المساعد الشخصي الرقمي

مشاهدة النسخة كاملة : حنان ترك : من يريدني بحجابي أهلاً وسهلاً



KAREEM
02-08-2010, 04:37 PM
دى تصريحات قريتها لـ ( حنان ترك )
عجبتنى جدا فى ثباتها
عايز أعرف رأى حضراتكو
فى الخبر دا ؟؟؟؟؟؟؟؟؟؟


أكدت الفنانة حنان ترك تمسّكها بالتمثيل بالحجاب وعدم خلعه، معتبرة أن الفن بالنسبة لها أداة للخير والموعظة تحاول أن توجهها للجانب الإيجابي، مشيرة في الوقت نفسه إلى أنها تجهز لفيلم سينمائي بعنوان "الأخت تريزا" يتناول علاقة المسيحيين بالمسلمين في مصر.

وقالت حنان: "أنا مقتنعة جدا بالحجاب وحتى ظهوري به في مشاهد البيت هو شيء طبيعي، ولو لاحظتم فمعظم أمهاتنا دائما يضعن حجابا أو إيشاربا على رؤوسهن حتى في البيت، وعموما أنا مقتنعة بما أفعله، ومن يرى حجابي في البيت وغرفة النوم أمرا غير مستحب فعليه أن يغيّر المحطة فورا؛ لأنني لن أجبر أحدا على أن يراني وهو غير مقتنع" -بحسب صحيفة "المصري اليوم".

وأضافت: "أنا محجبة.. وسأمثل بالحجاب.. ومن يريدني بحجابي أهلاً وسهلاً، ومن لا يُريد مع السلامة ما يلزمنيش، أنا لا أفرض نفسي ولن أغيّر حجابي أو أعدل فيه من أجل الانتقادات غير الجوهرية.. حاسبوني فقط على أدائي للشخصية ولا تركزوا طوال الوقت في قطعة "الإيشارب" التي أغطي بها رأسي".

وأشارت إلى أن الجمهور والنقاد استقبلوا مسلسلها الأخير "هانم بنت باشا" أفضل بكثير من مسلسل "أولاد الشوارع"، وذكرت أن: "الهجوم عليّ كان ضاريا أثناء عرض أولاد الشوارع؛ بسبب حجابي، خاصة أن موضوع الحجاب كان جديدا، لكنني أعتقد الآن أن الوضع مختلف؛ لأن الناس نسيت موضوع حجابي وتراني حنان الممثلة التي تقدم فنًّا، وليس حنان الممثلة المحجبة التي فوجئوا بها".

ونفت أن تكون عودتها للحجاب بسبب التطلع لأهداف مادية، وقالت: "الحمد لله أنا مش محتاجة فلوس وربنا ساترني، ولم تكن المادة هدفي أبدا ولا سبب رجوعي إلى الفن، وأقولها بصراحة: لا تهمني الملايين، والفن بالنسبة لي أداة للخير والموعظة وأحاول أن أوجهها للجانب الإيجابي".

وأشارت إلى أنها لا تبحث عن تجسيد شخصيات مثالية في أعمالها الفنية لتتلاءم مع الحجاب، مضيفة: "أنا أبحث عن العمل الجيد والورق المميز والجديد لكن هذا لا يعني أنني أبحث عن أدوار الفتاة المثالية أو الشريرة بل أبحث عن شخصيات هادفة من لحم ودم".

وعن مشروع فيلم "الأخت تريزا"، قالت حنان ترك: "سيكون مفاجأة مع السيناريست بلال فضل، وأعتقد أنه سيكون عملا مهما جدا في السينما، لكن لا يمكن أن أتحدث عن أي تفاصيل وسأترك الجميع يتحدثون حتى يتم تنفيذ الفيلم".



هاااااااااااااااااا
:clap::clap:
منتظر تعليق حضراتكو
..............

MUHAMED SAMY
02-08-2010, 05:25 PM
ربنا يثبتها ويهدينى ويهديها ويهديك ياكريم

alaa eid
02-08-2010, 06:06 PM
ربنا يهديها يارب بس بصراحة لو كانت اعتزلت الفن كان احسن بكتيييييييير
ربنا يهدينا جمييييييييعا
شكرا ليك يا كريم

white heart
02-08-2010, 06:17 PM
ميرسى اوى يا كريم
وانا مع علا لو كانت اعتزلت الفن كان احسن بكتير

KAREEM
02-08-2010, 06:27 PM
أيو يا جماعة جميل جدا

بس انتوا ملاحظتوش الحتة دى ؟


والفن بالنسبة لي أداة للخير والموعظة وأحاول أن أوجهها للجانب الإيجابي"

ودا اللى فعلا لاحظته فى كل أعمالها الفترة الاخيرة
وكفاية انها ثبتت عن الحجاب رغم الهجوم اللى حصل
عليها ومن أقرب الناس ليها ومعملتش زى ناس كتير
مش لبستالحجاب ، لا دا فى ناس اعتزلت خالص ورجعت
تانى بسبب ضغط اللى حواليهم

واللى بيعجبنى فيها فعل اشخصيتها وثبات
أرائها ( عندها مبدأ )

بشكركم جزيلا لمروركم الكريم
ع الموضوع
محمد سامى
الا ء عيد
وايت هيرت

حسام المصرى
02-09-2010, 12:51 AM
والله انا شايف اعتزال الفن ارحم

ربنا يثبتها ويثبتنا ويهدينا

alaa eid
02-09-2010, 01:09 AM
ميرسى اوى يا كريم
وانا مع علا لو كانت اعتزلت الفن كان احسن بكتير



ع فكرة انا اسمي الااااااااء مش علاء :(
وثانيا ياكريم والله برده اانا حاسة ف اختلاط برده مهما حصل وربنا يهديها ويهدينا

Ma7amed Adel
02-17-2010, 12:02 AM
الله ينور يا كيمو وجزاك الله خيرا

salma elsayed
02-17-2010, 12:36 PM
ميرسى ليك يا كريم وربنا يهديها ويثبتها
بس انا بردو شايفه انها لو اعتزلت كان هيبقى احسن زى "حلا شيحه"كده ربنا يثبتها

spring sun
02-17-2010, 01:46 PM
ربنا يثبتها ويهديها

ويصلح أحوال نساء المسلمين أجمعين

مروة عبدالعاطى
02-17-2010, 04:21 PM
جزاك الله خيرا قرئت الموضع فى احدى المنتديات واعجبت بيه لانها اكيد مقتنعه بالعملته وربنا يعينها

heba
02-17-2010, 04:38 PM
ربنا يثبتها ويهدينا اجمعين
جزاك اِلله خيرا

KAREEM
02-17-2010, 04:48 PM
بشكركم لمروركم
وتفاعلكم الرائع
مع الموضوع

وساعات بميل لرأى انها تعتزل فعلا
بس لما راجع افكر فى واحدة بشخصيتها
كدا وعندها ثبات واقتناع بالشكل دا
فاكيد تأثيرها عليهم أقوى من تأثيرهم عليها

دا غير الرسالة اللى بتوصها من خلال
فن راقى محترم بعيد عن العرى وغيره


جزاكم الله خير على مروركم الكريم جميعا