انا المدير الجديد لمنتدى مساحة

[حسام المصرى]

شوفوا يا جماعة
انا عينت
مدير لمنتدى مساحةوذلك بقرار جمهورى
من الان
من نفسي
وليست الادارة حكراً علي وحدي
هتقولولي ازاي يعني
عينت نفسي مدير للمنتدى
هقولكم
انا ملاحظ قلة المشاركات في المنتدى
وناس بتمشي وناس عايزة تمشي
والاغلبية العظمى تايهة مش عارفة تعمل ايه ومحدش بيرد على مواضيعها غير كل فين و فين و مش كل الاقسام فيها مشاركات
انا
عينت نفسي مدير للمنتدى
ووضعت خطة للتطوير
وهي
انا حلفت اني كل ما ادخل المنتدى لازم ارد على الاقل
على عشرة موضوعات كان من كان كاتبها
يعني اي عشرة موضوعات
حلوين اقول لصاحبهم
الف تشكر وتسلم ايدك
مش حلوين
اقوله على اخطاؤه ووجهوا ليها
وبكده اكون عملت اللي عليا
يا جماعة موضوع تأخر المنتدى او ضعف الاقبال عليه
بقى الموضوع اللي بطغى على المنتدى الان

انا فكرت ولا قيت الحل
هو الخطة اللي عملتها

بلاش نحط كل حاجة على الادارة
خلي كل واحد يكون مدير نفسه
ولو بتحب المنتدى بجد
نفذ خطتي دي
وشوفوا المنتدى بعد كام يوم
اسبوع على الاكثر هيبقى حاله ايه

هنفترض ان في المنتدى
عشر اعضاء بس
لو كل واحد رد عشر ردود
هيبقى المجموع 100 مشاركة
تخيل بقى
وطبعاً المنتدى فيه اكتر من عشرين بكتيييييير
وطبعاً مش هنرد عشر ردود بس
دا ممكن نرد عشرين رد

انا قولت اللي عندي
ويا ريت الناس تعمل زيي
وسيبكوا بقى من مين مشي ومين عايز يمشي
ووجع الراس ده
احنا بنحب المنتدى
ومش هنسيبه
واعتقد الاغلبية بتوافقني على رأيي

خلي كل واحد يكون مدير المنتدى وبيخاف عليه زي صاحبه تمام

انا مش عايز اي رد على الموضوع
غير كلمة واحدة بس

عايز اسمعها منكم بجد

اللي يرد يقول

انا مدير منتدى مساحة الجديد

علشان اعرف بس الوضع هيبقى ايه
ومين هيتفاعل ومين مش هيتفاعل
واحد بيحب المنتدى ده طبعاً لأنكم فيه
هتستخسروا فيه الكلمة دي
معتقدش
معلش طولت عليكوووووووو

[رورو]

فكرة جميلة جدا يا حسام .. ويا رب تنجح الفكرة ونحافظ على منتدانا ويرجع زى الاول واحسن كمان يا رب ....... جزاك الله خيرا

[KAREEM]

أبدأأأأأأأ بنفسك
دا اللى اقدر أقولهولك
ياحسااااااااااااام

بقى لك فترة كبيرة
مفتقدين مشاركاتك
وبشوفك فى المتواجدين
بغير مشاركة فعالة
ومبقيتش تتابع مواضيعك
زى الاول بتحط الموضوع
واللى يرد يرد ودا مش صح
انت عارف كدا كويس

وانا مش مع انى احدد لنفسى
عدد مشاركات 10 حتى ولو
على الأقل
زى ما انت بتقول
انا بحب المنتدى دا
يبقى حديله من غير حساب
انا ارد ع المواضيع الى اعجب بيها
واللى مش كويس ممكن نوضح
باسلوب كويس زى ما نت بتقول

واللى مش كويبس خالص ممكن
متردش خالص لأبعاد تانية
ودا اللى انا بعمله ساعات

غير كدا حتة ركود المنتدى
اللى انت بتقول عليها
ممكن يكون عندك حق فيها

بس دا مش من ضعف الاعضاء

الاعضاء موجودين وفى أى وقت
ممكن يتجمعوا كلهم على كلمة واحدة

أعتقد اللى أثر أكتر حتة انقطاع السيرفر
وسقوط المنتدى أكثر من مرة
لدرجة ان فى أعضاء بتحسب المنتدى
مش هيفتح تانى من برا المجال

الا ان الموضوع لسه فى ايدينا
وعشان مش عايز أطول
ويمكن زى ما انت قلت فعلا
( كل واحد يبدأ بنفسه )

