المساعد الشخصي الرقمي

مشاهدة النسخة كاملة : اصرخ ياشـــــــعب



الورده البيضاء
06-13-2010, 04:33 PM
بسم الله الرحمن الرحيم

شعب فيه كل الصفات ... كل العبر ... كل الآهات ... القاصي والداني ... من يحمل هم بلده ومن يخاف على لقمة عيشه ولكن .. بجد عايز اقوله حاجة ... هو انت ليه كده ؟؟ وعلشان كده أثرت ان اوصفه بهذه الكليمات


وهي بعنوان


إصرخ يا شعــــــــــب

يا شعب ياللي بتنضرب وتقول كمان

البلد........... بلدنا بقت بتاع سجان

الكلمة منك تنعدم وتنكتم وتقول كمان

حرام عليك يا شعب .. موووووت

ولكن قبل ما تموت

اصرخ وقوول .. راح الفول

راحت البلد وراح كل شئ

راحت كرامتك وانت نايم

اصحى بقى .. وصحصح وفوق

اصرخ يا شعب

قلها بعلو الصوت .. بملأ الفاه

مش عايزين حاجة بتتقال

عايزين فعل وعيشة تمام

يلا معايا .. يا ولاد بلدي

نضرب على كل الاحوال والافعال

اللي بتقتل ... تضرب .. تسرق

تنهب .. تنهش .. وفي الاخر

تسجن .. تخنق

حتى الكلمة قتلتها كمان

حتى الدمع على الخدين

هايكون بكرة ورا القضبان

وبعد ده كله فاضل ايييييه ؟؟

فاضل كلمة مني ومنك

لجل بلدنا تبقى بخير

ويكبر فيها ابني وابنك

ويعيشوا فيها عيشة هنية

وتبقى حياتهم يا صلاة الزين

يلا معايا .. وقوم ويايا

لجل بلدنا تبقى عمار

يطلعوا منها ولاد ال (تييييت ) وتبقى

حياتنا من غير تيييت

تبقى في شرع المولى حياة

واي حياة ... دي أحلى حياة

وعشان كله ده يحصل لازم

كل الناس في بيوتنا وفي شوارعنا

تخرج معانا وتقول لأ

على كل اللي بيحصل فينا

من ذل وغلا وتهديد

انت وهي وابني وابنك

لا تخاف قوة ولا تهديد

انت معاك المولى وحارسك


يالا معايا ... قوم واعلنها لكل الناس

إننا شعب بإذن الله ما بننداس

وبعد ده كله لازم أقول

عايز كل شئ قي بلدي يبقى بجد مش وهم في وهم وكمان عايز بلدي من غير تيييييييت

وبعد كدة تبقى الحياة حياة

ونشوف بقى .. الحرية. اللي نفسي فيها من زمان

واعيش مرة شهر من غير سلف
واكل رغيف دقيق مش علف

واخد حبيبتي و مفيش في جيبي غير جنيه
نخرج ونفرح ونرجع بتكسي بالجنيه

و قول رأيي في التخين ميهمنيش
ويقولوا اصلوا مصري بياخد حقه وحقوقه مبتنتهيش


منقووووووووووووووول

الورده البيضاء
06-26-2010, 07:43 PM
ههههههههههههههههههههههههههههههه
معقولة مفيش ولا حتى مشاركة واحدة؟؟؟؟؟؟؟؟؟؟؟؟؟؟؟
انتو خايفين تشاركو ولا الكلمات مش عجباكم؟؟؟؟؟؟؟

هدير هيبه
06-29-2010, 08:54 AM
لالالالالالالالالالالالالا مش خوف ولا حاجه

بجد بجد حلوه اوي جداا خالص كتير

شكرا يا قمر

الورده البيضاء
06-29-2010, 01:53 PM
لالالالالالالالالالالالالا مش خوف ولا حاجه

بجد بجد حلوه اوي جداا خالص كتير

شكرا يا قمر




العفو يادودى
نورتي ياجميلة

KAREEM
06-29-2010, 01:58 PM
انا خاااااااااااااايف
عشان كدا كتبت المشاركة دى
وياريت ميظهرش اسمى احسن بخاف اوى
:a36::a36::a36::a36:

بجد رووووووعة وكلام جامد جدا
تسلم اايد اللى كاتبه بجد

وانتظرو حاجة زى كدا قريب
باذن الله من كتاباتى العظيمة
:a33::a33::a11::a11:

الورده البيضاء
06-29-2010, 04:21 PM
انا خاااااااااااااايف
عشان كدا كتبت المشاركة دى
وياريت ميظهرش اسمى احسن بخاف اوى
:a36::a36::a36::a36:

بجد رووووووعة وكلام جامد جدا
تسلم اايد اللى كاتبه بجد

وانتظرو حاجة زى كدا قريب
باذن الله من كتاباتى العظيمة
:a33::a33::a11::a11:




فى انتظار كتاباتك ياابو كتابات عظيمة
ههههههههههه
نورت التوبيك اكريم