المساعد الشخصي الرقمي

مشاهدة النسخة كاملة : خطر على الفيس بوك ... مش كلام تهويش



Wild_Angel
05-15-2010, 09:45 PM
http://www.mesa7a.com/forum/mwaextraedit5/extra/15.gif
السلام عليكم ورحمة الله وبركاته
المقال ملخص فى عدة نقاط
أشتركت/ى على الفيس بوك ؟؟
http://dl7.glitter-graphics.net/pub/2448/2448177qwtwwcn71d.jpg
http://www.plungemd.com/homepage_files/facebook_files/facebook.gif
سؤال أتسألته من صحباتى وكنت حاسه كأنى يعنى فى ركاب العالم الثالث :a33:
قررت أدخل وأعمل حساب عليه (account يعنى باللغه الفيسبوكية)

ولاحظت أنه يسرق الكثير من الوقت
واذا كان فى مميزات .. حنلاقى فيه عيوب أكتر
ولكن بعد فترة اكتشفت مقال عن خطورة الفيس بوك
وحلخصه فى عدة نقاط :
http://dl2.glitter-graphics.net/pub/2527/2527222jkhyys8bbt.png
1 - اذا حاولت حذف حسابك لن يحذف مهما تعمل ومعلوماتك مخزنة عندهم حتى لو حاولت حذفها
وأما تعمل تعطيل لحسابك حيقولك ( انك بكل بساطه ادخل بايميلك والباس وورد بتاعك وحترجع الامور زى ما كانت ) ويقال والله أعلم أنه تم فتح حساب لك في قاعدة بيانات السي اي ايه والموساد !! ولذلك توخى الحظر إذا كنت من اصحاب التخصصات الدقيقه ولا تكتب أي معلومات مهمه

نشرت صحيفة فرنسية ملفا واسعا عن موقع "facebook" مؤكدة بأنه موقع استخباراتي اسرائيلي مهمته تجنيد العملاء والجواسيس لصالح اسرائيل.

وتضمن الملف الذي نشرته مجلة «لوما غازين ديسراييل» معلومات عن أحدث طرق للجاسوسية تقوم بها كل من المخابرات الإسرائيلية والمخابرات الأمريكية عن طريق أشخاص عاديين لا يعرفون أنهم يقومون بمثل هذه المهمة الخطيرة يعتقدون بأنهم يقتلون الوقت أمام صفحات الدردشة الفورية واللغو في أمور قد تبدو غير مهمة، وأحيانا تافهة أيضا ولا قيمة لها.

ونقل تقرير مجلة "إسرائيل اليهودية" التي تصدر في فرنسا الكثير من المعلومات السرية والهامة عن الموقع بعد تمكن المجلة من جمعها عبر مصادر إسرائيلية وصفتها المجلة بـ 'الموثوقة'.

وافزع الكشف عن هذه المعلومات حكومة اسرائيل ودوائرها الدبلوماسية، لدرجة اتهام السفير الإسرائيلي في باريس المجلة اليهودية بـ "كشفت أسراراً لا يحق لها كشفها للعدو"، لا أن الموضوع لم ينته عند هذا الحد، بل بدأ الجميع في البحث عن وجود جهاز مخابراتي اسمه "مخابرات الانترنت".



2 - الخطير في الأمر هو أن الشباب العربي يجد نفسه مضطراً تحت اسم مستعار دون أن يشعر إلى الإدلاء بتفاصيل مهمة عن حياته وحياة أفراد أسرته ومعلومات عن وظيفته وأصدقائه والمحيطين به وصور شخصية له ومعلومات يومية تشكل قدراً لا بأس به لأي جهة ترغب في معرفة أدق التفاصيل عن عالم الشباب العربي.


