المساعد الشخصي الرقمي

مشاهدة النسخة كاملة : ماذا تفعل لو تعرضت الى هذا الموقف ؟؟؟؟؟؟؟؟؟



mohamed ali
03-23-2010, 07:51 PM
http://www.iraqpics.net/images/0u3z0pixnootznemprkv.png (http://www.iraqpics.net/)

موقف يتعرض له كل مواطن الكيبر والصغير كل يوم تقريبا مثلا اما تروح الفرن عشان

متوئفش كتير بتظبك الفران عشان يمشيك بسرعه او اما بتروح الشهر العقارى

عشان تسجل حاجة بتظبط اى حد عشان يخلصك بسرعة ومتوجعش دماغك

ايييييه ياعم ما البلد كلها مااااشى بالنظام اللى مش حيدفع مش حيمشى .

http://www.iraqpics.net/images/63pp9c3xn6oda1pg3alx.jpg (http://www.iraqpics.net/)

العسكرى اللى بيكتب المخالفات عشان ميكتبش نمرتك بطبقله خمسايه

وتدى هالو وفى ايدى والا مش حيسيبك - وانا بشفوها كل يوم –

http://www.iraqpics.net/images/3av6wdqrv3np2rv28kk2.gif (http://www.iraqpics.net/)

هــــــــــــــــو نظـــــــــــــام مشهور جدا خاصةً فى مصــــــر له معنين
باللغه العامية :

1-(ابجنى تسعدنى او ابرز تنجز )

2-ايييه يامعلم صباحو قشطة فين "قهوتى"او"الشاى"

التعريف :

لو عايز تمشى مصالحك لازم تدفع والا مش حتمشى .

باللغة العربية :

الرشـــــــــــــــــــــوه
التعريف :

نوع من الفساد، يُطلق على دفع شخص أو مؤسسة مالاً أو خدمة من أجل

الاستفادة من حق ليس له، أو أن يعفي نفسه من واجب عليه.

الصراحة اللى اثار فضولى للكتابه فى هذا الموضوع هو ماتعرض ليه

عندا استخراج رخصة القيادة رسبت فى امتحان الاشارات مرتين

على التوالى عشان مدفعتش وواحد بمتحن على الجهاز الاخر اعد مبيعملش
حاجة هى اللى بتجاوب بداله .

لو نظرنا اى يومنا حنلاقى ان لازم ندفع فى كل شى تقريبا فى الفرن حتى وانتا

رايح تشترى فول – بتدفع للراجل عشان يخلصك ويمشيك بسرعة اصل انا مبحبش الواقفة –

http://www.iraqpics.net/images/lu5deab5r266czncew.jpg (http://www.iraqpics.net/)

فى المصالح الحكومية

بتلاقى الموظف متوضى والميه بتشر من ايده ويقول ايوه

حطها قى الدرج عشان انا متوضى – فى كل مكااااان تقريبا حتى اما تقدم على

وظيفة لالالالالازم تدفع عشااان تحصل على وظيفة جيده مبتفكرش ولو لحظه

ان ممكن الوظيفه دى تكون من حق واحد تانى يستحقها .

فى مصر عشان تمشى حالك لالالالالالالازم تدفع بيفكرنى
بـــ هندى

- انا بحب الفساااااااد – ههههههههههه.

http://www.iraqpics.net/images/539ds25sffadogjhvbw.gif (http://www.iraqpics.net/)

ابارح كنت بتفرج على القاهره اليوم كانو جايبين وزير الدولة للتنمية

الاداريه "الدكتور احمد درويش " والناس اللى دخلت واتكلمت

كانت حاجة تكسف والوزير اقر على زياده نسبة الرشوه فى السنوات
الاخيره .

