المساعد الشخصي الرقمي

مشاهدة النسخة كاملة : مين اللي قال عليكي ام الدنيا



ghsghsghsghs
06-20-2010, 12:09 AM
عندما افكر في السنوات الخمسه الماضيه التي قضيتها كمغترب حتى الان و عندما استمع يوميا الى اخبار اصدقائي اما عن طريق مواقع التواصل الاجتماعي او الهاتف انتبهت الى الشيء التالي ان معظم اصدقائى المكون عددهم فيما يقارب الثلاثين 22 منهم على الاقل اما يعملون في دول الخليج (اللي اخذت على عاتقها مسؤولية تشغيل الشباب المصري و تزويجه و الصرف على اهله او ابناءه كل حسب ظروفه ده طبعا بدل الحكومه الفاشله اللي مش عارفه تصرف حتى على نفسها فبتسرقنا ) بصراحه عندما وجدت هذا العدد الكبير من اصدقائى خارج الدوله (الي هيه ام الدنيا يعني اللي المفروض انها مصر ) فكرت ان اقوم باستبيان و سؤال اصدقائي في الغربه نفس السؤال فوجدت نفس الاجابه بنفس ضحكة التعجب التى ضحكتها اول مره
.
ام دنيا اييه اللي تطرد 3\4 شبابها بره بس علشان ياكلو و يعرفوا يتجوزوا ولو ربنا كرمهم يعني يجيبوا شقه

ام دنيا اييه اللي تقتل في شبابها بايديها علشان بيحاول يبقى عنده كرامه مره في حياته فيبقى بيشرب بانجو و هارب من التجنيد و حشاش

ام دنيا اييه اللي حكوومه تبقى سايبه مشكلة الاكل اللي الناس مش لاقياه و تقعد تبعزق في الفلووس على الكوره و اللعيبه شمال و لميين

ام الدنيا اييه اللي تخللي الشباب اللي زي الورد اللي دماغه انضف من اي حد يبقى اقصى طموحه انه يشتغل و لما ربنا يسهله و يشتغل يبقى طموحه انه يتجوز او يجيب شقه و طبعا لو عمل واحده مش هيقدر يعمل التانيه في حياته هوه يعني ممكن ولاده ده لو اتجوز يكملوا ليه قسط الشقه

ام الدنيا ايه اللي تخلي كرامة ولادها في الارض و في كل مكان جواها قبل ما يكون براها

ام الدنيا ايه اللي سايبه ولادها يدبحوا و يتقتلوا اما على الحدود مع فلسطين او في لبنان

ام الدنيا اييه اللي يبقى كل همها ان مصر تطلع كاس العالم و سايبه ناس تموت من الجوع

ام الدنيا اييه اللي يشتغل فيها الدكتور و المهندس علي تاكس بليل علشان يعرف ياكل عياله

و اخيرا بقول عفوا يا مصر و اللهي انت عمرك ما كنت و لا هتكوني ام الدنيا و لا حتى امي و لا ابويا انت بلدى فقط لا اكثر و لا اقل

البقاء لله في خالد و سعيد وا لرجاءمن الجميع الدعاء له صالح الدعاء و كاس العالم ماينسيش الشعب كرامته اللي المرحوم صحاها فينا بعد ما كانت ماتت جوانا


م ن ق و ل

KAREEM
06-20-2010, 12:57 AM
ساعات بسال نفسى
هو انتى ام الدنيا
ولا ام الدنيا حتفضل
مضلمة فى وشنا كدا كتيييييير
؟؟؟؟؟؟؟؟؟؟

دا كانت خاطرة فى بالى دايما

بس انا مش متفق مع قسوة كلام الكاتب
لسبب ا الكلام دا بيأثر فى الانتماء
ودا اللى عمرى ما حفكر انى اقلل منه
الواحد الى مش منتمى للمكان اللى عايش عليه
ميستاهلش اصلا انه يعيش فيه
حتى سيدنا محمد - عليه الصلاة والسلام -
كلنا عارفين لما خرج من مكة قال ايه
" والله انك لاحب بلاد الله الى قلبى ...... "
كفاية ان مصر اتذكرت خمس مرات فى القران
ومهما ضلمت الدنيا فيها وانتشر الظلم
واستشرى الفساد اكيد حيجى يوم ويزوووول

الظلم يوم
الحق كل يوووووم
وازاى يدوم دا الباقى هو
الله

فرغم الظروف اللى احنا فيها
لازم يظل عندنا اعتزاز بوطننا
وانتمائنا لنفسنا قبل ما يكون
انتماء لوطننا لاننا احنا الوطن
واذا كانت مصر وصلت للحالة دى
فاكيد بسببنا احنا ع الاقل اننا بقينا
سلبيييييييييييييييييييييييييييين
بسكوتنا ع الظالم واننا سيبنا الفاسد
ينهب فى خيرها من غير ما نقول له
انت بتعمل اييييييه ؟؟؟ وهو دا السر


