المساعد الشخصي الرقمي

مشاهدة النسخة كاملة : اجتماع طارئ للفرقه التالته شعبه نظم معلومات


حفيد سيف الله المسلول
06-15-2010, 02:29 PM
يا جماعه ان عملت المضوع ده علشان نتجمع كلنا باليل ان شاء الله على المنتدى الساعه 10 لمراجعه المصطلحات والمقولات الهامه لماده الجغرافيا التاريخيه واكيد كلنا هنقدر نفيد بعض يعنى محدش يقول انا مش هعرف وكمان ان شاء الله كله هيستفاد :a20:
ويا ريت يا جماعه اللى عمل الجدول الى دالكتور محمد راشد كان قايل عليه بتاع التطور الزمنى للمليون سنه الاخيره يبقى يرفعوا علشان فى ناس كتيره اوى محتاجاه وانا اولهم:a1:
وياريت يكون التجمع فى تمام العاشره والا هنقفل الباب وممنوع حد يدى للتانى المراجعه
وان شاء الله ربنا يقدملنا اللى فى الخير فى ماده بكره ( عسى ان تكرهوا شيئا وهو خيرا لكم وعسى ان تحبوا شيئا وهو شرا لكم )
حفيد سيف الله المسلول
06-15-2010, 02:31 PM
يا ريت يا جماعه اللى يدخل يبقى يكتب هو معانا ولا لا علشان كل ما العدد هيزيد كل ما الناس هتتشجع انها تبقى موجوده
KAREEM
06-15-2010, 03:50 PM
موجووووود باذن الله
وفكرة ممتازة منك
يا روووووءا
تسلم ايدك يامعلم
hossam.codo
06-15-2010, 08:26 PM
وانا كماااااااااااااااان ويارب تكون يفايدة
Amr_Gaafer
06-15-2010, 08:34 PM
موضوع رائع منك ويا ريت الكل يشارك فيه ......
hossam.codo
06-15-2010, 09:15 PM
فين المراجعات هو مفيش حد دخل الاجتماع
KAREEM
06-15-2010, 09:16 PM
سلامو عليكو
وانا براجع فى الكتاب دلوقتى
لقيت فى ص 84 فى اخر الفصل التالت
الجدول اللى كنا بندور عليه
معمول بطريقة جمييييلة جدا

اتمنى ان كله يشوفو ويطلع عليه
وبالتوفيق للجميع

وعايزين لو حد عنده معلومة تفيدنا ياريت يقوللنا
shimaa_11589
06-15-2010, 09:39 PM
دى التعريفات اللى معايا ياريت لو حد عنده تعريف زياده يكتبه واللى عاوز التعريفات دى يقولى
( الجغرافيا التاريخيه - المنهج - الطاقه الاستيعابيه - الحضاره الاصيله والمهجنه - التنبؤ - الاسقاط - الاستشراف - التخطيط - خط الثلج الدائم - النظام البنكى او التقسيم الرباعى - النقد الباطنى والظاهرى - الحضاره العالميه والمحليه - الخطوه الزائده - بواعث التغير - تصدير المعرفه - اختزال الزمن - الظاهره العالميه والمحليه - التندريه )
حفيد سيف الله المسلول
06-15-2010, 09:51 PM
طيب ايه يا شماء انتى هتحطينا وسط الفيضان وتقولنا عوموا فين الاجابات ولا ايه رايك
لك واحد فينا يدخل يحط اجابه ولو عنده تعريف يحطه
وانا هبدا
خط الثلج الدائم " هى المنطقه التى يتكون فيها الثلج ويزداد بزياده الثلج ويكون فيه المسمى الجديد انخفاض مستوى خط الثلج لانه يكون فى مستوى راسى على الجبال ويعنى انخفاضه هو زياده الناتجه عن انخفاض درجات الحراه ومثالا على ذلك جبال الالب فى عصر الجليد الاقدم"
والله اعلم يا ريت يا جماعه اى حد عنده اى تفسير ادق برضوا يحطه وشكرا
حفيد سيف الله المسلول
06-15-2010, 10:07 PM
حلو اوى الكلام ده طويب يبقى انا احل واحده كمان مانا عارف ان المراجعه دى على دماغى
الظاهره العالميه والظاهره المحليه" يعتبر مفهوم الظاهره العالميه هى التى تكون على منوال نمطواحد للعالم بالكامل فلا بتفوق احدهم على الاخر ويكون نتاجها محدوديه المعرفه وتتلخص فى كلمه التاثير وينشا عنها ما يسمى بالحضارات العالميه وهى الحضاره التى كانت تتواكبها جميع الجماعات البشريه بخطوات ثابته واحده لا تتفوق احدهما على الاخرى
اما الظاهره المحليه فهى تكون ذات خضائص احاديه ترتبط بالمصنع الاقليمى لها وتكون داخل حدود الاقليم المنشاه فيه وتتلخص فى كلمه تاثر وينشئ عنها ما يسمى بالحضارات المحليه التى تكون فيها تتفوق احد الجماعاتا عن مثيلتها وذلك عن طريق التفوق البيئى للموارد او التفكير وبهذه تتكون النقطه التى تسمى الخطوه الزائده وتكون فى البدايه الانطلاق لجميع المجتمعات من نقطه انطلاق واحده ولكن تفوق احدهما على الاخير تسمى بالخطوه الزائده "

