المساعد الشخصي الرقمي

مشاهدة النسخة كاملة : بأسم الامة العربية



هدير هيبه
06-19-2010, 10:42 PM
* نفسي يكون لينا شعار اسمه الوحدة *
وحده حقيقي ومش بالكلمه
ايد في ايد في عز الازمه


ساعتها بس في كل يوم عيد و كل ثانيه فرحه
ولاعمر شعب فينا هيشتكي ولا هنشوف الف مليون دمعه


ولما نيجي ندعي ربنا أكيد هيقبل الدعوه


وليه لا
ما هي القلوب متوحده و صافيه


* بحــــــــــــــــــــــلم *
بحلم اشوفك يا امتي علي وجه القمر نجمه
واكتب بأسمك الف قصيدة حب و الف مليون غنوه

الله عليكي قد أيه يا وحدة حلوه
ما هو كل قرار فيكي مش بأسم شعب ده بأسم الامه العربيه


حقيقي ايد في ايد هنحل اي قضيه
بجد نفسي أحس بمعني الوحده الوطنية


يا تري ايه هي القوميه ....؟
و فين الســـــــــــــوق العربيـــــــــــة .....؟ !


* تيجــــــــي نحـــــــــــــــــلم *


تيجي نحلم نرجع لقلوبنا معاني الانسانيه
و نفخر بأن كل دوله فينا دوله عربيه اسلاميه


* تيجـــــــي نشــــــــــــــوف *
تيجي نشوف حال حياتنا الإجتماعية .....!


بقينا بندور علي أحدث أغنيه


و قلوبنا بعيده عن ربنا و قديمه مصديه
و الازياء اروربيه و بعيده عن الشرعيه
والاسعار غاليه و ما فيش موارد ماديه
خناقه في كل بيت و السبب ايه .... ازمه ماليه


بس الحمد لله ماشيه معديه
و غيرهم فين المشكله ديه الحياه ورديه


و هيشتكوا ليه ماهي امورهم مقضية
* والحل ايه *


قالوا :


المشكله في الزيادة السكانية و جاري البحث و تقديم حلول حيويه و دلوقتي نكتفي بالتوعيه الاعلانية .


* طب و فلسطين العربيه *


الحل ايــــــــــــــــه :


ثورة شعبيه .... وحدة عربيه .... ضماير أنسانيه .....؟
اي حل فيهم وارة الف مليون قضيه
ما انا لسه بفكر ده عملي ايه و ده حيه في يوم عليه
قالـــــــــــــوا :
بصراحه ديه قضيه محتاجه خطه استراتيجيه


و خلينا بعيد لدواعي امنيه
.
والناس هناك كل يوم الف شهيد من اجل القضيه و اهالي بدموعها مستنيه ردود فعل عربيه


* طب و دارفور السودانية *
قالوا :


بلد شقيق و حقيقي ديه ازمه انسانيه


ان شاء الله هنوفر كل المعونات الانسانيه و احدث الاجهزه الطبية
وعلي الحدود قوات الامن المركزيه


الظاهر ديه قضيه سودانيه و لكل دوله حدودها السياسيه و مشاكلها الداخليه
.

.

و غيرهم كتير و ده حال الامه العربيه .


كل شعب و ليه قضيه
و نسينا الوحده العربيه
اي خلاف بنا نتوقع ازمه سياسيه
اي اعترض منا يبقي خروج عن الشرعيه
.
وكل يوم مذبحه دمويه و لسه المقاومه و الانتفاضه بس فلسطينيه ...
.



.
امتي هنتخلي عن الفرديه
و قرارتنا بقي تكون جماعيه


بجد ديه ليه اغلي أمنيه
.
مش كل خلاف يبقي ازمه سياسيه
ولا اي اعتراض خروج عن الشرعيه
حقي اعبر عن رأي و لو في مظاهره سلمية
ولا ايه هي الديمقراطيه


يا تري هتتحقق الامنيه


و لا هفضل صابره و مستنيه



أمضاء


عربيه

KAREEM
06-21-2010, 01:04 PM
جميييييييييييييييييل جدا
ان يظل فينا روح الانتماء
للوحدة العربية مهما حدث
ومهم حاول المغرضون وبعض
الاعلاميون الفاسدون ان
يتخلوا عنها سنظبل امه واحدة
عربية اسلامية

بجد شعر ممتاز
جزاكى الله عليه خير
واستمرى يا عربية

هدير هيبه
07-19-2010, 07:31 AM
ميرسي يا كريم شكرااا كتير اوي خالص ليك

نورت الموضوع

منتصر فتحى
07-20-2010, 01:58 PM
جميل جدا يا هدير ان تظل موجودة بداخلنا روح الانتماء للوطن برغم مانلاقيه من جفاء وسوء معامله واهدار للادمية على ارض الوطن



شكرا اختى تقبلى مرورى


منتصر

Abdo Samy
07-20-2010, 03:00 PM
جميل جداااااا

هدير هيبه
07-21-2010, 09:17 AM
جميل جدا يا هدير ان تظل موجودة بداخلنا روح الانتماء للوطن برغم مانلاقيه من جفاء وسوء معامله واهدار للادمية على ارض الوطن



شكرا اختى تقبلى مرورى


منتصر

منور يا منتصر شكراااا ليك

هدير هيبه
07-21-2010, 09:18 AM
جميل جداااااا


شكرااا ليك انت

نورت