المساعد الشخصي الرقمي

مشاهدة النسخة كاملة : النتيجة على النت هتكون بكوبون فعلا ؟؟ (لمن يريد الحصول ع التقديرات فقط مؤقتا)



NewMe
07-27-2010, 10:34 PM
السلام عليكم انا سمعت النتيجة على النت هتكون بكوبون عاوز اعرف ان الكلام ده صح ولا لا

لانى مش من اسكندرية وهضطر اسافر مسافه كبير علشان اجيب الكوبون ده ياريت لو حد

عنده تاكيد يقول ولو فعلا بكوبون هنجبوه منين خزانه الكليه ولا من وحدة الكمبيوتر

Horiaa Swedan
07-28-2010, 07:26 AM
السلام عليكم انا سمعت النتيجة على النت هتكون بكوبون عاوز اعرف ان الكلام ده صح ولا لا

لانى مش من اسكندرية وهضطر اسافر مسافه كبير علشان اجيب الكوبون ده ياريت لو حد

عنده تاكيد يقول ولو فعلا بكوبون هنجبوه منين خزانه الكليه ولا من وحدة الكمبيوتر



لا لا لا مفيش حاجه اسمها كوبون ولا سمعنا كلام من ده انا كنت لسه فى الكليه والكلام ده مش موجود لا متقلق ولسه النتيجه على الخميس باذن الله او على اول 8

NewMe
07-28-2010, 08:04 AM
جزاكى الله خير على ردك ووفرتى عليه يوم سفر
بس والله انا سمعت من اكتر من واحد ان النتيجه هتكون بكوبون وده الى خلانى اقلق
حتى كانوا لسه بيقولوا النهارده ان الكوبون ده هينزل بكره على اساس ان النتيجه احتمال تظهر بكره
واكتر من واحد اكد الكلام ده يارب مش يطلع صحيح ودى اول مره تتعمل السنة دى
وياريت لو حد عنده خبر عن الموضوع ده يحط رد ولو فى جديد عرفته هحطه ان شاء الله
والف شكر للردك

KAREEM
07-28-2010, 02:41 PM
الكلام دا فى تجارة بس
ومن السنة اللى فاتت كمان
يعنى لسه موصلش اداب عندنا
ويارب ما يوصل هو كدا احسن
ع النت عشان تبقى الفضايح علنننى


شكرا ليك وربنا يوفقك ويوفقنا جميعا

NewMe
07-28-2010, 09:02 PM
الف شكر ياكريم على ردك
بس فعلا خلاص اتاكد الخبر النهارده ياجماعه
والكوبون هينزل بكره ان شاء الله فى الكيله اكيد
الى عاوز يروح يجيبوه يجى الساعه 10 بدرى لان
الكليه هتكون زحمه والكلام ده من على لسان شئون الطلبة

Horiaa Swedan
07-28-2010, 09:39 PM
احنا مفيناش من كوبنات ايه التهريج ده انا مش عايزه النتيجه هنا مش لقين يطلعوا فلوس مننا منين حاجه بقت اخر تيت:a17::a17::a17:

الورده البيضاء
07-28-2010, 09:56 PM
وبكام الكوبون دا ان شاء الله

Horiaa Swedan
07-28-2010, 09:59 PM
اسكتى يابت ولا حنشترى حاجه دى حاجه زادت عن حدها

ساره احمد عبد الفتاح
07-28-2010, 10:21 PM
اسكتى يابت ولا حنشترى حاجه دى حاجه زادت عن حدها

فعلا والله يا حوريه عندك حق

NewMe
07-28-2010, 10:27 PM
بكام وبيتجاب منين دى والله مش اعرفها الخبر من ناس اصحابى كانوا فى الكليه النهارده
وده كان رد شئون الطلبة عليهم انا بكره ان شاء الله هسافر اسكندرية واعرف كل التفاصيل
واحطها فى الموضوع واكيد هشتريه انا صاحى نايم بحلم بالنتيجة علشان اعرف ايه الى هعملة
وتقريبا كل الخريجين والمنتسبين للمساحة نفس وضعى لو كنت طالب الصراحة مش كنت
هشترية واستناها تظهر فى الكلية :a40:

bata_batot
07-28-2010, 10:55 PM
كوبون ايه ده
طب واللى يجيب كوبونات اكتر ينجح ولا ايه الحكايه دى

ولا الكوبون ده مكتوب فيه ناجح وراسب وكل واحد بحظه

ربنا يستر علينا وباذن الله النجاح للجميع :a6:

KAREEM
07-29-2010, 01:23 AM
كوبون ايه ده
طب واللى يجيب كوبونات اكتر ينجح ولا ايه الحكايه دى

ولا الكوبون ده مكتوب فيه ناجح وراسب وكل واحد بحظه

ربنا يستر علينا وباذن الله النجاح للجميع :a6:



ههههههههههههههههههههههههههههههههههههههههههههه
احلى كومينت شوفتتو بصراحة ههههههههه ه هههههههههههه