اسف للاطالة ولكن كنت حابب اوضح
جزء ولو بسيط من وجهة نظرى

وطبعا جزاك الله خير
على الموضوع

ghsghsghsghs
06-20-2010, 02:26 AM
انا مش معاك ياكيمو ده لو الواحد كان اتولد نيجيري والا اوغندي كان ارحم اهو عالاقل كان حكامنا ملقوش حاجة عندنا يسرقوها:a30:

Heba Bebo
06-20-2010, 02:29 PM
عندما افكر في السنوات الخمسه الماضيه التي قضيتها كمغترب حتى الان و عندما استمع يوميا الى اخبار اصدقائي اما عن طريق مواقع التواصل الاجتماعي او الهاتف انتبهت الى الشيء التالي ان معظم اصدقائى المكون عددهم فيما يقارب الثلاثين 22 منهم على الاقل اما يعملون في دول الخليج (اللي اخذت على عاتقها مسؤولية تشغيل الشباب المصري و تزويجه و الصرف على اهله او ابناءه كل حسب ظروفه ده طبعا بدل الحكومه الفاشله اللي مش عارفه تصرف حتى على نفسها فبتسرقنا )

انت صح بس مسالتش نفسك هم بيصرفوا علينا تبرع ولا لازم تطلع عين ....عشان نجيب القرش

ومش الشاب المصري بس ده اغلب الفلبينيات وغيرهم من البلاد الاخري مش بيشتغلوا ف البلاد العربية بس لا

ده عاوزين يتجوزوا العرب عشان الخير اللي ربنا حبانا بيه مهما كانت ظروفه

الحكومة الفاشلة

اسمع مني بقي مش دفاعا عنها ولا حاجة

الاسرة تخلف ستة او خمسة او سبعة الحكومة تصرف عليهم ان شاء الله لو قرش ع كل واحد لحد ما يكبروا وياخد شهادة

ويشتغل برضو الحكومة وعايز اما يتزوج الدنيا تبقي رخيصة برضو الحكومة ترخص كل حاجة

يروح يمتحن

يشتم الحكومة اللي مصعبة الامتحان مع انها لو سهلته هيطلع خمسين مليون دكتور وسبعين تريليون مهندس (كلهم ناجحين ويستاهلوا مناصبهم طبعا)

ويطلع دكتور يعالج غلط ومهندس يوقع مبني

ونقول الفساد والرشوة
المرتشي
يا اما عاوز ياكل ويشرب زي الناس

او عاوز يعلي في مكان غلط

طب ما لازم يطلع حاجة غلط لاننا بشر وضعفاء وبلدك الدين ببها في نهوض يعني مش زي السعودية مثلا

الطالب مايحضرش طول السنة ويجي ف الاخر ايه اللي علينا ولو محدش ساعده يلعن الدنيا كلها
مع انه مبيحضرش
ويقولك الناس بقيت وحشة وانانيين

وانت زي الفل ملتزم بتتعب وربنا بيضيع حقك
:a4::a4::a4::a4:

صح يا سيد الناس
مابصيتش ع الاخوة المهندسين اللي صنعوا robot

الانسان الالي اللي بيقوم بمهارة منع الحرائق وبيعمل اكروبات وخدوها من امريكا
اخدوا جايزة احسن ممثلين للقطاع العربي كله

:a20:
كل ده ومش ام الدنيا



بصراحه عندما وجدت هذا العدد الكبير من اصدقائى خارج الدوله (الي هيه ام الدنيا يعني اللي المفروض انها مصر ) فكرت ان اقوم باستبيان و سؤال اصدقائي في الغربه نفس السؤال فوجدت نفس الاجابه بنفس ضحكة التعجب التى ضحكتها اول مره
.
ام دنيا اييه اللي تطرد 3\4 شبابها بره بس علشان ياكلو و يعرفوا يتجوزوا ولو ربنا كرمهم يعني يجيبوا شقه


ولا طردت ولا عملت هم اللي بيحبوا السفر والمرمطة مع ان هنا في شغل بس اللي يدور

واللي يعجز يقولك يا بلد وسايط يا....


ام دنيا اييه اللي تقتل في شبابها بايديها علشان بيحاول يبقى عنده كرامه مره في حياته فيبقى بيشرب بانجو و هارب من التجنيد و حشاش


غلطات وكل مكان له عاداته وغلطاته بس احنا اللي مكشوفين للعالم كله عشان غايظين العالم لاننا محبوبين من رب العالمين


ام دنيا اييه اللي حكوومه تبقى سايبه مشكلة الاكل اللي الناس مش لاقياه و تقعد تبعزق في الفلووس على الكوره و اللعيبه شمال و لميين


لان اللعب ده بيجمع ناس وبيدخل موارد من جميع الجهات وبيحفز اكثر جزء ناجح من شباب بلدك


