المساعد الشخصي الرقمي

مشاهدة النسخة كاملة : خبر وتعليق ( شرطى يصيب 3 اشخاص بالرصاص عن طريق الخطأ اثناء قتله لكلاب ضالة )



حسام المصرى
05-13-2010, 03:50 PM
انا هنقل ليكم الخبر

وبعده تعليق القراء

ومش عايزين تريقة على حد


شرطي يصيب 3 أشخاص بالرصاص عن طريق الخطأ أثناء قتله للكلاب الضالة بنجع حمادي

http://productnews.link.net/general/News/02-11-2009/dog_L.jpg



أصيب 3 أشخاص بطلقات نارية عقب قيام شرطي بإطلاق النار عليهم وإصابتهم عن طريق الخطأ أثناء قيامه بقتل الكلاب الضالة بنجع حمادي.

وكان اللواء محمود جوهر مدير أمن قنا قد تلقى إخطارا من مستشفى نجع حمادي المركزي بوصول محمود عبدالصبور شكري 25 سنة، وعبدالوهاب بركات عبدالوهاب 28 سنة، ومحمود محمد عبدالله 23 سنة، بطلقات نارية بانحاء متفرقة بالجسم.

ودلت تحريات اللواء محمد بدر مدير المباحث والعقيد محمود العبودي وكيل إدارة البحث الجنائي أنه الواقعة حدثت أثناء قيام لجنة مشكلة من مديرية الطب البيطري بنجع حمادي برئاسة الدكتور عاطف احمد على وبرفقته عبدالرحيم محمد معاون بيطري بالطب البيطرى بنجع حمادى وعبدالحميد هلال محمد مساعد شرطة بمركز شرطة نجع حمادى مستقلين السيارة رقم 433 حكومة قيادة محمد محمود لقتل الكلاب الضالة بقرية "بهجوره".

وأثناء قيام الشرطي باطلاق النار على الكلاب الضالة تصادف مرور المجني عليهم فنجت الكلاب وأصيب الرجال الثلاثة بطلقات نارية.

وتم نقلهم لمستشفى نجع حمادى المركزى لتلقى العلاج وتولت النيابة التحقيق في الواقعة




ودلوقتى تعليقات القراء



* تعليق :N61
* بتاريخ : 13/05/2010 04:26:00 م

Dog Hunter
اصابة 3 رجالة مرة واحدة ليه ؟

هو الشرطى بيضرب الكلاب برشاش ولا ايه ؟

مبرر اصابة 3 بنى آدمين مرة واحدة عن طريق صائد كلاب لايدخل عقل اى مخلوق حتى لو كان كلب ياولاد ال... .

* تعليق :Ibnemam
* بتاريخ : 13/05/2010 04:25:00 م

يا سلام يا سلام
3 إزاي يعني ؟؟
يعني ضرب الأولاني (طاخ لمؤاخذه) التاني (طاخ لمؤاخذه) التالت (طاخ لمؤاخذه)
أما بيتنيلوا يتعلموا ايه في كلية الشرطه ؟؟
وبعدين اكيد الحكايه فيها ان
مش معقوله كلاب هتضرب برصاص حي
حتى لو كده لازم طالما هيضربوا في منطقه سكنيه يبقوا واخدين احتياطاتهم
ولا هما طالعين سفاري ؟؟





* تعليق :MaHmOuD_SaYeD
* بتاريخ : 13/05/2010 04:16:00 م

ههههههههه
الخبر دة اكيد فية (انة) او ان الاشخاص دول كانوا شبة الكلاب


* تعليق :sosopasha73
* بتاريخ : 13/05/2010 04:15:00 م

بلاش استهبال
الكلاب بتنضرب بخرطوش مش برصاص
خرطوش عيار 12 ملم بيفرش دائرة رش قطرها 30 سم
مش بالرصاص ..و المفترض الأمساك بالحيوان بكلابه لتثبيته قبل أطلاق النار
انما عمرى ما سمعت عن كلاب بنتضرب بطبنجه 9 ملم
ده العيار زمان كانت بتصاد الأرانب بعيار 6ملم أو 0.22
ياريت اذا كان الخبر مفبرك أو الشرطه عايزه تطلع المخبر من قضية اطلاق نار على المواطنين تبقى تفبرك قصه محبوكه شوية
مثلا المخبر كان يقوم بتنظيف سلاحه الميرى فأختلت عجلة القيادة و انقلبت الطبنجه فى الترعه نتيجه السرعه الزائده فخرجت منها 18 طلقة اصابت 3 مواطنين



* تعليق :AMYEN
* بتاريخ : 13/05/2010 04:15:00 م

انت بتعمل ايه يا عسكرى
شغلتك على المركب ( بوروروووووم) اللى فهمته من الخبر ده ان جميع (الكلاب بخير ) والحمد لله واللى اتصاب 3 مواطنين وهما اللى غلطانين لانهم مرو امام الطلقات وكله تمام و يجعله عامر.


