المساعد الشخصي الرقمي

مشاهدة النسخة كاملة : أنت مش مسلم ولا ايييييييه ؟؟؟ اعرف المؤامرة الجديدة



KAREEM
03-28-2010, 02:55 AM
بسم الله الرحمن الرحيم

عنوان الموضوع جامد اوى مش كدا
تخيل انك ممكن متبقاش من المسلمين
عشان مهتمش بأمرهم
ودا مش كلامى
دا كلامى حبيبى وحبيبك النبى - صلى الله عليه وسلم -
(( من لم يهتم بأمر المسلمين فليس منهم ))


بتخيل كدا مع نفسى - وعايزك تتخيلو معايا -
انا صحيت من النوم وجيت عايز اصلى الفجر او اروح اصلى العشاء فى جامع الغفار اللى جنب بيتنا وجاى اخش اصلى لقيت فى بلطجية واقفين بشوم وعصيان وسيوف ومانعين أى حد يخش الجامع وبيقولو الجامع دا محدش حيصلى فيه ولا حد حيقرب له واللى هيخش هنا هنموتو
أظن انا لو شفت الحال دا حخش اموت نفسى على طول والناس كلها هتهيج والدنيا حتقعد ومش حتقوم
وحتى اللى مبيصليش حتلاقيه بيغير على دينه وبيخش فى العراك مع الناس عشان خاطر الجامع

تصدق بقى ان الكلام دا حصل بجد !!!!!!!!!!!
اه والله فعلا حصل بجد بس على أكبر كمان
حصل مع المسجد الأقصى
مش محتاج اوضح يعنى ايه قيمة المسجد الاقصى
المسجد دا بتاعنا احنا كمسملين

طب أسأل سؤال كدا .....
فى حد يعرف الحكمة من ان ربنا يخلى النبى - سيدنا محمد - ( عليه الصلاة والسلام ) هو بالذات دونا عن باقى الانبياء انه يؤم كل الانبياء ويصلى بيهم فى المسجد الاقصى ؟؟؟؟؟؟؟؟؟؟
طب هسهلها شوية ، طبعا كلنا عارفين فى قاعدة فقهية بتقول :
( لا يؤم الرجل فى بيته )
يعنى لما سيدنا النبى يصلى بالانبياء كلهم ويؤمهم فى المسجد الاقصى
يعنى ربنا بيقول لنا المسجد الاقصى دا بتاعكو يا مسلمين حافظو عليه




طب وهما اليهود بيعملو ليه كل دا دلوقتى ؟؟؟؟؟؟؟؟
كل شوية نسمع كلمة ( هدم المسجد الأقصى )
وان احنا ممكن نصحى فى أى يوم ومنلاقيش المسجد الأقصى ؟؟؟؟؟؟؟
وبقينا خلاص بنستنتج بقى وبنقول حيحصل حبة مظاهرات وخلاص يعنى
وبقى الكلام دا عادى على مسامعنا ومتوقعين ان المسجد الاقصى ممكن يقع فى أى لحظة
حنزعل شوية بس ماشى حيرجع يتبنى تانى ؟؟؟؟؟
الكلام دا مينفعش خالص وحالا حقول لكو ليه


المخطط اليهودى الجديد بقى واللى اعتدنا على مخطاتهم :
هما ليه كل شوية بيعملو شو اعلامى وبيعلنوا صرااااااحة ان فى حفر بالفعل وانفاق بالقرب من المسجد الاقصى ؟؟؟؟؟؟
هما عايزين يشوفو رد فعل المسلمين ايه ويشوفو رد الفعل العالمى
عايزين يعودو اذاننا على سماع هذا الخبر عااااااااادى خااااااااااالص
بحيث لما نسمعه مش حتبقى هى الغضبة اللى نغضبها لو سمعناه كدا مرة واحدة
وهما مش ضامنين رد الفعل اللى حيحصل لو حصل هدم للمسجد الاقصى
انما هما بيجربو زى الدكتور اللى بيطعم الناس بالفيروس اللى تم اضعافه
:. هما عايزين يعودونا على سماع هذا الخبر وتصبح كلمة هدم الاقصى
كما أصبحت الان مألوفة وغير مستهجنة