طيب اييييه اسباب الانتشاررررالكبير للرشوه فى الوقت الحاضر

2-ادارياً "من قبل الدولة ":

ممثلة فى قلة مرتبات الموظفين فبالتالى هذا الموظف عايز ياكل

ويئمن مستقبل عياله فيعمل اييييه غيرا الرررشوه هو بيعطيها اسم

مستعار -العمولة ,الاكراميه- عشان يريح ضميره شويه ولكن هو
بيضحك على نفسه .

http://www.iraqpics.net/images/3hp82tb8bpfngksdcvxw.jpg (http://www.iraqpics.net/)

2- انخفاض المستوى المعيشي وتردي الأحوال الاقتصادية يكون دافعاً لقبول الرشوة
والتعامل بها.

حكم الرشوه فى الاسلام
ايااات قرانية :

(وَلا تَأْكُلُوا أَمْوَالَكُمْ بَيْنَكُمْ بًالْبَاطًلً وَتُدْلُوا بًهَا إًلَى الْحُكَّامً لًتَأْكُلُوا فَرًيقاً مًنْ أَمْوَالً النَّاسً بًالإًثْمً وَأَنْتُمْ تَعْلَمُونَ). البقرة /188

(وَتَرَى كَثًيرًا مًنْهُمْ يُسَارًعُونَ فًي الْإًثْمً وَالْعُدْوَانً وَأَكْلًهًمُ السُّحْتَ لَبًئْسَ مَا كَانُوا يَعْمَلُونَ) المائدة/62

(لَوْلَا يَنْهَاهُمُ الرَّبَّانًيُّونَ وَالْأَحْبَارُ عَنْ قَوْلًهًمُ الْإًثْمَ وَأَكْلًهًمُ السُّحْتَ لَبًئْسَ مَا كَانُوا يَصْنَعُونَ) المائدة/63

الاحاديث النبوية :
وعن أبى أمامة قال : قال رسول الله صلي الله عليه وسلم : "من شفع لأخيه

بشفاعة فأهدى له عليها هدية فقد أتى بابا عظيما من أبواب الربا ".

وعن أبى هريرة قال : " لعن رسول الله صلي الله عليه وسلم الراشي والمرتشي في الحكم " . رواه الترمذى وحسنه وابن حبان في "صحيحة " والحاكم

وفى النهاية اقول

إن الرشوة تجعل الحق باطلاً والباطل حقاً وهي مرض خطير، فالإسلام حرمها بأي

اسم كانت وبأي صورة سواء سميت هدية أو مكافأة أو غير ذلك فالاسم لا يغير

الحقيقة، فما خالطت الرشوة عملا إلا أفسدته ولا نظاما إلا قلبته ولا قلبا إلا أظلمته

وما فشت في أمة إلا وكان الغش محل النصح والخيانة محل الأمانة والخوف محل

الأمن والظلم محل العدل.

فانتا لو تعرضت الى هذا الموقف ماذا تفعل
سوال يطرح نفسه ؟؟؟؟

MUHAMED SAMY
03-23-2010, 08:00 PM
انا بصراحة اخدت قرار بينى وبين نفسى
الفرصة مبتجيش الا مرة واحدة
يعنى مش هضيع اى حاجة من ايدى تانى
وبالنسبة للرشوة لو فى مصلحة هخلصها(ذى الرخصة)هخلصها كده انا ماخدتش مكان حد(ولو مدفعتش هيقرفونى لحد ما اخدها)
لكن انى مدفعش عشان اقلش حد واكون مكانه(وهو الافضل)
وربنا يوفق الدنيا على بعضها

Soma
03-23-2010, 10:05 PM
الله ينور عليك
تصدق حصلتلى برضه نفس حكاية امتحان المرور ومنجحتش عشان مدفعتش
يلا ربنا يسهلهم
جزاك الله كل خير

