المساعد الشخصي الرقمي

مشاهدة النسخة كاملة : بابا.... خنقتنى



الورده البيضاء
06-05-2010, 10:27 PM
بسم الله الرحمن الرحيم



انتي صوتك عالي ليه ؟
انتي بنت ميصحش كده


اتاخرتي بره ليه ؟؟
انتي بنت عيب كده


رايحة فين لوحدك خدي اخوكي معاك
انتي يا بنت
الناس تقول ايه ؟؟


البسي حاجة عليكي وغطي دراعاتك دي
انتي ح تقلدي اخوكي ولاايه ؟؟
انتي بنت


متقعديش علي النت لوحدك
انتي حاجة واخوكي حاجة
يعني انتي بنت وهو ولد

ادخلي جوة لان جاي لي ضيف
ميصحش تباني قدامه
انتي بنت وهو غريب



انتي بنت
انتي بنت
البنت قرفت من حياتها
ياريتها كانت هي الولد
البنت انفجرت في باباها وقالت له
خنقتني يابابا
هي البنت دي مش بني ادمة
هي البنت مش زي الولد




الاب حاول يفهمها
حاول يقنعها
ان البنت غير الولد
لكن البنت
مش عايزة تقتنع
طب وبعدين ؟؟؟؟



الاب في تفكير دائم
ماهو كمان خايف ان البنت تفتكر انه بيحب اخوها اكتر منها
او تفتكر انه رجعي



وهنا جاءت الفكرة
وبدأ الاب يلقن ابنته الدروس


ومع اول درس يابنات

لكن

بعد الفاصل

منقووووول

الورده البيضاء
06-06-2010, 11:56 AM
تعالي معايا يابنتي
علي فين يابابا
اهو
رايح مشوار تعالي سليني
الحقي يا مامتي يا ماماتي
بابا هيفسحني فسحة جونان
دة اول مرة يعملها
انا حاسة ان بابا اتغير
استني بقي البس احسن ما عندي واتشيك كدة
اكيد بابا هيوديني موش اي مكان
يلهوي قلبي هيقف من الفرحة
دة عمرة ما قلهالي
ايه الرضا ده
هو دايما ياخد اخويا معاه
اشمعني انهارده يعني

خرجوا
راحو فين ؟



●●● { } ●●●

نشوف


السلام عليكم

وعليكم السلام

عملت ايه في العربية يااسطي سعيد

كله السطة يابيه . مسافة ماتشرب الشاي اكون فنشتها خلصت خالص يا بية

هات كرسيين ياد ياحنفي للسنيورة والبيه

حاضر يااسطي
اتفضل يابيه . اتفضلي يامزمزيل اهلا وسهلا
تشربوا ايه ؟


هات لهم شاي ياد
وللقمورة واحد ازوزة مشبرة ومتغلفة فاهمني ياد يا حنفي جتك القرف في شكلك
حاضر يااسطي من عيني

البنت ياحبة عيني مستغربة
ايه اللي بابا بيعمله ده يلهوي ايه المكان دة
وقاعدة طبعا قرفانة من نفسها
ماهي قاعدة عند ميكانيكي
وورشة
والفاظ غريبة
وناس عجيبة اذا كانوا ناس طبعا
مهي موش بتشوف الاشكال دي كل يوم

شوية
والشاي وصل
والازوزة المعفنة قصدي المتغلفة
البنت مقدرتش تتحمل
قرفت من منظر البني ادم اللي جايب الشاي
ومن اكواب الشاي وشكل الحاجة الساقعة
ومن الشاي نفسه
موش معقول
انا بحلم صح

ايه القرف ده

بابا انا ماشية خلاص دة اخري هنا
رايحة فين يا بنتي شكلها الخروجة موش عجبتك ؟؟
معلش يا بابا انا هموت بالشكل دة
طيب انا هاجي معاكي
استني
سلام يا اسطي
ابقي ابعتلي العربية
ماشي يا بية
اي خدمة
سلام يا سنيورة ولا ونك كان لازم تتغدي معانا
وتبقي تيجي مع بباكي علطول
موش هينفع الخمسياية دي
لازم تيجي يا مزموزيل

البنت موش عاوزة تكتر مع الميكانيكي
سلام يا عمو
●●● { } ●●●

باباها
لقاها قاعدة تشتكي لمامتها
ازاي بابا ياخدني ويقعدني عند الميكانيكي
كان منظري شاذ قوي ياماما


انت اتجننت ياراجل انت ؟؟
ايه اللي انت عملته ده ؟؟
ايه بس اللي مزعلكم ياجماعة ؟؟
فيها ايه يعني لما اخدت البنت معايا عند الميكانيكي ؟؟؟

