المساعد الشخصي الرقمي

مشاهدة النسخة كاملة : شــغـــل عقـــلـــك !


Zooma
03-04-2010, 09:42 PM
يا مساء الانوار عليكم شباب صبايا

ع طول ندخل ف الموضوع مانضيعش وقت :D

عجبتنى اوى فكرة لعبه شوفتها وهى ان احكى ليكم
حكايه هتكون ف صورة حلقه وف اخر الحلقه هسألكم سؤال
المطلوب منكم انكم تعرفوا حل السؤال ده من خلال قصه الحلقه
اكيد فهمتونى :D......

ان شاء الله اول حلقه هتكون النهارده الساعه 11 كده
بعد لعبه انا ميـــــن؟!
mohamed ali
03-04-2010, 10:20 PM
فكررررررره جميلة جدا

وانا معاك
هبه محمود
03-04-2010, 10:22 PM
فكره جميله خالص وانا هستني بقي
Amir Elshazly
03-04-2010, 10:24 PM
تمام الفكره


منتظرين الحلقه
هبه محمود
03-04-2010, 11:04 PM
الساعه 11
هنبدا اللعب امتي
Soma
03-05-2010, 12:10 AM
جميلة جدا اللعبة دى
ميرسى جدا جدا يا بيبرس
MUHAMED SAMY
03-05-2010, 12:39 AM
بيبرس انت نسيت اللعبة ولا ايه؟؟؟؟؟
bata_batot
03-05-2010, 02:06 PM
فكره حلوه واحنا فى انتظارك
بس ياريت تكون الاسئله بتتحل ههههههههههههههههههه
Zooma
03-05-2010, 11:28 PM
معلش شباب صبايا ع التأخير
بس الواحد قال انكو تعيشوا اليوم امبارح
لانـــــا مين ؟! بس يلا كمان 10 دقايق اول حلقه ان شاء الله
وشكرا كتيييييييير ع التفاعل مع الفكرة
KAREEM
03-05-2010, 11:47 PM
تمام يا زوووووووما
مستنييييييين اهو
Zooma
03-06-2010, 12:00 AM
عنوان الحلقه : جريمة فنية


لأول مرة فى جلسات النميمة التى تعقدها شلة المعاش يومياً
على مقهى "الحرية "، تعبر اهتمامات الأصدقاء الخمسة حدود الحي
والفضل يرجع إلى وافد جديد دعاه الحاج رشاد تاجر الأقمشة
لكى يتعرف على أصدقائه بعد خطبة كريمة الحاج الآنسة سلوى إلى ابنه
والوافد الجديد هو "محمود بيه" اللواء السابق في مباحث الأموال العامة

وقد شهد اليوم الأول لإنضمام الوافد الجديد إلى شلة المعاشات واقعة غريبة للغاية،
ظلت مثارا لتعليقات الشلة لفترة طويلة بعدها .. والمفارقة المدهشة
أنه بعد التحفظ الواضح من محمود بيه فى حديثه مع الشلة
واختياره الشديد لكلماته وحركاته وسكناته .. فوجئ الجميع
بأن عقدة لسانه قد انحلت بمجرد أن دعاه الكابتن كمال
ليكون خصمه فى دور طاولة، وبمجرد أن بدأ محمود بيه
يرمى بالزهر حتى أحس بسعادة كبيرة، وهو يتقدم فى اللعب على الكابتن،
وبدأت التعليقات اللاذعة
"يا سيدى أنت مش قدي"
"أنا مابحبش اللى يقرص على الزهر "
"إلعب ياعسل"

وهو ما جعلهم يضربون كفا على كف، وهم يرون البيه نسيب الحاج،
يقفل الطاولة بحركة لا شعورية، ويتجه مباشرة نحو
شاب كان يحاسب صبى المقهى على المشاريب،
حيث طوى الطاولة بسرعة، :eek: وقفز من مكانه، :eek: وخطف النقود من يد القهوجى
واندفع يحاول اللحاق بالشاب، الذى كان هو الآخر قد انتبه إلى نظرات البيه المستريبة إليه،
وهرع ناحية سيارته، وقادها بسرعة حتى يبتعد عن المكان كله

لكنهم عثروا بعد هروبه من المقهى على حقيبة جلدية بجوار الكرسى
الذى كان يجلس عليه .. ولما اكتشف محمود بيه أنه لن يستطيع اللحاق به،
عاد بسرعة إلى صهره وشلته، حتى جاءه صبى المقهى وقال له
.. يا بيه .. الزبون اللى انت طلعت تجرى وراه .. نسى الشنطة دى هنا
وفتح محمود بيه الحقيبة بسرعة ليجد
أحد كروت التعارف الخاصة بالشاب، مكتوب فيه .. فايز العلمي .. فنان تشكيلى ..
وحين تعرف على شخصيته اندفع محمود بيه ناحية تليفون المقهى

ليبلغ الشرطة عن الشاب، ويخبرهم بأرقام تليفوناته المكتوبة فى الكارت
ويوصيهم بالقبض عليه فى أسرع وقت ممكن

السؤال هنا بقى ::


ما هى الجريمة التى اتهمها البيه للشاب ؟
bata_batot
03-06-2010, 12:18 AM
التهمه هى : تزوير العمله والنقود
KAREEM
03-06-2010, 12:35 AM
اللى سبق كل النبأ

هو فعلا مزووووور
والفلوس اللى عطاها للقهوجى مزوووووورة
بس ايه اللى خلى البيه دا يلااااااااحظ ؟؟
وهو ايش عرررررفه ؟؟؟؟؟
اه ان هو كان ضابط سبق فى مباحث الاموال العامة

اذا هى جريمة كاملة متكاملة
بجمييييييييييع اطرافها

تسلم ياحازم منتظرين اللى جاى
sajen_zenda
03-06-2010, 01:51 AM
ياريت الغلز تانيه كمان وكده
sajen_zenda
03-06-2010, 01:52 AM
الغاااااااااااااااز
bata_batot
03-08-2010, 10:20 PM
مساء الخير

نظرا للظروف الطارئه التى يتعرض لها Baybars :drive1:

العبه هتتأجل شويه صغننين لغايه بس لما يرجع من مشروع التخرج