المساعد الشخصي الرقمي

مشاهدة النسخة كاملة : حريق كافتريا كلية التربية جامعة الاسكندرية اليوم



Heba Bebo
03-17-2010, 09:42 PM
السلام عليكم

بعد حدوث الحادث المؤسف اليوم
17/3/2010

بكلية تربيه بجامعة الاسكندرية


وهو عبارة عن حريق مؤسف للغايه باحدي الكافتريات


وهو الامر الذي يؤيد الراي باغلاق الكافتريات بالمجمع



حيث انها في غير مكانها ولا يوجد ادوات الحرائق بها نهائيا



لمتابعه


أصيب 10 أشخاص الأربعاء إثر حدوث تسرب غاز من إسطوانة بوتاجاز داخل كافتيريا فى كلية التربية جامعة الأسكندرية بالمجمع النظرى بحى الشاطبى وسط المدينة نقلوا على إثرها إلى مستشفى رأس التين العام.
وأكد مدير المستشفى الدكتور محمد فتح الله أنه يجرى حاليا تقديم الرعاية الطبية الفائقة للمصابين فى الحادث، تمهيدا لمرحلة خضوعهم لإجراء العمليات، مشيرا الى أن نسب الحروق جراء الحادث تتراوح ما بين 25 % إلى 95 %.


وأشار فتح الله إلى أن 5 من الحالات المصابة حالتهم حرجة وغير مستقرة ويشرف عليهم فريق طبى متكامل من الأطباء المتخصصين بالمستشفى لمتابعة تطورات حالتهم ومعالجة أية مضاعفات صحية، لافتا إلى أن أطباء التجميل راجعوا الحالات المصابة لتحديد حجم العمليات الجراحية التى سيخضعون لها بعد استقرار حالتهم.


وكان مدير إدارة الحماية المدنية بالأسكندرية اللواء عاطف زكى قد تلقى بلاغا بحدوث تسرب غاز من إسطوانة بوتاجاز كبيرة الحجم بمطبخ الكافتيريا في وقت سابق الاربعاء، وحدوث موجة انفجارية نتيجة وصول جسم مشتعل للغاز المتسرب مما أدى لإصابة 8 أشخاص بحروق وإصابة 2 آخرين باختناق (جميعهم من العاملين بالكافتيريا) وحدوث تلفيات محدودة بمحتوياتها، ولم تحدث إصابة بين الطلبة.


وانتقل على الفور رجال الإنقاذ بإشراف العميد عماد خير رئيس قسم الحريق بإدارة الحماية المدنية بالأسكندرية وتم اتخاذ كافة الإجراءات التأمينية، كما انتقل فريق من النيابة العامة بإشراف مدير نيابة باب شرقى بالأسكندرية محمد حبكة لموقع الكافتيريا لإجراء المعاينات اللازمة.
وقررت النيابة بإشراف المستشار ياسر رفاعى المحامى العام الأول لنيابات استئناف الأسكندرية تشكيل لجنة مختصة لتقدير قيمة الأضرار وحجم التلفيات وانتداب خبراء الأدلة الجنائية لتحديد سبب تسرب الغاز من الأسطوانة.
العودة إلي أعلي (http://www.egynews.net/wps/portal/news?params=86620#)


حدث اليوم حادث مروع في المجمع فقد انفجرت احدى انابيب الغاز الطبيعي بمطعم كمال احمد بكلية التربية جامعة الأسكندرية صباح هذا اليوم وذلك بسب عطل قد اصاب المنظم للأنابيب مما اسفر إلى حدوث حروق بالغة جدا لعمال المطعم السته كلهم وقد اتصل الطلاب بعربات الأسعاف والمطافي وقد كانت الأستجابة السريعة منهم فقد جاؤا بعد نحو عشرة دقائق على الأكثر من وقت حدوث الحريق وقد تم نقل المصابين إلى عربات الأسعاف بمساعده الطلاب ومن ثم إلى مستشفى رأس التين ثم بعد نحو نصف ساعة جاء رجال الأمن ثم بعد حواليخمسون دقيقة نزل عميد كلية التربيه الدكتور شبل بدران ومعه الدكتور اشرف فراج عميد كلية الأداب وذلك بعد حضور الأستاذ الدكتور هند حنفي رئيسة الجامعه


