المساعد الشخصي الرقمي

مشاهدة النسخة كاملة : انا وانتى قتلنا الحب



منتصر فتحى
08-04-2010, 10:47 PM
أنا وانتى قتلنا الحب

الآم الدنيا مليانى



ومش قادر على الكتمان

أدارى إزاى وأتحمل

وجرحى مايعرف النسيان

أخاف لما يطول ليلى

واخاف لما النهار بيبان

واصاحب كل يوم نجمه

وليلى ينام وانا سهران

وأقول إيه الى كان بينا؟

مشاعر ولا كان دخان!

لو الحب جمعنا فيوم

خسارة اليوم ده شمسه تبان

غرامنا حبيبتى مش لاقى

ولا صحرا ولا بستان

ولا جنه هنا يعيشها

ولا فى النار يلاقى مكان

هيتمشى مع الحيرة

مع الغيرة مع الاحزان

ضعيف عايش على ذكرى

بلا صاحب ولا خلان

قتلته معاكى وبأيدنا

أخدنا عزانا مالدخان

أخدنا لينا كام صورة

وكان الغدر بالألوان

ولا تلومى ولا ألومك

فيه سجن يلوم على السجان!

أنا وانتى وأشواقنا

بلا مركب ولا شطاّن

ومش باقيلنا غير صورة

بتنزف دمع عالجدران

وكام كلمه بأوراقنا

وكام وردة على العيدان

خديهم واحزنى وحدك


أنا راحل بلا عنوان



منتصر فتحى

باربى
08-07-2010, 04:41 PM
بجد روعه يا منتصر

Ma7amed Adel
08-07-2010, 04:52 PM
كلام رائع واحساس اروع

سهيله
08-07-2010, 05:46 PM
بجد يا منتصر كلامك كله جامد واحساسك عالي وراقي
على فكره خلتني ادمع،،،،،،بس ولا يهمك:a34::a11:
استمر استمر

منتصر فتحى
08-08-2010, 11:08 PM
[quote=باربى;264587]
بجد روعه يا منتصر





الاروع مرورك تحى شكرا لك


منتصر

منتصر فتحى
08-08-2010, 11:10 PM
[QUOTE=Ma7amed Adel;264588]
كلام رائع واحساس اروع





الاروع مرورك اخى محمد شكرا ياغالى


منتصر

منتصر فتحى
08-08-2010, 11:12 PM
[QUOTE=سهيله;264594]بجد يا منتصر كلامك كله جامد واحساسك عالي وراقي
على فكره خلتني ادمع،،،،،،بس ولا يهمك:a34::a11:
استمر استمر




اشكرك اختى سهيله كلامك تاج على راسى واسف انى خليت عنيكى تدمع اسعدنى تواجدك بالتوبيك



منتصر

Radwa
10-17-2010, 11:32 AM
حلوة اوى بجد يا منتصر و كلام جميل و احساس جدا

منتصر فتحى
10-19-2010, 02:10 PM
حلوة اوى بجد يا منتصر و كلام جميل و احساس جدا


شكرا لحضرتك اسعدنى تواجدك