المساعد الشخصي الرقمي

مشاهدة النسخة كاملة : رساله مبلوله


خالد أبوسعده
10-30-2008, 04:51 PM
طبعا شدكم عنوان الموضوع
بس علي فكره الرساله مبلوله فعلا
ببكاء فتاه اعتدى عليها عز الظهر

و مضمون الرساله




كم كنت أودّ أن أكتب من زمن عن نخوة الشعب المصري الشجاع الشهم ..
وعن الأعزاء منكري التحرش الجنسي الجماعي في العيد الذي كاد أن يكون تقليدا مصريا خاصا و خالصا يجدد ذكراه كل عام شباب مصر الأصيل, قارب فعلا أن يتم تسجيله ضمن عروض الفلكلور المصري في كتيبات السيّاح الإرشادية عن مصر..
لولا أن كشف عنه شوية مدونين ثم الصحافة ثم شاركت الشرطة فأفسدوا بذلك فرصة نادرة ينتظرها شباب مصر من العام للعام ..
و الموضوع حدث في وسط النهار بعد محاوله عده شباب التحرش بي يركبون سياره ولولا الصراخ و البكاء و تجمع الناس فى الشارع لكان الموضوع تعدى مرحله التحرش بكثير ..
وماذا فعلوا؟

الغريب أن بعضهم حاول مساعدة السائق على ركوب سيارته والهرب!! والبعض الآخر قال لى "طيب إحنا هنخليه يعتذر لك، ولما قلتلهم: يعتذر لى إيه؟ هو داس على رجلى"، ورفضت، صرخوا فىّ وقالوا لى "أمال إنتى عايزة إيه يعنى؟". قلت لهم: "هاخذوه على القسم". وواحد آخر قال لى "أنا مش فاهم إنتى واقفة كده فى وسط الرجالة تعملى إيه؟!". "وحتى الناس فى بلكوناتهم، كانوا واقفين يتفرجوا وبس".






طبعا انا مش عارف اعلق علي الموضوع دا لانها بصراحه عندها حق في كل كلمه قالتها
Rania Ismail
10-30-2008, 07:18 PM
لا تعليق بجد مش لاقيه حاجه اقولها
lolaa fahmy
10-30-2008, 07:23 PM
لا حول ولا قوة الا بالله

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Human Ash
10-30-2008, 08:06 PM
أصبحت هي المجني عليها فقط .. والشباب هم الجناة .. الكل جاني وهي المجني عليها ..
كيف .. ؟
أهي تتحدث عن شيء .. لا يحدث سوى عندما .. يموت الضمير .. وتُغتال النخوة .. وينحر الكبرياء و الكرامة .. وهؤلاء لا يزالوا .. ينبضوا داخلنا .. رغم اختفاؤهم .. !
لم يحدث هذا أطلاقاً .. ولن يحدث أيضاً .. سوى ف خيالها المفعم .. وما حدث ف العيد .. كان نتيجة لأثارة وليس .. إن الشباب أصبحوا وحوش تفترس الجساد .. واللحوم فقط ..
أتهجم عليها .. لأنها كانت ترتدي جلباب .. وزي إسلامي محترم .. ؟
كيف هذا .. لن يفعل هذا سوى مجنون .. وشخص به مرض نفسي ..
إذا كانت ع حق .. سيقف معها الله .. وليس أشلاء بشر ..
أرى أن هذه الراوية لا تمط .. للحقيقة بصلة .. فعندما يتحرش آحد .. بفتاة يلاقى تحت الأرجل .. وتَداس عليه الأقدام ..
لا تحكموا بهذه السهولة ..
الرواية تفتقد لفصل هام ..
أشكرك ..
دمت ..
شيماء رمضان الوهيبى
10-30-2008, 08:17 PM
مش حقلك غير ربنا يحميكى و يحمينا
ميرا مار
10-31-2008, 01:59 PM
والنبى يا اش سيبنا ف حالنا ..
والله لا بقى فى نخوة ولا ادب طب لو قلنا ان دى اخطات !!!!!!!!!!!!!! ولم تكن ترتدى الجلباب!!!!
امهاتنا بيتعاكسوا ليه؟؟؟؟ وهن مرتديات جلابيب وعبايات وطرحة للارض؟؟؟؟؟؟؟؟؟؟؟؟؟

فين غض البصر؟؟؟؟
دى حتى المنتقبة مش بيسبوها ف حالها.. .
اذا ماكنش بالمعاكسة وقلة الادب يبقى بتلقيح الكام على الخيمة اللى لابساها على حد قولهم...
دى بقت صنعة دول حتى العيال اللى لسة ف حضانة واللا ابتدائى بيعاكسو ..

حسبى الله ونعم الوكيل فى الاشكال دى وللاسف دا مش عصر القعدة فى البيت عشان الواحد يصون نفسة ..
لو الكل اتقى الله حتتحل المشكلة
ميرا مار
10-31-2008, 02:03 PM
موبوتو
شكر كبييييييييييييييييييييييييير لك على نقلك مثل هذة الرسالة وعلى فتح موضوع جميل للمناقشة
جزاك الله خيرا
الشبح
10-31-2008, 02:10 PM
no comment

غير

ربنا يهدي فتياتنا وشبابنا

ويبطلوا اللي بيعملوه ده
Human Ash
10-31-2008, 06:07 PM
والنبى يا اش سيبنا ف حالنا ..
والله لا بقى فى نخوة ولا ادب طب لو قلنا ان دى اخطات !!!!!!!!!!!!!! ولم تكن ترتدى الجلباب!!!!
امهاتنا بيتعاكسوا ليه؟؟؟؟ وهن مرتديات جلابيب وعبايات وطرحة للارض؟؟؟؟؟؟؟؟؟؟؟؟؟

فين غض البصر؟؟؟؟
دى حتى المنتقبة مش بيسبوها ف حالها.. .
اذا ماكنش بالمعاكسة وقلة الادب يبقى بتلقيح الكام على الخيمة اللى لابساها على حد قولهم...
دى بقت صنعة دول حتى العيال اللى لسة ف حضانة واللا ابتدائى بيعاكسو ..

حسبى الله ونعم الوكيل فى الاشكال دى وللاسف دا مش عصر القعدة فى البيت عشان الواحد يصون نفسة ..
لو الكل اتقى الله حتتحل المشكلة


سيبنا ف حالنا .. ؟ ! ( لم أفهمها جيداً .. ! )

عزيزتي لا تنسي .. إن حاملي النخوة والرجولة .. همُ الرجال .. همً اخي واخيكِ .. والدي ووالدك .. وليس كما عممتي وقلتِ .. لا توجد نخوة .. فالنخوة موجودة .. ولكن قليلة ..
بخصوص المعاكسات فهي واردة .. فهم يروا مثيرات تُثير غرائزهم .. فلذلك يفعلوا هكذا .. أعلم ليس ذنب المحجبة والمحترمة .. إن يُفعل بها ما يُفعل .. ولكنه سرطان أجتماعي .. بدأ ينهش اجسادنا .. نحن الأسر التي تُحافظ ع أولادها ..
لابد ان نرى المشكلة .. إن نمسك رأس القضية .. ولا نختار المتهمين .. بهذه السرعة .. فالقضية متشابكة بين أسرة .. وقنوات غ شرعية .. وفتاة .. واجساد ملقاة ع قارعة الطريق .. وقت السُكر يا عزيزتي .. لا يُفرق بين غث وسمين ..
وكل لبيب بالإشارة يُفهمُ ..
فهجومي ع فحوى الرسالة ليس إلا .. ولم أعمم بشكل جذري ولا جزمي .. بل أثارتني تناولها للرسالة ليس إلا ..

هو سرطان إجتماعي .. بدأ يتفشى ويرتع .. !
دمتِ ..
ميرا مار
10-31-2008, 06:15 PM
امممممم ب سيبنا ف حالنا
دا مصطلح دارج لا يؤخد بمعناه الحرفى ولا انه موجه لك .. ولكن معناه(انا اشتكى ويصعب عليا الحال لدرجة انى اريد الصمت والوحدة)
وكلامك الباقة صحيح ومقنع تماما ..
خالد أبوسعده
11-02-2008, 10:10 PM
يا جماعه علي فكره الموضوع زاد عن حده بطريقه فظيعه
دا حتى الستات الكبيره بتتعاكس و الى ماشيه مع جوزها بتتعاكس
و البنات الصغيرين في منهم اتعدى مرحله المعاكسه و بقي اعتداء في نص الشارع
و الي يتدخل يا يتشتم يا يضرب و في الحالتين كرامته بتبقى في الارض
فالباقى بيشوف دا و يقول خلينى في حالى بكرامتى احسن
Mimi
11-04-2008, 11:24 PM
بصراحة ياجماعة كان ليا مجموعة من الاصدقاء غير المصريين نزلو مصر

ولبسهم محترم جدآ جدآ مش هقول محجبات بس لاء دول لابسين عبايات كمان يعني حجاب محتشم

ومشيو في شارع جامعة الدول العربية ... وهنا تعرضو للتحرش الجماعي اللي للأسف بيحصل في الاماكن دي كتير

حتى سواقين التاكسي اللي نزلو يساعدوهم عشان يخلوهم يركبو معاهم كان واخدين التاكسي وسيلة بس عشان يطمنوهم بس في الحقيقة انهم كان بيتحرشو بيهم زي الناس التانيين

في الآخر كان في واحد ابن حلال دخلهم المحل بتاعه وقفله عشان محدش يدخل عنده واستنى لما الشارع هدي خالص وطلعهم تاني روحهم

بصراحة مش فاهمة ايه الفوضى اللي حصلت دي دا شئ مخذل جدآ جدآ ، والبنات دول حلفو انهم ما هييجو مصر تاني بسبب اللي حصل دا

دا غير اللي بيحصل للسياح في الهرم وخان وفي أشهر الاماكن السياحية في القاهرة بالذات

دا قبل طبعآ ما يكون واجهة مسيئة جدآ لمصر فهو مسئ جدآ لاخلاق المسلمين والانطباعات اللي هتتاخد عنهم هتكون مؤسفة ومخذلة جدآ
خالد أبوسعده
11-05-2008, 08:22 PM
و كانهم انحولوا لحيوانات بتجري بس ورا غرائزها