يعني متعلقين باي امل وبننجحه غلطانين طبعا
اما الاكل فمن زمان ناس بتنام من غير عشا وغدا
الدور ع اللي معاه وسايبهم
سيبك من الحكومة ماهي فاشلة
بص للي الملايين بتجري ف ايدهم وواقفين
يتعجبوا م الحال


ام الدنيا اييه اللي تخللي الشباب اللي زي الورد اللي دماغه انضف من اي حد يبقى اقصى طموحه انه يشتغل و لما ربنا يسهله و يشتغل يبقى طموحه انه يتجوز او يجيب شقه و طبعا لو عمل واحده مش هيقدر يعمل التانيه في حياته هوه يعني ممكن ولاده ده لو اتجوز يكملوا ليه قسط الشقه


سيدنا النبي مكنش بينام علي الامتعة اللي احنا بننعم فيها

كان فرش ف الارض ...سيدك الحبيب اللي ربك مكرمه وكان كمان مستكتر علي نفسه

شفت طمع الناس بقي
وبعدين اديني طموح اكتر للشباب اللي عايز يعيش؟؟؟



ام الدنيا ايه اللي تخلي كرامة ولادها في الارض و في كل مكان جواها قبل ما يكون براها


عشان التكنولوجيا والتطور اللي غلي كل حاجة خلاهم يتذللوا للي اقل منهم في حاجات كتيرة


ام الدنيا ايه اللي سايبه ولادها يدبحوا و يتقتلوا اما على الحدود مع فلسطين او في لبنان


كتير اتقتلوا وهم ف نفس المكان بس هي مصر اللي محدش بيبلع لها غلطة
وبعدين ماتوا شهداء
زي 67 و73


ام الدنيا اييه اللي يبقى كل همها ان مصر تطلع كاس العالم و سايبه ناس تموت من الجوع


عشان تشرفك برة انت وغيرك
قلتلك بصيص من النور


ام الدنيا اييه اللي يشتغل فيها الدكتور و المهندس علي تاكس بليل علشان يعرف ياكل عياله

كل ده مشكلة واحدة هي ارتفاع الاسعار مع كبرياء المواطن ع الشغل
ما يشتغل
ده رزق حلال وزي مانت بتتعب برة هو بيتعب بس جوا بلده مع اهله


و اخيرا بقول عفوا يا مصر و اللهي انت عمرك ما كنت و لا هتكوني ام الدنيا و لا حتى امي و لا ابويا انت بلدى فقط لا اكثر و لا اقل


ف الاخر برضه قلت بلدك
يعني الرسول قال ان الناء اغلب اهل النار لانهم يكفرن بالعشير

عارف يعني تقول لزوجها ياللي مشفتش معاك يوم حلو

وانت وغيرك زيها بظبط تديك كتير ولو اخدت منك حاجة ماتقولش الحمد لله عوضني يارب لا تتبري منها

شوفلك بلد تانية وخد الجنسية بتاعتها وارتاح من جواك لو تقدر
بلدك تديك

حلوة وزي الفل


تديها

اخص عليها بلد هباب
:a7:


البقاء لله في خالد و سعيد وا لرجاءمن الجميع الدعاء له صالح الدعاء و كاس العالم ماينسيش الشعب كرامته اللي المرحوم صحاها فينا بعد ما كانت ماتت جوانا

الله يرحمه ويغفرله مكتوب له هيموت شهيد كده
ومن الفساد بس ربك ليس بظلام للعباد
ودي تطمنك وانت جوا وخارج البلاد




من كل قلبي بحييك علي احتفاظك بارضك وبلدك

وياسلام لو كل الشباب بقوا كده

هنبقي احسن بلد ف الدنيا

ده الزمالك لو خسر يا رجل مشجعيه بيحترموا بالزيادة وانت تقول ....

باقية ردي ع الموضوع ف جزء الاقتباس

MUHAMED SAMY
06-20-2010, 05:23 PM
مفيش حد بياخد كل حاجة
حاول انت انك تعمل تغيير(حتى لو تغيير ذاتى)
حاول تتأقلم مع حال البلد
تذكر دائما
الدنيا جنة الكافر
اللهم ولى من يصلح

eslam mamdouh
06-20-2010, 08:13 PM
اخى العزيز

موضوعك وفكرك حلو جدا.........لكن ناقصه الكثير من الموضوعيه

بص يا صديقى ...........عمر ما المشكله كانت فى البلد فى حد زاتها ....لان البلد دى ما هى الا موارد تنمويه ربنا اللى عطهالنا وانعم عينا بيها , المسئول عنها ممكن بايده ان يضيعها او بايده ان ينميها ( اعتقد انك متفق معايا لحد كده )

ندخل على جزء اخر ..........الحكومه...........معاك ان للاسف فى سلبيات كتير اوى اوى , لكن فى برضه نواحى ايجابيه ملحوظه عن فترات الحكم السابقه ...ممكن تقول ان ده غصب عنهم بسبب ضغط من حقوق الانسان والامم المتحده وده صحيح جدا .
وطبعا ممكن نقول المثل المنطبق على الحكومه ( قالو لفرعون ايه اللى فرعنك .قال ملقتش حد يلمنى )........مع الاعتزار لفرعون .


