المساعد الشخصي الرقمي

مشاهدة النسخة كاملة : ايه رايكـ في التعليم في مصر؟؟, بصراحـــه <<<<قول رأيك بصراحة ومنكسفش



Hassan Mohamed
09-08-2008, 01:19 AM
ايه رايكـ في التعليم في مصر؟؟, بصراحـــه
السلام عليكم ورحمة الله وبركاته
ما هو الهدف من التعليم ؟

هل هو التعليم من اجل التعليم ام لسد احتياجات المجتمع ؟

وتلاقي في التنعليم العالي في مصر حاجه غريبه اوي

مثلا
تلاقي مواد هندسه القاهر غير الاسكندريه غيرالمنصوره

كأن شويه هيطلعوا مهندسين

والباقي سياحه وفنادق

مش عارف

لازم توحيد المناهج لان كده مش ينفع بجد

بالنسبه بقي للتعليم الاساسي

بتلاقي كل سنه قرار جديد

ماشاء الله مفيش عندنا اكتر من القرارات

وكمان

انا اعتقد ان الطالب في اي مرحلة اول مابيخلصها بيرميها ورا ظهره

واقترح انة من بعد المرحله الابتدائية نشوف ميول الطلبة ونقسمهم على حسب ذلك

وبعدين يكمل كل واحد مجالة على الاقل مفيش مواد برة مجالة الذي اختاره

وارجو ان نفصل ما بين التعليم ومعرفة القراءة والكتابة فهناك فرق بينهما

ارجو ابداء الراي
والمقترحات اذا وجدت

ahmedko
09-08-2008, 04:09 PM
على فكرة ياجماعة موضوع التعليم فى مصر دة هيخلينا نفتح النور عن كام موضوع كدة زى الفساد و الرشوة و عن موضوعات كدة ممكن تزعل ناس معينة مننا لو عايزين تتكلمو فى الموضوع دة انا معاكوا بس عايزين قلب جامد يناقش بجد مايخافش مايقلقش يقول كل اللى يعرفه و انا معاة هتكلم و هنقول اللى عندنا و نستانى الخير من عند ربنا

Hassan Mohamed
09-08-2008, 04:11 PM
قول يا احمد متخفش بس لو اتمسكت معرفكش ماشي

Mimi
09-08-2008, 09:02 PM
لا بص ياأحمد انت عايز توسع الموضوع

وعشان تتكلم عن الرشوة والفساد و .. و .. و .. من رأيي نخلي لكل حاجة منهم موضوع منفصل عشان ياخدو حقهم وزيادة في الكلام لكن عشان تتدخلهم في مشكله تانيه زي التعليم يبقى انت كدا بتظلمهم

عموما يااحسن موضوع نقاش ممتاز وهو التعليم في مصر

مصر فيها كوادر علمية ممتازة بصراحة وفيها مؤسسات تعليمية بيسافرها طلاب من دول كتير لانها شاملة على مناهج علمية ثمينة وتستحق التقدير غير ان شهاداتها معتمدة من جامعات أمريكية وأروبية

بس لو عدينا عدد المؤسسات دي هنلاقيها يدوب تتعد على الصوابع ..بس خلينا نتكلم في الطبقة العامة اللي هوا احنا وظروفنا مع الجامعات الحكومية

أنا شايفة ان في جهل في وضع المناهج التعليمية دي لعدة أسباب :

1 - مع احترامي لكل الدكاترة والمعيدين والاساتذة بس كل دكتور عايز يحط محتوى مادته بنفسه وبالتالي ياحسن المناهج هتختلف من جامعة لجامعة

2 - فيه نوع من التشويش عند الدكاترة في مسألة الفصل بين الدراسة والسلوك بمعنى انه مفيش حاجة تيجي على حساب حاجة بس هما شايفين ان أسلوب التحكم في سلوك الطالب بيكون عن طريق مادته يعني لو الدكتور سقط الطالب في مادته عشان مشاغب هل دا هيخليه مش مشاغب؟ بالعكس دا هيخليه جبان ويمكن يخليه متمرد لكن عمره ما هيصلح من سلوكه

وفي أسباب كتيرررررررررررررره جدا بتعلل رجعية مناهجنا ورجعية أسلوب التعليم عندنا

الاقتراحات :