طب دورنا احنا ايه فى الكلام دا ؟؟؟؟؟؟؟؟؟
اغضــــــــــــــــــــــــب ولو غضبة واحدة لربنا
لما تروح تقابل ربنا تقول يارب انا وقفت وغضبت عشان مسجدك ومسجدنا
انا شفت دكاترة اتحركو من جواهم وشاركو فى المظاهرات الاخيرة وحركو الطلبة
بفعلهم العظيم دا احنا لما بنشارك فى مظاهرة دلوقتى مش عشان فلان ولا جماعة
الموضوع أكبر بكتيييييييييييير احنا بنشارك عشان المسجد الاقصى
هو فى حاجة بعد المسجد الاقصى ؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!
اليهود لما يلاقو المسلمين غضبوا ومظاهرات واحتجاجات حقيقية من الشعوب
لما نسمع مظاهرة هنا ومظاهرة هناك وكلية كذا وشارع كذا ومحافظة كذا
ساعتها اليهود حيعرفو ان لسه فى مسلمين رجالة يقدرو يدافعو عن المسجد الأقصى
وهيترددو كتير قووووووى قبل ما يفكرو ياخدو خطوة زى دى

كل واحد فينا بايدو يعمل حاجات كتير اوى لو فكر
وأقلها السحر الحلال وهو ( الدعاء )

يارب تكون المؤامرة اليهودية الجديدة وضحت
جزاكم الله خير

<< اللهم حرر المسجد الأقصى الأسير
اللهم ارزقنا صلاة فى رحابه وشهادة على أبوابه >>

mohamed ali
03-28-2010, 03:02 AM
مووووضوع جميل جدا ياكريم

وعندك حق فى تفسيرك ده

بس ياريت الحكام العرب يعرفو كده

ويعرفو ان الصهيونية هى العدو الاكبر

للاسلام وحسبنا الله ونعم الوكيل

alaa eid
03-28-2010, 03:04 AM
موضوع بجد وقته دلوقتي
الواحد كل يوم والتاني يسمع مقولة هدم المسجد الاقصي تفتكر ممكن المظاهرات تعمل حاجة
احنا عايزين الناس اللي فوق يتكلموا ويكون فيه اتحاد بين المسلمين واسفااااااااااه والله
مش عارفة اقول ايه ولا ايه كفاية والله الحاجات اللي كانت تيجي معونات لفلسطين اهي موجودة عندنا اخر ماكانت هاتبوظ بقوا يبيعوها واللي باظت وحاجة بجد تحزن
يارب حرر المسجد الاقصي واكتب لنا صلاة فيه قبل الممات

KAREEM
03-28-2010, 03:06 AM
مووووضوع جميل جدا ياكريم

وعندك حق فى تفسيرك ده

بس ياريت الحكام العرب يعرفو كده

ويعرفو ان الصهيونية هى العدو الاكبر

للاسلام وحسبنا الله ونعم الوكيل




وانا مكنتش اعرف زيك ياا محمد
وكنت حزين جدا من ردود الافعال الغرييييييييييبة
من بعد الناس اللى ستسهلو الموضوع
وكل شوية يقول لك اه ممكن المسجد الاقصى يقع
بمنتهى السهووووووووووووووووووولة كدا
عشان كدا لما فهمت حبيت كلو يفهم
عشان المؤامرة متخشش علينا
ولا عزاء للى مش مقتنع بنظرية المؤامرة

شكرا لمرورك يا جنرال
وحسبنا الله ونعم الوكيل

KAREEM
03-28-2010, 03:08 AM
موضوع بجد وقته دلوقتي
الواحد كل يوم والتاني يسمع مقولة هدم المسجد الاقصي تفتكر ممكن المظاهرات تعمل حاجة
احنا عايزين الناس اللي فوق يتكلموا ويكون فيه اتحاد بين المسلمين واسفااااااااااه والله
مش عارفة اقول ايه ولا ايه كفاية والله الحاجات اللي كانت تيجي معونات لفلسطين اهي موجودة عندنا اخر ماكانت هاتبوظ بقوا يبيعوها واللي باظت وحاجة بجد تحزن
يارب حرر المسجد الاقصي واكتب لنا صلاة فيه قبل الممات


آمين يارب العالمين
وبجد كلامك أحزنى زيادة عن الحاجات اللى بتبوظ دى
منه لله اللى بيمنع وصول المعونات لاخواننا فى فلسطين
وحيفضلو اخواننا مهما حصل وقال عايزين يبنو جدا قال !!!!!!