بص يا صديقى , مش عارف ليه حاسس انى عندك مشكله فى الانتماء للبلد .عارف طبعا انك مش قصدك من كلامك اى اسائه للبلد ...لكن البلد دى مش بس ارض..اهلك وناسك ودينك وحياتك وعملك ومواقف حلوه وحزينه مريت بيها كلها على البلد دى .


اما موضوع ان العمل فى خارج اصبح حلم لكل شاب مصر فده فعلا اسوء ما فى الموضوع وممكن تتكلم عن الكارثه دى من هنا للصبح

اتمنى ان فكرتى تكون وصلتلك........واحب اقولك المقوله الشهيره
متقولش اديتنا مصر ايه .........قول ادينا ايه لمصر :a4: مع تحيات عبده مشتاق


الاخت العزيزه هبه بيبو

عندى تعليق على ردك ....اسمحيلى اقوله :

حضرتك اتكلمتى عن زياده عدد السكان ........... طب ما الهند والصين عندهم عدد سكان اكبر من عندنا بكتير ليه ده مش بيمثل عندهم اى مشكله ؟؟؟؟؟؟ المشكله مش فى عدد السكان ........المشكله فى كيفيه استغلال القوه البشريه دى احسن استغلال

المهاتمه غندى لما اتسال عن عدد سكان الهند الكبير ممكن يعملوا فيه ايه .قال السؤال الاهم احنا ممكن نستخدم القوه دى كلها فى ايه

والنقطه التانيه اللى بقولها لحضرتك ان حضرتك بتقولى ان الشغل متوفر هنا بشكل مناسب........ فى شغل بس اللى يدور.........للاسف انك تلاقى شغل مناسب ليك فى مجالك بمرتب مناسب للحد الادنى من احتياجاتك داخل بلدك .ده حلم صعب اوى اوى اوى .ومحتاج وسايط من هنا للسنه الجايه

اما بالنسبه لكلامك عن نظام التعليم..............للاسف هو غلط من اوله لاخره....ومش بيقيس اى حاجه فى اى حاجه

بيقيس قدره الفرد على الحفظ من الاول للاخر

ارجو انى مكنش طولت عليكم اوى

شكرا جدا لحضراتكم على المناقشه الجميله دى.

Heba Bebo
06-21-2010, 12:33 AM
الاخت العزيزه هبه بيبو

عندى تعليق على ردك ....اسمحيلى اقوله :

حضرتك اتكلمتى عن زياده عدد السكان ........... طب ما الهند والصين عندهم عدد سكان اكبر من عندنا بكتير ليه ده مش بيمثل عندهم اى مشكله ؟؟؟؟؟؟ المشكله مش فى عدد السكان ........المشكله فى كيفيه استغلال القوه البشريه دى احسن استغلال

المهاتمه غندى لما اتسال عن عدد سكان الهند الكبير ممكن يعملوا فيه ايه .قال السؤال الاهم احنا ممكن نستخدم القوه دى كلها فى ايه

والنقطه التانيه اللى بقولها لحضرتك ان حضرتك بتقولى ان الشغل متوفر هنا بشكل مناسب........ فى شغل بس اللى يدور.........للاسف انك تلاقى شغل مناسب ليك فى مجالك بمرتب مناسب للحد الادنى من احتياجاتك داخل بلدك .ده حلم صعب اوى اوى اوى .ومحتاج وسايط من هنا للسنه الجايه

اما بالنسبه لكلامك عن نظام التعليم..............للاسف هو غلط من اوله لاخره....ومش بيقيس اى حاجه فى اى حاجه

بيقيس قدره الفرد على الحفظ من الاول للاخر

ارجو انى مكنش طولت عليكم اوى

شكرا جدا لحضراتكم على المناقشه الجميله دى.

[/QUOTE]

ياريت تكون فكرتي وصلت لحضرتك


اني عاوزة التغيير يبدا من النفس لان لو تركت نفسي للياس او الاحباط سوف اضيع

كتيرر منا بيكره سلبيات المجتمع ككل بس لو اتبعنا سنة النبي صلي الله عليه وسلم هنرتاح كثيرا

جزاكم الله خيرا علي المناقشة

:a39::a39::a39::a39:

ghsghsghsghs
06-21-2010, 01:22 AM
من كل قلبي بحييك علي احتفاظك بارضك وبلدك

وياسلام لو كل الشباب بقوا كده

هنبقي احسن بلد ف الدنيا

ده الزمالك لو خسر يا رجل مشجعيه بيحترموا بالزيادة وانت تقول ....