لا يابابا

لو سمحت

انا مش ولد علشان اروح اقعد عند الميكانيكي
لن انسي لك هذا الموقف
لن انساة

انا بنت يا بابتي
●●● { } ●●●

ابتسامة عريضة من الاب

وانتهي الدرس الاول

الورده البيضاء
06-06-2010, 11:58 AM
انتظروا الدرس التانى

eslam mamdouh
06-09-2010, 04:15 PM
بجد قصه ممتازه جدا جدا

ياريت البنت تعرف ان لما حد يقولها اعملى ومتعلميش سواء كان اخوها الكبير او خطيبها او ابوها ( وحط الف خط تحت كلمه ابوها يلى فى بالى ) بيقولها كده لانه خايف عليها

لانها بالنسباله حاجه غاليه جدا وحاجاه بجد يخاف عليها

عجبنى فكر الاب وعجبنى انه بيوصل المعلومه مش بالكلام لكن بالفعل المناسب والتجربه

بجد قصه ممتازه ياريت كل البنات تقراها

عشان تعرف قيمه باباها


مش كده ولا ايه ؟؟؟؟؟؟؟

الورده البيضاء
06-09-2010, 04:19 PM
بجد قصه ممتازه جدا جدا

ياريت البنت تعرف ان لما حد يقولها اعملى ومتعلميش سواء كان اخوها الكبير او خطيبها او ابوها ( وحط الف خط تحت كلمه ابوها يلى فى بالى ) بيقولها كده لانه خايف عليها

لانها بالنسباله حاجه غاليه جدا وحاجاه بجد يخاف عليها

عجبنى فكر الاب وعجبنى انه بيوصل المعلومه مش بالكلام لكن بالفعل المناسب والتجربه

بجد قصه ممتازه ياريت كل البنات تقراها

عشان تعرف قيمه باباها


مش كده ولا ايه ؟؟؟؟؟؟؟


اولا احب اشكرك جدا على مشاركتك اللى اسعدتنى جدا
واكيد الاب هو اكتر حد المفروض يكون بيخاف على بنتة يمكن كمان اكتر من زوجها او خطيبها
ربنا يباركلك يارب
ويجازيك خير
ميرسى اووووووووووى اوووووى لمرورك يا.......... اسلام :d

sandra_sa
06-10-2010, 10:40 AM
اب عسول والله كل ده علشان يقول ان البنت مش زى الولد وعلشان يفهم بنته هو لما بياخد اخوها معه بيبقى ايه السبب لانها مش حتقدر تتحمل المشوار الى هما حيروحوه

الورده البيضاء
06-10-2010, 04:41 PM
اب عسول والله كل ده علشان يقول ان البنت مش زى الولد وعلشان يفهم بنته هو لما بياخد اخوها معه بيبقى ايه السبب لانها مش حتقدر تتحمل المشوار الى هما حيروحوه


بالظبط ياساندى
هو دا المقصود
ميرسى لمرورك ياقمر

blue_sky
06-21-2010, 12:43 AM
موضوع جميل جزاك الله خيراً

الورده البيضاء
06-22-2010, 11:51 AM
موضوع جميل جزاك الله خيراً


ايانا واياكم ياجميل
نورتى التوبيك

MUHAMED SAMY
07-07-2010, 02:58 AM
الاب
فاهم تنشئة إجتماعية صح
وفعلا البنت مووش زى الولد
ودايما بقول
الحمد لله الذى خلقنى ولد
موضوع مفيد

elkomy nasser
07-08-2010, 06:27 PM
شكرا ليكى يا أمل بجد قصة جميلة جدا وأتمنى المزيد من قصصك الحلوة

alaa eid
07-11-2010, 06:05 PM
القصة جميــــــــــــــــــــــــــــــلة جداااااااااااااااااا
والحمد لله انا عمري ما قولت ياريت اكون ولد
الحمد لله
ميرسي يا قمراية

الورده البيضاء
07-28-2010, 11:43 AM
الاب
فاهم تنشئة إجتماعية صح
وفعلا البنت مووش زى الولد
ودايما بقول
الحمد لله الذى خلقنى ولد
موضوع مفيد




اكيد يامحمد
ربنا خلق للولد وظيفة والبنت وظيفة فى الحياة
جزاك الله كل خير

الورده البيضاء
07-28-2010, 11:44 AM
شكرا ليكى يا أمل بجد قصة جميلة جدا وأتمنى المزيد من قصصك الحلوة



ربنا يعزك
ميرسى اووووى
وانتظر تكملة الحلقات

الورده البيضاء
07-28-2010, 11:46 AM
القصة جميــــــــــــــــــــــــــــــلة جداااااااااااااااااا
والحمد لله انا عمري ما قولت ياريت اكون ولد
الحمد لله
ميرسي يا قمراية


مرورك الاجممممممل ياحبى
والحمد لله على انى بنت
ميرسى للكومنت ياقمر