المساعد الشخصي الرقمي

مشاهدة النسخة كاملة : مررررررررررراتك ولا شغلك !!!



ahmedooo33
04-26-2010, 02:54 AM
اعترافات احد الازواج ذو خبرة طويلة





مراتك......ولا......شغلك


كل نساء العالم يتهمن أزواجهم بأنهم بيحبو الشغل أكثر منهم


وأنا اصالة عن نفسي ونيابة عن الرجال أعترف بأن هذا صحيح..........صحيح......

صحيح ليه....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل :




أولا ...........الشغل بيصرف
عليّ....
بس أنا بقى اللي بأصرف عليها!!!



ثانيا........في الشغل ممكن تزعق براحتك و زعيقك يجيب نتيجة...



مع مراتك صعب انك تزعق براحتك ومهما زعقت مش هيجيب نتيجة ...




ثالثا........ممكن تزوغ من الشغل في أي وقت من غير ماحد ياخد باله أو حد من الزملاء يغطيك



أنما تزوغ من
مراتك..يا خرابى..أنسى …..




رابعا........في الشغل عندك مدير ممكن ترضيه لو اشتغلت كويس ....



إنما مراتك لو عملت قرد .. حمار .. أي حاجة مش ممكن ترضيها !!!



خامسا....... في الشغل من حقك تاخد أجازه...عندك عارض واعتيادي



دا غير يوم الجمعة....والعطلات الرسمية.....بصراحة الشغل خفيف ع القلب..... (هاهاها)





أنما مع مراتك...مش ممكن تاخد أجازه........بالعكس دانت لازم تلزق فى البيت يوم إجازتك و إلا يبقى نهار اهلك مالوش ملامح.....



وعلى فكرة ....انت ليك أجازه واحده بس....و طويلة جداً !!!!


سادسا ........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و مراسل.....و سكرتيره خاصة…. والكل يضرب لك تعظيم سلام....




في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك......يابابا......أو.......يا حاج........... ولما تعجز........وتسلم نمر...تقولك.............يا بركه...........












سابعا .........الشغل لو زهقت منه ممكن تسيبه بدون مشاكل.... وبسهوله ....

أنما مع مراتك......لو روحك طلعت.....لازم تحط ف بقك كوتش وتفكر مليون مره.....في المحاكم والمؤخر و النفقة.. والعيال !!!






ثامنا........ في الشغل...لو سبته ....أو بلغت سن المعاش بتاخد مكافأة كبيره......ومعاش...وحفله تكريم ....



أما مراتك لو سبتها قبل ما تموت... أنت اللي هاتدفع مكافأة ومؤخر ونفقه......وشقه كمان....... وتتحبس لو مادفعتش ..........








تاسعا.........ممكن تغير شغلك وتتنقل لغيره لو لقيت شغل أحسن منه.........

في حين ان ده مش متاح ليك مع زوجتك........ظلم



عاشرا......في الشغل....متأمن عليك عشان لو حصل لك حاجه......



ولو حصل لك حاجه.....مراتك هي اللي هاتقبض التأمين







في النهاية ... بتحب مين أكتر...مراتك ولا شغلك؟؟




الإجابة..



???????????

mohamed ali
04-26-2010, 03:10 AM
بعد كل هذا العرض

شغلى طبعا

ahmedooo33
04-26-2010, 05:51 AM
طب خليها فى سرك ياعم احسن تضرب بالطيران ولا حاجة
على العموم اى حد عايز يقول شغلى طبعا ممكن يقول اللى بالى بالك احسن
واحنا فاهمين ( هاهاهاها)
احنا عايزنكم طبعاً
نورت الموضوع ياجميل

blue_sky
04-26-2010, 09:05 PM
لية كدة بس ما الست برضة بتشوف أكتر من كدة بتقعد في البيت تخدم وتربي ومفيش أجازات وياريت بيعجب ولا بيسمعوا كلمة طيبة يعني هي بتتعب زية يمكن أكتر كمان

ahmedooo33
04-27-2010, 12:35 AM
على رأسنا من فوق
واحنا كلنا ديموقراطية
عشان كدا سيبنا الاجابة مفتوحة ( شوفتى منتهى الديموقراطية هاهاها)
على العموم نورتى الموضوع

mon ange
06-30-2010, 11:54 PM
هههههههههههههه برده هتختار مراتك ربنا يكون ف عونكم من الجنس الاخر اللى بتعملوا فى اخواتكم هيطلع عليكم

نجم مدنى
07-09-2010, 11:33 AM
لالالالالالالالالالالالا الشغل بـ 33

تسلم