وهتشوفه منتدانا دا
بقى عامل ازااااااااى

[حسام المصرى]

فكرة جميلة جدا يا حسام .. ويا رب تنجح الفكرة ونحافظ على منتدانا ويرجع زى الاول واحسن كمان يا رب ....... جزاك الله خيرا

ميرسى يا رورو على مرورك الجميل

[حسام المصرى]

أبدأأأأأأأ بنفسك
دا اللى اقدر أقولهولك
ياحسااااااااااااام

بقى لك فترة كبيرة
مفتقدين مشاركاتك
وبشوفك فى المتواجدين
بغير مشاركة فعالة
ومبقيتش تتابع مواضيعك
زى الاول بتحط الموضوع
واللى يرد يرد ودا مش صح
انت عارف كدا كويس

وانا مش مع انى احدد لنفسى
عدد مشاركات 10 حتى ولو
على الأقل
زى ما انت بتقول
انا بحب المنتدى دا
يبقى حديله من غير حساب
انا ارد ع المواضيع الى اعجب بيها
واللى مش كويس ممكن نوضح
باسلوب كويس زى ما نت بتقول

واللى مش كويبس خالص ممكن
متردش خالص لأبعاد تانية
ودا اللى انا بعمله ساعات

غير كدا حتة ركود المنتدى
اللى انت بتقول عليها
ممكن يكون عندك حق فيها

بس دا مش من ضعف الاعضاء

الاعضاء موجودين وفى أى وقت
ممكن يتجمعوا كلهم على كلمة واحدة

أعتقد اللى أثر أكتر حتة انقطاع السيرفر
وسقوط المنتدى أكثر من مرة
لدرجة ان فى أعضاء بتحسب المنتدى
مش هيفتح تانى من برا المجال

الا ان الموضوع لسه فى ايدينا
وعشان مش عايز أطول
ويمكن زى ما انت قلت فعلا
( كل واحد يبدأ بنفسه )

وهتشوفه منتدانا دا
بقى عامل ازااااااااى

انا فعلا بكون متواجد يا كريم بس مش بشارك لان فعلا مش بكون فاضى والقريبين منى
عارفين ان كان عندى ظروف ومكنتش فاضى خالص

بالنسبة لمتابعة مواضيعى
انا كلمت محمود سليم فى المشكلة دى
انى مش بعرف مواضيعى لانها اتحذفت من مشاركاتى بقيت حاسس انها مش بتاعتى

وضعف المشاركات يا كريم مش بسبب انقطاع السيرفر لان المنتدى كان شغال بعد الامتحانات ما خلصت

لكن فعلا فى ركود فظيع لازم كلنا نرد

بالنسبة ل10 مشاركات يا كريم انا قلت انا على الاقل هردهم فى كل مره اقعد على المنتدى
ولما ان اارد على الاقل 10 وانت على الاقل 10

هتلاقى المنتدى اشتغل وبقى نشيط

بصراحة معرفش انت معترض على رقم 10 ليه
هو انا قولتلك 6 يا زمالكاوى انا بقول 10

يا ريت يا كريم بس كل الناس ترد 10 مشاركات على الاقل فى اليوم

وشكرا على مرورك يا باشا

[KAREEM]

انا فعلا بكون متواجد يا كريم بس مش بشارك لان فعلا مش بكون فاضى والقريبين منى
عارفين ان كان عندى ظروف ومكنتش فاضى خالص

بالنسبة لمتابعة مواضيعى
انا كلمت محمود سليم فى المشكلة دى
انى مش بعرف مواضيعى لانها اتحذفت من مشاركاتى بقيت حاسس انها مش بتاعتى

وضعف المشاركات يا كريم مش بسبب انقطاع السيرفر لان المنتدى كان شغال بعد الامتحانات ما خلصت

لكن فعلا فى ركود فظيع لازم كلنا نرد

بالنسبة ل10 مشاركات يا كريم انا قلت انا على الاقل هردهم فى كل مره اقعد على المنتدى
ولما ان اارد على الاقل 10 وانت على الاقل 10

هتلاقى المنتدى اشتغل وبقى نشيط

بصراحة معرفش انت معترض على رقم 10 ليه
هو انا قولتلك 6 يا زمالكاوى انا بقول 10

يا ريت يا كريم بس كل الناس ترد 10 مشاركات على الاقل فى اليوم

وشكرا على مرورك يا باشا



هههههههههههههههههههههههه
ماشى ادى كدا 2 مشاركتين
مش الجولين بتوع المحلة
يا اهلاوى :D