باقية ردي ع الموضوع ف جزء الاقتباس

مش قادر اقتنع باي كلمة من كلامك ده يمكن كمان اكون اتنرفزت من بعض كلامك بالزات البلد فيها شغل بس اللي يدور :a4:

Heba Bebo
06-21-2010, 01:02 PM
مش قادر اقتنع باي كلمة من كلامك ده يمكن كمان اكون اتنرفزت من بعض كلامك بالزات البلد فيها شغل بس اللي يدور :a4:

اولا لا داعي للنرفزة لان ده نقاش في موضوع وبحييك علي طرحه هنا

ثانيا عدم اقتناعك لان انت بتقول ان مفيش شغل هنا خالص

زي ما الباشمهندس اسلام قال انه صعب جدا تلاقي ف مجالك ويكون راتبه معقول ومن غير واسطة ده صعب جدا

يمكن مهنة التدريس اللي انا بلتحق بها مش محتاجة واسطة زي باقي المهن

بس
مضمون كلامي يدعي اننا لا نقف امام اي شغل واقول عليه مش بشهادتي
علشان لما ربنا يسالنا نقوله احنا سعينا عشان عاوزين نعيش صح بدل ما نسرق او ننصب او نسافر
ونغترب ومش اي حد بيلاقي فرصة سفر

موضوعنا عرض لوجهات النظر واختلاف الراي لا يفسد للود قضية صح ولا ايه راي حضرتك

:a21:

ghsghsghsghs
06-21-2010, 02:04 PM
كلام جميل كلام معقول مقدرش اقول حاجة عنه

mohamed ali
06-21-2010, 02:49 PM
الف شكررررررر يااستاذ على موضوعك الجميل
بي انا اعدت مع نفسى مره وقولت انا لوعايز مثلا اتجوز عايز كام
وكام سنة حضيعها من عمرى وانا اعد هنا واعمل فلوس وكاااام من حرقت الدم والفساد والرشاوى
ياراجل دانا سقطونى مرتين فى المرور عشان معيش وسطة
وتمشى الزباله فى كل مكان والاكل مسمم واللحمة مدوده
غير التعليم الفاشــــــــــــــــــــــــــــــــــــل .
انا درست مواد فى الكلية لم استفيد منها حاجة وده يدل على فشل التعليم و بوبع الثانوى بتاع كل سنة
مشفتش بلد عندها بوبع زى الثانوى العام مش زيك مثيل يابلد
ويااستاذ هبة فى شغل انا معاكى بس مش حيلبى ادنى متطلبات الحياه
يبقى انا ليه اعيش فى البلد دى مش بتندكر من انتمائى لها
انا مش بصراحة اعيش حياتى ومستقبلى
فى مصر

Heba Bebo
06-21-2010, 02:55 PM
كلام جميل كلام معقول مقدرش اقول حاجة عنه
جزاك الله خيرا بجد موضوعك جميل ومناقشة بنستفاد منها دايما ومنتظرين موضوعاتك القوية
:a20::a20::a20::a20:

ghsghsghsghs
06-21-2010, 04:58 PM
جزاك الله خيرا بجد موضوعك جميل ومناقشة بنستفاد منها دايما ومنتظرين موضوعاتك القوية
:a20::a20::a20::a20:
شكرا لزوقك وفعلا احنا محتاجين كل الزملاء تشارك برايها :a38:

sandra_sa
06-23-2010, 07:07 PM
الموضوع حلو بصراحه بس والله مها يحصل مصر دى ما فى زيها فى الدنيا لو بصات حتلاقى ناس كتير لهم مناصب كويسه فى البلد على الرغم من ان ظرفهم صعبه عايشين فى مصر نفس ظروفك بردوا لكنهم اجتهدوا لحد ما وصلوا الى ما يردوه من يريد ان يفعل شى يفعله مها كانت الظروف فلا تعلق اخطائك على شمعه مصر

ghsghsghsghs
06-24-2010, 06:16 PM
الموضوع حلو بصراحه بس والله مها يحصل مصر دى ما فى زيها فى الدنيا لو بصات حتلاقى ناس كتير لهم مناصب كويسه فى البلد على الرغم من ان ظرفهم صعبه عايشين فى مصر نفس ظروفك بردوا لكنهم اجتهدوا لحد ما وصلوا الى ما يردوه من يريد ان يفعل شى يفعله مها كانت الظروف فلا تعلق اخطائك على شمعه مصر

فلا تعلق اخطائك على شمعه مصر
بجد لاتعليق مش عارف اقلك ايه مصر حتي متنفعش تبقي شماعة
وبعدي عشان انتي بنت مش حاسة بينا لكن لو كنتي ولد كنت هتحسي باللي بيحصل وبعدين اموت واعرف ازاي مصر مفيش زيها ف الدنيا علي اساس؟ والنبي جاوبيني علي اساس ايه ده كلام وخلاص
كفاية كدب علي نفسنا
بتتكلمي كأنك مش عايشة ف البلد او كان مفيش ف مصر عيوب خالص
ولعلمك انا مش بتكلم عن مصر اللي هي الالارض انا بتكلم علي النظام وبس معلش لو كان في عصبية ف الكلام
بس انا برده بحترم رايك ووجهة نظرك وده اهم حاجة