انا حجيب 4 كوبنات عشانى انا وواحد صاحبى اسمه عمرو
عشان يكفيييييييييييييييينا على رأى محمد هنيدى لما كان بيقطع التذاكر
هههههههههههههههههههههههههههههههههههههههههههههههههه ه

ايدا بجد دا الكلام شكله بجد وشئون طلبة وكلام كبيييييييير اوى
الواحد كدا الظاهر لازم ينزل الكلية بنفسه عشان يوقف الناس دى عند حدها
هم ناسيين ان انا مندوب الفرقة ولا اييييييييييييه :a5::a5:
متخفوش يا جماعة انا مش حسيب حقكو وحرفع القضية دى لمجلس الامن
والالل المتحدة ايووووووون مش بهذر للقلل المتحدة :a28::a28:

Zooma
07-29-2010, 01:39 AM
ايه يا جماعه عادى الموضوع كله كلام فارغ يعنى
الموضوع ده موجود ف تربيه وهو بسيط خالص انك تجيب كوبون عامل زى
كارت الشحن بتاع الموبايل تخربشه يطلع رقم تحطه ف الموقع يطلعلك النتيجه وده ف
حدود 3 او 5 جنيه بس
" ع فكرة الكلام ده ف تربيه بس وانا عملته السته ايلى فاتت لواحد صحبه "
اما بالنسبه لاداب لسه محدش يعرف ده صح ولا غلط
عامتا بكرة هيكون اجتماع مرشفين ونسأل دكتور السيد الزغبى
واستاذ محمد ونيجى نقولكم ان شاء الله

Marwa Magdy
07-29-2010, 01:53 AM
يا جماعه مافيش حاجه موجوده على موقع الكليه
لو كان الكلام ده صحيح فعلا كانوا نزلوا اعلان
زى ماعملين على ال اى سى دى ال كدا
اكيد دى اوشاعات

Youssef Mostafa
07-29-2010, 02:03 AM
ياجماعة هو احنا حندخل سحب على النتيجة ولا ايه:a18:
مفيش كوبون على ما اعتقد الكلام دة فى تربية بس ولو كان فى اداب كانوا عملوا اعلانات وسيحوا عشان يستنفعوا

NewMe
07-29-2010, 06:40 AM
كوبون ايه ده
طب واللى يجيب كوبونات اكتر ينجح ولا ايه الحكايه دى

ولا الكوبون ده مكتوب فيه ناجح وراسب وكل واحد بحظه

ربنا يستر علينا وباذن الله النجاح للجميع


هيعملوا مسابقة فى الاخر واكتر 3 جمعوا هياخدوا رابعه هدية




الواحد كدا الظاهر لازم ينزل الكلية بنفسه عشان يوقف الناس دى عند حدها
هم ناسيين ان انا مندوب الفرقة ولا اييييييييييييهة


ياريت ياكريم وانا كمان هضطر اسافر واروح الكليه النهارده






عامتا بكرة هيكون اجتماع مرشفين ونسأل دكتور السيد الزغبى
واستاذ محمد ونيجى نقولكم ان شاء الله


ياريت يطلع الموضوع مش هيتنفذ ورجوعوا عنه
بس شكلك كنت متنرفز فى الرد مش عارف ليه :a40:



يا جماعه مافيش حاجه موجوده على موقع الكليه
لو كان الكلام ده صحيح فعلا كانوا نزلوا اعلان
زى ماعملين على ال اى سى دى ال كدا
اكيد دى اوشاعات


ده والله الى قلته ليهم المفروض حاجه زى يعلن عنها فى موقع الكلية
علشان مش نيجى على اخر لحظه ونلاقى الخبر ده بس موقع الكليه
اصلا لحد دلوقتى مش اتشال عليه جدول الامتحانات ولا اتشال من عليه
الاخبار الى بتتعرض من اول السنة



ياجماعة هو احنا حندخل سحب على النتيجة ولا ايه
مفيش كوبون على ما اعتقد الكلام دة فى تربية بس ولو كان فى اداب كانوا عملوا اعلانات وسيحوا عشان يستنفعوا


والله انا قلت ياجماعه ان ناس اصحابى نزلت الكليه امبارح واؤكدوا الخبر من شئون الطلبة
والمفروض ياعنى انه هيتوزع النهارده زى المفروض برده ان نتيجه بعض الاقسام هتظهر النهارده
وانا دخلت اعمل الموضوع على امل يكون حد من اسكندرية وينزل يسأل ويتحقق من الموضوع ده
بس للاسف فى اول الموضوع مش لقيت غير ردين بس ماعلينا ان شاء الله هنزل بنفسى
واسافر وهسال ولو جبته هرد عليكم مع بقيت الناس الى هتروح النهارده ويارب يكونوا رجعوا فى قرارهم

