المساعد الشخصي الرقمي

مشاهدة النسخة كاملة : حاجه تغيـــــظ ....؟؟؟!!



Wild_Angel
03-14-2010, 12:19 AM
بسم الله الرحمن الرحيم
السلام عليكم ورحمة الله وبركاته


بالصدفه كنت بعمل بحث على جوجل

على برنامج كان فكره ليا فى الصيف اللى فات
بجد البرنامج كنت بحبه اوى
وكنت بستنى وقت البرنامج اللى كان على الهوا
برنامج محارة قلب:11rob::11rob:

كتير من الناس اللى فى المنتدى كانوا ضيوف فى البرنامج
ونورونا كتيييير من الاعضاء الحلوين فى الموضوع بأسئلتهم ومتابعتهم للبرنامج

المهم ندخل بقى فى صلب الموضوع
لقيت نفس اسم البرنامج وانا بعمل بحث فى منتدى تانى
قولت عادى ممكن يبقوا اخدوا الاسم وعملوا فكره تانيه خااالص على الاسم

انما ادخل على الموقع والاقى الاسئله ونفس الكلام وحتى الصووووور اللى كنت بعملها:eek::eek:

انا مش بتكلم عن الموضوع بذاته..
بس بتكلم عن نقل المواضيع
بجد ده بيمحى شخصية الناقل:confused:

مش بنقول متنقلوش
بس حاولوا تضيفوا جديد من عندكم
على قد ما كنت سعيده بأن الفكره اكيد ناجحه عشان الناس تاخدها
بس حزينه لعدم الامانه ان حتى الناس تقول ان الفكره منقوله

بس كده :)
خلاص الحمد لله مبقاش فى حاجه غيظانى
عشان يمكن وضحت فكرتى
وربنا يدى كل واحد على قد نيته
ويمكن اى حد بينقل بتكون نيته خير
بس أتمنى اللى مكنش متابع برنامج محارة قلب
يتفضل بالدخول وقراءة حلقاته ليستمتع ويستفيد:) :)
ده رابط الموضوع
http://www.mesa7a.com/forum/showthread.php?t=8771

KAREEM
03-14-2010, 12:25 AM
ودا دليل على نجاحنا
وانا احنا لينا شخصيتنا
الحمد لله فى الكتابة
ومختلفين عن كل المنتديات
بالروح الحلوة الى موجودة بين الاعضاء

ويمكن المنتدى نام شوية الفترة اللى فاتت
بسبب حتة المواضيع المنقولة دى
انا مكنتش مقتنع الكلام دا
بس احب الى ينقل ع الاقل
مش يقتبس كوبى
ممكن يضيف
يعرض الموضوع من نظرة تانية
فى 100 طريقة

بس الحمد لله المنتدى دلوقتى بقى أحسن
وان شاء الله اللى جاى أحسن وأحسن
بس المهم عندنا القسم الاسلامى
لانه هو دايما اللى بيذكرنا بربنا

جزاكى الله خير
ولا تزعلى نفسك :D

Marwa Magdy
03-14-2010, 12:26 AM
البرنامج كان جميل اوى يا وايلد
و كان من البرامج الناجحه جدا ف المنتدى
لانك بصراحه كنتى بتبزلى فيه مجهود كبير اوى
و الناس كلها فى المنتدى عارفين كدا
وبجد مش عارفه اقولك ايه على اللى حصل ده
حسبى الله ونعم الوكيل بقى فى اللى عمل كدا
حرام عليه بجد

Wild_Angel
03-14-2010, 12:32 AM
جزاك الله خيراً يا كريم
على قد ما بقدر بحاول أجدد فى القسم الاسلامى
وايد لوحدها متصقفش :)
بس بأذن الله ضغط الدراسه عندى يقل وكمان مع زمايلى المشرفين فى الاقسام الاسلاميه
وحيكون فى تجديد شامل بأذن الله :)

ربنا يخليكي يا ميرو
الامر لله بقى حنعمل ايه
يارب بس يكون نيتهم خير فى النقل
ان شاء الله فى افكار جديده
حتعجبكم بأذن الله

alaa eid
03-14-2010, 09:27 AM
حاجة غريبة بصراحة
ربنا يهدي
وفعلا الموضوع كان من امواضيع الناجحة جدااااااااااا

Wild_Angel
03-18-2010, 08:56 PM
ربنا يخليكي يا لولو
ربنا يهديهم جميعاً ياااارب
وحتى يعملوا بأصلهم وينقلوا بأمانه :)

Heba Bebo
03-18-2010, 09:05 PM
المشكلة يا اسراء في اللي نقل اسم الشخصية مشهورة اوي عندنا خيبة لتكون نقله اسم الشخصية كمان اصل الاصلية بتاعتنا مش من اخلاقها النقل بهذه الصورة

الي الامام انتي واكيد ده بيثبتلك نجاحك في كل شئ

خلي اعمالنا كده ثواب وصدقة جارية

في زيادة يارب

ولا تنزعجي ابدااااااااا


ده شرف لنا كلنا

Wild_Angel
03-18-2010, 09:58 PM
ربنا يخليكي يا بيبو
ربنا يهديهم والله
بس اللى انا أحب اأكد عليه
ان الكتابه بأيد الواحد احسن كتير
ان شالله حتى تكون الفكره بسيطه :)
نورتيني يا بيبو

geography_man2010
03-18-2010, 11:48 PM
ياريت يكون فى لينك عليه حماية

Mohamed Gaber Aly
03-19-2010, 12:04 AM
انا كنت بدور زيك النهارده ياويلد على موضوع من موضوعاتى
ولقيت مفاجاه اكبر من كده
وجدت منتدى بالكامل مش حقول اسمه فيه كل مواضيع المساحه البحريه تقريبا
من عندنا والكاتب ينسب بعض المواضيع لنفسه
وانا متاكد لو دخلت على باقى الاقسام حلاقى منتدانا عندهم
ربنا يهدينا ويهديهم
على العموم ده زى ماكريم قال دليل على نجاح منتدانا

blue_sky
03-19-2010, 12:13 AM
ولا تغيظي نفسك ياحبي
أنتي المفروض تفرحي وده يكون حافز ليكي تعملي الجديد والجديد
ولــــــــــــــــــــــكن
تحاولي تعملي حاجة زي حماية كدة عشان اللي عايز ينقل ، ينقل الموضوع كله وعليه أسمك كمان ما يقدرش يشيلة
وأهو تشتهري يا ويلد

Wild_Angel
03-28-2010, 01:47 PM
:) :) :) :)
حلو موضوع منتدانا عندهم ده
أهم بيستلفوه لفه يا باشمهندس محمد

لا بجد فعلا حاجه غريبه بس فعلا ده دليل على النجاح

المشكله بقى يا سمسمه ان صعب تعملى حمايه لموضوعك
انا عموما اما بعمل موضوع كنت بحب أعمل الصور بتاعته
يأما يكون فيها اسمي
او يكون فيها اسم المنتدى هنا
بس الله يسامحهم بياخدوا من الموضوع الحاجات اللى تنفعهم
والله انا مش ضد ان حد ينقل
بس على الاقل يقولو منقول

عموما شرفتونى كلكم
ويكفيني أرى ردودكم اللى تؤكد أننا الافضل
جزاكم الله خيراً