KAREEM
06-24-2010, 10:07 PM
فلا تعلق اخطائك على شمعه مصر
بجد لاتعليق مش عارف اقلك ايه مصر حتي متنفعش تبقي شماعة
وبعدي عشان انتي بنت مش حاسة بينا لكن لو كنتي ولد كنت هتحسي باللي بيحصل وبعدين اموت واعرف ازاي مصر مفيش زيها ف الدنيا علي اساس؟ والنبي جاوبيني علي اساس ايه ده كلام وخلاص
كفاية كدب علي نفسنا
بتتكلمي كأنك مش عايشة ف البلد او كان مفيش ف مصر عيوب خالص
ولعلمك انا مش بتكلم عن مصر اللي هي الالارض انا بتكلم علي النظام وبس معلش لو كان في عصبية ف الكلام
بس انا برده بحترم رايك ووجهة نظرك وده اهم حاجة


يا محمد يا اخويا
مش كل ما حد يختلف معاك فى وجهة النظر
تتنرف وترجع تقول الاختلاف لا يفسد للود قضية

فى جملة احسن بتقوللك
" على اختلاف معك فى الرأى .. ولكن على استعداد ان اضحى بحياتى فى سبيل الدفاع عن رأيك "

واحنا دلوقتى وكل اللى رد عشان يقنعك ويتكلم معاك
كان ممكن ميردش ع الموضوع ولكنه عايز يقنعك
مش مجرد انه عاي زيبت وطنيته ولا انتمائه
ولكن الحكاية وما فيها زى ما قلت لك سلبية
انا وانت غلطانين لما شوفنا الغلط وسكتنا عليه
وهو دا الغلط الاكبر .. واكيد انت عارف القصة
لما ربنا أمر الملائكة باهلاك قرية فقالوا له
يارب ان فيها عبدك الصالح فلان
قفال لهم المولى عز وجل " به فابدأو العذاب "

لان الساكت عن الحق شيطان اخرص
سيبييييييييبك من الكلام دا كله
هو مين المدرس اللى معندهوش ضمير
ومين الموظف المرتشى
ومين الحرامى والبلطجى
مش كل دول ناس مننا
اخويا واخوك وقريبى وقريبك
العيب فينا احنا يابنى صدقنى
لو كل واحد فينا ضميره صحى
حيصحى ضماير اللى حواليه معاه
بس للاسف الغالبية مش كدا
عشان كدا اصبح المجتمع كدا
وبالتالى بقينا كلنا بنقول مصر دى كدا وكدا
ونسيينا ان احنا السبب فى كل دااااااااا

مهما حصل يا محمد اوووووعى فى يوم
انتمائك لمصر يقل ولا تقول كلمة وحشة فى حقها
لو حصل وسافرت برا
شوف ومع ذلك انا مع المقولة اللى بتقول :
" فقر فى الوطن غربة ... وغنى فى الغربة وطن "
بس حتفضل مصر غالية عليا مهما رحت ومهما سافرت
ومتنساش انها البلد الوحيد اللى ذكرت فى القران 5 مرات

شكرا وجزاك الله كل خييييييييير

ghsghsghsghs
06-25-2010, 01:44 AM
قبل اي حاجة اسف لو كنت اعترضت علي كلام جد بس والله مقصدش اعترض لان بجد مخنوق اوي من حالنا ده
وبعدين اول حاجة ياكيمو مبحبش حد يعترض علي اسلوب كلامي بالطريقة دي وقدام اعضاء المنتدي كده وحدة وحدة مش كده
وتاني حاجة نا مبجبرش حد انه يرد واللي مش عايز يرد عادي يعني مش هيزودني حاجة لان ده مش راي بس والموضوع ده منقول فحبيت احطه هنا عشان لقيت تعليقات ناس ياما عليه ف بعض المواقع
وتالت حاجة واخيرا هعلق علي جملة من كلامك
هو مين المدرس اللى معندهوش ضمير
ومين الموظف المرتشى
ومين الحرامى والبلطجى
مش كل دول ناس مننا

الناس دي بقت كده ليه مهي بقت كده بسبب النظام لو كان المدرس بياخد فلوس كويسة مبقاش كده وكذلك كل الموظفين ف اي مجال

ومن الاخر الوطنية ف مصر مبتظهرش غير ف الكورة وبس:a37:

amr mostafa
06-25-2010, 01:58 AM
الي ghsghsghsghs
انت عندك حق ف الكلام ده البلد بقت ف الضياع خالص وبنفرح اوي بكلمة بقالنا 7000 سنة بنتسرق ولسه فيها خير طب احنا ليه نتسرق؟ الله يمسيك بالخير يااحمد ياحلمي قال اللي كنت عايز اقوله ف فيلم عسل اسود