NewMe
07-29-2010, 04:42 PM
انا لسه راجع من الكليه حالا اسوء 10 ساعات قضيتهم فى حياتى
وجبت الكوبون الحمد الله وهو ب 5 جنيه وفى قاعه العبادى بيتباع بكارنيه الكليه او برقم الجلوس
وينفع اى حد يجيب لزميلة عادى بس فعلا الكليه كانت زحمه اوى زى الف واحد عاوز يدخل
وخصوصا البنات ربنا يكون فى عونهم تقريبا الصبيان كانوا عشرين وباقى الالف بنات متكتلين على بعض
عامه ياجماعه الى مكتوب وشوفته قدام عينى ان الاستلام النهارده وبكره الجمعه مش عارف هما اليومين دول بس ولا ايه
وهما فاتحين بكره والكود علشان تعرف منه تقدير المواد فقط اما التقدير العام من غيره
وموقع النتيجه دلوقتى كاتب ترقبوا النتيجة

MUHAMED SAMY
07-29-2010, 05:57 PM
كوبون وسحب وجوايز
:a5::a5:

mohamed ali
07-29-2010, 06:30 PM
طيب ياجماعة اللى حيروح الكلية بعد كده يعرف اخر ميعاد للكوبونات دى

مش عارف انااااا بيخترعوا حاجات عشان يجيبو فلوس:a16::a16:

Zooma
07-29-2010, 08:02 PM
طب ومين عايز يعرف تقديره المهم النجاح الاول وم بعده التقدير
الف شكرا يا نيو انت :a5:
وانا مكنتش متعصب ولا حاجه م قالك كده :a18:

Marwa Magdy
07-29-2010, 08:12 PM
والله يا جماعه اللى سمعتوا النهرده ف الكليه
ان اخر يوم لاشراء الكارنيهات دى
هو بكره
ف ناس كتير قالوا كدا
بس مش عارفه بقى الكلام ده صح ولا غلط

farida
07-29-2010, 08:22 PM
ازاي؟هو مش لو الكلام ده صحيح يبقي لكل واحد كوبون

اصلها كدة تبقي بالحظ فعلا ونتصل ب زيرو تسعمية واول عشرة ينجحوا

لازم حد يا جماعة يتاكد من الكلام ده

الورده البيضاء
07-29-2010, 08:36 PM
هتروحوا حضراتكم الكلية وفايديكم اليمين كارنيهكم وايديكم الشمال5جنيهات مصرى
وسيتم تسليم الخمس جنيهات فى مدرج العبادى
بعد خوض معركة كبيرة جدا جدا
ثم بعد ذلك تاخذ ايصال بتلك الخمس جنيهات وتسلم الايصال والكارنية لموظف قاعد عالكمبيوتر
هياخد بياناتك يسجلها فى الكمبيوتر وخير اللهم اجعلة خير تطلعلك ورقة باسمك ورقم جلوسك وكودك من الكمبيوتر
تكتب الكود دا على موقع الكلية اما النتيجة تطلع
وانا جبت الكوبون انهاردة
والسلام عليكم ورحمة الله وبركاتتتتتة

Marwa Magdy
07-29-2010, 08:42 PM
يا جدعان انا عايزة اعرف هو البتاع ده لازم نعملوا يعنى ولا مش مهم

الورده البيضاء
07-29-2010, 08:44 PM
يا جدعان انا عايزة اعرف هو البتاع ده لازم نعملوا يعنى ولا مش مهم


من غيرة مش هتظهرلك تقديراتك
هيظهر التقدير العام فققققققط

Marwa Magdy
07-29-2010, 08:51 PM
خلاص حلو التقدير العام
مش لازم التقديرات

الورده البيضاء
07-29-2010, 08:53 PM
بالنجاح والتوفيق للجميع

farida
07-29-2010, 08:59 PM
انا اصلا مش عاملة الكارنيه

فماله التقدير العام ؟رضا والله

اصل السقوط برضه بفلوس؟

:a5:

NewMe
07-29-2010, 10:02 PM
الكود كانوا كاتبين انه هيتوزع النهارده وبكرة وتقريبا بكرة من الساعه 11 بس دى مش متاكد منها
هو التوزيع بدأ النهارده الساعه 2 بس انا شايف بدل النتيجة هتظهر عادى بتقدير عام والزحمة
الى كانت فى الكليه النهارده لدرجه مش تتوصف بالنسبة للبنات تاخر حكاية الكود ده لحد
مالناس تخف شوية واعتقد ان ميعاد الخميس والجمعه بس ده مش هيتنفذ وحتى لو هيتنفذ
تقدير المواد مش هيمكم فى حاجه ممكن النص الاول علشان بعد الشر لو فى حد معاه
مواد بيلزمه فعلا يعرف هى ضعيف ولا ضعيف جدا بس فى الترم التانى مش بتفرق
وانتم بتقولوا انها بتظهر فى الافاده بعد اسبوع من ظهور النتيجة ما الشباب مكنش فيهم
زحمه اوى ياعنى لو عاوزين بكره يجيبوه هيعرفوا ان شاء الله هى الافادة الى بتطلع
بعد النتيجة دى فايدتها ايه ولازم تتعمل ولا ايه

