المساعد الشخصي الرقمي

مشاهدة النسخة كاملة : ارجو الافادة الجادة



memokabo
07-25-2010, 05:12 AM
السلام عليكم ورحمه الله وبركاته

اشكركم ع الرابطة المشجعه دى

عندي شويه استفساراات لسوق العمل ف مجال المساااحة

اريد اعرف ما هو المرتب المتوسط للمساح ف مصر ؟
طبعا الارزاق بيد الله وتختلف حسب الخبرة وكدة بس عايز اعرف يعني متوسط المرتب ف مصر

السؤال الاهم ازاي أأهل نفسي ف المساحة البحريه والجويه وتكون فين بالظبط ؟

اشكركم واشكر كل م يرد علي

محمد الفرارجي
10-21-2010, 07:52 PM
الأول سلام عليكم

ثاينا وزي ما تفضلت الأرزاق بيد الله.

1- متوسط المرتبات لو حديث التخرج بيكون في حدود 1000 جنيه ده متوسط يعني ممكن تلاقي أكتر وممكن تلاقي أقل.

2- بيزيد مرتبك بعد كده على حسب خبرتك ودي بترجع لنوعية الشغل بتاعك يعني إللي بيشتغل في الكباري غير إللي بيشتغل في مرافق المياه مثلا.
وإللي بيشتغل في شركة متعددة الجنسيات غير إللي بيشتغل في شركة لسه في بدايتها.

لكن بصفة عامة نقدر نقول إن في خلال 3 سنين تقريبا من تخرجك ممكن المرتب إللي قلنا عليه ده يتضاعف.


نيجي للنقطة الخاصة بالتدريب والتطوير في أقاسام المساحة البحرية والجوية إللي تفضلت بيها.

أ- البحرية في الأكاديمية العربية للعلوم البحرية في اسكندرية.
ب- جوية ودي في فرع هيئة المساحة الجوية في شارع الهرم في القاهرة أعتقد محطة الطالبية تقريبا .
وعموما ربنا يوفقك إن شاء الله