الي kareem
ياريت متكبرهاش اوي وتعيش دور الوطني لان انت الوحيد انت وهبة بيبو ف كل الناس اللي شاركت عاملين وطنيين بس انت مش عارف ردك كده مش عجبني محموق اوي مش عارف
عالعموم لينا لقاء تاني بعد كده

KAREEM
06-25-2010, 09:45 AM
قبل اي حاجة اسف لو كنت اعترضت علي كلام جد بس والله مقصدش اعترض لان بجد مخنوق اوي من حالنا ده
وبعدين اول حاجة ياكيمو مبحبش حد يعترض علي اسلوب كلامي بالطريقة دي وقدام اعضاء المنتدي كده وحدة وحدة مش كده
وتاني حاجة نا مبجبرش حد انه يرد واللي مش عايز يرد عادي يعني مش هيزودني حاجة لان ده مش راي بس والموضوع ده منقول فحبيت احطه هنا عشان لقيت تعليقات ناس ياما عليه ف بعض المواقع
وتالت حاجة واخيرا هعلق علي جملة من كلامك
هو مين المدرس اللى معندهوش ضمير
ومين الموظف المرتشى
ومين الحرامى والبلطجى
مش كل دول ناس مننا

الناس دي بقت كده ليه مهي بقت كده بسبب النظام لو كان المدرس بياخد فلوس كويسة مبقاش كده وكذلك كل الموظفين ف اي مجال

ومن الاخر الوطنية ف مصر مبتظهرش غير ف الكورة وبس:a37:


ادييييييييييك قوووووولت بالظبط كدا
ليه الوطنية متظهرش غير وقت الكورة وبس
ليه بنلخص انتمائنا كله فى مجرد ماتش كورة
يخلص نكسب تترفع الاعلام نخسر خلاص
لدرجة اننا ممكن نحرق العلم عشان خسر نا !!!

ليه الطاقة الى جوانا فى حب مصر دى
منحولهاش لحاجة تانية فى الاقتصاد والسياسة
لو كل واحد اجتهد فى مكانه وراعى ضميره فيه
خلاص يبقى المشكلة اتحلت
وبالنسبة لتلعيقك على كلامى الناس اللى انت بتقول عليها
فى زيهم كتير وظروفهم اصعب بس ضميرهم فضل صاحى
وصبر وا على الظروف وحاولو يجتهدو اكتر عشان
يحسنوا من مستوى معيشتهم بطرق مشروعة
... وللحديث قية يا عم محمد ..............

KAREEM
06-25-2010, 10:22 AM
قبل اي حاجة اسف لو كنت اعترضت علي كلام جد بس والله مقصدش اعترض لان بجد مخنوق اوي من حالنا ده
وبعدين اول حاجة ياكيمو مبحبش حد يعترض علي اسلوب كلامي بالطريقة دي وقدام اعضاء المنتدي كده وحدة وحدة مش كده
وتاني حاجة نا مبجبرش حد انه يرد واللي مش عايز يرد عادي يعني مش هيزودني حاجة لان ده مش راي بس والموضوع ده منقول فحبيت احطه هنا عشان لقيت تعليقات ناس ياما عليه ف بعض المواقع
وتالت حاجة واخيرا هعلق علي جملة من كلامك
هو مين المدرس اللى معندهوش ضمير
ومين الموظف المرتشى
ومين الحرامى والبلطجى
مش كل دول ناس مننا

الناس دي بقت كده ليه مهي بقت كده بسبب النظام لو كان المدرس بياخد فلوس كويسة مبقاش كده وكذلك كل الموظفين ف اي مجال

ومن الاخر الوطنية ف مصر مبتظهرش غير ف الكورة وبس:a37:


الي ghsghsghsghs
انت عندك حق ف الكلام ده البلد بقت ف الضياع خالص وبنفرح اوي بكلمة بقالنا 7000 سنة بنتسرق ولسه فيها خير طب احنا ليه نتسرق؟ الله يمسيك بالخير يااحمد ياحلمي قال اللي كنت عايز اقوله ف فيلم عسل اسود

الي kareem
ياريت متكبرهاش اوي وتعيش دور الوطني لان انت الوحيد انت وهبة بيبو ف كل الناس اللي شاركت عاملين وطنيين بس انت مش عارف ردك كده مش عجبني محموق اوي مش عارف
عالعموم لينا لقاء تاني بعد كده



هههههههههههههههههههههههههههههههههههههه
أظن كدا بقيت واضحة اوى
والله عرفتك من غير حتى ما اقرا الاى بى
هههههههههههههههههههههههههههههههههههه