Horiaa Swedan
07-29-2010, 11:22 PM
من غيرة مش هتظهرلك تقديراتك

هيظهر التقدير العام فققققققط




بارك الله فيما رزق انا موفقه على العام بس وانا حعمل ايه بالباقى بلا وجع دماغ وحرقه اعصاب والقى نفسى زى كل سنه مواد مقفلها وجيبه مقبول ومواد سايبه الامتحان فاضى وجايبه امتياز وجيد جدا

انا كده بيس بلا كبونات بلا تييييييييييييييييييييييييت:a17::a17::a17:

Horiaa Swedan
07-29-2010, 11:24 PM
طب انا مش عمله الكارنيه ولا رقم الجلوس اعمل ايه ابعت فى بين الناس يلموا ويجبولى هههههههههههههههههههههه:a5::a5:

NewMe
07-30-2010, 05:22 AM
طب انا مش عمله الكارنيه ولا رقم الجلوس اعمل ايه ابعت فى بين الناس يلموا ويجبولى هههههههههههههههههههههه:a5::a5:


عادى بالبطاقة تنفع اصلا بدل حافظه رقم جلوسك

محدش رد عن استفسار الافادة الى بتتعمل كل سنة

هى بتتعمل ليه اصلا وايه فايدتها غير تقدير المواد لان النتيجه هيظهر فيها التقديرات

كده ملهاش فايده ياعنى علشان اول مره اسمع حكايه الافاده بتاعه كل سنة

الافاده الوحيده الى اخدتها من الكليه كانت الشهاده المؤقته بتاعه الليسانس

Wild_Angel
07-30-2010, 06:39 AM
اولا

متقلقوش كلكم بأذن الله ناجحين ومتفوقين إن شاء الله
وخلاص هانت والنتيجه تطلع ونباركلكم

ثانيا
انصح بعدم شراء الكوبون لان ممكن اى حد يجيب تقديره العام
وبعدين اللى عايز يجيب تقديرات المواد يستنى شويه هو كده او كده حيروح يدفع 15 جنيه تقريبا عشان يطلع الافادة

اما موضوع الاستفسار عن الافادة
فده لان بعد التخرج بيطلبوا منك الاربع افادات بتاعت الاربع سنين .. (وده أنا عملته عشان طلبوه في ادارة الدراسات العليا معرفش اللى بيتخرج ويقدم على الشهادة بس ولا لا بس متهيقلي بيطلبوهم برضه )
ويستحسن ان كل واحد يطلعها في نفس السنة عشان ميجيش فى الاخر يلاقي ثمنها زاد 5 او 10 جنيه ولا حاجة ويستنى اسبوع عشان يدوروا عليها ويجيبوها

AYMAN GAMAL
07-30-2010, 07:37 AM
بالتوفيق لكل اخوانا الطلبة

ربنا معاكم

KAREEM
07-30-2010, 09:38 AM
شكرا يا باشمهندس ايمن
ودعواتك معانا كدا يااارب

وشكرا اخت وايلد ع التوضيح
يعنى ياجماعة النتيجة حتظهر كدا كدا ع النت عاااااادى خالص
الكوبون دا لللى عايز يجيب التقدير كافادة مؤقتة ممكن تطبعها
من خلال الكود الخاص بيك اللى حيديهولك ولكنها غير رسمية
فاللى يجيب الكوبون دا اللى يهمه التقديرات ومستعجل عليها
لانه مثلا عايز يعرف داخل شعبة ولا لا والكلام دا
انما غير كدا الكوبون دا ملووووش اى لازمة الا انهم بيلمو فلوس بس

ربنا معانا وبالتوفيق
وعلى فكرة كلام من ناس ثقة فى القسم
يقال ان النتيجة يوم التلات ع النت باذن الله
والله اعلم

حنين الحياة
07-30-2010, 01:40 PM
بجد ربنا يستر انا مش عارفه ايه لازمه وجع الدماغ ده ...ده احنا علي اخرنا علشان نعرف النتيجه وكمان بيعقدوا الموضوع

esraa marey
07-30-2010, 01:48 PM
احلى حاجة انى صاحيت النهاردة من النوم على تليفون صاحبتى بتقولى تعالى الكلية ضرورى وبسرعة وان النهاردة اخر يوم وان النتيجة بيه 0 طبعا ده كلام بيضحكوا بيه عليهم :a20::a4: مانزلتش لان مستحيل حيخلصوا الكلية كلها فى يومين 0بس على الفكرة النتيجة فعلا بالكود 0بس انا عايزة رد اكيد يكون كلام اخير لو جبت النتيجة بالكود حيظهر التقديرات كلها طب حيكون لازم اجيب الافادة لما تظهر ان بالنسبالى عايزة اعرف التقدير العام وتقدير كل مادة ارجو الرد الاكيد وشكرررررررررررررر

