المساعد الشخصي الرقمي

مشاهدة النسخة كاملة : Don't be shy from your impressive Language تعالو نشوف اصل الانجليزي ونفخر بعروبتنا



Mimi
09-15-2008, 08:43 AM
نسبة مش قليله من العرب بيستعارو من لغتهم العربية الـ هيا المفروض انها لغة القرآن ودا المفروض انه يكون سبب كافي اننا نفخر بلغتنا الجميلة ..لغة سيدنا محمد صلى الله عليه وسلم واللغة اللي ربنا فضلها لما أنزل كتابه علينا

المهم هنا في الموضوع دا هدفنا اننا نوري الاخوة العربيزيين ( عرب بس بيفضلو اللغة الانجليزية في كلامهم ) ان اللغة الانجليزية ليها أصول عربية وهنستعرض دلوقتي بعض الكلمات الانجليزية اللي اصلها عربي

Assassin : حشاشينhttp://www.montada.com/images/smilies/new_icons/bigeyes.gif لا متصدقوش دي اوي:D

Algebra : الجبرا

Cotton : قطن

Giraffe : زرافه

Sugar : سكر

Vizier : وزير

وفي كلمات كتيررررة تانية .. ودلوقتي هنشوف بعض الكلمات اللي اصولها فرنسية او لاتينية ولكنها في الاصل عربيه

- مثلا كلمة Zero ومعناها صفر بالعربي الكلمة دي انجليزية وفرنسية بس مأخوذة من اصل لاتيني واسمها باللاتيني Zephirum والكلمة اللاتينية دي مأخوذة من كلمة صفر بالعربي لاحظو تشابه النطق

- مثال تاني نسمع كتير عن رحلات سفاري ..كلمة سفاري دي انجليزية ولكنها من أصل عربي مأخوذة من كلمة سفر .. وعلى فكرة كتير مننا بيقول سفاري بدون ما ياخد باله هيا انجليزية ولا عربية

- مضرب كرة التنس اسمه ايه ؟ هتقولي راكيت Racket والكلمة دي اصلها فرنسي Raquette يعني بتتنطق راكيه واصل الكلمة الفرنسية دي ( راحة ) المقصود راحة اليد

- كلمة Orange متاخدة عن كلمة فرنسية اسمها Orange بردو والفرنسية دي اصلها فارسي من كلمة Naranga والكلمة الفارسية دي مأخوذة عن كلمة عربية وهيا النارنج ومعناها شجرة البرتقال

- Magazine معناها مجلة او مخزن للبضائع وهيا اصلها عربي متاخدة من كلمة ( مخزن )

- كلمة Lemon اصلها لاتيني Lymon والاصل عربي ( ليمون )

- كلمة Amber اصلها لاتيني Ambra والاصل بتاعهم عربي ( عنبر )

متهيألي دي كمية كافية من الكلمات ولو حد عارف ياريت ميحرمناش من الافادة بس دا ميمنعش اننا دخلنا في حياتنا كمان بعض الكلمات الانجليزية واحنا مش عارفين انها مش عربية

زي مثلا كلمة بدروم ( اللي بنقولها للغرف اللي تحت الارض ) واخدنها عن كلمة Bad Rooms او الغرف السيئة وفي كلمات تانيه في حياتنا زي مثلا كلمة استاذ اصلها فارسي تقريبا وكلمة بنطلون اصلها ايطالي وهكذآ ..اللي عارف كلمات زيادة يقولنا باه

ويارب تكونو استفدتم;)

Hassan Mohamed
09-15-2008, 04:36 PM
اوووووووووووووووووة مكنتش متخيل ان الناس دي بتنصب علينا

عالم معفنة

AYMAN GAMAL
09-15-2008, 09:38 PM
مشكور اوي يا استاذة جودي.........وعلى فكرة العرب همة اللي اخترعوا الصفر كمان...كانوا عارفين للي هنوصلوا دلوقتي من تقدم

Mimi
09-16-2008, 12:15 AM
متدايقش نفسك اوي كدا ياحسن ههههههههههههههههههههههههه:D

وشكرآ لاضافتك ياباش مهندس أيمن وهما اللي اخترعو كل الارقام مش بس الصفر وبمناسبة الصفر والارقام باه

ممكن أضيف معلومة كدا ان كل الارقام الانجليزية هيا عربية الأصل وممكن أجيب لحضرتك صور بتبين ان كل رقم انجليزي اتكتب حسب عدد الزوايا اللي فيه

يعني مثلا واحد بالانجليزي ليه زاوية واحدة واتنين ليه زاويتين وتلاته ليه 3 زوايا وهكذآ:rolleyes:

أما اذا جينا نسأل الارقام العربية دي جت منين ..هنلاقي أصلها هندي

AYMAN GAMAL
09-16-2008, 12:49 AM
انا مش شايف حد هنا اسمة محمد .......انا كنت بقول ان الصفر اختراع العرب مش بتكلم علية كشكل و مش العرب برضة اللي اخترعوا باقي الارقام على فكرة اما لو بتتكلمي عالشكل بتاع الارقام فدة موضوع تاني وبقولك ايوة العرب اخترعوا الشكل لارقامهم

Mimi
09-16-2008, 01:43 AM
آآآآآآآآآآآآآآسفة والله معلش العتب على النظر انا عدلتها فوق انا قصدت الباش مهندس أيمن بس جيه على بالي أستاذ محمد سعد

وبعدين ياحسن ما تيجي تاخدلك قلمين :mad::mad:

matrix
09-16-2008, 05:14 AM
الله ينور يا باشمهندسة

AYMAN GAMAL
09-16-2008, 07:29 PM
آآآآآآآآآآآآآآسفة والله معلش العتب على النظر انا عدلتها فوق انا قصدت الباش مهندس أيمن بس جيه على بالي أستاذ محمد سعد

وبعدين ياحسن ما تيجي تاخدلك قلمين :mad::mad:

انا اطالب بتحقيقات في الواقعة اللي حصلت دي عشان دي جريمة لا تغتفر واطالب بحبس المتهمة جودي على ذمة التحقيق.......كبري دماغك انا بهزر معاكي

Mimi
09-16-2008, 08:44 PM
ههههههههههههههههههههههههههههه ولا يهمك ياباش مهندس انا آآسفة سسسسسسسسامحني

Wild_Angel
09-24-2008, 09:03 PM
معلومات جميله بس على فكره فى اصلا فاكهه اسمها لارنج بنت عم البرتقال كده
عموما اضافات جميله

tiger
09-25-2008, 09:42 AM
شكرااا يا جودى على المعلومات ودايما متألقه

eslam mamdouh
09-25-2008, 01:52 PM
شكرا على المعلومات القيمه

olivia nader
09-30-2009, 05:47 PM
ميرسي اوي يا قمر علي الموضوع الجامد ده
و فعلا كلام كتير في لغتنا اخدوه و اتحول في لغتهم
و كمان اغلب كلامنا داخل فيه الفرنساوي و التركي كمان اكتر
بالذات هنا في مصر
و ده بسبب الاحتلال اللي مّر علي مصر
من قديم الزمن