فوووووووووووووووو تعبت على فكره يا جماعه التعريفات اللى بقولها من نتاج فهمى للمحاضره وراى يعنى لو فى اى تعريف مختصر وكويس يا ريت يتحط او اى ملحوظه والمراجعه دى المزكره بتعه ليله الامتحان مجاااااااااااااااااااانا يلا بقى عايزين لمه على الشباك هههههههههههههههه ربنا معاكم ويا ريت يبقى فى نقاش اكتر
shimaa_11589
06-15-2010, 10:11 PM
مش حزعلك
الجغرافيا التاريخيه :
1-يرى فاوست انها العلم الذى يهتم بدراسه تأثير الحوادث التاريخيه على الحقائق الجغرافيه
2-يرى البعض انها دراسه جغرافيه لاى فتره تاريخيه تحتوى على ادله تاريخيه
3-يميل البعض الى انها تهتم بدراسه البيئه الجغرافيه على مجرى الحوادث التاريخيه
4-اهتم البعض بدراستها فى اطار اقليمى على انها عباره عن رصد التغيرات الجغرافيه فى فترات تاريخيه مختلفه فى اقليم معين
5- اهتم البعض فى دراستها بابراز دور الانسان فى التغير البيئى مع عدم اهمال تاثير البيئه فى الانسان
6-تعريفها العام ----->هى عباره عن طريقه نستطيع بها التعرف على ماكان عليه الماضى من خصائص سواء كانت طبيعيه او بشريه بطريقه تتابعيه (هى فى حد ذاتها منهج وليست فرع من فروع الجغرافيا )
حفيد سيف الله المسلول
06-15-2010, 10:14 PM
يعنى ايه يا جماعه تعريف التنميه المركزيه المستدامه
KAREEM
06-15-2010, 10:18 PM
مش حزعلك
الجغرافيا التاريخيه :
1-يرى فاوست انها العلم الذى يهتم بدراسه تأثير الحوادث التاريخيه على الحقائق الجغرافيه
2-يرى البعض انها دراسه جغرافيه لاى فتره تاريخيه تحتوى على ادله تاريخيه
3-يميل البعض الى انها تهتم بدراسه البيئه الجغرافيه على مجرى الحوادث التاريخيه
4-اهتم البعض بدراستها فى اطار اقليمى على انها عباره عن رصد التغيرات الجغرافيه فى فترات تاريخيه مختلفه فى اقليم معين
5- اهتم البعض فى دراستها بابراز دور الانسان فى التغير البيئى مع عدم اهمال تاثير البيئه فى الانسان
6-تعريفها العام ----->هى عباره عن طريقه نستطيع بها التعرف على ماكان عليه الماضى من خصائص سواء كانت طبيعيه او بشريه بطريقه تتابعيه (هى فى حد ذاتها منهج وليست فرع من فروع الجغرافيا )