1 - احترام عقليه الطالب . عشان نخليه يحترم محتوى المادة ودكتور المادة وبالتالي هيحترم المكان اللي جاي يتعلم فيه

2 - نفسي يلغو فرقة الاعدادي من طب الاسنان والصيدله والهندسة لانها ملهاش اي داعي بجد يعني نقدر نعتبرها حشو دماغ ع الفاضي

3 - تقدير حجم محتوى المادة مع حجم الوقت عشان نقدر نخلي الطلاب يستوعبو ولو نسبة 50 % من المادة في حياتهم المستقبليه لان الضغط العصبي والتوتر بيخلينا بمرد انتهاء الامتحان ننسى كل اللي درسناه واللي حشينا بيه راسنا4 - عمل مقررات اختياريه بمعنى الكلمة لان في بعض الفرق في بعض الكليات بتعمل المقررات الاختياريه وللاسف بتكون مش اكتر من اسم وبنلاقيها في الاخر اجباريه

دي اقتراحات تمس المادة العلمية بس مش هتخلص ابدا لو اتكلمنا عن المكان اللي بندرس فيه ونضافته وعن المعامل اللي كل حاجة فيها صدت وقدمت ..فياريت نرتقي في كل حاجة في المكان وأسلوب التعامل والاحترام المتبادل بين الكبير والصغير

ومتابعه لباقي الآراء

http://www.mashpet.com/glitter-comments/general/thanks/thanks1.gif

Hassan Mohamed
09-09-2008, 01:12 AM
كلامك سليم يا ميمي بس تقتكري احنا الزاي هنقدر نوصل اقتراحاتك دي للمسؤولين؟

ahmedko
09-09-2008, 04:00 PM
الشكر ليكى يا جودى على المشاركة الجميلة بس هقولك على حاجة الموضوع مش موضوع تعليم وتطوير و مناهج و اساتذة و خلاص انا يتهيء لى ان الموضوع مرتبط بثقافة مجتمع و فكر و نظام حياة يعنى مثلا متقوليليش ان الطالب الناجح فى مؤسسة تعليمية ناجحة حيصحى الصبح الفجر عشان ينزل يجيب عيش من الفرن يقعد فى الفرن 3 ساعات على الاقل
دة لو مبيشتغلش اساسا و مكبر دماغة من المحاضرات و الحضور عشان خاطر يشتغل يجيب مصروفه بالذمة دة منظر واحد حيقدر يتعلم صح

و طبعا مع احترامى الكبير للدكاترة فى منهم ناس كتيرة منهم المادية عندهم رقم واحد فى الاولويات يعنى مثلا حيهتم بمبيعات الكتب ع اى حاجة تانية و طبعا الوع دة شوفناه و عرفناة كتير دة طبعا عشان ياكل عيشش
وطبعا فى ناس تانية من خلال الكورسات و حاجات كتيرة اكيد عارفنها انتو الكلام دة طبعا فى الكلية

طب فى المدرسة مثلا الثانوى و الاعدادى و الابتدائى المدرس طبعا عايز يدى دروس طبعا بالعافية و محدش يقولى كادر المعلمين و الكلام الفاضى دة طبعا الطالب اساسا طالما لاقى الدروس موجودة و متوفرة طز فى المدرسة و طبعا اساسا من البداية من ابتدائى الواد الصغير تيجى تكلمة تقولة نفسك تطلع اية يقولك ظابط بعد كدة فى يقولك زى ابويا وبعدين يقولك اى حاجة ياعم هو فى حد لاقى شغل اساسا و يرصلك كمية كلام ورا بعدوا لاحد ما انت تيأس و تلاقى العيال الصغير ة شغالة فى الورش و سلملى على مكافحة عمل الاطفال و سلملى على خالتى سوزان

و الله يا جماعة انا رأيى ان دى مشكلة مركبة ممكن نفكرها فى حلول بس من الصعب ان احنا نفصلها عن غيرها من المشكلات
دة ياجماعة طبعا من غير ما اتكلم عن الرشوة و الفساد و الكلام التخين دة