بص ياسحس
مش اعتراض
انا قصدى فيه اكتر من كدا

والاهم انت كدا بتحجم حبك للمنتدى
لانى شايف ان اللى يحب المنتدى بجد
يبقى عايز يدر على كل المواضيع
ويعمل كل المواضيع ويعمل كل حاجة
الحب مبيتحددش

انت وجهة نظرك من الناحية
العملية جملية جدااااااااا

بس انا - عن نفسى - بشوفها
غير كدا انا بحب المنتدى دا
يبقى أديله على قد ما
أقدر حتى لو مش فاضى ساعة
فى اليوم تغنى وتحسسنى
انى دخلت بيتى التانى


وياحسام أنا هوعدك
مش هوعدك
انا متوقع
وهتشوف باذن الله
المنتدى الايام الجاية

فى تجديد دماء كبير
بيحصل فى المنتدى
من الادراة فوق

غير ان فى كذا موضوع رجعوا
الأعضاء بيبحبوهم جدا

وبدعوك بكرة مثلا تشوف
معانا لعبة انا ميييييييين
فى قسم اللعب


مش دا المثال ان شاء الله
هتشوف ان الجاى أحسن
بكتير والمنتدى داخل فترة
النضج الفترة اللى جاية

ولعل موضوعك دا يكون
من ضمن دوافع الحماس
اللى بتبشر باللى جاى


وكتبت لك بالاحمر اهو
يا أهلااااااااااااوى :animation343py:

[Ma7amed Adel]

فكره جميله ويارب تنال اقبال من الاعضاء احييك

[MUHAMED SAMY]

فكرة جميلة .....كانت الفرصة كبيرة فى نص السنة...والمشكلة ان بعض الناس مبتدخلش المنتدى الا للبرامج المساحية والمحاضرات...واتمنى ان اشوف معيدين زى ما كان المنتدى زماااااااان..وإن شاء الله الدكاترة كمان..

[حسام المصرى]

هههههههههههههههههههههههه
ماشى ادى كدا 2 مشاركتين
مش الجولين بتوع المحلة
يا اهلاوى :D

بص ياسحس
مش اعتراض
انا قصدى فيه اكتر من كدا

والاهم انت كدا بتحجم حبك للمنتدى
لانى شايف ان اللى يحب المنتدى بجد
يبقى عايز يدر على كل المواضيع
ويعمل كل المواضيع ويعمل كل حاجة
الحب مبيتحددش

انت وجهة نظرك من الناحية
العملية جملية جدااااااااا

بس انا - عن نفسى - بشوفها
غير كدا انا بحب المنتدى دا
يبقى أديله على قد ما
أقدر حتى لو مش فاضى ساعة
فى اليوم تغنى وتحسسنى
انى دخلت بيتى التانى


وياحسام أنا هوعدك
مش هوعدك
انا متوقع
وهتشوف باذن الله
المنتدى الايام الجاية

فى تجديد دماء كبير
بيحصل فى المنتدى
من الادراة فوق

غير ان فى كذا موضوع رجعوا
الأعضاء بيبحبوهم جدا

وبدعوك بكرة مثلا تشوف
معانا لعبة انا ميييييييين
فى قسم اللعب


مش دا المثال ان شاء الله
هتشوف ان الجاى أحسن
بكتير والمنتدى داخل فترة
النضج الفترة اللى جاية

ولعل موضوعك دا يكون
من ضمن دوافع الحماس
اللى بتبشر باللى جاى


وكتبت لك بالاحمر اهو
يا أهلااااااااااااوى :animation343py:

بص يا كركر

انت بتتناقش فى حاجة تانية خالص يا ريت الناس تعمل بالموضوع ده وهتشوف الفرق
وبعدين حبى بالمنتدى مش مشاركات تتقرا حبى للمنتدى كتب ومواضيع وحب للاعضاء

ولا كلامى غلط يا كرميلة

[حسام المصرى]

فكره جميله ويارب تنال اقبال من الاعضاء احييك



فكرة جميلة .....كانت الفرصة كبيرة فى نص السنة...والمشكلة ان بعض الناس مبتدخلش المنتدى الا للبرامج المساحية والمحاضرات...واتمنى ان اشوف معيدين زى ما كان المنتدى زماااااااان..وإن شاء الله الدكاترة كمان..


