لو سألتك انت مصرى تقولى ايه .... تقولى مصرى ابن مصرى ابن مصر الله عليه

[حسام المصرى]

المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصالح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلمّ معاك








المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص
جنيه



المصري هو اللي يقعد معاك ع الفطار في رمضان
هو اللي يشتري بالونات لولادك في العيد
هو اللي يقف جنبك وانت بتدبح الاضحية
هو اللي يباركلك لما ابنك يجيب مجموع ويساعدك يجيبله شغلانة
هو اللي ييجي يقولك تجيب كشاكيل و أقلام بالجملة عشان توفر المصاريف






هتقولي هما كل المصريين كـــــــده
هاقولك لا







بس أي مصـــــــــــــري حقيقي و اصيل لازم يكون كـــــــــــــده
لان طيبة المصري مش ممكن تلاقي زيّها فى اي بلد تانية
مش كده ولا أيـــــــــــــــــــــــــــــــــــــــــــــه.. ...


وسبب اللى احنا فيه ان الناس دى بتقل للاسف
منقول

[alaa eid]

موضوع جميييييييييييييييل جدا جدا
وفعلا الشعب المصري طيييييييب جداااااا جداااااااااا
ايام زمان كان الناس كدا دلوقتي موجود فيه بس قليل
بشكرك علي موضوعك
تسلم

[KAREEM]

كلام جميل ورائع
وحلو اوى اننا نرجز ع الايجابيات اللى عندنا
ونحاول نركز عليها

زى ما عندنا سلبيات
عندنا ايجابيات

واللى خلى السلبية تنتشر
تركيز الاعلام عليها

وزى ما عمل كدا
ممكن كمان الاعلام لو ركز
ع الايجابية هيخليها تنتشر

الله ينور ياحسام
منتظرين من مواضيع زى دى كتير

[محمد الفرارجي]

موضوعك حلو يا حسام وحقيقي انت مكسب لينا في المنتدى ويا رب نشوفك أخضر قريب إن شاء الله.

بس صدقني الهم والغلب والشقى والحياة إللي ما بترحمش

- إللي تخلي الناس تنتحر من الجوع والفقر.
- الغلا إللي الناس مش طايقاه.
- الخوف من بكره إللي ناتج عن قلة الدخل.
- البطالة إللي بتخلي الأب بيصرف على ابنه لحد ما بيبقى عنده 30 سنة.
- التعليم إللي آخرته لما تجيب 100% وتدخل طب هتطلع ويلموا لك الزكاة "فتوى صادرة من دار الافتاء المصرية بأحقية الأطباء في الزكاة"
- التعب النفسي المماؤس عليك لما تبقى مش لاقي تأكل عيالك وشايف ناس بتاخد ملايين على لعب ورقص.
- البلطجي والمجرم إللي الأمن بيحميه في سبيل إنه يبقى مرشد وبالتالي بيزيد معدل الجريمة.
- القانون الخاص بتاع كل واحد " سواق التاكسي ليه قانون , عسكري المرور ليه قانون , المدرس ليه قانون , المحامي ليه قانون. وغيرهم كتييييييير قوي ليهم قوانينهم الخاصة.

بس بنحبها وبنحب ناسها وبتحوشنا لما بنغيب عنها.

- بس خلاص ما عادتش أم الدنيا.
يوم ما بنفرح لنصر بيبقى في الكورة.

يا حسام الكلام في الفم بقى علقم.

ههههههههههههههههههههههههههههههههههه

على فكرة في حاجات كتيييير قوي من إللي قلت عليها موجوده في بلاد كتير قوي.

وكمان فيه دول وفيه ليه يا راجل أنا بأنكسف أقول أنا ماسك شغل في موزمبيق من اسمها.
لكن تصدق بالله. لو قلت لك على أسعار العربيات والأكل وغيره وغيره. هتذهل.

عموما مصر حبيبتي بكل ما فيها حلوه وحشه هيه كده بنحبها كده

بس برضه ما عادتش أم الدنيا

[aafm]

الله عليكى يا مصر بقالك 4000 سنة بتتسرقى ولسة فيكى خير
يبقى كدة ماتبقاش ام الدنيا؟

[mohamed ali]

عندك حق ياحساااااااااااااااام

يعم مصر هى الشقيقة الكبرى

ام الدينا

[Amir Elshazly]

تسلم ع التوبيك


مصر ام الدنيا

[حسام المصرى]

موضوع جميييييييييييييييل جدا جدا
وفعلا الشعب المصري طيييييييب جداااااا جداااااااااا
ايام زمان كان الناس كدا دلوقتي موجود فيه بس قليل
بشكرك علي موضوعك
تسلم

ميرسى لمرورك يا الاء وفعلااااااااا الناس دى قلت

حتى احنا بنقول عن الناس دى من غير قصدنا ناس بركة

[حسام المصرى]

كلام جميل ورائع
وحلو اوى اننا نرجز ع الايجابيات اللى عندنا
ونحاول نركز عليها

زى ما عندنا سلبيات
عندنا ايجابيات

واللى خلى السلبية تنتشر
تركيز الاعلام عليها

وزى ما عمل كدا
ممكن كمان الاعلام لو ركز
ع الايجابية هيخليها تنتشر

الله ينور ياحسام
منتظرين من مواضيع زى دى كتير

بس لازم نقول السلبيات ونذكرها يا كيموووووووووووووووووو ونقول حل

تسلم على مرورك يا باشا

[حسام المصرى]

موضوعك حلو يا حسام وحقيقي انت مكسب لينا في المنتدى ويا رب نشوفك أخضر قريب إن شاء الله.