وفي النهاية نسأل الله تبارك وتعالى الشفاء العاجل لهؤلاء العمال.




http://www.gam3aonline.com/uploads/page%201439755524.JPG (http://www.as7ab3rb.com/vb)

http://www.gam3aonline.com/uploads/page%202439755525.JPG (http://www.as7ab3rb.com/vb)
http://www.gam3aonline.com/uploads/page%203439755526.JPG (http://www.as7ab3rb.com/vb)
http://www.gam3aonline.com/uploads/page%204439755527.JPG (http://www.as7ab3rb.com/vb)







فيديوهات من الموقف اللي كان موجود


http://www.youtube.com/watch?v=Gi246...layer_embedded (http://www.youtube.com/watch?v=Gi246EfUpng&feature=player_embedded)



http://www.youtube.com/watch?v=_XY4s...layer_embedded (http://www.youtube.com/watch?v=_XY4smolFw4&feature=player_embedded)

spider girl
03-17-2010, 09:54 PM
ربنا يشفسهم يا هبه
متتصوريش المنظر على الحقيقه كان عامل ازاى
ولا تقدر توصفه اى صور ولا فيديوهات
لانى شوفت كل ده بعينى والمنظر مش عايز يغيب عنى
بجد ربنا يتولاهم ويرحمهم برحمته
والله المنظر يخلى الحجر يبكى بدل الدموع دم
على مدى الجروح والحروق الى كانوا فيها العمال
لكن والله يا هبه كان فيه طلبه لبسها كان ماسك فيه النار
والله كمان انا شوفت كده لكن محدش يقول مفيش اصابه من الطلبه
انا شفتهم بعينى طالعين بيجروا والنار ماسكه فى هدومهم
لكن فعلا الواحد يشهد بسرعه الاجراءات الى حصلت
سواء اسعاف او مطافى او مساعده الناس والطلبه
سبحان الله كله حصل فى لحظات بس وقت صعب فعلا على اى حد
ربنا يتولاهم برحمته ويرحمهم ويخفف عنهم ويجعله فى ميزان حسناتهم

وشكرا على التقرير السريع يا استاذه

bata_batot
03-17-2010, 09:57 PM
ربنا يشفيهم يا رب

(اللهم هون علينا مصيبتنا واخلف لنا خير منها )

الموقف كان صعب جدا انا مشفتهوش بس شوفت اثره وكمان الفيديو والصور لا حول ولا قوه الا بالله نسال الله الشفاء العاجل باذن الله

alaa eid
03-17-2010, 09:58 PM
لا حول ولا قوة الا بالله اعلي العظيم

يااااااارب الطف في قضائك وقدرك

ويصبر اهل الناس اللي اصابوا

Heba Bebo
03-17-2010, 10:10 PM
والله يا سارة انا ماروحتش برغم ان كان عندي محاضرة مهمة جداااااااااااا الساعة 4 بس نفسيتي تعبانة من امبارح وماروحتش
واما سمعت الخبر طبعا هموت من الحزن

كليتنا دي فقر قالوا مليون مرة التسمم والحريق والطلبة ولكن الفلوس عمياهم خالص

والالاخبار الاكيدة ان في 2 توفوا من العمال وناس اتصابت كتيرة ربنا يشفيهم ويعفو عنهم برحمته

واكيد دي تذكرة لكل البشر

شكرا يا سارة

:euro:

Heba Bebo
03-17-2010, 10:11 PM
ربنا يشفيهم يا رب

(اللهم هون علينا مصيبتنا واخلف لنا خير منها )

الموقف كان صعب جدا انا مشفتهوش بس شوفت اثره وكمان الفيديو والصور لا حول ولا قوه الا بالله نسال الله الشفاء العاجل باذن الله

يارب يا بطة

انا مش قادرة اقولك ربنا رحمني من هول المنظر

الواحد مابيستحملش حاجة ربنا يشفيهم ويرحم المتوفيين ويسكنهم فسيح جناته:dots:

Heba Bebo
03-17-2010, 10:13 PM
لا حول ولا قوة الا بالله اعلي العظيم



يااااااارب الطف في قضائك وقدرك



ويصبر اهل الناس اللي اصابوا


يارب يا الاء

الدنيا لا توصف هناك

ربنا يخفف عنهم

الام الحرق شديدة

اللهم اجرنا من النار وما يقربنا اليهم من قول او عمل

spider girl
03-17-2010, 10:20 PM
والله يا هبه القسم عندنا اتحول لميتم
بعد ما شوفنا المناظر دى
بعد ما كنتى تسمعى فيه صوت الكلام والضحك
تحول فى ثانيه لمحزنه وعياط وكان وقت صعب اوى علينا
فما بال اهل المصابين والى ماتوا
ربنا يرحمهم جميعا ويتولى الباقين برحمته

ALY ELSAYED
03-17-2010, 10:23 PM
يا حول الله يارب

حقيقي خبر مؤسف جدا

ربنا يشفيهم يارب

Youssef Mostafa
03-17-2010, 10:58 PM
لا حول ولا قوة الا بالله الله يلطف بيهم ويشفيهم ويصبر اهاليهم يارب

mohamed ali
03-17-2010, 11:41 PM
انا سمعت عن الحادث رغم وجودى فى الكلية النهارده

كام عندى محضرتين متصلين ببعض معرفش الا من صاحب لى

مش عارف ازاى كافية زى ده مفهوش وسائل امان واطفاء

بحس ان انا عايش فى الصومال

KAREEM
03-18-2010, 01:43 AM
بصراحة انا حزين جدا
وبكتب دلوقتى وقلبى بيتعصر
حاااااااااااجة صعبة جدااااااااا
ومين عالم كنت ممكن اكون مكانهم
انا دايما بشترى من الكافتيريا دى
وكنت ملاحظ فعلا ان فيها اهمال كبير
لكن نعمل ايه العمال دول غلابة جدا
واللى سمعته انهم كانوا رابطين
خرطوم الغاز بخرقة عشان كان مخروم !!!!
مش حكاية منظم ولا حاجة
وسامحينى اهبة صيغة الخبر استفزتنى جدا
لكن ما علينا انتى ما عليكى الا النقل
وجزاكى الله خير ع الفيديوهات
بس الخبر كله وقال المسؤول كذا
بسرعة كذا واللواء كذا
ياخى يولعو كلهم
والعمال دول ولا الطلبة دول
ايه اللى هيعوضهم
دى حاااااااجة تغيظ
قدر الله وماشاء فعل
وربنا يصبرهم ويصبر أهاليهم
ويسترها معانا مبقاش حد خلاص
ضامن نفسه فى المجمع دا

Youssef Mostafa
03-18-2010, 01:46 AM
عشان بسبب اهمال المسؤولين وضعف الادارة والاهمال والتسيبمهو لو فى قوانين للكافيهات دى ان من شروط دخولها المجمع وسائل الامان والاطفاء مكنش دة حصل هو طبعا قضاء وقدر بس فى اسباب بجد حسبى الله ونعم الوكيل مش كفاية عمالين يضيقوا فى المجمع مبقتش حاسس انى فى كلية خالص كانى ماشى فى حارات مفيش مكان امشى فيه اصلا

الورده البيضاء
03-18-2010, 03:22 AM
لاحول ولا قوة الا بالله
ياجماعة حد يعرف مين اللى اتوفى؟؟؟؟؟؟؟

Heba Bebo
03-18-2010, 11:46 AM
لاحول ولا قوة الا بالله


ياجماعة حد يعرف مين اللى اتوفى؟؟؟؟؟؟؟


والله وصلني من اصحابي اللي هناك

2 من العمال

ولكن ف 90 دقيقة كان 6

ربنا يرحمهم ويصبر اهلهم




يا كريم انا نقلت الموضوع من منتدي خليجي

بصيغته المستفزة دي وكويس انك خدت بالك منها


وكان في احدي الردود

(عشان يبقوا يعملوا كافتريات جوا الجامعة كويس)

بصراحة لا تعليق

الاهمال هيعمل فينا اكتر من كده:(:(:(

Amir Elshazly
03-18-2010, 01:47 PM
لاحول ولا قوة الا باالله


ربنا يشفيهم يارب

sindrela37
03-18-2010, 02:31 PM
الله يشفى المرضى

sindrela37
03-18-2010, 02:32 PM
ربنا يشفيهم يارب

حنين الحياة
03-18-2010, 02:44 PM
والله ماهما الواحد قال مش هيقول جواه ايه وانا ماكنتش في الجامعه سعتها بس كانت اختي هناك وهي شافت كل حاجه والحمدلله انها ماكنتش في الكافتريا هناك بس كانت في الكليه ولما رحت الجامعه شوفت المنظر البشع بجد ولقيت الضباط علي حوالي الساعه ثلاثه ونصف هناك وساعت المحاضره سمعنا صريخ الاهالي والبكاء الشديد واحنا قلبنا بيتقطع من الحزن والدكاتره عادي خالص بس هنعمل ايه قدر الله وماشاء فعل وربنا يرحم الي توفي ويشفي الباقي وياريت الاداره تنتبه بقي وتقفل الكافتريات مش عاوزين حاجه تحصل تاني كفايه الي حصل بقي ويزودوا الحمايه

الفيلسوف العاشق
03-18-2010, 03:46 PM
ربنا يتولاهم برحمته انا كنت موجود ساعة الحادث وشاهدت كل شئ ولكن ربنا يتغمضهم برحمته ويسكنهم فسيح جناته

mayada
03-18-2010, 11:15 PM
لا حول ولا قوة الا بالله

blue_sky
03-19-2010, 12:04 AM
لا حول ولاقوة إلا بالله
إرادة ربنا أن الحادث يحصل وكمان يحصل وقت الصبح لأن لو كان متأخر شوية عن كدة كان زمان الإصابات أكتر من كدة
لعلها تكون تذكرة بالنار وعذاب ربنا وتفوق الناس الكتير اللي بنشوفهم في الكلية عايشين كدة وخلاص ولاحاسين بأي حاجة دة مأنتم ودة مصاحب
ياريت نفكر في كل حاجةبتحصل قدامنا مفيش حاجة بتحصل كدة وخلاص لازم يكون وراها معنى
ربنا يرحمنا جميعا ويلطف بينا

الفيلسوف العاشق
03-19-2010, 10:41 AM
انا لله وانا اليه راجعون
بلغنى ان تِوفيا اثنين من العمال فى ذات يوم الحريق
ياجماعه ادعولهم بالرحمة وان يسكنهم الله منزله الشهداء والصديقين وان يلهم اهلهم الصبر والسلوان وكل من راى منا الحادث الصبر والسلوان والموعظة والرجوع الى الله

رنا حسين
03-19-2010, 05:14 PM
مشكور كتير

مى رسمى
03-19-2010, 06:46 PM
ربنا يشفى المصابين كلهم يارب

وتغطيه جامده جدا بشكرا عاليها يا هبه

جزاكى الله كل خير

شجره
03-23-2010, 02:05 AM
لقل لن يصيبنا الا ما كتب الله لنا

soooo
03-23-2010, 03:40 PM
لا حول ولا قوة الا بالله انا باحمد ربنا اني مش كان عندي محاضرات بدري كان زماني كنت موجوده في الحادث لا قدر الله

Heba Bebo
03-23-2010, 03:42 PM
اللهم لك الحمد والشكر علي النجاة من كل شر


ربنا يسلم من كل الم يعم بالمسلمين

ويغفر لهم ويرحمهم الاحياء منهم والميتين

heba
03-23-2010, 04:50 PM
ربنا يشفيهم ويعفو عنهم ويرحمهم برحمته
فعلا المنظر كان فظيع جدا والنار ماسكة فيهم وفي طفايات حريق ماكنتش شغالة
كمان في طلبة من البنات رجليهم اتحرقت , ياريت بجد يقفلو كل الكافتيريات الي في المجمع
بس ازاي مجمع كليات مايكنش في لغاية دلوقتى غاز طبيعي ولسه بيستخدموا انابيب البوتجازات

احمد الطط
03-28-2010, 11:43 PM
اوافق على الاشتراك فى المنتدى

احمد الطط
03-28-2010, 11:46 PM
الله يرحم اموتنا جميعا