على فكرة كدا تعريفاتك كلها من الكتاب
عدى التعريف الاخير
المفروض لو جيه لامفهوم فى الامتحان
تكتبى المحاضرة الاولى كاملة
:a27::a27:
عشان كدا بقوللك المحاضرات اهم من الكتاب
shimaa_11589
06-15-2010, 10:23 PM
المنهج:
هو عباره عن طريق من خلاله يتم اثبات هذا العلم او التحقق من ظاهره ما وأى منهج له وظيفه واضحه وينتهى الى حقائق معينه واذا تحققت يطلق عليها لفظ (علم)
الطاقه الاستيعابيه:
هى طاقه الجهد الاستيعابى ولا يمكن زيادتها او تجاوزها عن حد معين على حسب خصائص كل مكان لانهاتحدد درجه استيعاب تغير هذا المكان واذا حدث تجاوز فيحدث بعض مظاهر التدهور(مثل الازدحام فى مصر)
النظام البنكى او التقسيم الرباعى:
هو تقسيم الادوار الجليديه(جونز-مندل-ريس-فورم)تبعا للدراسات التى قام بها كل من بينك وبركنر
بواعث التغير:
هى اماكن خروج الانسان وتحركه من عروض لاخرى وليس الكل انتقل بينما الذى انتقل هو البعض
التندريه:
هى انتقاء الرياح للرواسب الدقيقه وحملها ثم عند مرورها على حشائش فتعمل هذه الحشائش كمصفاه للرواسب فتسقط على ارضيه هذه الحشائش مكونه تربه اللوس
shimaa_11589
06-15-2010, 10:24 PM
اوك لو حتكتب الاثنين يبقى احسن بس نكتب بتاعت المحاضره الاول زى ماقولت
shimaa_11589
06-15-2010, 10:37 PM
معرفش التعريف ده بس لو علشان تعرف العلاقه بين الجغرافيا التاريخيه والتنميه (هو استشراف المستقبل)هوه ده الرابط بينهم
حفيد سيف الله المسلول
06-15-2010, 10:45 PM
طيب ايه يا كيمو شيماء افحمتنا اللهم صلى على النبى ما شاء الله
مش هنقول حاجه فى الليله دى كده المراجعه من طرف واحد مش هنخسر فى الملعب وهنا كمان
قول حاجه كسفتناااااااااااااااااااااااااااااااااااااا
KAREEM
06-15-2010, 10:54 PM
جماعة فى مصطلح جديد
محدش قالو يكو

وهو

منهج المركزية المستنيرة

هو عندى فى محاضرة
بس مش كاتب تعريفه

بس فكرتى عنه بسيطة
بس مش عارف اكتب فيه بصراحة

لو حد عنده فكرة ياريت

والله ينور المراجعة شغالة الله ينور
استمرررررررررررررروووووووااااا

مبروك للبرازيل
وعقبال الزمالك
ما يكسب بكرة انشاء الله :a18:
shimaa_11589
06-15-2010, 10:57 PM
ممكن يا كريم اعرف التعريف ده فى المحاضره الكام
KAREEM
06-15-2010, 11:03 PM
ممكن يا كريم اعرف التعريف ده فى المحاضره الكام


المحاضرة السابعة فى اولها
بتا ريخ 18/4
بعد ما كمل كلام عن الحجرى القديم الاعلى
وقبل ما يخش فى العصر الحجرى المتوسط
جاب سيرة المصطلح دا
بس انا مش فاكر تعريفه
:a39::a28::a17::a38::a5::a27:
:a37::a4::a26::a47::a44::a11:
:a12::a45::a35::a46::a13::a25::a3::a36:
spade
06-15-2010, 11:13 PM
أنا فى ناس قالتلى إن التعريف منهج المركزية المستنيرة ده ملغى .....والله أعلم
KAREEM
06-15-2010, 11:17 PM
أنا فى ناس قالتلى إن التعريف منهج المركزية المستنيرة ده ملغى .....والله أعلم



طب هل هو شرحه اصلا عشان يبقى ملغى ؟؟؟؟ !!!!!
KAREEM
06-16-2010, 12:07 AM
سؤال امتحان متوقع - ان شاء الله - يجى بكرة يا جماعة

اهمية المخزن ؟؟؟؟

مهم جداااا

موجود فى المحاضرة التامنة
teddy bear
06-16-2010, 12:46 AM
السلام عليكم
لو سمحت يا كريم ممكن تقول ولو فكرة عن اهميه المخزن
وربنا يجازيكم خير ان شاء الله
teddy bear
06-16-2010, 01:06 AM
شكرررررررررررررا خلاص لقيت المحاضرة
ربنا يوفقنا جميعا الى ما يحبه ويرضاه
TE7A
06-16-2010, 11:26 AM
:a34:اموت و اعرف انتو بتشربو ايه عشان تعملو الدماغ الجامدة دي؟؟؟؟:a4:
المركزية دي يا كابتن كيمو مش في التاريخية دي في التنمية:a37:..............و هو جابوه في المحاضرة دي كتشبيه مش اكتر