Hassan Mohamed
09-09-2008, 04:06 PM
فعلا يا احمد الموضوع ده اصبح شائك ومعقد جدا والناس بدأت تحس بالإحباط من مشكلة التعليم في مصر بس يااحمد واحنا لسه قدامنا سنة ممكن نقدم اي شئ ولو حتي بسيط نحس اننا بنحسن من وضع التعليم حتي وإن كان مردود الكلام ده مش هيظهر غير قدامنا احنا بس لان بجد لازم يكون فيه حل عشان الصورة الواضحة دي بتشير لتراجع كبير في مستوي التعليم والدليل الاجيال اللي طالعة جديدة

ahmedko
09-09-2008, 04:52 PM
اللخ ينور يا ابو على شكلك فهمتنى

AYMAN GAMAL
09-09-2008, 05:47 PM
انا حاسس اني قاعد في مجلس الشعب

tiger
09-10-2008, 05:48 AM
السلام عليكم
مصر فيها عقول رهيبه محتاجه بس الى التوجيه بس اهم سبب لاهدار العقول دى الاهتمام المادىاكبر من الاهتمام العلمى وبعضهم ومش كلهم لأن لو كاهم كانت البلد خربت المشكله محتاجه الى ترتيب ودراسه علشان دى مشكله من اهم مشاكل بلدنا ان الواحد او الواحدة مش عارف لما حيتخرج حيشتغل ايه والناس الكتير الى قاعدة والبطاله عماله تزيد فى ناس كتير حطت حلول وانشاء الله حنلاقى حلول زى ما بيقولو حلول مثلى مثلا نحتاج لمناقشة مشكلة التعليم الجامعى فعلا واكيد الناس الكبيرة زى الدكاترة مش ممكن حتفوتها اننا بناخد مواد حتساعدنا فى الشغل اخم احم يارب ياخدو بالهم المواد كتيرة جدا وفى منها شبه بعضها خلى الموضوع اصعب
التعليم الجامعى فى مصر وضعيتو محتاجه الى تغير خاصة فى مواد الدراسه وأسلوب التلقين
ده بالنسبه للتعليم الجامعى اما التعليم الثانوى حدث ولا حرج مش حقول غير فضايح الامتحانات بس
المشك

Hassan Mohamed
09-12-2008, 02:33 PM
كلام معقول يا اشرف عشان كده احنا بنقول فين الحلول والزاي احنا كشباب هنقدر نحل ونتصدي للمشكلة دي

مختار الحسانين
09-12-2008, 05:08 PM
كل شئ فى مصر يحتاج إلى تصحيح مسار ، ومنها العمل الأكثر أهمية فى تاريخ الشعوب وسبب نهضتها وحضارتها ، وهو التعليم الصالح .. فالتعليم الصالح ينتج مواطن صالح ...

وإن شاء الله يا مصر للأمام ...

Hassan Mohamed
09-12-2008, 05:20 PM
كلامك سليم اخي مختار

بس احنا متعرفناش بحضرتك ياريت حضرتك تشرف قسم الاعضاء الجدد وتعرفنا بنفسك عشان نتعرف عليك اكثر

Rania Ismail
09-16-2008, 03:54 AM
السلام عليكم
بجد يا حسن انت فتحت موضع مهم جدا هو التعليم
موضوع التعليم ده مشكله كبيره قوى ده الجديد اللى انا سمعتو اليومين دول ان الابتدائى والاعدادى دبوقتى بياخدو دروس قبل الدراسه زيهم زى الثانويه العامه العملية بقت مهزله واستغلال
اما بقى محدش يقولى بقى على الثانويه العامه وجمالها تعليم ايه اللى يخلى طلبة ينتحرو بسبب الفساد ويتحرق قلب اهاليهم عليهم تعليم ايه اللى يخلى الكوادر تطلع متعقده ومريضه نفسيا بدل ما تطلعهم عندهم حماسه وامل مش كفايه حال البلد المقلوب
نخش بقى على الكارثه الكبرى التعليم العالى بصراحه التعليم العالى فى عيوب كتير قوى انا حتكلم على حاجه واحده بس مشكلة الكتب اللى بتنزل قبل امتحانات الشفوى باسبوع واللى يلح يا معلم يقرى الفهرس علشان يدخل يجاوب ولو رحت لحد من الدكاتره مع فائق الاحترام لكل الدكاتره طبعا علشان تقولهم الكتب منزلتش يردو عليك يقولولك مش مشكلتنا ديه مشكلة الناشر وموووووووت يا .......... على بال ما الكتب تنزل بتنزل بردو على الامتحانات لو عملت ايه بالذى
ديه حاجه واحده بس وسبونى ساكته الواحد على اخرو اى والله على اخرو انت جيت على الجرح يا حسن بالموضوع ده

