المساعد الشخصي الرقمي

مشاهدة النسخة كاملة : ممكن حد يفسر دة ؟؟؟؟؟؟



Night Moon
02-07-2010, 10:18 PM
http://www.alfaris.net/up/51/alfaris_net_1265574049.gif (http://www.alfaris.net/up/51/alfaris_net_1265574049.gif)

ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟!

ليه لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟

ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟!
طيب لو كان الحب اعمى ..ليه واكلين دماغنا بالحب من اول نظرة؟

لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟

ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!

إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!

ليه الناس مابتقولش (الرياضة فايز ومهزوم) غير لمّا تتغلب؟

ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟!

ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!

إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!

ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟!

هل حصل فعلا فى يوم من الايام أن فيه واحد (ضرب عصفورين بحجر)؟

ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟!

ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟!

بيقولوا (لكل قاعدة استثناء)..طيب ايه الأستثناء بتاع القاعدة دى؟

ليه لما حد يحب يدي معلومة بيبدأ الجملة بكلمة (بيقولك)، (بيقولك العربيات رخصت)!

ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!

طيب ليه المذيعة بتقول أعزائي أفراد الأسرة.. وهى ما تعرفش حد فينا؟!

ليه الشخص اللي يسألك "الساعة كام" لازم يرفع لك دراعه الشمال

ساره احمد عبد الفتاح
02-07-2010, 10:28 PM
والله فعلا حاجات تنرفز يا شيخه

انا بتشل من الحاجات اللى زى كده

بس فعلا "welcom back"ايوة كده يا اسماء انا عندى اكتئاب

Night Moon
02-07-2010, 10:29 PM
ههههههههههههههه ميرسي يا سارة دايما منوراني بمرورك

sajen_zenda
02-07-2010, 10:41 PM
هههههههههههههههههههههههههههههههههههههههههههههههههه ههه نايس توبك والله والله كل واحده احلي من التانيه مضحكناش من زمان بصحيح ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!

ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟!

Night Moon
02-07-2010, 10:52 PM
ههههههههههه اه والله هيه ممكن تكون تصرفات تلقائية من الاشخاص بس لما نيجي نفكر فيها ماتلقيلهاش تفسير
ميرسي ساجين لمرور

white heart
02-07-2010, 11:13 PM
ليه وليه وليه وليه فى حاجات كتير فى حياتنا بنقول فيها ليه
الله ينور موضوع تحفه

Night Moon
02-07-2010, 11:26 PM
ميرسي يا وايت اسعدني مرورك

dola
02-07-2010, 11:40 PM
الله على موضوعك الجامد

Night Moon
02-07-2010, 11:50 PM
ميرسي وثانكس لمرورك

sarah m
02-08-2010, 12:10 AM
موضوع فعلا جميل

Night Moon
02-08-2010, 12:24 AM
ثانكس سارة علي مرورك نورتي التوبك

GooD_DrSh
02-08-2010, 02:06 AM
ههههههههههههههههاااااااااااى
هااااااااايل جدا يا اسماء التوبيك وندرفول

ThanX

Night Moon
02-08-2010, 01:37 PM
ثانكس درش علي مرورك

Arwen Undomiel
02-19-2010, 01:10 AM
ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!

هههههه اخر رخامه بجد وال يغيظ انه ش بيضغط مره واحده لا الف مره لحد ما ينزل الاسانسير قدامه

MUHAMED SAMY
02-19-2010, 01:36 AM
بسسسست نايس توبيك

Night Moon
02-19-2010, 11:40 PM
ميرسي لمروركم نورتو التوبك بجد

salma elsayed
02-24-2010, 11:41 AM
ههههههههههه
ميرسى يا اسماء موضوع جميل والله
بس دى بقت حاجات عاديه واللى يستغرب يبقى هو اللى غريب هههههههههه

Night Moon
02-25-2010, 01:39 AM
عندك حق ياسلمي فعلا بقي اللي يستغرب بقي هوة الغريب هههههههه
نورتي التوبك بمرورك

هبه محمود
02-25-2010, 01:50 AM
ههههههههههههههههههههههههههههههههههههه
ههههههههههه
بجد جامد جدا الكلام ده
وتصدقي مش عارفه اجاوب ولا علي اي حاجه منهم

بس بصراحه طريقتك في الكتابه جميله اوي
ههههههههههه
يلا عاوزين موضوعات زي دي كتيييييييييييييييير

Night Moon
02-25-2010, 10:01 PM
انا سعيدة ان التوبك عجبك
نورتي التوبك بمرورك

mohamed ali
02-25-2010, 11:11 PM
مووووضوع جميل وفى انتظار المزيد

Night Moon
02-25-2010, 11:21 PM
حاضر اكيد في مزيد ان شاء الله طول مابتنوروني بمشاركاتكم