3 - نشر الصور الشخصية .. وخصوصا للبنات (http://www.mesa7a.com/forum/www.mesa7a.com)
اللى متعرفهوش كل بنت أن صورها سهل جداً الوصول ليها من أصدقاء الاصدقاء
وانا عارفه انها فى ايديها امكانية أنها تعمل أخفاء لصورها وتخلي أصحابها يشوفوها
بس هى نسيت أن صورتها الشخصي من الممكن أن الواحد يحفظها عنده
وكلنا عارفين دلوقتى فى ناس متخصصه فى برامج الصور وبتستخدمها فى حاجات بتغضب ربنا
بجد حافظوا على نفسكم يا بنات .. متخلوش أى حد سواء زمايلكم الولاد اللى أنتو واثقين فيهم ولا أياً كان يتفرج على صوركم
الله أعلم بالنوايا ..
وبجد والله أنا دخلت مره فى جروب .. ولقيت واحده كانت متصوره مع شباب فى الكليه وهات يا تأليس وتريقه عليها .. يعنى أنتى كمان ممكن تلاقي صورتك فى جروب من الجروبات وبيحصل فيها كده ومن غير ما تحسي



4 - تضييع الوقت .. حد يقولى بنستفاد بأيه بالموقع ده .. ولو بنستفيد هل فعلا مميزاته أكثر من عيوبه؟؟؟
اللهم أن الاستفاده الوحيده هى زيادة التعارف على الناس .. والذى قد يكون مشكوك فى أمره


5 - كما أن هناك شعورا جمعيا عربيا باستفادة اسرائيل من الكم الهائل من المعلومات المتاحة عن المشتركين من العالمين العربي والإسلامي التي توجد في موقع «الفيس بوك» وتحليلها وتكوين صورة استخباراتية عن الشباب العربي والمسلم يستطيع من خلالها تحريك الشارع العربي.

ولا تخفى تجربة اسرائيل في الاستفادة من التكنولوجيا المعلوماتية على أحد، فأجهزتها الأمنية والمخابراتية صاحبة باع طويل في هذا المجال وثرية بطريقة تجعلها قادرة على جمع ما تريد من معلومات في أي وقت عن الشباب العربي الذي يشكل النسبة الأكبر ويعد الطاقة في أي مواجهة مستقبلية.

وهناك العديد من الجهات الاسرائيلية المهتمه بتحليل ما يصدر وينشر في العالم العربي ومتابعة ما يجري فيه استطاعت في الماضي من خلال تحليل صفحة الوفيات بالصحف المصرية خلال حروب (56 و 67 و 73) جمع بيانات حول العسكريين المصريين ووحداتهم وأوضاعهم الاجتماعية والاقتصادية وهو ما أدى إلى حظر نشر الوفيات الخاصة بالعسكريين في فترة الحروب إلا بعد الموافقة العسكرية.


6 - أخر نقطه والتى تؤكد ان الاسرائيليين مستعديين يعملوا أى حاجه عشان يسيطروا على كم هائل من المعلومات عن العرب :

واشارت مصادر إسرائيلية بأن تحليل مواد الصحف المصرية ساهم في تحديد موعد بدء حرب 1967 عندما نشرت الصحف تحقيقا صحافيا ورد فيه أن الجيش يعد لإفطار جماعي يحضره ضباط من مختلف الرتب في التاسعة صباح يوم 5 يونيو1967

7 -يكفي أننا وجدنا مجموعات تسئ لديننا وأسلامنا
حتقولولي بنبلغ عن تلك المجموعات .. فهل توقفت ؟؟ هل أغلقت ؟؟
ماذا فعلنا ضد تلك المجموعات سوى أننا أمضينا ساعات أضافية نهتم بأمرها
النقطه هنا أننا إذا كنا نريد أن نهاجم تلك المجموعات فلا نضيع أوقاتنا فيما لا يرضى الله
معلش أنا عارفه الموضوع طويل أنا قريته وحاولت ألخصه بقدر الامكان واللى عايز يقراه كاملا وخاصة جانب التجسس الاسرائيلى يبحث عن مقال خطر الفيس بوك
بس أرجوكم خلو بالكم متستخدموش المواقع دى فى حاجه تسئ لأسلامكم ودينكم
وياريت تخلوا بالكم من النقطه رقم 3
مش حقول قاطعوه كل واحد ووجهة نظره بس بجد أحترسوا منه