* تعليق :keroo
* بتاريخ : 13/05/2010 04:08:00 م

IIIIIIIIIIIIII
هو بيصطاد بقنابل ولا ايه ما ييجو عندي انا عندي كلب معزبني بتاع واحد جاري عاوز حد يموتو يجيبو الظابط يموت الكلب وصاحبه وبالمره اكون خلصت من الكلب وصاحبو واضمن انه ميجبش كلاب تاني وانام براحتي



* تعليق :maher3702
* بتاريخ : 13/05/2010 04:06:00 م

يادى الواكسه
شرطى علشان يموت كلب كان حيموت 3 شباب. حتى ضرب النار مش نافعين فيه .الله يخرب بيت الشرطه من الوزير للغفير





* تعليق :plack Hourse
* بتاريخ : 13/05/2010 04:03:00 م

اكيد شرطى محترف
هو فى اة ياوديع
مش انا قلت قبل كدة

متضربوش الكلاب ب..أر بى جى

مفيش سمع كلام



* تعليق :ahmed_shaban55
* بتاريخ : 13/05/2010 03:50:00 م

يا عينى على الذكاء
هما فى الصعيد بيموتوا الكلاب بصواريخ ولا ايه؟


* تعليق :علمانى مصرى
* بتاريخ : 13/05/2010 03:48:00 م

خبر كوميدى فعلا
انا شايف أنة ينشن عالبنى ادمين عشان تيجى فالكلاب الضالة..
ده أكيد اشتغل بواسطة!!


* تعليق :ahlawybass
* بتاريخ : 13/05/2010 03:45:00 م

ارحمنا يارب
ههههههههههههههههههه هاتولي حد عاقل يصدق الكلام ده المفروض الكلب بيموت بطلقه ازاي تلاته اتصابو بتلات طلقات هو البعيد اعمي ولا احول ولا مابيفهمش
ولا هي الشرطه مابتفرقش بين المواطنين والكلاب
وبيتعاملهم معامله واحده ؟


* تعليق :qarawisazeg
* بتاريخ : 13/05/2010 03:34:00 م

الحمد لله
الحمد لله أنه مكانش بيصطاد دبان
و إلا كان زمانهم ألوف.



* تعليق :etsh
* بتاريخ : 13/05/2010 03:25:00 م

لا حول ولا قوه الا بالله
توضيح اثناء محاوله قتل الكلاب قامت الكلاب المدربه والتي يشتبه انها تعمل لصالح جهات أجنبيه بأخذ المواطنين الثلاثه كدروع بشريه وقد طالب المواطنين الضابط بضرهم بالنار والقبض علي الكلاب كمشاركه منهم بالتضحيه بالنفس في سبيل الوطن ... ارجوكم لقد نضجنا كفوا عن الأستخفاف بعوقلنا



* تعليق :moqatel
* بتاريخ : 13/05/2010 03:21:00 م

دة مين
نمس بوند



* تعليق :hoss_3d
* بتاريخ : 13/05/2010 03:15:00 م

قانون الطوارئ
في عهد الرئيس مبارك وحكومة الحزب الوطني
الشرطة المصرية لاتستطيع ان تفرق بين المواطنين والكلاب
لما ضرب التلاتة واحد واحد بالنار الدكتور راح يكشف عليهم لاقاهم مواطنين
او ممكن اكون فهمت غلط والرصاصة دخلت من واحد خرجت من التاني واستقرت في الثالث


* تعليق :masrawy.egypt
* بتاريخ : 13/05/2010 02:37:00 م

المواطن الكلب
هذا ان دل على شىء فانما يدل على ان عيون افراد الشرطه المصريه اصبحت ترى المواطنين كالكلاب الضاله التى يجب رميها بالرصاص
قيم هذا التعليق
ابلغ عن تعليق غير لائق

* تعليق :hamedtaha
* بتاريخ : 13/05/2010 02:34:00 م

تعليم مجاني
يا جماعة الناس دي تعليم مجاني جايبين فية 30 في الميه بالعافية
ميعرفش الألف من كوز الضرة .. عايزة يعرف الفرق مابين البني آدم و الكلب الضال ازاي ؟
قيم هذا التعليق
ابلغ عن تعليق غير لائق

* تعليق :Mostafa
* بتاريخ : 13/05/2010 02:18:00 م

عقبال القاهرة

معقول بيقتلوا الحيوانات الضالة فى الصعيد و العاصمة مليئة بالكلاب و القطط الضالة ؟؟ !!!

Ma7amed Adel
05-14-2010, 10:57 PM
لا حول ولا قوة الا بالله البنادمين بقيت رخيصه كده اووووووووى سبحان الله شكرا ليك يا حسام على الموضوع

حنين الحياة
05-14-2010, 11:21 PM
ايه ياجماعه انتم ظالمين الشرطي ليه ده همه مصلحه الدوله ده هو قتلهم منفعه عشان يقلل الكثافه السكانيه ياجماعه ده قصده خير......

لا اله الا الله للدرجاتي معرفش يفرق بين الكلاب والناس وماخدشي باله للدراجتي احنا اتسوينا بيهم لا تعليق.....ربنا معانا :a4::a4::a4:

yousef
05-15-2010, 12:14 AM
لا اله الا الله انا عايز اعرف اتعمل معاه ايه الشرطي ده وازاي 3 بعني لو واحد مقبوله بس تلاته

حسام المصرى
05-15-2010, 04:45 PM
شكرا ليكم
والفكره كلها

ان الشرطى بدل ما يضرب النار فى الكلاب ضربها فى ..............

حسام المصرى
05-16-2010, 11:13 PM
بصراحة طول عمرى اعرف

طلقة بالتلاته لكن تلاته بطلقة جديدة عليااااااا

KAREEM
05-16-2010, 11:47 PM
بصراحة موضوع عجيييييييييييب
ونفسى افهم ايه الغرض من الموضوع
هو للدرجة دى ينعى ؟؟؟؟؟؟!!!!!!