المساعد الشخصي الرقمي

مشاهدة النسخة كاملة : قصة......لم اجد لها عنوان



Sara Gamal
10-31-2008, 12:52 PM
أنا شاب أبلغ من العمر30 عاما, نشأت في أسرة متماسكة وكنت الابن الوحيد علي أربع بنات

وكانت لأختي التي تصغرني بثلاث سنوات وهي صديقتي المقربة التي أبوح لها
بأسراري, صديقة عزيزة تعرضت وهي طفلة لحادث مؤلم حيث صدمتها مقطورة,

فنتج عن الحادث بتر في إحدي ذراعيها وإحدي رجليها, فحرمت وهي طفلة من اللعب والجري وأصبحت تذهب إلي مدرستها وهي تتعثر في أجهزتها التعويضية

غير أن الله سبحانه وتعالي قد عوضها عن ذلك بالجمال والأخلاق وخفة الظل, كما أنها لم تنطو علي نفسها, ولن تشب نفسها المرارة... وإنما واجهت الدنيا بالابتسامة وخفة الروح فوهبها الله القبول لدي الآخرين, وأحبها كل من تعامل معها

ولقد كنت أتعامل معها كأخت لي, غير أن مشاعري تجاهها اختلفت بعد ذلك, وبدأت أحب رؤيتها وسماع أخبارها, ثم بدأت أشعر نحوها بالحب.. وحاولت في النهاية أن أقاوم هذه المشاعر وأن أنساها لكني فشلت وصارحت أختي بها وأنا أتوقع أن تنهرني أو تنفرني من الارتباط العاطفي بصديقتها هذه بسبب ظروفها الخاصة

, ففوجئت بها سعيدة للغاية بتفكيري في صديقتها, وقالت لي إنها قد تمنت في أعماقها ذلك.. وتشعر عن ثقة بأنها تبادلني نفس هذه المشاعر, ولكن في صمت وبغير أن تصارح أختي بذلك.

فاطمأننت وازددت اقترابا من هذه الفتاة حتي بدأت أمي تشعر بحبي لها وفاتحتني في الأمر وطلبت مني ألا أفكر في الارتباط بها ذات يوم, فلم أعلق بشيء لأنني لم أكن مستعدا في ذلك الوقت للزواج من ناحية, ولا أملك من ناحية أخري الشجاعة علي الإقدام علي هذه الخطوة.

ثم تحسنت أحوالي بعض الشيء وجاء الوقت المناسب للزواج. وعرضت علي أمي فتاة جميلة, فوافقت عليها اعتقادا مني أن خطبتي لها سوف تنسيني فتاتي الأخري.

وغضبت مني أختي تضامنا مع صديقتها وقاطعتني لفترة,.. وتمت الخطبة وشهدتها فتاتي الأولي وهي تتظاهر بالتماسك والقوة وإن كنت لم أنس حتي الآن نظرتها الكسيرة لي.

وحاولت بكل جهدي التواؤم مع خطيبتي والتفاهم معها, لكني فشلت في ذلك فشلا ذريعا, فقد كنت أقارن دائما بينها وبين فتاتي الأولي. فأجدني عاجزا عن تقبلها

وسلمت بالفشل بعد فترة.. وقمت بفسخ الخطبة لكيلا أظلمها أو أظلم نفسي, وعدت للتفكير في الارتباط بفتاتي السابقة من جديد واستجمعت شجاعتي ذات مرة وفاتحت أمي في ذلك

فصرخت في وجهي وأقسمت أنها لن تدخل لي بيتا إذا ارتبطت بها. وتركت أمي لنفسها وأنا آمل في أن تغير من موقفها بعد حين, ومضت فترة دون أن أفاتحها في الموضوع مرة أخري, حتي خيل إليها أنني قد عدلت عنه أو نسيته...

وبعد محاولة أخيرة مع أمي كررت خلالها نفس موقفها السابق.. وإن كان بحدة أقل, تجرأت وأقدمت علي خطبة فتاتي.. وحزنت أمي لذلك وتجاهلتني.. وبعد الانتهاء من استعدادات الزواح تم الزفاف في مسكن فتاتي القريب من مسكن أسرتي

وسعدت بحياتي الجديدة معها ولم يكدرني شيء سوي استمرار أمي علي موقفها, ورفضها دخول بيتي وتحذيرها لشقيقاتي من مساعدة زوجتي في أعمال البيت, لكني لم أشعر علي أية حال بأي نقص في قدرات فتاتي كربة بيت وقامت بأعمال البيت علي وجه مرض. وساعدتها الأجهزة الكهربائية علي ذلك

ومضت بنا الأيام.. وأنا أحاول الحفاظ علي علاقتي بأمي.. فأزورها وأقوم بكل واجباتي تجاهها.. واستجدي الكلمة الطيبة منها.. وهي كما هي لاتوصد بابها دوني ولا تشعرني في نفس الوقت برضائها عني, ولا تزورني في بيتي.. ولا تقبل زوجتي.
ولاحظنا بعد فترة من الزواج تأخر الحمل

فبدأنا رحلة الطواف علي الأطباء.. وانتهت للأسف باكتشافي أنني غير قادر علي الإنجاب

وشعرت بالحزن الشديد وعرضت علي زوجتي أن أطلقها لكي تعيش حياتها وتتزوج من آخر وتنجب أطفالا

فرفضت ذلك بعنف شديد وقالت ليإنني لو فعلت فلسوف أكون قد آذيتها أذي بليغا مرتين, الأولي حين خطبت غيرها وأنا أعلم أنها تحبني وأنا أحبها, والثانية حين أنفصل عنها.. وأكدت لي زوجتي أنها لن تقدر علي مواصلة الحياة بدوني.. ورجتني ألا أفكر في هذا الأمر أبدا.

