المساعد الشخصي الرقمي

مشاهدة النسخة كاملة : يا عقد لؤلؤ أنفرط .. كلاكيت من الحياة



Wild_Angel
05-12-2010, 12:04 AM
http://dc02.arabsh.com/i/01481/2hb5ahrc8w4i.gif

يا عقد لؤلؤ أنفرط .. ياريتك ترجع عقد تانى



http://sphotos.ak.fbcdn.net/hphotos-ak-ash1/hs509.ash1/30080_125515617465967_100000225877593_346928_33438 41_n.jpg


ساعات أتكلم وأقول أنك غلط .. وساعات أسكت وأبتسم أما ألاقيك عقد وأنفرط

فى البداية
بعد عدة أعوام فى هذا المكان
وجدت تلك الكلمات المتناثره فى أنحائه
وددت أن أجمعها فربما أنا أو أى أنسان يقرأها قد يتعلم منها
http://dc03.arabsh.com/i/01481/wkjs4d51iq05.gif
كلاكيت أول مره :


A: أزيك يا قمر وحشتييييني
B: أنتى أكتر
A: أيه ده مش دى نورا اللى شفناها الأسبوع اللى فات مع رامي ؟
B: لالالا مش رامي يا بنتى ده كان تامر .. هما كتير أه بس متلخبطيش بينهم

ستووووووووووووب


كلاكيت تاني مره :
A : تعرفي أنا بحس ساعات أن موضوع أن يكون ليا أصدقاء شباب ده عادى بالعكس الولد بيكون أحسن من البنت كتير أوى B: بس أنتى مش شايفه أن كده غلط عليكي الناس تشوفك كل يوم مع حد من صحابك وبعدين أنتى أيش عرفك الناس دى كويسه ولا لا ؟
A: وانا مالى كويسين لنفسهم ووحشين لنفسهم بس مش بذمتك دى شباب زي العسل

ستووووووووووب



كلاكيت تالت مره :

A: ايه يا بنتى اللى أنتى لابساه ده ؟؟
خليكي روشه كده وحسب الموضه .. طبعا انا مش بحجر على أختياراتك أنتى حره .. بس أنتى عارفه لو عملتى الاسكارف بتاعك كده وحطيتى حاجه كده على وشك حتبقى جميله اوى .. وعلى فكره مش حتبقى ملفته خالص

B: تفتكرى بجد يعنى انا لو لبست جيبه و سليبر كده وبنطلون كارينا حبقى حلوه ؟؟


ستووووووووووووب

طبعا مش حنخلص من الكلاكيتات اللى بنشوفها
بشكر كل اللى كانوا حواليا وكانوا أهم الناس اللى قدرت أشوف من خلالهم حاجات أقدر أشوف الطريق الصح بيها

مش عيب أننا نغلط .. بس العيب اننا نستمر فى الغلط ونشوفه ونسكت عليه

منتظرين كلاكيتات منكم
بكيبورد:Wild_Angel:a21:

ALY ELSAYED
05-12-2010, 12:49 AM
طبعا موضوع مميز وجميل دي مفهاش كلام

وحاجه مش جديده عليكي يا انجل

بس انا حابب اكلم عن كلاكيت شبابي برده

a: ايه يا صاحبي الكلام النهارده
b: كلام ايه علي الصبح حنركب ونروح المدرسه
a: مدرسه ايه النهارده انا متفق مع العيال مستنينا علي القهوه وحنخش فيلم السقا الجديد
b: طب والمدرسه والحصص الي عندنا انتا عارف المدير بيمر بالغياب بنفسه
a: ياعم سيبك ال يعني بنفهم حاجه من المدرسه امل لو مكنتش بتاخد دروس في كل المواد كنت عملت ايه
وعلي العموم احنا خلعين النهارده وانتا وشوقك
b: !!!!!!!!!!!!!!!!!!!!!!!!!!!!!!!

وده كان كلاكيت صغير اكيد كتير منه عاشه

الكلاكتات منتهتش وحنكمل مع بعضينا

لعل نغير من تفسينا

انا كمان مستني الكلاكتات

Wild_Angel
05-12-2010, 05:04 PM
جزاك الله خيراً يا علي
أهم شئ أننا كلنا بجد نتعلم من الاخطاء اللى أى حد فينا حيحطها
وحكون سعيده لو أى حد ضاف كمان كلاكيتات نقدر نستفاد منها ونكون زيها
كلاكيتات مليئه بالطاعه والنجاح

blue_sky
05-13-2010, 12:19 AM
موضوع رائع وفعلا ملموس بنشوفه قدامنا كل يوم
وده كلاكيت صغير كده بنعيشة كل يوم في السكة
A: أيه ياحبي أزيك عامله أيه ، أما أنا أنهاردة شوفت حتة موذ في المكيف بس أيه عنيه تجنن:a19: وفضلت بصاله ومتنحه وأنا بكلم صاحبتي اللي معايا
B: وبعدين ما كلمتهوش ولا أخد رقمك ..............:a20:
C: :a29:أيه يابنتي أنتي وهي اللي بتقولوه ده وأنتي كنتي عادي كده قدام الناس كلها ده أنتي جريئة

وده اللي دلوقتي بنشوفه كتيييييييييييير قدام عنينا وبنسمعه حوالينا ده غير الصوت العالي وغير وغير وغير ........
اللهم أهدي بنات وأبناء المسلمين

