المساعد الشخصي الرقمي

مشاهدة النسخة كاملة : (( الزواج ام الدراسة ايهما في صالح الفتاة ؟؟؟ ))



aafm
03-10-2010, 06:53 PM
السلام عليكم ورحمة الله وبركاته


(( الزواج ام الدراسة ايهما في صالح الفتاة ؟؟؟ ))

اخي الكريم اختي الكريمة...


الكثير من العوائل ترفض تزويج بناتها فى مرحلة الدراسه
فالدراسه أولا ومن ثم الزواج ..هل وجهة نظرهم صحيحه ؟؟


أم ان الدراسه لاتمثل عائقا لزواج الفتاه حيث انها تستطيع التوفيق بينهما ؟؟


هل الشهاده الدراسيه اكثر ضمانا لمستقبل الفتاه من الزواج ؟؟


هل الزواج فى سن مبكره السبب لحالات الطلاق حيث يكون الزوجان
غير مهيئين لتحمل المسؤليه وحل المشاكل ، كذلك إنشغال الفتاه فى الدراسه قد يلهيها عن واجباتها تجاه زوجها وبيتها
فيحدث الإنفصال من أول مشكله أو خلاف..؟؟


فما هى وجهة نظركم ؟

اتمنى ان ارى مداخلات من الجنسين حول هذا الموضوع المهم في المجتمع .

ساره احمد عبد الفتاح
03-10-2010, 07:32 PM
من وجهه نظرى ان الشهاده اولا واخيرا

لان مفيش غيرها اللى ممكن تضمنى وجوده حتى لو قلنا ان مفيش شغل اوغيره بس كون الانسان معاه شهاده ده سلاح يقدر يستخدمه فى حياته

اما الجواز فبقى عمله نادره يعنى مبقاش فى حد بيتجوز

وبعدين ممكن البنت تطلق او تترمى ف الشارع او غيره من اللى بنسمع عنه دلوقتى لكن الشهاده عمرها محترميكى الا اذا رميتيها

اما بالنسبه للزواج المبكر فانا ضده

لان الانسان بيكون لم ينضج فكريا واجتماعيا ونفسيا وجسديا....وكثير من الدراسات العلميه وخاصه الاجتماعيه منها اثبتت فشل الزواج المبكر بكل المقاييس

الورده البيضاء
03-10-2010, 09:46 PM
اولا احب اشكرك على عرضك للمناقشة
انا من رأئى ان البنت تكمل تعليمها الاول وبعدين تفكر فى الجواز
لانة مينفعش مش هتقدر توفق بين الاتنين لازم هيكون فى تقصير
لو مكانش فى البيت هيبقى فى الدراسة
وكمان سن 21 سنة بعد ماتخلص الجامعة دا بداية السن المعقول للجواز
بيبقى عقل الجنسين ابتدى يعقل وينضج
وانا عن نفسى ماحبذش جواز الشباب اللى سنهم صغير يعنى الشاب سنة المناسب للزواج تقريبا بداية من24سنة
على الاقل يبقى احتك بالحياة العملية بعد تركة لحياة الجامعة اللى بتبقى فيها رفاهية اكتر
واحب اشكرك مرة تانية على الموضوع
جزاك الله كل خير
اسفة للاطالة

هدى على
03-10-2010, 09:57 PM
هو الافضل ان الزواج بعد الدراسة بس انا عندى بنات متجوزين وفى سنى فى العائلة ومستقرين جدا وجابت تقدير
عن السنوات الماضية بس دة بيرجع لمدى التوافق والتدبير بس على مااعتقد ان 20 او 21 سنة مش زواج مبكر يعنى
بس هقولك حاجة معظم البنات الكليات تلقيهم معندهمش خبرة بالحياة قد كدة والناس عايشة ازاى وكدة يعنى فيفضل بالزات لدول الجواز بعد الدراسة بشوية يكونوا نزلوا كدة وخرجوا لحياة وشفوها واتعملوا معاها وفية حاجة كمان الكرثة اغلب حالات الطلاق متعلمين ازاى معرفش يعنى انا بلاقى انتقاضات يعنى بتلاقى البناء خاطىء انا افضل الجواز بعد الدراسة مع انى عندى مش موفقين وصعايدة مقولكيش وخطيبى بيظبط نفسةوبيجهز على الصيف دة بس مع نفسة هههههههههه بص بصراحة انا خطيبى مهتم بتعلمى اوى وبيشد معايا على مزكرتى اكتر من بابا بس بردك مش موفقة بعدسنة رابعة مجتش على سنة

blue_sky
03-10-2010, 09:59 PM
علشان تردوا على السؤال ده الدراسه أهم ولا الزواج للبنت
لازم البنت تسأل نفسها الأول هي بتدرس ليييييييييييييييييية؟
أكيد بتدرس عشان تقدر تفيد أولادها وتصنع علماء وعباقرة أو على الأقل جيل صالح يفيد الأمة ويفيد بلدة
فأكيد البنت لازم تتعلم
أنا شايفة أن الزواج المبكر حماية للشباب من حاجات كتير وممكن يقلل من المصايب اللي بتحصل وكل يوم نسمع عنها