يارب أحتسب تلك الكلمات عندك فيارب لا تجعلها حجة على يوم القيامه

KAREEM
05-15-2010, 10:23 PM
مش عارف اقوللك ايه
المقدمة اللى انتى قولتيها
هو نفس حالى بالئبط
برضو مكنتش مقتنع بيه
وكنت حاسس انه فخ وكله وقع فيه
بس سجلت ولقيته فعلا مضيعة للوقت
وفائدته لا تتعدى 1% من اضراراه 99%

فى موضوع بحضر له بمعنى ان منتدانا
بقى احلى من الفيس بوك
ايووووووه فعلا والله خاصة مع التطويرات الجديدة
بقى متاح عندنا نفس الخصائص الموجودة ع الفيس بوك
من وضع صور ومراسلة الناس عبر رسائل الزوار
والميزة ان احنا دا منتدنا يعنى ممكن نوجهه لصالحنا
ونبقى ضامنين ان دى حاجة بتاعتنا مش مخابرات
واستخبارات وكلام من دا

حقيقة ربنا يجازيكى خير على النصايح الغالية دى
وياريت الكل يتعظظظظظظظظ

** وشوفت بقى ياسامى الاكونت بتاعك اتوقف
ربنا يستر عليك يابنى شكلك اتجندت ههههه :a29: **

Wild_Angel
05-15-2010, 10:37 PM
جزاك الله خيراً يا كريم
والله انا فعلا كنت بحس أنه موقع الواحد مش بيستفاد منه
الا بقدر ضئيل
وأما قرأت أن هناك خطر وراجعت بذاكرتى كل الحاجات الغلط اللى شوفتها عليه
حبيت أنى أبلغ الجميع
عشان الكل يحترس منه
بس ارجو من أى حد حيخالفنى فى الرأى
لا يستهزأ بتلك الآراء
فأختلاف الرأى لا يفسد للود قضية .. وأنا كتاتبتى لذلك الموضوع كانت عشان التحذير من شئ ممكن يضرنا

Omyma Refaat
05-15-2010, 10:49 PM
بجد موضوع رائع جزاكى الله خيرا وجعله فى ميزان حسناتك وشكرا ليكى على المعلومات المهمة دى:a34:

Wild_Angel
05-15-2010, 11:09 PM
اكرمك الله وجزاكِ الله خيراً يا أميمه
اللهم أنفعنا بعلمنا

خالد أبوسعده
05-16-2010, 12:48 AM
حياك الله

بكل امانه انا مكنتش بحب ال facebook و مكنتش عايز ادخل عليه من اصله
بس لقيت ناس كتير من اصحابى بيدخلوا و فى ناس اتحايلت عليا ادخل
و فعلا عملت الاكونت و دخلت و اندمجت فيه شويه فى الاول
لكن بعد الهبل الى شوفته و اعذرونى على كلمه هبل بس بكل امانه ناس كتير جدا سقطت من نظرى بعد ما شفت تعاملها على الفيس بوك و كله عامل حسابه ان محدش بيشوف الى قاعد ورا الشاشه او بمعنى اصح بمبدا البلد الى ميعرفكش فيها حد اعمل فيها الى انت عايزة

و سيبته و او بمعنى اصح قرفت منه و عطلت حسابى بس للاسف زى مانتى قولتى بمجرد دخولك حترجع كل حاجة زى الاول

و بجد مبسوط انى طلعت منه و ريحت بالى

و بجد احييكى على الموضوع و عندك حق فى كل كلمه قولتيها

و ربنا يحمى شباب المسلمين و بشكرك على موضوعك الجاد مره تانيه

Wild_Angel
05-16-2010, 01:12 AM
جزانا الله وإياك يا خالد
والله فعلا راحة بال أساساً
ده وصل إلى أنه بقى أدمان
بس بجد أدمان حاجة سلبية
حاجة تخلى ناس تحس أن محدش شايف حاجه
مع أن ربنا عالم بكل أحوالنا
ربنا يسترها معانا يارب