NewMe
07-30-2010, 07:07 PM
كريم مفيش شكر ليه ياكريم ولا ايه ده انا عملكم مراسل القسم فى الكليه بقالى اسبوع :a46::a5:
وصعب اوى النتيجه تظهر يوم التلات لان تقريبا والله اعلم ان ان كل الاقسام هتظهر مع بعض
وامبارح كان مكتوب ترقبوا لحد النهارده الصبح وبعد كده الموقع وقع ياعنى ان الناس شغاله عليه دلوقتى
ولما يشتغل كده يبقى النتيجه اتحطت تقريبا اخرها بكره وهتظهر


esraa الى فهمته من الاخت wild والى سالت عليه ان الافاده لازم تتعمل علشان شهادة التخرج مش فهمت سؤالك اوى
بس عامه نتيجه النت حتى لو معاكى الكوبون مش موثقه وهتحتاجى الافاده الى عليها ختم الكليه وامضاء شئون الطلبة
اما نتيجة الكوبون دى باب العلم فقط ياعنى مش هينفع تستخدميها فى اى حاجه الا بعد التوثيق والتوثيق ده هى الافادة

amir
07-30-2010, 07:20 PM
يا جماعه والله انا مش عارف انتوا شغلين نفسكوا على ايه
هما كده من الاخر مش لاقين اى طريقه ياخدوا بيها فلوس من الطلبه فعملوا الطريقه ديه
حسبى الله ونعم الوكيل
يعنى انا ادفع 15ج علشان اطلع الكارنيه الى ملهوش اى لزمه وبعد كده ادفع 15 ج لو عاوذ اعرف تقديرات الترم الاول وبعدين باقى ادفع 5ج علشان اعرف تقديرات الترم التانى وبرده لازم ادفع 15ج فى الاخر علشان اجيب تقديرات الترم الاول والتانى النهائيه
(انا مش عاوذ النتيجه خالص يلا خليهالهم )

MUHAMED SAMY
07-30-2010, 07:32 PM
ههههههههههههههههه
يا دماغك ياميرو
على فكرة الكارنيه مهم جداااااااااااااااااااااااااا
عارف ليه
*
*
*
*
*
*
*
*
*
*
1ـ دلوقتى لو رحت مكان تشتغل فيه فى الصيف لازم يبقى معاك الكارنيه
(كعب عمل وحوارات من دى)
:a16:
2ـ الاهم لما فودافون عملت عرض للطلبة لازم يكون معاك الكارنيه بالإضافة للبطاقة
(انت اخدت الخطوط ولا لسه):a27:
3 _ادعيلى إنى أنجح
:a20:

farida
07-30-2010, 09:31 PM
ههههههههههههههههه
يا دماغك ياميرو
على فكرة الكارنيه مهم جداااااااااااااااااااااااااا
عارف ليه
*
*
*
*
*
*
*
*
*
*
1ـ دلوقتى لو رحت مكان تشتغل فيه فى الصيف لازم يبقى معاك الكارنيه
(كعب عمل وحوارات من دى)
:a16:
2ـ الاهم لما فودافون عملت عرض للطلبة لازم يكون معاك الكارنيه بالإضافة للبطاقة
(انت اخدت الخطوط ولا لسه):a27:
3 _ادعيلى إنى أنجح
:a20:




لو سمحت يعني لو مفهاش غلاسة

ممكن توضح اكتر النقطتين دول اصلي مفهمتش غير الاخيرة :a5:

وان شاء الله بالنجاح وبالتقدير كمان واحنا معاك

MUHAMED SAMY
07-30-2010, 09:40 PM
هو انا خرجت بره موضوع النتيجة:a4:

بس1 ــ لما طالب بيروح يشتغل فى مكان فى الصيف بيعمل حاجة اسمها كعب عمل(بيطلبو منه صورة كارنيه الكلية)
2ــ شركة فودافون عاملة عرض للطلبة الواحد بياخد 3 خطوط بمجرد انه بيوريهم البطاقة وكارنيه الكلية
**بجد اسف انى خرجت بره المضوع**
:a7:

Horiaa Swedan
07-30-2010, 09:49 PM
تصدقوا بقى انا بقالى 3 سنين فى الكليه لا عمرى عملت كرنيه ولا رقم جلوس ولا افاده ولا الهوى عشان دى كليه زى الفل مش عارفين يدفعونا فى ايه ولا فى ايه

كل سنه يطلعوا بتقليعه متوجعوش دمغكم وتقلقوا كل اللى بيتقال كلام فارغ وكبونات ايه اللى حتخلص لو الكبونات حتخلص يعنى مش ضروريه هو عرض حتى نفاذ الكميه هههههههههههههههه


لو كانت مهمه كانت الكبونات دى تبقى بعدد طلاب كليه الاداب جميعا ده ضحك ع الدئون والله

NewMe
07-30-2010, 11:43 PM
معلشى ليه سؤال رخم والله :a5:اصل الموضوع اتقلب مره واحده سنترال وخلانى فعلا عاوز اسال السؤال ده
هو مفيش رسايل خاصة ولا قسم خاص للمشرفين ولا ايه :a33:
وبخصوص الكوبون الناس الى راحت النهارده الميعاد لحد يوم الحد

esraa marey
08-01-2010, 01:05 PM
السلا عليكم انا جبت الكود لانى الصراحة مااقدرش استنى اسبوع لما الافادة تظهر معلش اول بقى ؟
المهم الى يروح يجيب الكود يروح بدرى لان زحمة رهيبة وخاصة البنات وممكن واحد يجيب للاكتر من حد بالكارنيه0 بالتوفيق للجميع0