Ahmed Waheed Shalaby
03-24-2010, 01:25 AM
موضوع رائع

وطرح اكتر من رائع للموضوع من معظم الجوانب

وبص يا محمد الرشوة دى باة حاجة عادية

ودى لازم بجد يتعمل عليها بحوث واقتراحات علشان يكون فى حلول ليها

لاننا عمرنا ماحنبقا زى الناس التانية طول ما احنا بعاد عن شرع ربنا

وربنا يسترها علينا ويكون فى عقاب رادع لكل من تسول له نفسة اخذ الرشوة

وكل فترة نسمع مصطلح( قضية الرشوة الكبرى) بجد عادة حاجة مستفزة

يارين نلقيلها حل

alaa eid
03-24-2010, 03:01 AM
حاجة بقت منتشرة بجد جداااااااااااا في كل مكان وكل حتة
والله حاجة تضايق وتنرفز يعني لو انسان فقير ومش معاه يدفع للموظف علشان يسهله طلبه يبقي خلاص عليه العوض
مش هنقول غير حسبنا الله ونعم الوكيل
وربنا يصلح حالنا وحالهم

mohamed ali
03-25-2010, 12:39 AM
انا بصراحة اخدت قرار بينى وبين نفسى
الفرصة مبتجيش الا مرة واحدة
يعنى مش هضيع اى حاجة من ايدى تانى
وبالنسبة للرشوة لو فى مصلحة هخلصها(ذى الرخصة)هخلصها كده انا ماخدتش مكان حد(ولو مدفعتش هيقرفونى لحد ما اخدها)
لكن انى مدفعش عشان اقلش حد واكون مكانه(وهو الافضل)
وربنا يوفق الدنيا على بعضها



الف شكررررر ياسامى على مرورك

اشكرك على صراحتك

mohamed ali
03-25-2010, 12:42 AM
الله ينور عليك
تصدق حصلتلى برضه نفس حكاية امتحان المرور ومنجحتش عشان مدفعتش
يلا ربنا يسهلهم
جزاك الله كل خير

الف شكرررررر على مرورك ياسوما

بس فى النهاية طلعتى الرخصة ودفعتى ولالالالا ايه

انا اتغظت ورحت اشتريت عجلة وعندت فيهم وامشى

على مزاجى عكس طريق اى حاجة المهم اقرفهم

mohamed ali
03-25-2010, 12:48 AM
موضوع رائع

وطرح اكتر من رائع للموضوع من معظم الجوانب

وبص يا محمد الرشوة دى باة حاجة عادية

ودى لازم بجد يتعمل عليها بحوث واقتراحات علشان يكون فى حلول ليها

لاننا عمرنا ماحنبقا زى الناس التانية طول ما احنا بعاد عن شرع ربنا

وربنا يسترها علينا ويكون فى عقاب رادع لكل من تسول له نفسة اخذ الرشوة

وكل فترة نسمع مصطلح( قضية الرشوة الكبرى) بجد عادة حاجة مستفزة

يارين نلقيلها حل


الف شكررر على مررك العطر

بس مافيش اللى انتا بقول علي

وزير الدوله للتنمية الادارية الكتور احمد درويش

اقر على وجودها بل وتفشيها فى المجتمع

بصوره كبيره فى الوقت الراهن .

حتى هو قال انى لو ارفع المرتب

بتاع الموظف برضوه هياخذ الرشوه

لانها دخل زائد ليه .العيب هنا فين

mohamed ali
03-25-2010, 12:50 AM
حاجة بقت منتشرة بجد جداااااااااااا في كل مكان وكل حتة
والله حاجة تضايق وتنرفز يعني لو انسان فقير ومش معاه يدفع للموظف علشان يسهله طلبه يبقي خلاص عليه العوض
مش هنقول غير حسبنا الله ونعم الوكيل
وربنا يصلح حالنا وحالهم

الف شكرررر يا الاء على مرورك الجميل

وانا متفق معاكى

Ahmed Waheed Shalaby
03-25-2010, 01:15 AM
الف شكررر على مررك العطر

بس مافيش اللى انتا بقول علي

وزير الدوله للتنمية الادارية الكتور احمد درويش

اقر على وجودها بل وتفشيها فى المجتمع

بصوره كبيره فى الوقت الراهن .