Ahmed Waheed Shalaby
05-13-2010, 01:08 AM
موضوع رائع طبعا زى كل مواضيعك السابقة

وانا ححكيلكم كلاكيت صغير

a: لو سمحت علبة سجاير
b: معنديش يا فندم مبشتغلش فيها
a: لية هو انت منهم
b: مين هما دول اللى حضرتك تقصدهم
a: المشايخ
b: ومالهم المشايخ حضرتك انا مبشتغلش فيها لانها حرام
a: لا دة شرب السجاير دة مكروة ومش حرام وبعدين انت بتبعها بس مبتشربهاش انت مالك بأة

دة موقف بتكرر وبنشوفة برضة الايام دى وهو ان الناس بتجادل فى الباطل وكل واحد عاملك فيها مفتى نفسة
ربنا يهدى الناس وقبل لما تقول كلمة تكون عارفة بتقول اية وبلاش جدال فى الباطل

شكرا على الموضوع الرائع
وجزاكى الله كل خير

Wild_Angel
05-16-2010, 01:05 AM
جزاكم الله خيراً يا
سمسمه
و
أحمد وحيد
وأنا سعيدة أنكم شاركتونا بالكلاكيتات دى
وياااارب أهدينا جميعاً

حضيف مشهد جديد
كلاكيت (..حقيقة..) مرة

A : بقولك أيه أنا مخلصتش البحث اللى الدكتور عايزه . هو أحنا لازم نروحله بكره يعنى نسلمه ؟؟
B : لا .. عادى .. خلاص لو عايزانى استناكى لبعد بكره وتكونى خلصتى أوك
A : اوك حكلمك بكره أأكد عليكي الميعاد

بعدها بيوم تروح B تسلم البحث وتلاقى بحث صاحبتها A على مكتب الدكتور وتروح تسألها تقولها --->
A : معلش اصلى خلصته بدرى وقولت أجيبه

بجد فى ناس متعرفش أصحابها أدام مصلحتها
فخلوا بالكم منهم

فى أنتظار كلاكيتات لكل مره
وأنتظرونا فى مشاهد وكلاكيتات مضيئة بالامل:a40:

Wild_Angel
06-26-2010, 10:56 PM
كلاكيت مشهد من فيلم ( صباح الخير يا جاري )

A : يا أم فاروق .. يا أم فاروق .. ممكن تشيلي الغسيل بتاعك
B : ليه يا أم كمال ؟
A: معلش أصل أنا مش عارفه أحط حاجه فى البلكونه عشان غسيلك بقاله 3 أيام متنشّر
وأحنا جيران وانا مش عايزة أنشّر حاجه تنقط على غسيلك

قال رسول الله صلى الله عليه وسلم :

من كان يؤمن بالله واليوم الآخر فلا يؤذ جاره ، ومن كان يؤمن بالله واليوم الأخر فليكرم ضيفه ، ومن كان يؤمن بالله واليوم الآخر فليقل خيرا أو ليصمت
الراوي: أبو هريرة المحدث: البخاري (http://www.dorar.net/mhd/256) - المصدر: صحيح البخاري (http://www.dorar.net/book/6216&ajax=1) - الصفحة أو الرقم: 6136
خلاصة حكم المحدث: [صحيح]

smart girl
06-27-2010, 06:31 PM
وايلد حببتى موضوع حلو بجد جدااا انا بتشرف انى اعرفك والله فعلا اسمحيلى ااقول كلاكيت (واقع)

a : ازيك عامل اية ؟انا تمام ؟ انت اية الاخبار؟كلة تمام .....لا والله....هههههههههه....لامش معقول ... ( واقفة معة راجل كبير)
b: مين الى انتى كنتى بتسلمى علية دة وبتضحكى معاه دة باباكى ؟؟؟
a:يابنتى بابايا اية
b:انا حسيت بردة وانا وقفة بعيد انة مش باباكى اصل شكلة ....نظراتة غريبة شوية مين دة طيب قريبك
a: لا لا لا دة انا كنت اقعدة فالمحطة مستنية المواصلات فكلمنى واتعرف عليا وانا كلمتة و....ستوووووووووووووووووب

واحنا صغيرين كانوا يقولنا لو حد كلمك فالشارع مترديش فالزمن الى احنا عايشين فى مع احترامى دانتى لو حد تعرفية مش متعرفوش مترديش علية بردة
رينا يبعد الاذى عن البنات المسلمين ويهديهم

Wild_Angel
06-27-2010, 06:38 PM
بجد كلاكيت جميل أوى يا سمارت يا كميييلة :a21:
وبجد ربنا يكرمك وينوّر قلبك أنك أشرتى إليه
لان فى بنات بتحس أن تكوين العلاقات مع الناس بيفيد
ولكن مش أى حد كده نتعرف عليه ونكلمه فى الشارع
العلاقة بتكون فى إطار الزماله فى العمل او الدراسة وبس
غير كده البنت وهى ماشية فى الشارع تعمل نفسها عاميه وطرشه كمان لو شافت راجل او شاب حتى تعرفه

smart girl
06-27-2010, 06:45 PM
اة والله ياوايلد بما انك موجودة فعايزة اتكلم معاكى بقة ههههههههههههههههههه بس الموضوع صعب لان المنتدى كلة حيشارك فاحديثنا هههههههههههه