ALY ELSAYED
03-10-2010, 11:53 PM
موضوع جميل ومهم جدا يا احمد

بحيك عليه

وانا من وجهه نظري ان الفتاه عشان تتجوز لازم تعدي 20 سنه

لان قبل كده البنت بتكون في مرحله طائشه يعني غير ناضجه فكريا

لان بعد كده بتكون مئهله لكن الجواز افضل اذا تعدت المرحله العمريه وممكن تكمل درستها

وفي امثال كتير ونجحا في تكميل الدراسه بعد الجواز

اما بالنسبه للولد مينفعش الا في حاله انه يكون بيشتغل وقادر انه يكون نفسه ويعول اسره

غير كده انه يعتمد علي بابا وماما فده مش حينفع خالص

شكرا ليك يا احمد وياريت اسمع ردك ووجهه نظرك

جزاك الله كل خير

Ahmed Waheed Shalaby
03-11-2010, 12:23 AM
موضوع جميل يا احمد

وبص يا سيدى

التعليم كويس جدا للبنت

واعتقدانها لازم تكمل تعليمها الاول

وبعدين تتزوج

ومحدش بيعرف قيمة التعليم الا لما يتخرج

وبجد التعليم مهم جدا

MUHAMED SAMY
03-11-2010, 01:29 AM
والله من اللى الواحد بيشوفو فى الكليات
لا ياعم انا افضل الزواج عن التعليم
ولكنه من الافضل (الزواج+التعليم)
ولو عندى بنت مش مدخلها جامعة

Soma
03-11-2010, 09:46 AM
التعليم الاول طبعا بس عارف فى بنات بتقدر توفق بين تعليمها وبيتها بس ده بيرجع برضه للزوج يكون متقبل ده ويساعدها عليه
قريبتى اتجوزت وهى بتتعلم وماشاء الله بقت دكتورة فى الجامعه دلوقتى هو بيبقى على حسب ظروف وطبيعة الزوجين نفسهم
بس محبذش ابدا الزواج المبكر ولا للبنات ولا الولاد عشان يكونوا قادرين فعلا على تحمل المسؤلية الزواج مش لعبة محتاج تفكير ووعى ومسؤلية كبيرة جدا
جزاك الله كل خير

aafm
03-12-2010, 09:31 PM
اولا انا اسف على تاخيرى فى الرد
اما عن راى فانا ارشح الدراسة اولا وبعدين نفكر فى الزواج
لان مش معقول يكون الدراسة وكل مافيها
وبعدين دا صاحب بالين كداب

blue_sky
03-12-2010, 10:18 PM
:evil:

اولا انا اسف على تاخيرى فى الرد
اما عن راى فانا ارشح الدراسة اولا وبعدين نفكر فى الزواج
لان مش معقول يكون الدراسة وكل مافيها
وبعدين دا صاحب بالين كداب

بالنسبة لصاحب بالين كداب
يعني أنت عايز تفهمنا أن البنت طول السنة من أول يوم دراسة لغاية أخر السنة بالها في الدراسة :evil::evil:
لأ طبعا

aafm
03-12-2010, 10:23 PM
:evil:

بالنسبة لصاحب بالين كداب
يعني أنت عايز تفهمنا أن البنت طول السنة من أول يوم دراسة لغاية أخر السنة بالها في الدراسة :evil::evil:
لأ طبعا

انا معاكى بس انا باقول انة مش معقول ان البنت هتكون زوجة وام وطالبة ودة لازم تدى لكل جزء حقوقة دة لايمكن

blue_sky
03-12-2010, 10:36 PM
انا معاكى بس انا باقول انة مش معقول ان البنت هتكون زوجة وام وطالبة ودة لازم تدى لكل جزء حقوقة دة لايمكن

ما أعتقدش أنها بتلحق تبئى أم وهي بتدرس البنت من دول بتتجوز قول وهي في سنة ثالثة أو قبل ما تدخل رابعة على مابتخل صبئي ممكن يكون عندها أولاد بعد كدة
الكلام دة أنامش جايباة من فراغ أنا أعرف بنات كتير متجوزين
ولسة كمان هيتجوزو أثناء الدراسة وأعرف ناس برضة مأجلين الموضوع دة لما يخلصوا عادي يعني مش بتأثر كتير

aafm
03-12-2010, 10:53 PM
والله بقى كل واحد ولية وجهت نظر بس انا اعرف ناس اجوزو خلال الدراسة وبيندموا وخاصة انها مابتقدرش تعيش ايام الجامعة من ضحك وهزار وصحبة ورحلات وغيرها

esraa marey
03-13-2010, 05:20 PM
اولا شكرا على عرض المناقشة لانها فعلا مهمة وانا من راى الدراسة اهم حاجة وما تتعوضش واحل سن لجواز بعد الكلية يعنى على 21 سنة بتكون اخدت خبرة من الحياة وكمان حددت مستقبلها واعتقد مش اى بنت تقدر توفق بين الدراسة والجواز .

aafm
03-13-2010, 06:49 PM
اولا شكرا على عرض المناقشة لانها فعلا مهمة وانا من راى الدراسة اهم حاجة وما تتعوضش واحل سن لجواز بعد الكلية يعنى على 21 سنة بتكون اخدت خبرة من الحياة وكمان حددت مستقبلها واعتقد مش اى بنت تقدر توفق بين الدراسة والجواز .


جزاكى الله كل خير يا اسراء

محمود ابوالمجد
03-31-2010, 08:50 AM
الشهادة طبعا وبعد كده الجواز