ALY ELSAYED
05-16-2010, 02:00 AM
موضوع جاي في وقته

لان فعلا الفيس بوك خطف ناس كتير

وبقي كل الناس عندها حساب علي الفيس بوك

مش كده وبس ده بقي فضايح وصور زي مقلتي وغيره

دا غير طبعا تقمص الشخصيات بجد حاجه بقت غريبه

يمكن الافاده الوحيده منه هو متابعه بعض الاخبار

بشكرك جدا يا انجل

Wild_Angel
05-16-2010, 03:41 PM
جزاك الله خيراً يا علي
حقيقي الموضوع ربنا يستر منه
وأتمنى أننا فعلا نحاول نبحث دوماً عن الشئ اللى يعود علينا بالافادة

abdallahothman
05-16-2010, 04:57 PM
جزاك الله خيرا .وللفائده اعتذر اخذت الموضوع ونشرته على فيس بوك لتعم الفائده غفر الله لكم ولوالديكم ولمن كان حريصا على مصلحه هذه الامه .احترامي

Wild_Angel
05-16-2010, 05:46 PM
أخينا الكريم أهلا بك وأتمنى دوماً أن الفائدة تعم علينا جميعاً
وأشكرك لأمانتك
جزانا الله خيراً وإياك

برنسيس الهمسات
05-20-2010, 01:10 AM
كلام مهم جدا بجد انا ندمت انى اشتركت دا انا لسة مشتركة اول امبارح لو اعرف الكلام دا كان يستحيل اشترك وانا بلاحظ دلوقتى معظم اللى بيشتركوا مجرد شكل انهم اشتركوا على الفيس بوك مظهر بس مش اكتر وميرسى جدا ليك للمعلومات الهايلة دى:a11:

Wild_Angel
05-27-2010, 11:01 PM
جزاكِ الله خيراً يا برنسيس
اهم شئ ان الواحد يستخدم اى شئ فى مرضاة الله
ومدام امر هذا الموقع مشكوك فيه فالواحد يبتعد عنه مدام مفيهوش اى افادة
انا سعيدة لمرورك واهتمامك

spider girl
05-30-2010, 09:23 PM
شكرا يا وايلد على الموضوع الجميل ده
سبحان الله الناس دى بتدخل لينا ولبيوتنا بالف طريق وطريقه
ربنا يحمينا من شرهم
هوه فعلا ليه اضرار وليه مميزات
اه الاضرار اكتر بس انا عن نفسى وخداه زى
اى موقع العاب هههههه اه والله فعلا مجرد اما بكون
عليه بلعب الالعاب الى فيه وفيه جروبات حلوة الصراحه
للشعر والادب وجروبات وابلكيشن اسلاميه حلوة جدا
وجروبات للموضه يعنى هوه ده الى بحبه فيه الصراحه
زيه زى اى موقع بدخل فيه
ده مجرد دخولى فيه مش اكتر

اما نيجى لاضرارة باه
فا فعلا نحاسب من الصور الى بنحطها فيه
وخصوصا صور البنات ربنا يحمى كل بنات المسلمين يارب
والمعلومات الى بيحطها اى انسان عليه تبقى فى حدود بسيط جدا
ده لو حابب يتعرف على ناس جديده يعنى ودى حاجه مش مستحبه خالص
الله اعلم ده مين وفعلا دى شخصيته ولا لأ

شكرا مرة تانيه على الموضوع الجميل ده
جزاكى الله عمن يقرأه كل خير:a11::a11:

MUHAMED SAMY
06-07-2010, 08:59 PM
اه فعلا عندك حق
هو معظمه تضيع وقت
لكن ده ميمنعش
انه بيكون ليه فايدة احيانا
واخيرا ظهر
فيس بوووك للمسلمين
http://www.millatfacebook.com/

وتم انشائه بواسطة باكستنين

Wild_Angel
06-14-2010, 09:00 PM
جزانا الله وإياكي يا سارة ربنا يحفظنا جميعا يارب

جزاك الله خيراً يا محمد عن هذا الموقع
واللى حابب فعلا فكرة الفيس بوك اهو مالوش حجه عنده واحد بتاع مسلمين يبقى يعمل حساب عليه