شكرا لمرورك الكريم يا الاء

Wild_Angel
03-28-2010, 01:37 PM
حسبى الله ونعم الوكيل فيهم
بس تعرف يا كريم

احنا ياريت ندور على حقنا فى البلد هنا
أقل حق اننا نغضب
واهم شئ اننا ندعى
اه المسجد الاقصى بيت ربنا
ملكه
بس المهم اننا ندعى منفضلش واقفين ساكتين

اهم شئ يا كريم الدعاء
وبعد كدا يمكن فى يوم نتظاهر عشان يفتحوا باب الجهاد
ويروحوا يحرروا فلسطين

وانا حاسه ان اليوم ده قرب اوى
بجد دى مش تخيلات
بس ده احساس
لان اللى احنا فيه بجد بقى قريب من نهاية الزمان
ربنا يحسن ختامنا يااااارب

بس فى جمله كنت عايزه استفسر عنها يا كريم فى الموضوع ارجو توضحهالى

طبعا كلنا عارفين فى قاعدة فقهية بتقول :
( لا يؤم الرجل فى بيته )
يعنى لما سيدنا النبى يصلى بالانبياء كلهم ويؤمهم فى المسجد الاقصى

KAREEM
03-28-2010, 01:51 PM
حسبى الله ونعم الوكيل فيهم
بس تعرف يا كريم

احنا ياريت ندور على حقنا فى البلد هنا
أقل حق اننا نغضب
واهم شئ اننا ندعى
اه المسجد الاقصى بيت ربنا
ملكه
بس المهم اننا ندعى منفضلش واقفين ساكتين

اهم شئ يا كريم الدعاء
وبعد كدا يمكن فى يوم نتظاهر عشان يفتحوا باب الجهاد
ويروحوا يحرروا فلسطين

وانا حاسه ان اليوم ده قرب اوى
بجد دى مش تخيلات
بس ده احساس
لان اللى احنا فيه بجد بقى قريب من نهاية الزمان
ربنا يحسن ختامنا يااااارب

بس فى جمله كنت عايزه استفسر عنها يا كريم فى الموضوع ارجو توضحهالى

طبعا كلنا عارفين فى قاعدة فقهية بتقول :
( لا يؤم الرجل فى بيته )
يعنى لما سيدنا النبى يصلى بالانبياء كلهم ويؤمهم فى المسجد الاقصى




أولا جزاكى الله خير على الرد والتفاعل دا يا اسراء
وربنا يجعل احساسك صحيح واليوم دا يكون قرب
ويرزقنا شهادة على أبوابه

أما بالنسبة للجملة دى
اللى اقصده بيها ان فى حكمة من ان ربنا ينتقى
سيدنا محمد خاتم الانبياء ويصلى بالانبياء كلهم
طب ما كان ممكن يخلى سيدنا ابراهيم ابو الانبياء
فالحكمة ان دين سيدنا محمد متمم لكل الرسالات
اللى قبله واان لازم أمة كل الناس تتبعه
حاجة تاانية ان دا بيأكد المسجد الأقصى بتاعنا
وربنا خصصه بالذكر فى القران
طبع القاعدة الفقهية دى كلنا عارفينها
وفاهمين ان لما يكون عندنا ضيف فى البيت
يستحسن ان انا صابح البيت ان انا اللى اصلى بيه
بالقياس بقى ربنا خلى سيدنا محمد - عليه الصلاة والسلام -
دونا عن باقى الانبياء ليؤكد للمسلمين انه مسجدهم أيضا
وأسرى به الى المسجد الاقصى لذلك الغرض
وعرج بها الى السماء من هناك لهذا الغرض أيضا
مش كان ممكن ربنا يعرج بسيدنا محمد من السماء
من مكة على طول مباشرة ولكنها رسالة

أرجو انى اكون وفيت بالشرح
والله أعلم
وجزاكى الله خير

Wild_Angel
03-28-2010, 02:08 PM
جزاك الله خيراً
الشرح وافي جداً

اللهم صلى على سيدنا محمد وعلى ال محمد كما صليت على سيدنا ابراهيم وعلى ال سيدنا ابرهيم
وبارك على سيدنا محمد وعلى ال سيدنا محمد كما باركت على سيدنا ابراهيم وعلى ال سيدنا ابراهيم
فى العالمين انك حميد مجيد

MAI MOUSTAFA
03-28-2010, 04:24 PM
اللهم انا مغلوبون فانتصر

مووووضوع جميل جدا ياكريم تسلم ايديك....