Hassan Mohamed
09-16-2008, 05:38 PM
عندك حق يا رانيا انا حاسس ان الكل فعلا مجروح وموجوع من الموضوع ده بس هنعمل ايه ده واقع ولازم نتصدي له

ميرا مار
09-17-2008, 09:52 PM
حسن باحييك على موضوع رائع لانه اساس فى بناء اى امه...
صلى ع النبى ..
كمان يا حسن ..
بص بقى
التعليم عندنا مش عاجبنى دى مطحنة ومايعرفهاش غير اللى دخل فيها ..
شوف برة فى الدول المتقدمة ..لما لقونا ايام الخلافة الاسلامية تسيدنا العالم بعلمنا اللى سبقناهم بيه بسنين طويلة
اهتموا هما بالرياضة البدنية ونموها وسبقونا فيها
قوم ايه ..
احنا سيبنا علومنا وثقافتنا وجرينا وراهم نقلدهم فى الخايبة ..
ونسينا نعلم طفل صغير يقرا كتاب قبل ماينام
او نحكيله حكاية توسع عقلة تخليه يحب مجال معين ويتجه له
عشان لما يدخل المدرسة ..
مايقعدش متنح
ويرجع يكتب الواجب فى كراسة مربعات
واللا الانجليزى فى كراسة بخطين ....
بس ارجع واقولك
اقتصاديا احنا بلد تعبانة فين مرتبات المدرسين واساتذة الجامعة ........ فين الحافز ..

Mimi
09-17-2008, 10:06 PM
بس والله ياولاد انا متفائلة

وبعدين تعالو انتو مش بتابعو الأستاذ عمرو خالد ؟ لو شفتو الحلقة 16 هتلاقوه بيتكلم عن صفة الايجابية وبدل ما يقول في كل حلقة قصة قال في الحلقة دي 3 قصص

وهيا قصة كعب بن مالك وقصة النملة وقصة الهدهد

والغرض من القصص دي ان منعدش باه نقول الظروف و البلد تعبانه والاسعار نار ومفيش حوافز و .. و.. وبجد بهدلنا البلد والناس والمسؤولين آخر بهدلة .. طيب وبعدين ..هل اتعدل حالنا ؟

المفروض نستغنى شوية عن عضلة لساننا ونتحرك بعضلات جسمنا باه ازاي ابقى قاعدة في البيت ومبتحركش ولا بعمل حاجة وقاعدة جايبة البلد عاليها واطيها لالالالالا الكلام دا مرفوض

دا ربنا سبحانه وتعالى ذكر قصة النملة وسمى سورة كاملة باسمها عشان نتكسف على دمنا ونشوف اللي عملته النملة دي واللي تعتبر لا شئ بالنسبة لينا ونشوف عملت ايه مع جيوش سليمان

والله انا كنت اكتر واحدة بتشتم البلد ولما اتكلم عن العيوب والمشكلات برغي للسما ومش بيخلص الكلام بس بعدين عرفت اني واحدة سلبية بالشكل دا ..لازم نتحرك ونغير بنفسنا ومتقولش انك مش قادر والظروف

أستاذ عمرو خالد قال لما تروح لربنا هتقوله الظروف منعتني احقق رسالتي ؟ الجو اللي عشت فيه مساعدنيش أحقق حاجة ؟ ..ربنا صحيح أوجد الظروف والمشكلات دي بس قصادها باه أوجدلنا الامكانيات اللي تساعدنا على قهرها والامكانيات دي جوانا وهيا بتتلخص في كلمة واحدة اسمها الايجابية

بس للأسف باه احنا بنبص على جانب واحد ومش بنشوف الجانب الاهم .. وبنستخدم عضلة لساننا في الكلام ونهمل باقي عضلاتنا وبنكسل حتى نفكر هنصلح ازاي

أنا كشابة متفائلة بالشباب والبنات في جيلنا دا واحساسي عالي اوي في اننا هنحقق عالي وياريت والله بجد يبقالنا فايدة في حياتنا