AHMED FTIHA
06-15-2010, 03:05 AM
بجد كلام فعلا كله حقيقه ياوايلد وشامل كل السلبيات اللى موجودة على الفيس بوك هو ديما اللى بيشد فيه تجمع الصحاب الكتير ديما بيكونوا موجودين عليه وحكايه التواصل مابينهم وكدة وتكوين مجموعات واللى عايز يقول حاجة او يحط صورة بتوصل للناس كلها او الاصدقاء اللى عندة بس المشكله فعلا ان الموضوع بيوصل للادمان وتضييع السعات عليه بس حكايه الخصوصيه اللى ممكن اى حد يستغلها دة عيب من الشخص نفسه مش من الموقع وياااااااااااااااارب اهدينى واهدينا من الفيس بوك:a30:

alaa eid
06-16-2010, 02:52 PM
جزاكي الله كل خير

وفعلا يا وايلد عندك حق وبالذات للبنات اللي بيحطوا صورهم فيه بصراحة مالهاش لازمة خااااااالص

ربنا يهدينا جميييييييييييييييعا

تسلمي حبي

mo_medya
06-17-2010, 02:47 AM
أولا مشكور على الموضوع المهم
ثانيا من الطبيعى أن تكون هناك حرب تكمل فى طياتها حروب الماضى لكنها تحمل فى داخلها كره وعداء يحمله الغرب لنا وما تمثله الآله الاستعمارية الصهيونية
ألا وهى حرب المعلومات
فما لا يستطيعون الحصول عليه عن طريق جواسيسهم الذين قاموا بزراعتهم
قد ظفروا به عن طريق الكم الهائل من المعلومات الذى أمنكهم الحصول عليه
وعلى فكرة حتى لو الموقع قالك أنه حذف بياناتك الموجودة عليه
معقولة ما يكونشى هناك نسخة إحتياطية؟؟؟؟؟؟؟؟؟

Wild_Angel
06-21-2010, 10:01 PM
اولا بشكرك على مرورك
وأنا بأكد ان اكيد فى نسخة احتياطية
والدليل على ذلك ان اى حد لو فكر يرجع الحساب بتاعه ( Account )
بيرجع زى ما كان

ربنا يسترها معانا

أهم شئ الحذر ثم الحذر ثم الحذر فى أسنخدام المعلومات
واننا نخلى بالنا من وقتنا
عشان منضيعش وقتنا هباءً

حنين الحياة
06-22-2010, 12:19 AM
جزاكي الله كل خير..وبجد يااسراء انا صحيح عمله اكونت علي الفيس بس عشان موقع مساحه علي الفيس وكمان انا مش بشترك فيه ولا ليا في الفيس ولا غيره ومش بقبل طلبات الصداقه كمان ده كفايه الصور والكلام الفاضي الي فيه...ربنا يهدي شباب المسلمين

Wild_Angel
06-26-2010, 12:13 AM
جزانا الله وإياكِ يا حنين
أهم شئ الواحد يخلى باله فعلا من وقته ومن الحاجات اللى بيعملها على النت
لان النت عالم تانى
وربنا يحفظنا ويحفظ جميع شباب المسلمين

هدى على
07-06-2010, 10:15 AM
بجد ربنا يجزيكى على المعلومات الخطيرة دية ربنا يكرمك الحمدلله انا كدة كدة بعتبرة هبل

elkomy nasser
07-06-2010, 11:57 AM
جزاك الله خير الجزاء ماشاء الله فكرة جميلة

اسيل علي
07-18-2010, 12:12 AM
حقيقة انى اسمع عن هذا الموقع من زملائي ولكنى كانت معرفتى به تتلخص في انه موقع للتعارف في المقام الاول لذا منذ سمعت عنه وانا اعتقد انه موقع ليس له فائدة ولا يحق لي ان اضيع من وقتى لاسجل فيه لذا فانى الي الان لا اعرف شكله وبعد قرائتى لهذا الموضوع حمدت الله انى لم افتح هذا الموقع ابدا ولله الحمد
وشكرا علي هذه المعلومات القيمة
:a34:

Wild_Angel
07-19-2010, 09:05 PM
جزانا الله وإياكِ يا هدى ربنا يحفظك ويكرمك

جزانا الله وإياك اخى الكومي

حفظكِ الله يا أسيل .. حقيقة أنا جربت ودخلت وشوفت الموقع وهو فى الاول وفى الاخر ضرره اكبر من نفعه .. لذا فالوقت من ذهب حاولت الا أضيعه فيما لا يفيد

اللهم أجعل أوقاتنا عامرة بذكرك

esraa marey
07-29-2010, 03:21 PM
بجد يا ويلد مش اقولك ايه 0 انا شايفة ان الموضوع ده من اهم الواضيع ولازم نحاول كلنا نعرف اصحابنا بخطر الفيس لانه بقى هوس البنات والشباب0 تعرفى والله انا لغاية قريب اوى ماكنتش عاملة اكونت عليه بس عملت عشان الفيس بتاع الرابطة وانا من ساعة ماعملتوه مش بفتحه ولا بعقد عليه اصلا ولا ليا فيه خلاص 0 ونفسى الغى اشتراكى 0 بشكرك مرة تانية 0

Wild_Angel
08-03-2010, 07:54 PM
أشكرك يا إسراء
ربنا يبارك فيكِ ويحفظك
ويبعد عننا ضياع العمر فيما لا ينفع

mon ange
08-03-2010, 08:34 PM
جزاكى الله كل خير فعلا انا بكره الفيس ومش بحب ادخله الا لو هلعب وبلاقى فيه حاجات كتير مستفزه والواحد بينصح بس الناس مبقتش تقتنع زى الاول ومجرد تسجيلى عليه لانى انشر اى حاجه دينيه او حاجه تفيد الناس ويارب يبعد عنا كل شر وينصرنا على اعدائنا اللى بيخططولنا من زمان اوى .. اللهم اعز الاسلام والمسلمين واذل الشرك والمشركين امين

Wild_Angel
08-03-2010, 09:02 PM
ربنا يكرمك ويعزّك يا mon
جزاكِ الله خيراً ونفعك الله بما تنشريه

Mohamed Hashem
08-31-2010, 02:42 PM
جزاكى الله خيرا يا وايلد على موضوعك الجرئ
برغم ان مفيش حد فينا مش مسجل هناك وليه أكونت وبيقضى ساعات معاه فى اللاشئ
الا ان الكل بيشكو منه وكأنما اصبح ادمان .. تعلم مضاره وتتعاطى معه
ربنا يهدى الجميع

Wild_Angel
09-02-2010, 03:31 PM
آمين يارب ربنا يهدينا جميعاً
أشكرك لردك يا باشمهندس
وعوداً أحمداً
حقيقي تواجد حضرتك معانا بيفرق كتير في المنتدى

mohamed ortega
09-02-2010, 05:36 PM
موضوع مهم فعلا وانا فعلالا بضيع وقت كتير عالفيس بوك من غير فايدة اما اني انزل صور او اكلم صحابي ومش بستفاد كتير:a11::a11:

Wild_Angel
09-02-2010, 09:06 PM
أشكرك يا محمد لمرورك
وبجد الواحد لازم يستفيد من وقته وميكنش ضايع على شئ هو متأكد أنه مش حيفيده
فالوقت كالسيف إن لم تقطعه قطعك
قال رسول الله صلى الله عليه وسلم :
لا تزول قدما عبد حتى يسأل عن عمره فيما أفناه ، وعن علمه فيما فعل ، وعن ماله من أين اكتسبه وفيما أنفقه ، وعن جسمه فيما أبلاه

الراوي: أبو برزة الأسلمي المحدث: الترمذي (http://www.dorar.net/mhd/279) - المصدر: سنن الترمذي (http://www.dorar.net/book/$r-%3Esource_id&ajax=1) - لصفحة أو الرقم: 2417
خلاصة حكم المحدث: حسن صحيح