MUHAMED SAMY
03-28-2010, 05:07 PM
مش عارف بحس ان المظاهرات فى المجمع
هى بين الاخوان والامن او العمداء(جمع عميد مش عمدة)
عايزين مظاهرة امام سفارة اسرئيل
وجها لوجه
حتى لو مظاهرة صامته
اللهم حرر الاقصى

KAREEM
03-28-2010, 07:02 PM
اللهم انا مغلوبون فانتصر

مووووضوع جميل جدا ياكريم تسلم ايديك....




آمين
جزانا واياكى خير الجزاء

KAREEM
03-28-2010, 07:09 PM
مش عارف بحس ان المظاهرات فى المجمع
هى بين الاخوان والامن او العمداء(جمع عميد مش عمدة)
عايزين مظاهرة امام سفارة اسرئيل
وجها لوجه
حتى لو مظاهرة صامته
اللهم حرر الاقصى



آمين يا محمد
واحب افكرك ( وذلك أضعف الايمان )
وانا فعلا بضايق جدا لما تتحول الهتافات
ضد العميد وضد امن الدولة
المهم اللى تقدر تعملو اعملو
جزاك الله خير يا ابو السماسيم

KAREEM
03-28-2010, 11:39 PM
انا اسف من ركاكة الاسلوب وانى كتبت بالعامية
لكن عشا ابسط الاسلوب والناس كلها تفهم
وان شاء الله المرات القادمة هحاول التزم
باللغة العربية اكتر لانى مش مقتنع بمبدأ
انى انزل للعامية عشان الاس تفهمنى
بدليل صغير ( أطفالنا بيبحو الكارتون العربى
وبيستمتعو بيه وبيفهموه جدا لما يكون
بالعربية الفصحى )
مش حطول كتير بس المهم تكون الفكرة
وصلت وجزاكم الله خير

Ahmed Waheed Shalaby
03-28-2010, 11:50 PM
معنديش كلام اقولة الا

دائما مبدع يا كريم

جزاك الله كل خير

اللهم حرر المسجد الاقصى

وعليك يارب باليهود ومن هاودهم

KAREEM
03-29-2010, 12:23 AM
آمين يارب العالمين
جزانا واياك خير الجزاء يا احمد

MUHAMED SAMY
03-29-2010, 12:47 AM
بعد اذنك اكيمو هحط الفيديو ده
http://www.youtube.com/watch?v=dsJ_G4gzymw&feature=related

blue_sky
03-29-2010, 01:01 AM
ربنا يدمر اليهود ومن عاونهم
لأ والغريب أنك تتفرج بئ على القمة العربية اللي عملينها في ليبيا وتسمع الكلام اللي كانوا عاملين يتكلموا والله تقول خلاص فعلا حسبي الله ونعم الوكيل فيهم الوحيد اللي يعني كلامه دخل ودني كان مندوب من العراق ولا مش عارفه كان أية بالظبط يعني في العراق ( قال يرسلوا لجنة لفلسطين للمسجد الأقصى عشان عند وجود أي خطر على المسجد الأقصى يعلنوا على طول)
تسمع الباقي كلام يضحك والله

أنا نفسي حد من الشعب يحضر مؤتمر من دول يوصل كلام الأمة الإسلامية كلها لمؤتمر من دول يوصلهم أن أحنا عايزين نحارب رجال وسيدات بس يعني هما يقولوا أحنا هنفتح باب الجهاد مش عايزين منهم الجيوش اللي هما بيجندوها بس أفتحوا باب الجهاد واللي يجولكم أديهم سلاح هتلاقوا أمم والله بس أنتم أفتحوا باب الجهاد بس مش عايزين منكم حاجة ولو مش عايزين يدونا سلاح مفيش مشاكل برضة بس هما يفتحو باب الجهاد