Hassan Mohamed
09-19-2008, 04:48 PM
نتفائل الزاي واحنا بنرجع لورا الموضوع مش بيدعوا لتفائل خالص

shimo
09-19-2008, 07:53 PM
فين التفاؤل دا ياجودى ؟؟؟؟؟؟؟؟؟؟
كلام موها صح احنا التعليم بقئ زى المطحنه بقئ عمليه ماديه باحته مليانه بالابتزاز
كل سنه نسبه الرسوم سواء مدارس او جامعات حكوميه او خاصه بتزيد
طبعا غير عدم وجود حافز اصلا
والاهم اسألى كدا اى واحد من الموجودين هو طموحوا ايه
اللى هيقولك انا عايز اسافر بره واللى يقول لما اللى اتخرجوا قبلنا يشتغلوا
طبعا دا ازا كان ناوى يدور على الكوسه او بين قوسين ( الواسطه) اللى هى بتمشى كل حاجه دلوقتى
بصوا مهما عملتوا صوتنا مش هيوصل هى بايظه بايظه

Wild_Angel
09-19-2008, 08:04 PM
السلام عليكم ورحمة الله وبركاته


ربنا يخليك يا استاذ محمد راشد ويكرمك فكرتونى بمحاضراته الجميله

يا جماعه المشكله مشكله ايكولوجيه يعنى فى دائره مغلقه
وعلى فكره الموضوع ده كان مخلينى متدايقه ايام المدرسه جدا ويمكن مشكلة التعليم بقت بتزيييييد وطبعا مش حنقول البيضه قبل الفرخه ولا الفرخه قبل البيضه
يعنى المشكله فى المناهج والاداره والمدررسين

على فكره انا عايزه اقول حاججه ومن غير المجامله انا عاجبنى جدا اسلوب الجامعه فى التدريس ويمكن بالاخص عندنا فى القسم بصراحه بقالى 3 سنين اهو معمريش لقيت دكتور كان مادى او غير ذلك حتى المعيدين بارك الله فيهم دائما يحاولو يساعدونا بقدر الامكان

هناك دكاتره فكرهم فكر متطور ومحتاجين الامكانيات اللى تساعدهم على كده سواء من الحكومه والاداره نفسها او من الطلبه نفسهم

tiger
09-20-2008, 09:26 AM
أنا مع wild angel فى حكاية أنها دائرة مغلقة وقسمنا فعلا من أحسن أقسام الكليه بس الوضع اوسع شويه من القسم اوسع جدا ودى مشكله وقعو فيها الشباب

ميرا مار
11-19-2008, 10:34 PM
ياللا يا شباب كل الاعضاء الجدد يدخلوا يجددوا الموضوع
ويقولوا رايهم

Nhla147
11-20-2008, 02:59 AM
التعليم فى مصر عبارة عن معمل لتجريب الافكار و الاراء

أختـــــ نهله ـــــكم

Yamyam
11-20-2008, 09:16 PM
التعليم فى مصر مش تعليم لكن الواحد بيتعلم علشان يشتغل واللى مش عارفة ان سوق العمل حالياً عايز عقل بيعرف يفكر و شويه مجهود علشان يثبت نفسه. ولازم يعمل على تثقيف نفسه حتى يكون متميز بعيد عن ما يسمى بالتعليم

ميرا مار
11-20-2008, 10:29 PM
الله ينور يا ياميم ع الكلام الحلو

Mimi
09-22-2009, 06:38 PM
شكرآ يابشمهندس حسن على الموضوع دا وحبيت أجدده بعد اذنك

لأني شايفة التعليم حاليا واخد مسلك تاني في مصر وعلى غير العادة

وهيا عدم حضور الطلبة للمادرس والجامعات

ومن رأيي بعيدا عن ان دا كويس عشان الوقاية من الوباء المنتشر

فأنا بعتبره كويس عشان هيسهل حركة المرور وعشان هيهدي أعصاب المواطنين من الضغط العصبي اللي بيتعرضوله بسبب زحمة الشباب والأطفال

وعشان بصراحة مفيش حد بيستوعب حاجة في المدرسة من الدوشة والجو الحر اللي بيبقو فيه

شكرآ على الموضوع الرائع

Hassan Mohamed
09-23-2009, 06:26 AM
جزاكي الله كل خير

ويهمنا بردو نسمع راي الاعضاء من تاني

وخاصة في ظل التطورات الراهنة