ومنذ ذلك الحين وأنا حائر في أمري.. أشعر في بعض الأحيان بأن من واجبي أن أطلقها ولسوف تنساني ذات يوم وتعيش حياتها.. وأشعر في أحيان أخري بأنني لا أقدر علي هذا القرار ولا أريده

Sara Gamal
10-31-2008, 12:59 PM
اولا :القصة منقولة من جروب انا عضو فيه على الفيس بوك

ثانيا:انا بس حبيت انقلكوا قصة من واقع الحياة نستفيد منها كلنا لانى اتاثرت بيها مش عاطفيا على قد ما اثرت فيا فكريا وكفاية انه زاد اقتناعى بحديث الرسول صلى الله عليه وسلم((اذا استحيت فافعل ما شئت فكما تدين تدان))
فما حياتنا الا ديون واقساط علينا نؤديها ونحاسب عليها

ثالثا:ياريت اسمع رايى كل واحد يدخل فى القصه وهل لو هو فى الموقف ده هيعمل ايه؟؟؟؟

AYMAN GAMAL
10-31-2008, 01:22 PM
مؤثرة جدا

انا من رايي انه يبطل تفكير في اللي ربنا ابتلاه ادام هيه موافقه وراضية

ويكمل حياته على النظام اللي كان ماشي عليه قبل اكتشاف مرضه

شكرا يا سارة

ميرا مار
10-31-2008, 01:34 PM
قصة مؤثرة يا سارة

وانا مش مع تجميع الاراء فى مشكلة تخص حد
لان عمر ماحد هيعرف كل ابعاد القصة وعمر ماحد هيحس باللى جواه
ومهما سالنا اللى حوالينا عن رايهم فى مشكلة عندنا
بيبقى جوانا ميل ناحية حل معين وبنسال بس الناس عشان يسمعونا اللى احنا عايزين نسمعه
لان الانسان بطبعة بيحتاج دايما يحس ان فى حد جنبه

انا راييى انه يستخيييييييييييير قلبه اولا
ولما يوصل انه يرتاح لقرار
يتسخير ربنا عليه..وشكرا

Mimi
10-31-2008, 01:43 PM
البنت متمسكة بيه جدآ رغم عدم قدرته على الانجاب

في نظري هي مش هتلاقي حد يحبها زيه وخصوصآ انها بتحبه جدآ

وهو لو كمل حياته من غيرها هيبقى تعيس

ولو ضروري في أطفال ممكن يتبنو الموضوع بسيط بس بلاش فكرة انه يطلقها دي خصوصآ وانها بتحبه وقالتله انه بكدا هيأذيها مرتين

شكرآ حبيبتي على القصة الجميلة دي

ياسمين
10-31-2008, 01:44 PM
قصة مؤثرة جدا يا سارة
من رأيى زى ما هو اسعدها بقبوله الزواج منها
اكيد ربنا مش بيظلم حد
واسعده بقبولها بالبقاء معه
ولازم يرضى بقضاء الله وقدره
وربنا يسعدهم

الشبح
10-31-2008, 01:51 PM
من العقل طبعا ان يلغي فكره الطلاق دي خالص


لانهما المفروض انهم من اسعد ما يكون بالحب


وان كان على الاولاد فهذا امر الله وممكن يتبنى

الموضوع مش مستاهل يعني كل ده

وميرسي ليكي يا جميل على القصه الرائعه

Sara Gamal
10-31-2008, 02:00 PM
مؤثرة جدا

انا من رايي انه يبطل تفكير في اللي ربنا ابتلاه ادام هيه موافقه وراضية

ويكمل حياته على النظام اللي كان ماشي عليه قبل اكتشاف مرضه

شكرا يا سارة

شكرا يابشمهندس على مرورك الكريم وردك

انا معاك انه مش قدامه غير انه يعيش حياته زى ما كانت بس موضوع انه يبطل تفكير متهيالى صعب اوى الحكايه اكبر من حاجه هتاخد وقتها وتعدى

Sara Gamal
10-31-2008, 02:04 PM
قصة مؤثرة يا سارة

وانا مش مع تجميع الاراء فى مشكلة تخص حد
لان عمر ماحد هيعرف كل ابعاد القصة وعمر ماحد هيحس باللى جواه
ومهما سالنا اللى حوالينا عن رايهم فى مشكلة عندنا
بيبقى جوانا ميل ناحية حل معين وبنسال بس الناس عشان يسمعونا اللى احنا عايزين نسمعه
لان الانسان بطبعة بيحتاج دايما يحس ان فى حد جنبه