بس صدقني الهم والغلب والشقى والحياة إللي ما بترحمش

- إللي تخلي الناس تنتحر من الجوع والفقر.
- الغلا إللي الناس مش طايقاه.
- الخوف من بكره إللي ناتج عن قلة الدخل.
- البطالة إللي بتخلي الأب بيصرف على ابنه لحد ما بيبقى عنده 30 سنة.
- التعليم إللي آخرته لما تجيب 100% وتدخل طب هتطلع ويلموا لك الزكاة "فتوى صادرة من دار الافتاء المصرية بأحقية الأطباء في الزكاة"
- التعب النفسي المماؤس عليك لما تبقى مش لاقي تأكل عيالك وشايف ناس بتاخد ملايين على لعب ورقص.
- البلطجي والمجرم إللي الأمن بيحميه في سبيل إنه يبقى مرشد وبالتالي بيزيد معدل الجريمة.
- القانون الخاص بتاع كل واحد " سواق التاكسي ليه قانون , عسكري المرور ليه قانون , المدرس ليه قانون , المحامي ليه قانون. وغيرهم كتييييييير قوي ليهم قوانينهم الخاصة.

بس بنحبها وبنحب ناسها وبتحوشنا لما بنغيب عنها.

- بس خلاص ما عادتش أم الدنيا.
يوم ما بنفرح لنصر بيبقى في الكورة.

يا حسام الكلام في الفم بقى علقم.

ههههههههههههههههههههههههههههههههههه

على فكرة في حاجات كتيييير قوي من إللي قلت عليها موجوده في بلاد كتير قوي.

وكمان فيه دول وفيه ليه يا راجل أنا بأنكسف أقول أنا ماسك شغل في موزمبيق من اسمها.
لكن تصدق بالله. لو قلت لك على أسعار العربيات والأكل وغيره وغيره. هتذهل.

عموما مصر حبيبتي بكل ما فيها حلوه وحشه هيه كده بنحبها كده

بس برضه ما عادتش أم الدنيا

ربنا يخليك يا باشمهندس بس مش معايا فيزا الموزمبيق بس اعرف تيكو تيكو نجم الهجوم

وبصراااااحة مشاركتك لو ركزت فيها هقعد اعيط وهضيفلك عليها مليون حاجة

من سرقة فى المستشفيات الخ

بس يا ريت تقولنا بجد الاسعار عندك عامله ازاى و المرتبات كام


وبصراحة انا بختلف معاك

مصر ام الدنيا العجوزة اللى محتاجة مساعده اطفالها للاسف

تسلم يا باشمهندس على مرورك

[حسام المصرى]

الله عليكى يا مصر بقالك 4000 سنة بتتسرقى ولسة فيكى خير
يبقى كدة ماتبقاش ام الدنيا؟


ههههههههههههههههههههه لا تعليق معاك حق



عندك حق ياحساااااااااااااااام

يعم مصر هى الشقيقة الكبرى

ام الدينا

مصر الشقيقة الكبرى ولا الام العجوزه

حددوا

انا مع الرأى التانى

[MUHAMED SAMY]

مصر عايزة تتفرمت وتتقسم من جديد

[mohamed ali]

يعم ساااااااااامى انتا لسة فاكر دى مسقطة ويدوز من زمان

والهارد اساسا محروق عيزين جديد

[geography_man2010]

بصراحةانا مكسوف سلف لاحوال مصر الى مش سايبة فلسطين دة احنا مسلمين ومعزلك بنبنى بينا وبينهم يور فولازى

[حسام المصرى]

شكرا على المشاركات الجميلة دى

[عبد الرحمن]

مصر مصر تحيا مصر
الى بنعملوه للبلد ده هو ان احنا بنقف للنشيد الوطنى بس
و بنعتبرها ارض بناخد منها الفلوس وبس و مبنزرعش فيها و الدليل كل مسئول
الصراحه هو هوان و ذل على الامه كلها و حب للدنيا و كراهية الموت و كأننا مخلدين فيها
صدق رسول الله صلى الله عليه وسلم فقال
«يوشك أن تداعى عليكم الأمم من كل أفق كما تداعى الأكلة على قصعتها، قال: قلنا: يا رسول الله، أمِنْ قلة بنا يومئذٍ؟ قال: أنتم يومئذٍ كثير ولكن تكونون غثاء كغثاء السيل، ينتزع المهابة من قلوب عدوّكم، ويجعل في قلوبكم الوهن، قال: قلنا: وما الوهن؟ قال: حبُّ الحياة، وكراهية الموت». مسند احمد
ربنا يعافينا و ينصر بنا الاسلام و يحرر بنا القدس قدسنا

شكرا على الموضوع يا حسام الوحد لو انفتح فى الموضوح مش حيسكت ولكن لازم كل واحد مننا يبدأ بنفسه

[blue_sky]

موضوع رائع
بس مصر لسه أهلها فيهم خير (بس بيقل كل يوم عن الأول عايزين نلحق الخير اللي فيها قبل ما يخلص خاااااالص )

[حسام المصرى]

شكرا ليكم علي ارائكم
جزاكم الله كل خير

[حنين الحياة]

بجد موضوع اكثر من رائع.....ومصر ام الدنيا صحيح وهي البلد الوحيده الي ذكرت في القرأن وده كفايه...بس الي احنا بنشوفه الايام ديه مغاير للعباره ديه تقريبا والله المستعان