KAREEM
08-01-2010, 01:27 PM
شكرا ع الافادة المهمة دى يا اخت اسراء
جزاكى الله عنا خير
وباذن الله الواحد ينزل بدرى بكرة
ولو حد من صحابى عايز اجيب له معايا
بس اهم حاجة يدينى الخمسة جنيييييييه
ومواصلاتى وفطارى كمااااااان

وبالنسبة للاخ صاحب الموضوع
فربنا يجازيك خير لانك نبهتنا لهذا الموضوع
وياريت نتعرف باسمك يا دفععععععععة

وبالنسبة للردود اللى الناس كانت بتتناقش فيها
فدا ملتقى يعنى اى حد عنده استفسار فى اى حاجة
ممكن يسأل سواء عمل موضوع لوحده او سأل فى اى موضوع
عموما انا حذفت الردود اللى خارج نطاق الموضوع اذا كان دا حيرضيك
لانك فى النهاية صاحب هذا الموضوع

وبالنجاح والتوفيق لينا جميعا يارب

NewMe
08-01-2010, 02:09 PM
طيب السلام عليكم اولا

قبل مااقول اى حاجه انا هدفى من تسجيلى فى المنتدى والله المساعدة وليس اكثر
وعارف ان ردى الاخير هيظهرنى او ظهرنى بالعضو الرخم او الغلس وانا والله
مش بلوم اى حد لو حس بكده بسبب ردى الاخير لان معاه حق بس ممكن َ
لو سمعتوا وجهه نظرى هتفهمونى شوية و هكمل كلامى
انا مش معارض خالص ان موضوعى يخرج من مضمونه ويطرح فيه
اى حاجه بعيده عن الموضوع عادى ياعنى والله ولا تفرق بس فى
رد ضايقنى مش عارف موجود لسه ولا لا الرد كان فى اول مالموضوع
اتحول دخل واحد وقال معلش المكان مش مناسب قدرتة فعلا من الجملة دى
بس الرد الى خلانى ازعل شوية ان حد دخل وفوض نفسه وقاله لا ده المكان
المناسب واتكلم براحتك

عادى الموضوع يتحول اوكى مفيش مشكلة بس حد يدخل ويحكم
ويقول ان التحول ده عادى واتكلم عادى براحتك غيرى او غير صاحب الموضوع
حاسس ياعنى انه عدم تقدير لصاحب الموضوع خالص ومش رضيت
والله اتكلم فى النقطة دى لما شوفتها وسبت لما الموضوع خلص
وحبيت الفت النظر بس انى لسه موجود ويارب محدش يكون زعل منى
ويسامح لو كان ردى استفزه وتكونوا فهمتوا السبب

KAREEM
08-01-2010, 02:47 PM
لالالالالالا بالعكس خالص
انت اصلا عندك حق فى اللى انت قلته
وانا بس حبيت اوضح سوء الفهم اللى حصل
وانت واضح وباين جدا انك شخص محترم جدا

ربنا يجازيك خير على سعيك على افادتنا
ومفيش زعل ولا حاجة خاااالص ميهمكش
ورمضان كريييييييم وبرضو عايزين نتعرف علي اسمك حضرتك
وانت دفعتنا ولا فى رابعة وحتتخرج باين كدا ؟؟؟؟؟

MUHAMED SAMY
08-01-2010, 07:24 PM
طيب السلام عليكم اولا

قبل مااقول اى حاجه انا هدفى من تسجيلى فى المنتدى والله المساعدة وليس اكثر
وعارف ان ردى الاخير هيظهرنى او ظهرنى بالعضو الرخم او الغلس وانا والله
مش بلوم اى حد لو حس بكده بسبب ردى الاخير لان معاه حق بس ممكن َ
لو سمعتوا وجهه نظرى هتفهمونى شوية و هكمل كلامى
انا مش معارض خالص ان موضوعى يخرج من مضمونه ويطرح فيه
اى حاجه بعيده عن الموضوع عادى ياعنى والله ولا تفرق بس فى
رد ضايقنى مش عارف موجود لسه ولا لا الرد كان فى اول مالموضوع
اتحول دخل واحد وقال معلش المكان مش مناسب قدرتة فعلا من الجملة دى
بس الرد الى خلانى ازعل شوية ان حد دخل وفوض نفسه وقاله لا ده المكان
المناسب واتكلم براحتك

عادى الموضوع يتحول اوكى مفيش مشكلة بس حد يدخل ويحكم
ويقول ان التحول ده عادى واتكلم عادى براحتك غيرى او غير صاحب الموضوع
حاسس ياعنى انه عدم تقدير لصاحب الموضوع خالص ومش رضيت
والله اتكلم فى النقطة دى لما شوفتها وسبت لما الموضوع خلص
وحبيت الفت النظر بس انى لسه موجود ويارب محدش يكون زعل منى
ويسامح لو كان ردى استفزه وتكونوا فهمتوا السبب