حتى هو قال انى لو ارفع المرتب

بتاع الموظف برضوه هياخذ الرشوه

لانها دخل زائد ليه .العيب هنا فين



بص يا محمد من الاخر كدة

العيب فينا احنا

لو كل واحد فينا تمسك انة يمشى صح وميدفعش لحد

اظن انهم حيشتغلوا برضة غصب عنهم من غير حاجة خالص

بس المشكلة برضة فى طيبة الناس تلاقى الواحد منهم يقولك

هات خمسة جنية مثلا رسوم معرفش اية ولا يديلك وصل ولا حاجة وفى الاخر طبعا يضربها فى جيبة

KAREEM
03-25-2010, 01:21 AM
احييك على فكرة الموضع يا ابن عم على
واحب اقول لك ان فى علماء احلو الرشوة
فى بعض الحالات والمجتمعات اللى الامور
مبتمشيش فيها الا بالشوة زى بلدنا
ولكن الحكم ليه اساس وهو
انك بتدف الرشوة دى عشان تدفع الضرر عنك
مثلا بتوع التموين جايين بيتبلو عليك فى محل
اكل عيشك ولااااااازم ياخدو منك فلوس يا اما
هيلبسوك قضية كدا من غير حاجة بس عشان
مدفعععععععععععععععععععععععععععتش
اما انك هتدفع رشوة وتاخد حق مش حقك او
تأذى حد تانى او تاخد مكان فى عمل حد تانى
كان اولى بيه فهو دا اللى حرام

دا كلام احله واتفق عليه غالبية العلماء المسلمين
فى الوقت الحاضر والله أعلم

وانا عن نفسى هعمل بالفتوى دى

blue_sky
03-25-2010, 01:27 AM
فعلا والله موضوع منتشر بطريقة غريبة
دي وصلت كمان لغاية الكلية لو عايز تعمل مثلاً زي الناس تلاقيهم قفلين الحمامات ومايرضوش يفتحوها لحد روح بئى أنت أظرف الفراشة ولا الفراش قرشين ولا أشتري من عندهم حاجات سيبلهم الباقي قولها خليهم عشانك تروح على طول تديلك المفتاح
أدي أبسط حاجة في الرشوة
الواحد لما بيكون عايز يقضي أي مصلحة لااااااااازم أخد معايا فلوس فكة كتييييييييييير
بس بعض الأحيان بيفض بيا بصراحة ممكن أخد حقي منهم وأخلص أموري بطرق العافية بئى و الزعيق

Soma
03-25-2010, 03:38 PM
الف شكرررررر على مرورك ياسوما

بس فى النهاية طلعتى الرخصة ودفعتى ولالالالا ايه

انا اتغظت ورحت اشتريت عجلة وعندت فيهم وامشى

على مزاجى عكس طريق اى حاجة المهم اقرفهم



لاة مطلعتهاش للاسف كان ليا امتحان تانى بعد 3 شهور مروحتش
ومفكرتش تانى انى اطلع رخصة قلت بقى قدام شوية كدة كدة مش انا اللى بسوق العربية ههههههه
المهم انى اتعلمت السواقة وبعرف اسوق وخلاص مش مهم بقى الرخصة :p

مشتاقه للجنه
03-29-2010, 12:48 PM
على فكره حكاية الرخصه دى منتشره جامد انا اخويا سقط فيها 4 مرات والحمد لله نجح فى ال5 لما عد يعنى لما باع مبدءه :cool:

mohamed ali
03-30-2010, 09:08 PM
بص يا محمد من الاخر كدة

العيب فينا احنا

لو كل واحد فينا تمسك انة يمشى صح وميدفعش لحد

اظن انهم حيشتغلوا برضة غصب عنهم من غير حاجة خالص

بس المشكلة برضة فى طيبة الناس تلاقى الواحد منهم يقولك

هات خمسة جنية مثلا رسوم معرفش اية ولا يديلك وصل ولا حاجة وفى الاخر طبعا يضربها فى جيبة



عندك حق والله ياكرتو ولالالا و الادهى من ذلك ان يقولك يعم يعنى الخمساية بتعمل ايييه

دلواتى .

الف شكرررر على مرورك وجزاك الله كل خير