انا راييى انه يستخيييييييييييير قلبه اولا
ولما يوصل انه يرتاح لقرار
يتسخير ربنا عليه..وشكرا


متشكرة اوى على مرورك وردك

وعلى فكرة انا مقصدتش خالص انى اجمع اراء لان زى حضرتك مقولتى مفيش حد فينا هيعيش المشكله بكل ابعادها لكن انا كان قصدى وجهه نظر فى الاول والاخر وقبل وجهه نظر ان كل واحد فينا هيشوف فيها وجه استفاده شخصيه ليه

ميرا مار
10-31-2008, 02:07 PM
عارفة حبيبتى
احنا غرضنا نفتح موضوع للمناقشة ومشكورة على هذا

Sara Gamal
10-31-2008, 02:08 PM
البنت متمسكة بيه جدآ رغم عدم قدرته على الانجاب

في نظري هي مش هتلاقي حد يحبها زيه وخصوصآ انها بتحبه جدآ

وهو لو كمل حياته من غيرها هيبقى تعيس

ولو ضروري في أطفال ممكن يتبنو الموضوع بسيط بس بلاش فكرة انه يطلقها دي خصوصآ وانها بتحبه وقالتله انه بكدا هيأذيها مرتين

شكرآ حبيبتي على القصة الجميلة دي

ميرسى ياجودى على كلامك

بس تعرفى انا محيرانى حاجه ليه هى من الاول قبلت بجوازه بيها رغم انه فى الاول اتخلى عنها؟؟؟؟
وكمان موقف الام منها لو اتغير دلوقتى هحس انه موقف انانى اوى لانه اكيد هيتغير لكون البنت هتكمل مع ابنها رغم اعاقته عن الانجاب مش لانها حست انها جديرة تكون زوجة ابنها ونقطة اخيرة كمان ياجودى انا مش معاكى فى فكرة التبنى لانها محرمة شرعا وكمان مش بحس انه بديل كافى

Sara Gamal
10-31-2008, 02:24 PM
ميرسى ليك ياتوتا انت وميدو على مروركم وردودكم الجميلة دى

بس لحد دلوقتى كل التعليقات جت على نقطة واحدة وهى عدم القدرة على الانجاب

بس فى محاور فى القصة نفسها احنا مش بناقشها وده كان هدفى الاساسى من الموضوع وهى اننا نحط اسئله ونحاول نجاوب عليها من وجهه نظرنا مثلا

*هل لو اى شاب مكان الولد ده كان هتجوزها فعلا؟؟
*موقف الام نفسه اكيد طبعا كان هيتغير لو ابنها هو اللى مكان البنت دى
*هل انا او اى بنت فى سنى فكرت لو اتعرضت لموقف البنت دى هتكمل الحياة مع جوزها ولا هتدور على غريزتها كام؟؟
*وبعيد عن كل ده فى جانب محيرنى انا شخصيا وهو امتى اختار بين اهلى ورضاهم وبين الشخص اللى بحبه ؟ايه الخط الفاصل لده دول امى وابويا اللى هما سبب وجودى فى الدنيا وهو الانسان اللى انا حبيته من بين كل الناس ؟؟؟؟؟؟؟؟؟؟!!!!!!!!!!

white_heart
11-02-2008, 03:18 AM
اولا يا سارة الموضوع مهم ومفيد
ثانيا انا مع الزوجة انها تكمل معاة وبعدين لو كان هو قدر يبعد عنها وتعوضة خطيبتة الاولى عنها يبقى هى كمان تقدر تستغنى عنة ودة اللى محصلش
اما عن الام والاب دول حد مهم فى حياة كل واحد ولو كانت الام زعلانى من ابنها دة بس علشان هى تتمنالة افضل شىء فى الدنيا وهى حاسة انة حيبقى ناقصة حاجة مع زوجتة دية بس فى الاخر هى مش زعلانة منة هى زعلانة علية لانها مش حاسة بسعادتة مع زوجتة
اما عن البنت وثباتها فدة نتمنى من ربنا انة يكون عندنا

Zooma
11-03-2008, 12:48 PM
هى قصه مؤثرة جدا
بس احنا لو فكرنا شويه او هو فكر هيلاقى ان هما كده شبه متساويين
يعنى هو مش بيخلف وهى عندها اجهزة تعويضيه يعنى مافيش فرق
وكمان المفروض يشيل من دماغه حكايه الطلاق دى خاالص خصوصا انها بتحبه ومتمسكه بيه
ولو جت على موضوع العيال يتبنوا طفل ويعيشوا حياتهم عادى كفايه بس الحب المتبادل مابنهم كفيل انه يعيشهم فى حياه سعيده
خصوصا ان النهارده صعب اتنين يتجوزه على حب متبادل
وشكررررررررا يا سارة على الموضوع

surveyedu
11-03-2008, 02:10 PM
قصه مؤثرة جدا

اسامه البنا
11-04-2008, 10:54 PM
ساره بلاش الموضيع الي تتعب الاعصاب
وتحسس الواحد بالاحبط والياس