KAREEM
03-29-2010, 01:07 AM
ربنا يدمر اليهود ومن عاونهم
لأ والغريب أنك تتفرج بئ على القمة العربية اللي عملينها في ليبيا وتسمع الكلام اللي كانوا عاملين يتكلموا والله تقول خلاص فعلا حسبي الله ونعم الوكيل فيهم الوحيد اللي يعني كلامه دخل ودني كان مندوب من العراق ولا مش عارفه كان أية بالظبط يعني في العراق ( قال يرسلوا لجنة لفلسطين للمسجد الأقصى عشان عند وجود أي خطر على المسجد الأقصى يعلنوا على طول)
تسمع الباقي كلام يضحك والله

أنا نفسي حد من الشعب يحضر مؤتمر من دول يوصل كلام الأمة الإسلامية كلها لمؤتمر من دول يوصلهم أن أحنا عايزين نحارب رجال وسيدات بس يعني هما يقولوا أحنا هنفتح باب الجهاد مش عايزين منهم الجيوش اللي هما بيجندوها بس أفتحوا باب الجهاد واللي يجولكم أديهم سلاح هتلاقوا أمم والله بس أنتم أفتحوا باب الجهاد بس مش عايزين منكم حاجة ولو مش عايزين يدونا سلاح مفيش مشاكل برضة بس هما يفتحو باب الجهاد


جزاكى الله خير ع المرور
وكلامك مظبوط انا مبقيتش اتفرج ع القمم دى
عشان الضغططططططط
وحسبى الله ونعم الوكيل

Wild_Angel
03-29-2010, 11:01 PM
جزاك الله خيراً يا محمد على الفيديو
فعلا لا فرق بين عربى او اعجمي الا بالتقوى
وحقيقي الواحد مكسوف من اللى كان بيحصل ايام مصر والجزائر
كلهم كانوا عمالين يعملوا فيديوهات عشان الماتش
ودلوقتى محدش فكّر فى الاقصى

اللهم اننا مغلوبون فأنتصر

ALY ELSAYED
03-29-2010, 11:37 PM
الله يا كيمو الموضوع رائع جدا

ولازم يكون لينا رد فعل علي المخطط اليهودي

خايف فعلا منقدرش البلا الي بعد وقوعه

عشان كده لازم نتحرك

صحيح الي بئدهم الامر خوطنا بالكلام علي السلام

واحنا مش بايدينا حاجه غير الدعاء

ولو اتظهرنا او عملنا اي حاجه يبقي كلابوش

بس اكيد الحل والفرج قريب اوي

ربنا بنصر المسجد الاقصي وفلسطين

جزاك الله كل خير

KAREEM
03-30-2010, 12:01 AM
آآآآآآميـــــــــــــــــــــــــــن
وجزانا واياك خير الجزاء ياعلى
كلام سليم جدا بس لازم يبقى
فيه شوية تضحية ولو كل واحد
حيخاف من الكلابوش يبقى
مش حنتحرك بس لو كلنا
اتحركنا وتبقى ثووووووورة

وعلى فكرة الانتفاضة الثالثة
ابتدت من قريب اوى من قلسطين
ويارب تنجح وتبقى امتداد
للانتفاضة الاولى والتانية

شكرا لمروركم الكريم جميعا

bata_batot
03-30-2010, 12:58 AM
تعرف هيجى اليوم فعلا

وهيتكتب فيه ( هدم المسجد الاقصى )

وف الوقت ده يطلع بقى الحكام وكده ليه عملتوا كده ومش ليه والمظاهرات تشتغل ولو يعرفوا ان كل ده مش هيرجعوا تانى

احنا مستنين يحصل كده فعلا
ولو عملوا كده يبقى عندهم حق
هيعملوا حساب لمين بس لامه مفككه بيمسكوا لبعض على كل حاجه ما فيش اتحاد مافيش تعاون

ده على ماتش كوره كانوا هيموتوا بعض

ليهم حق يفكروا اكتر من كده
ومقدمناش حاجه نعملها غير الدعاء ( اللهم احمى المسجد الاقصى من ايدى اليهود يا ارحم الراحمين )

وبجد لازم كلنا نقف وقفه صح ونبقى ايد واحده ده المسجد الاقصى ( ترمومتر الايمان )

ضاع المسجد الاقصى خلاص ما فيش حاجه باقيه لا حول ولا قوه الا بالله

KAREEM
03-30-2010, 01:29 AM
جزاكى الله خير مررورك الكريم يا بطة
وكلام سليم جدا
نورتى التوبيك