محمد حبيبى اما تحب تقول حاجة
لازم يكون عندك الجرأة انك تقولها
مش تعمل عضوية مخصوصة
عشان تأيد رأيك فى موضوع
فيها ايه لما تنقل موضوع من منتدى تانى
ويكون فتح نقاش جميل جدا مش مهم
مين مع مين ومين ضد مين المهم نوصل لنتيجة
ومين عالم يمكن تقتنع بكلامنا او نقتنع بكلامك
او نوصل لنتيجة تالتة خالص ونستفيد حاجة جديدة
فمش معنى ان حد قال رأى معارض على موضوعك
ان الموضوع معجبش الناس بالعكس
دا الموضوع نجح جدا وحقق اعلى نسبة مشاركات ومشاهدة
فى القسم العام فى الفترة الاخيرة ودا ليل انك عرفت تختار
موضوع محل نقاش فعلا واكيد كل اللى ناقش او حتى
قرأ المناقشة استفاااااااااااد

وبعد كدا اما تحب تعمل عضوية تانية
ابقى قوللى :a47: عشان قدييييييمة اوى
:a20::a20::a20:

ghsghsghsghs
06-25-2010, 02:19 PM
والله وانا بحلف مش انا اللي عملت عضوية تانية وعايز تصدق صدق مش عايز خلاص ده واحد صحبي معايا ف القسم وكان بايت معايا بنزاكر وكمان معانا ف نفس اللجنة انا مش جبان عشان اعمل كده

ghsghsghsghs
06-25-2010, 02:32 PM
ياريت بقي تمسح الموضوع ده عشان لا ازعل ولاازعل حد مني
عشان انا غلطان انا حطيت الموضوع ده بالزات

Heba Bebo
06-25-2010, 02:52 PM
ياريت بقي تمسح الموضوع ده عشان لا ازعل ولاازعل حد مني
عشان انا غلطان انا حطيت الموضوع ده بالزات


اولا اهلا بيك انت وصديقك منورييييييييين جدا


:a15::a15::a15::a15::a15:

وربنا يكرمكم وتطلعوا م الاوائل واحنا فرحانين بمشاركاتك جدا

:a20::a20::a20::a20:


اما كيمو فبيهذر معااااااااك ماتزعلش بقي

وفعلا مصر مهمة اوي عشان اخدت مننا نقاش كبير جدا وهي الوحيدة اللي هتاخد مننا كل الكلام ده حلو او وحش

:a31::a31::a31::a31:

فعاوزين موضوعاتك دي ونناقشها بالادب والاحترام والجمال والذوق الرفيع اللي بنشوفه ف طريقة كلامك انت وصديقك

واختلاف الراي عادي جدا ولا يهمك

ومش هنمسح الموضوع عشان موضوع حلو

:a41::a41::a41:

ghsghsghsghs
06-25-2010, 03:34 PM
شكرا علي زوقك ف الكلام:a15:

ALY ELSAYED
06-25-2010, 06:53 PM
انا بشكر صاحب الموضوع علي طرح القضيه

للنقاش وبشكر كل الناس الي اتفعلو في الموضوع

للاسف احنا في بلد معاك فلوس تدوس

او معاك قرش تسوا قرش اما لو معكش بقي

فميش غير حلين يتعافر في البلد وتجتهد وتكافح عشان ربنا يكرمك

وتبتدي تتجوز علي سن38 سنه علي الاقل يعني تكون قدرت تجيب شقه

وعفش ومهر وتعمل فرح

باما الحل الاسلم انك تسافر اي حتي بره مصر لو حتي تروح السودان ولا ليبيا

عشان تعرف تعمل حاجه وتتجوز وترجع معاك قرشين تعمل بيهم مصلحه تعيش منهم

حال البلد بقي ميسورش عدو ولا حبيب لان معظم البلد اتباعت خلاص

ولا حتي فيها شغل عدل ومرتبات يدوب تكفي المصروف اليومي دا عن نفسي شخصيا

حتي قطاع البترول الي هوا اقوي حاجه مبقاش عايز وسطه بس وسطه + 30 الف جنيه علي الاقل

عشان تتعين ولو امن في شركه بترول

طبعا السبب الاول في الاحنا فيه حكومتنا الي عماله تمص فينا من كل ناحيه وتغلي الاسعار وي وي وي وي

ولا يغير الله بقوم حتي يغيروا ما بانفسهم

للاسف احنا شعب مش عارف ياخد حقه جوه بلده تتوقعوا واضعوا حيكون ايه خارج بلده

يعني حتي الي هج بره مصر مش مستريح عشان جنسيته مصري

بس علي الاقل حيقدر يكون نفسه ويحسن مستواه براهااااااااا

واسفاااااااااااااه علي بلد اعشق ترباها واعشق العيش بها

ولكن في اقرب فرصه اني اتركها حقيقي مش حتردد

علي الاقل احاول ارد لاهلي الي عملو معايا عشان اكبر واتعلم

واعوضهم علي كل الي عملوه من اجلي

ghsghsghsghs
06-26-2010, 06:31 PM
والله عندك حق ف كل كلامك:a20: