عارفه هى ليه فى نظر بعض الناس انه عيب

[samomran]

جزاك الله كل خير يا باش مهندس موضوع فى غايه الروعه


الله ينور

[white heart]

موضوع حلو اوى بس دلوقتى جارك بيدق بابك ليطلب مطالب مواكبه لعصرنا مثل ممكن اللاب توب بتاعك لمده ساعتين او شاحن الموبايل وكده يعنى والله العظيم ده موجود دلوقتى

[alaa eid]

موضوع جميل جدا يا بشمهندس
وفعلا بيحصل بس والله فيه للان جيران كويسين والحمد لله انا عندي جيران دايما سؤال علي بعض ولو احتاجوا حاجة عادي جدا بيطلبوها مننا واحنا كذلك لان ممكن الواحد يكون محتاجها ضروري
وبشكر حضرتك كتير للموضوع الجميل دا

[خالد أبوسعده]

ياااااااااااااه يا بشمهندس

الحاجات دى من ايام مكان عندى بتاع تسع عشر سنين كدا

و الله فعلا عندك حق

بس هى الدنيا كدا مفيش حاجة بتفضل على حالها و كان زمان السوق بيبقى بعيد و الواحد بيكسل ينزل فبيستلف على ما ينزل يبقى يجيب
دلوقتى الحاجة بتتحطلك فى السبت مش زى زمان و الراجل تحت البيت و السوبر ماركت بقى فى كل شارع اتنين و تلاته

بجد موضوع جميل يا هندسه
تسلم ايدك

[كروانـــــة]

الجيران اه
اصل الجيران دلوقتي مش زي زمان
دلوقتي في بيت واحد ولكن من بيئات مختلفة
فالاغلب ان الام تخاف تختلط بالجيران والاولاد تتعلم اشياء لا ترغب بها فتمنع الاختلاط من البداية
وصباح الخير ياجاري انت في حالك وانا في حالي
وشكرا على موضوعك

[الورده البيضاء]

مش الجيرة وبس يابشمهندس اللى هى اتغيرت
دى الناس كلها نفوسها اتغيرت
ومبقوش زى زمان وطيبة قلب ناس زمانها ورضاهم بنصيبهم ورزقهم
بس فى لسة جيران كويسين مع بعض
بس مش كتير
يعنى احنا عندنا فى العمارة
من عمارتنا كلها تلاقى شقتين او 3 بس هما اللى بيتعاملو مع بعض والباقى كلة بيقول الاختصار عبادة
مش عارفة جابو الكلمة دى منين
جزاك الله كل خير

[S2AH]

بجد موضوع غاية فالرووعة يا بشمهندس

وفعلا زى ماقالت ايمى ان نفوس البشر اتغيرت مش الجيران بس

كويس ان الجار دلوقتى عارف اسم الجار اللى ساكن فوقية او جمبة

وممكن لاء كمان ميعرفش اسمة اصلا

ربنا يهدى الناس بجد

جزاك الله كل خير يا بشمهندس عالموضوع الجميل دة

[Mohamed Hashem]

متشكر جدا جدا يا جماعه على ردودكم الجميلة
ومشاركاتكم اللذيذة فى التوبيك
بجد أسعدتونى جدا بتعليقاتكم الدافئة
ربنا يديم الحب والود دائما يارب
مرة تانية شكرا ليكم
نورتونى والله

[Wild_Angel]

مممم
لسه والله يا باشمهندس فى جران كده
طماطم وزيت وشاحن موبايل وكله

المشكله مش فى الطلب
المهم العلاقه بين الجيران
عارف المشكله ايه يا باشمهندس

المشكله انك حتى لو عاملتهم كويس وحسيت انهم اخواتك واقرب ناس ليك لو احتاجت حد
ممكن الناس تستغل الاحساس ده
بس برضه ارجع واقول
الدنيا لسسسسه بخير :)

موضوع رائع كما عودتنا
جزاك الله خيراً

[sajen_zenda]

توبيك جميل والله يا بشمهندس فعلا العلاقه بين الجيران بقت وحشه بشكل فظيع معدتش الجيره زي الاول كل واحد بقه يخاف من جاره يخاف يكلمو عملين بالمثل السيئ صباح الخير ياجاري انت في حالك وانا في حالي مثل سيئ والله ليه منبقاش زي الناس بتاعه زمان كانوا ياكلوا مع بعض يشربوا مع بعض تجمعهم مائده واحده اكيد في اسباب لده كله ؟؟ حد يعرف ليه وصلنا لكده حد يجاوبني ؟ لازم نرجع نحب جارنا زي الاول وافتكرت فلم عادل امام خلي بالك من جيرانك يعني ناخد بالنا من جارنا شويه ولا ايه رايكم

[رورو]

موضوع جميل والله فعلا الجيران والجيرة ما بقتش زى زمان بس الحمد لله انا عن نفسى جيرانا بيخبطوا علينا ويطلبوا مننا حاجات وبجد مش بنضايق من اى طلب بيطلبوه

[blue_sky]

يااااااااااااااااااه
كانت أيام جميلة والله
ياريت ترجع تاني باللي فيها الناس كمان مابؤش زي زمان