إسلام محمد
03-31-2010, 06:09 PM
السلام عليكم ورحمه الله وبركاته


جزاك الله خير على مثل هذا الموضوع


اولا بالنسبة للقاعدة الفقهية التى ذكرتها فى الموضوع فهى ليست قاعدة فقهية وانما هو حديث قال النبى صلى الله عليه وسلم " لا يؤم الرجل الرجل فى سلطانه " (صحيح )


واعتقد الحل فى الرجوع الى القران الكريم والسنة النبوية الشريفة والحكم بما انزل الله والبعد عن كل ما يغضب الله عزوجل من ما نراه فى شوارعنا وفى مجتمعنا الذى هو مسلم فلا ينبغى ان نرى مانراه فى مجتمعنا ونقول اننا مسلمون وكيف نريد ان يتنحى اليهود المغضوب عليهم عن كل ما يفعلونه فى الاقصى وفى المسلمين ونحن فى هذا الحال فقد قال الله تعالى " ان الله لا يغير ما بقوم حتى يغيروا ما بأنفسهم " لن ياتى التغير الا بتغير انفسنا من انفس بعيدة عن الله تعالى الى انفس تتقرب الى الله عزوجل كل يوم عن الاخر وكل ساعة عن الاخرى وكل دقيقة عن الاخرى بل وكل لحظة عن الاخرى


شاهدوا معى هذا الفيديو كى نعرف ...http://www.youtube.com/watch?v=5wK0qtS6F_8 (http://www.youtube.com/watch?v=5wK0qtS6F_8)

KAREEM
03-31-2010, 08:55 PM
جزاك الله خير أخى الاسلام على مشاركتك الفعالة
مع العلم ان احنا بناخد فقهنا واحكامنا من الاحاديث
وكل ما يصدر عن النبى - عليه الصلاة والسلام -
من قول او فعل او تقرير

أشكرك على اضافة هذه الفيديوهات الرائعة
للشيخ الفاضل / محمد حسان
الذى لا يختلف عليه اثنان

وأكيد طبعا الحل هو التقرب الى الله

بشكرك لمرورك الكريم

سهيله
03-31-2010, 09:21 PM
حسبنا الله ونعم الوكيل قادر يحمي المسجد الاقصى منهم
بس تفتكرو لو فضلنا ساكتين كده وفضلنا نتفرج ده هيرجع اللي راح مكنش حد غلب ،يا جماعه لازم نتكلم وبصوت مسموع كل واحد يعمل اللي يقدره عليه ربنا ،واقل شئ ممكن ان احنا نوعي الناس وندعي لمسجدنا الحبيب
يا رب حرر اقصانا من ايدي المعتدين

KAREEM
03-31-2010, 09:30 PM
آمين يارب وحتة التوعية دى من اهم الحاجات
اللى نقدر نعملها فعلا من موضوع زى دا مثلا
جزاكى الله خير على مرورك الكريم اخت سهيلة

إسلام محمد
04-01-2010, 06:03 PM
جزاك الله خير أخى الاسلام على مشاركتك الفعالة


مع العلم ان احنا بناخد فقهنا واحكامنا من الاحاديث
وكل ما يصدر عن النبى - عليه الصلاة والسلام -
من قول او فعل او تقرير






جزانا الله خير واياك

طبعا احنا بناخد فقهنا واحكامنا من الكتاب والسنة

و القواعد الفقهية كلها فى الاصل ماخوذة من الكتاب والسنة

فهناك فرق بين الاحاديث النبوية والقواعد الفقهية وان كانت القواعد الفقهية مقتبسة من الاحاديث والايات

والفرق فى اللفظة نفسها فقط وفى الصيغة

وجزاك الله خير

KAREEM
04-01-2010, 09:09 PM
جزانا الله خير واياك

طبعا احنا بناخد فقهنا واحكامنا من الكتاب والسنة

و القواعد الفقهية كلها فى الاصل ماخوذة من الكتاب والسنة

فهناك فرق بين الاحاديث النبوية والقواعد الفقهية وان كانت القواعد الفقهية مقتبسة من الاحاديث والايات

والفرق فى اللفظة نفسها فقط وفى الصيغة

وجزاك الله خير[/CENTER]


عموما هذا ليس بموضوعنا
وهذا ما كنت اقصده
الا نخرج خارج النطاق
وشكر جزيلا لمرورك الكريم