انا انا انا
اسف جدا بجد
لانى حووولت الموضوع
من كود النتيجة
لحاجة تانية خالص
وسعداء جدا بانضمامك
فى منتداك
منتدى
MESA7A.COM
وفى انتظار مشاركاتك دايما
:a15:
بجد منورنا

KAREEM
08-02-2010, 12:12 AM
استاذ محمد سعد قاللى
النتيجة حتظر بكرة بالليل
ع النت ان شااااء الله
والله اعللللم

يارب وفقنا جميعا
وجازى كل من تعب خير

NewMe
08-02-2010, 05:38 PM
محمد سامى والله ده انا الى اسف علشان خليتك تعتذر احنا اخوات ومفيش فرق بينا وانا والله مازعلت ابدا من ردك بالعكس خالص
ده انت قلت معلش المكان مش مناسب ودى كفاية

وكريم ربنا يعزك ويوفقك ويوفقنا جميعا يارب الف شكر بجد على ردك انت ومحمد انا والله دلوقتى سعيد انى انضمت للمنتدى
بعد ماشوفت ماردودكم دى اسعدتنى فوق ماتتصورا وربنا ينجحنا يارب وكده على كلام استاذ محمد سعد انها هتظهر النهاردة
بليل يارب تظهر علشان طولت فعلا ودى الروابط الى شغاله حاليا بدل رابط النتيجة الى على الموقع مش شغال
http://195.246.47.32/Natiga/With_code/
http://195.246.47.32/Natiga/Without_code/

وانا اسمى احمد خريج ليسانس اداب قسم جغرافيا بس شعبة عامة
وحاليا فى 3 مساحة http://img707.imageshack.us/img707/7563/49754.gifhttp://img707.imageshack.us/img707/7563/49754.gif

Marwa Magdy
08-02-2010, 10:55 PM
اهلا و سهلا بيك معانا يا احمد فى المنتدى
و متشكرين جدا ليك انك نبهت الاعضاء بموضوع الكود ده
و ان شاء الله حتقضى وقت ممتع معانا

Marwa Magdy
08-02-2010, 10:57 PM
ههههههههههههههههه

يا دماغك ياميرو
على فكرة الكارنيه مهم جداااااااااااااااااااااااااا
عارف ليه
*
*
*
*
*
*
*
*
*
*
1ـ دلوقتى لو رحت مكان تشتغل فيه فى الصيف لازم يبقى معاك الكارنيه
(كعب عمل وحوارات من دى)
:a16:
2ـ الاهم لما فودافون عملت عرض للطلبة لازم يكون معاك الكارنيه بالإضافة للبطاقة
(انت اخدت الخطوط ولا لسه):a27:
3 _ادعيلى إنى أنجح
:a20:




ايه ده
:a43: :a43: :a43:

هههههههههههههههههههههههههه

لا انا كان قصدى على الكود مش الكارنيه سورى
ع اساس اننا كدا كدا حنعمل الافاده و حنعرف التقديرات

Zooma
08-02-2010, 11:12 PM
ع فكرة لازم كود شخصى لان ف الموقع حاليا
مخلى الناس ايلى معاها الكود تشوف النتيجه دلوقت
وايلى مش معاه هيشوفها ف وقت لاحق

بصراحه كليه ميت فل وعشرة احتكار ميه ميه :a10:

MUHAMED SAMY
08-02-2010, 11:25 PM
يعنى جغرافيا ظهر
يا حازم
:a6:

MUHAMED SAMY
08-02-2010, 11:27 PM
ايه ده
:a43: :a43: :a43:

هههههههههههههههههههههههههه

لا انا كان قصدى على الكود مش الكارنيه سورى
ع اساس اننا كدا كدا حنعمل الافاده و حنعرف التقديرات



لا ده هنا برد ع أمير

Zooma
08-02-2010, 11:27 PM
لا مظهرش انا بتكلم ع الاقسام ايلى ظهرت
ادخل كده وجرب اكنك م الاقسام دى
وشوفهم عاملين

هدى على
08-03-2010, 12:40 PM
لسة مظهرتش لغاية دلوقتى على طول كدة يتاخروا

blue_sky
08-03-2010, 02:28 PM
نتيجة جغرافيا لم تظهر بعد حتى الأن

MUHAMED SAMY
08-03-2010, 06:47 PM
ع فكرة لازم كود شخصى لان ف الموقع حاليا
مخلى الناس ايلى معاها الكود تشوف النتيجه دلوقت
وايلى مش معاه هيشوفها ف وقت لاحق

بصراحه كليه ميت فل وعشرة احتكار ميه ميه :a10:



والله انا موافق على انهم ياخدو فلوس
بس يعملو بيها حاجة تفيد الطلبة
وكان فى دماغى فكرة
(بخصوص قسم جغرافيا إن لو كل طالب دفع 10 جنيه كل شهر)
وتقريبا القسم موش أقل من ألف طالب
يعنى عشرة فى الف بعشر تلاف
نقول الدراسة 8 شهور
يعنى رنج 80 ألف سنويا
بجد أكيد هيطورو القسم
وربنا نفسى ينفذوو الفكرة دى

وكمان بدل الزحمة اللى بتبقى عند العبادى عشان الكود ماكانو يطبعوهم ويخلوهم عند العمال فى كل قسم!!!!

