المساعد الشخصي الرقمي

مشاهدة النسخة كاملة : الحجاب..وانا احسن من غيرى



Wild_Angel
10-24-2008, 11:02 PM
السلام عليكم ورحمة الله وبركاته

منذ فتره وانا يشغل بالى موضوع الحجاب الشرعى
واحزززززن كثيرا عندما ارى كل اخواتى فى الكليه مش بيقدروا يحسوا معنى الحجاب الشرعى

واتفاجأت لما لقيت حلقة لبرنامج خدعوك فقالوا لمصطفى حسنى

على فكره الموضوع مش دعايه لبرنامجه لانى ماليش علاقه بيه ولا من قريب ولا من بعيد

ولكن قررت انى انوه عن البرنامج
حلقه بجد خليتنى ادعى لكل البنات وادعى ليا ولاختى واخواتى كلهم ان ربنا يهديييييهم
متخلوش الحلقه تفوتكم الحلقه مش للبنات بس دى كمان للولاد

بلاش سلبيه ...ولازم نغير حياتنا
ولو كل حد بدأ بنفسه يبقى اكيد ان شاء الله حياتنا تتغير للاحسن

مواعيد اعادة الحلقه:

12:00 صباحا بتوقيت القاهرة


01:00: صباحا توقيت السعودية





12:00 ظهرا توقيت القاهرة


01:00 ظهرا توقيت السعودية

ربنا يكرمنا جميعا ونلتقى هنا بأذن الله لكل اللى عايز يناقش الحلقه
الحلقه بعنوان...انا احسن من غيرى

والكلام اللى جاى منقول عن مصطفى حسنى:
المشاركة الأصلية كتبت بواسطة مصطفى حسني
حلقة اليوم كانت عن الحجاب و عن المفاهيم الخاطئة التي عند غير المحجبات و التي تجعلهم لا يأخذن خطوة للحجاب.... و كذلك عن المفاهيم الخاطئة التي تجعل المحجلات لا تتلتزمن بالحجاب الشرعي.....




" اللهم اتنا في الدنيا حسنة وفي الاخرة حسنة "


يقول العلماء ان حسنة الدنيا هي النساء و حسنة الاخرة هي الجنة....




يعني انت زينة الدنيا... انت جنة الدنيا...


زينتك في شخصيتك و جسدك...


و جسدك فتنة لك... تحبي تخرجي و شكلك حلو..ز تحبي تخرجي والبنات تقول ان شكلك حلو...




فارجوكي طوعي هذه الشهوة بلبس حجاب شرعي يرضي الله و لا يظهر مفاتن جسدك.... بلبس حجاب لا يكون شفاف و لا ملقت...




خلي مرادك و حبك هو مراد وحب الله ... اللي بيحب بيخالف هواه من اجل محبوبه...




يارب حجب كل بناتنا... و ثبتهم...




الحلقة القادمة سنستكمل فيها موضوع الحجاب سنتحدث عن الثبات علي الحجاب و فرضيته والشبهات التي دارت حول الحجاب....





واجب عملي:




1- ادعو كل من تعرفون لمشاهدة اعادة الحلقة و انشروا هذا الحلقة


12:00 صباحا بتوقيت القاهرة


01:00: صباحا توقيت السعودية





12:00 ظهرا توقيت القاهرة


01:00 ظهرا توقيت السعودية





2- يهمني جداااا اني اعرف تعليقاتكم عن الحلقة





جزاكم الله خيرا

Mimi
10-24-2008, 11:08 PM
بارك الله فيكي ياوايلد ياحبيبتي

ربنا يهدينا جميعآ وانا ان شاء الله هحط كلامك دا في اعتباري وافكر فيه

Wild_Angel
10-24-2008, 11:13 PM
انا سعيده بمرورك للموضوع يا جوددددى على فكره الحلقه متوفره على النت ولو قدرت اجبلكم الرابط بتاعها ححاول اجيبه لو مقدرتش فموقع مصطفى حسنى معروف

AYMAN GAMAL
10-24-2008, 11:15 PM
موضوع مهم فعلا

لازم البنت يكون جواها من الاول النيه للتغيير للاحسن

وساعتها مش بس هتتغير للاحسن

هتتغير للاحسن من الاحسن

شكرا يا اينجل للافاده الهادفه

Wild_Angel
10-24-2008, 11:18 PM
شكرا لمرورك يا باشمهندس وسعيده بمشاركتك معانا فى الموضوع لانه موضوع يهمنا جميععا شباب وبنات

محبة الرحمن
10-24-2008, 11:51 PM
الحجاب ياأخوات فرض وليس مجال للمناقشة والله ما أجمل الحجاب والله الأخت اللي كانت بشعرها تجرب تلبس الحجاب والله اول خطوة سوف تخرجها خارج البيت سوف تقول انا كيف كنت أخرج بشعري والله اللي كمان كانت لبسه الخمار ولبست النقاب والله حتقول نفس الكلام كيف كنت اخرج وجهي مكشوف أنا فعلا استعجب من تلبس الحجاب وتخرج مرة اخري بشعرها واللي تلبس النقاب وتخرج من غيره بعد ذلك من غيره لكن الموضوع فعلا نحن نحتاج الي صحوة للنفس
موضوعك رائع ومجال للمناقشة ورفع الهمة جزاكي الله خير

Wild_Angel
10-25-2008, 12:32 AM
سعدت بمشاركتك ومناقشتك يا وسام واتمنى تشاهدى الحلقه بأذن الله

heba
10-26-2008, 08:38 PM
انا كمان اتفرجت على الحلقة ونفسي فعلا اغير من نفسي والبس الحجاب الي يرضي ربنا

Rania Ismail
10-26-2008, 09:15 PM
شكرا يا حبى على الموضوع الجميل ده
على فكره انا صحابى شافو الحلقه ديه وقعدو يحكولى عنها كتير وكانو بيقولو انها كانت جامده جدا
ربنا يهدينا كلنا
ومشكوووووره يا حبى على الموضوع الرائع ده

yasmine elsayed
10-26-2008, 09:28 PM
بجد موضوع مهم جدا ولو كل بنت قررت فى نفسها انها تتغير اكيد كلنا حنكون احسن بكتير من دلوقتى وانا ان شاء الله حتفرج على الحلقة وحتابع البرنامج دايما وشكرا جدا ليكى يا انجيل على النصيحه الجميلة دى ويارب البنات كلهم يعملو بيها

samomran
10-26-2008, 10:06 PM
موضوع مهم جدااا و لو كل بنت حسبت الموضوع حتلاقى نفسها هى الكلسبانه كسبت احترام نفسها و احترام اللى حوليها

Wild_Angel
10-26-2008, 11:09 PM
السلام عليكم ورحمة الله وبركاته

انا سعيده جدا باللى شافوا الحلقه وغيروا من حاجات شايفنها غلط فيهم او فى ناس قريبين منهم
واللى متفرجش على الحلقه سعيده انه شارك وقال رأيه

بس على فكره الموضوع مش محتاج حلقه فى برنامج ده محتاج حد يفوق كل ضمير سواء فى البنات او الشباب

شكرا لكل اخواتى البنات الحلوييييين واخوانى الشباب اللى شاركوا

Wild_Angel
10-31-2008, 08:36 PM
افادة لكل عضو او عضوه يريد ان يتاابع هذا الموضوع
الداعيه مصطفى حسنى يتابع حلقات كيف تبدأين حجابك وانتى ترضين الله
الحلقه بدأت اليوم الساعه 8 مساءا الاعاده باذن الله الساعه 12
والمواعيد موجوده فى اول مشاركه ليا فى الموضوع ده

وتعليقا عنوان الموضوع ليس غرورا منى ولكن بالفعل موضوع الحلقه اسمه: انا احسن من غيرى
جزانا الله خيرا واياكم

محمد حمدى
11-01-2008, 08:30 PM
اكرمكى الله ،أغناكى الله،أعزكى الله ،ازركى الله ،اعفكى الله،وجزاكم الله خيرا وثبتك وايدك فى حمل المسؤلية"مسؤلية القسم".

Wild_Angel
11-01-2008, 08:36 PM
شكرا لمرورك يا محمد
وربنا يكرمك ويعطيك ويزيدك من رزقه وجزاك الله خيرا على دعواتك
مسئولية القسم الحمد لله ليست ثقيله لانكم والحمد لله تحملونها معى