شكرا لمروركم يا اتنين محمد

[alaa eid]

شكرا كتير علي الموضوع الجميل دا
ودا فعلا هاينشط المنتدي جداااااااااااااا
وان شاء الله يتم تنفيذ الكلام

[salma elsayed]

ميرسى ليك على الموضوع الجميل ده
لان فعلا انا حاسه ان النشاط قل جدا

[Mohamed Gaber Aly]

شكرا ياحسام على الموضوع
وشكرا ياكريم على غيرتك على المنتدى:clap:


اولا الف مبروك على اداره المنتدى من قلبى والله :11rob::11rob:


ياريت كل الناس يبقى عندها الروح اللى عندك دى


نفسنا المشاركات تزيد عن 10 زى ماانت قلت


المهم ان تكون هادفه ومفيده وليس بها الفاظ خارجه اوقيم ليست قيمنا


بالنسبه لضم المعيدين والاساتذه


بالفعل تم الاتصال ببعضهم بعد اخر اجتماع للمشرفين والاداره


ان شاء الله سيشاركوا معنا على حسب الأوقات المتاحه لديهم


وكذلك سنحاول ضم اساتذتنا فى العمل المساحى الميدانى


حتى نستطيع الاستفاده من خبراتهم فى كيفيه تنفيذ المشاريع الكبيره
فى مصر وخارجها


جزاك الله خيرا

[KAREEM]

كلام جميل جدا

وحسام مفهمش قصدى
انى من كتر حبى للمنتدى
مينفعش أحدد لنفسى عدد
مشاركات المفروض محسش
بنفسى من كتر بشارك ولا
حقدر أعد عملت كام مشاركة
وكام موضوع

دى وجهة نظرى
وحسام ليه وجهة نظر
محترمة طبعا
ومش متعارض
معاها


وحلوة خطوة الاتصال
بالمعيدين
والأساتذة

الى الامام دائما ان شاء الله

[Soma]

اتمنى بجد انه يحصل المشكلة ان فى حاجات تانية بتشغلنا بتخلينا مش عارفين نتابع
ان شاء الله ياحسام المنتدى يرجع زى الاول
ميرسى جدا على الفكرة الجميلة دى

[محمد الفرارجي]

بص يا حسام انا أخدت عنك فكرة من موضوع انت علقت عليه وهوه "ما حكم كتابة ههههه للبنات"

الفكرة إنك صاحب قرارك ومسئول عنه ودي من سمات الناس المحترمة وإللي ليها مستقبل إن شاء الله.

- موضوعك محترم جدا وما أخبيش عليك أنا لما دخلت موضوعك افتكرتها اقتراحات للمدير الجديد بتقولها انت من باب تقمص الشخصية.
- عموما الفكرة في مخاطبة الأعضاء بالشكل ده تحترم ولكن لي تعليقات على الاقتراح.

- بالنسبة لموضوع ان المنتدى ما عادش زي الأول معاك مليون في المية وصدقني أنا من أكتر الناس إللي بيشتكوا من الناحية دي.

- موضوع العشر ردود صدقني فيه موضوعات "مش في القسمين بتوعي طبعا والحمد لله" بأبقى نفسي أرميهم مش في الزبالة لأ في وش إللي كاتبهم. ودي للأسف بقت كتير قوي وهيه من قبيل الضحك والفرفشة واللعب والهزار ناهيك عن الموضوعات القص واللزق إللي أصحابها هارين بها بدنا من ساعة ما دخلت المنتدى.

فأنا واحد من الناس بيجي لي حالة ملل ومش بأكتب غير في المواضيع إللي تستاهل الرد حتى لو في اللعب والهزار لكن لما بيبقى موضوع بجد وليه مغزى وإللي بألاقيه يستاهل النقد مش بأجامله.

نصيحتي ليك:

- حاول تخليك زي ما انت بحرصك وحماسك للمنتدى والعمل التطوعي فاحنا محتاجين لناس كتير زيك.

المهم بأحييك للمرة التانية عالمقال وعلى حماسك

[mohamed ali]

الف شكرررررررر
ياحسام على الفكره الجميلة ده
وانشاء الله يرجع المنتدى زى الاول
واحسن انشاء الله

[حنين الحياة]

الصراحه ديه فكره حلوه جدا وبجد انا حصلي الموضوع ده اني لما اكتب موضوع معين ممكن ناس ترد وممكن ناس لا وممكن الموضوع مايتردش عليه وانا اضيقت بجد من الموضوع ده وكنت مش هكتب حاجه تاني وكنت هنسحب من المنتدي بس المشكله اني اتعودت عليه وعلي الاعضاء كمان وده الي مخليني اكمل في المنتدي لاني بجدبحب المنتدي جدا...وياريت الموضوع ده يتنفذ