Mahmoud Slem
08-03-2010, 07:00 PM
يا شباب ده لينك النتيجة بالكود
http://195.246.47.32/Natiga/With_code/

وده لينك النتيجة من غير كود
http://195.246.47.32/Natiga/Without_code/


بالتوفيق لينا جميعا ان شاء الله

esraa marey
08-04-2010, 12:28 PM
لغاية دلوفتى النتيجة ما ظهرتش انا خايفة اوى 0بس الكل بيقول انها ع 10\8الى شاطرين فيه بس انهم ياخدوا الفلوس وبس ويسيبونا ع اعصابنا 0زى ماعملوا فى icdlاخدوا الفلوس ولغاية دلوقتى ما بدائناش0

Horiaa Swedan
08-05-2010, 02:40 AM
يا شباب ده لينك النتيجة بالكود

http://195.246.47.32/natiga/with_code/


وده لينك النتيجة من غير كود
http://195.246.47.32/natiga/without_code/




بالتوفيق لينا جميعا ان شاء الله




محمود راجع اللينكات دى من فضلك وكمان اللينك بتاع النتيجه منغير كود الكليه قفلته فياريت تتاكد

Horiaa Swedan
08-05-2010, 03:22 AM
يا جماعه عندى مفاجهههههههههههههههههه

ثبت بالتجربه العلميه ان فى اكواد كتير غلط

احنا اضربنا على ................ يا جماعه:a17::a17::a17:

NewMe
08-05-2010, 05:55 AM
ده اللينك الى شغال دلوقتى

http://foa.edu.eg/Natiga/

والاكواد مش غلط ولا حاجه المشكله ان الموقع اتهيك قبل كده او اتهكر
وناس حملت النتيجه على اجهزتها وبقيت بتوزعها وبسبب المشكلة دى
الاكواد غيروها تقريبا لتفادى المشكله انها تحصل تانى النهارده ان شاء الله
لو ربنا قدرنى وسافرت هروح اسال فى الموضوع ده وهعرف التاريخ بالظبط
الى اتغيرت فيه الاكواد وكده يبقى حددناه شوية الا جاب الاكواد قبل التاريخ
ده يروح يغيرها والى جبها بعديها يبقى مفيش مشكلة

NewMe
08-05-2010, 04:48 PM
انا كنت فى الكليه النهارده وغيرت الكود بتاعى

وسالت عن الاكواد الى مش شغاله كل الى جاب الكود اول امبارح مش شغال

ياعنى قبل التلات مش هيتشغل ولازم يروح يغيرة بواحد تانى

desha1990
08-05-2010, 04:56 PM
انا نفسى اهاجر واسيب البلد دى وارتاح بالله عليكم ادعولى اهاجر واسيبها احسن انا قرفت ..(حسبنا الله ونعم الوكيل):a10:

Zooma
08-05-2010, 05:20 PM
طب وايلى جابوا يوم التلات بالظبط يروح يغيره برضه ولا ايه الكلام :a25:

Ahmed Hosny
08-05-2010, 06:20 PM
سلامو عليكو
النتيجة بكود او من غير كود كده كده احنا اخر قسم بيظهر فى الكلية
مستعجلين على ايه
:a25::a25::a25:
والسلام عليكم ورحمة الله وبركاته

esraa marey
08-06-2010, 03:14 PM
ياهوى لسه حغير الكود بجد دا وجع دماغ 0عامة انا رايحة الكلية بكره ان شاء الله0 واشوف وهو فعلا على راى احمد الجغرافيا اخرقسم بيبان0 بس الواحد برده طبيعى انه يكون قلقان 0

Mohamed Gaber
08-15-2010, 12:21 PM
وهما في الاخر حيعملوا سحب عالاكواد دي يعني ولا ايه ظروفهم :a28::a28:

Horiaa Swedan
08-20-2010, 01:44 AM
هههههههههههههههههههههه انا اشتريت كوبونين ودفعت 10 جنيه جبت جيد اولى جابت كبون واحد ودفعت 5 جابت مقبول مع اننا مذكرين سوى هههههههههههههههههههههههههههههههههههههههههههههههههه ههههههههههههههههه وتقريبا ورقنا كربون:a36::a36::a36::a36::a36:

KAREEM
08-21-2010, 03:50 PM
انا برضو جيبت كوبونين ب 10 حنيه
لان الاولانى ضاع وريحت دماغى بدل ما ادور عليه
رحت دفعت خمسايه تانية فضة مكنوش راضيين ياخدوها منى
بس الحمد لله جيبت جيد برضو سبحان الله دى مش صدفة بقى :a33:
يايريتنى كنت جيبت كوبونين كمان كنت زمانى جايب امتيييياز :a45: