المساعد الشخصي الرقمي

مشاهدة النسخة كاملة : بتحبها ... بتحبيه ..... ادخل واثبت



m.alghrbawy
08-11-2010, 02:38 PM
بتحبها ؟؟

بتحبها ؟؟...لو بتحبها خاف عليها ...انت كده هتوديها جهنم!!!
ترضى تكون انت السبب أن يشتعل عليها قبرها نارا؟؟
ترضى تكون انت السبب أن تزل قدمها من علىالصراط فى النار؟؟
ترضى تكون انت السبب إنها تتعذب فى جهنم؟؟

تذكر...كما تدين تدان...زوجتك فى المستقبل جالسة الآن مع شاب آخر فى مكان ما بيقولها نفس الكلام اللى بتقوله لهذه الفتاة !!!...ويفعل نفس ما تفعله الآن !!
كل نظرة بتنظرها ليها دين سيرد من عرض زوجتك !!
كلكلمة بتقولها ليها دين سيرد من عرض زوجتك !!
كل مسكة إيد دين سيرد من عرض زوجتك !!
تريد أن لا تعاقب فى عرض زوجتك ؟؟...توب الآن واتركها فورا ..

احذر...إن بسبب هذه العلاقة ربنا بيقول للملائكة يوم القيامة عليك "خُذُوهُ فَغُلُّوهُ"
فتجد 70 ألف ملك ينقضوا عليك لينفذوا حكم الملك ...فتصرخ ... ياخدونى فين يارب ؟

· أنا لم أكن أحتمل عود كبريت مشتعل فى الدنيا ...أتحبس فى تابوت جمر إزاى يارب ؟
· أنا لم أكن أحتمل ماء ساخن يشوى جلدى فى الدنيا ...
أصبح وأنام أشرب من الحميم والمهل ...إزاى يارب ؟؟...فتسمع النداء الأخير "خُذُوهُ فَغُلُّوهُ"
مش إنت اللى مشيت معاها وإنت عارف إنك كده بتغضبنى؟؟
" كنت بحبها "... حب حـــرام...قائم على أساس حرام ...هى دى عاقبته يوم القيامة ...

تخيل نفسك لحظة البعث ...الكفن يتمزق من حول جسمك..بتتنفض من تحت التراب...
صراخ من حولك من كل جهة لكنك لا ترى أى شئ ...وإذ بيد على كتفك من الجانبين ..
فتصرخ بكل فزع...مين؟؟...سائق وشهيد...ستساق للعرض على الله...
عاوز تمشى معاها؟...امشى معاها...لكن لو هتنجيك يومها من العذاب الرهيب...

تخيل يوم القيامة ينادى عليك...فلان بن فلان...استدعاء للتحقيق معك...
وانت ذاهب كل شعرة فيك بتتنفض...يا ترى أىمصيبة من المصائب اللى عملتها ؟!!
تنظر من بعيد فتراها ...يا للمصيبة...تحاول إنك تهرب منها ... وهى تبحث عنك بجنون فى أرض المحشر ...أول ما تراك تتعلق فى رقبتك وتصرخ ...يارب هو اللى ضحك عليا !!
"وَلَن يَنفَعَكُمُ الْيَوْمَ إِذ ظَّلَمْتُمْ أَنَّكُمْ فِي الْعَذَابِ مُشْتَرِكُونَ "

احذر ...أن ينظر الله لك وأنت تقول لها كلام الحب الحرام ...فينظر لك نظرة غضب..
ولو نظر الله لك نظرة غضب فقد ضعت وضاع كل شئ فى دنيتك وآخرتك ...وستظل غارقا فى غضب الله عز وجل إن لم تتب

لسة بتقول بتحبها ؟...لو بتحبها سيبها ...أنت كده سبب فتنتها فى دينها ...والله يقول :
"إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ"


من ترك شيئا لله عوضه الله خيرا منه ..لو تركتها لأجل الله.. لو هى الخير إليك سيأتى بها الله إليك فى الحلال ولو ليست الخير ليك سيعطيك من هى خيرا منها.. دى اختيارك لنفسك.. ما تترك الله يختار ليك!
ألم تسمع عن الحادثة المروعة عندما انحرفت سيارة نقل إلى جانب الطريق ...فسحقت عدة سيارات وأثناء إنتشال الجثث من إحدى السيارات ...وجدوا جثة شاب وفتاة كانوا فى حالة زنا معا فى هذه اللحظة ...فنزل عليهم انتقام الله وسحقهم الله أمام الدنيا كلها ...
هل أنت مستعد تموت وأنت معها الآن ؟؟...وتلقى الله على هذه الخاتمة !!
تذكر قبل أن تخطو خطوة واحدة معها ...أنت ماشي فى طريق آخره جهنم!!
جهنم ...يعنى شعرة شعرة فى جسمك ستحترق
جهنم يعنى عضو عضو فيك سيلتهب
إيه اللى يستاهل ؟

لا تقول"دى مجرد علاقة بريئة ...وإحنا مبنعملش حاجة حرام "... بالله عليـــك قف مع نفسك واسألها :
· هناك ملك يمين وملك شمال بيكتبوا كل شئ...وقفتك معاها...نظراتك لها...
كل (مسد)..وكل (مسيج) أرسلته لها ... هيكتبها ملك اليمين ولا ملك الشمال ؟؟؟
· الأرض اللى انت واقف عليها معاها...هتشهد لك أم عليك ؟؟
· لو رسول الله صلى الله عليه وسلم جاء الآن وأنت بتكلمها هتقوله إيه ؟؟...صاحبتى ؟؟
· لو ملك الموت جالك الآن وأنت بتكلمها هتقول لربنا إيه ؟؟...حبيبتى ؟؟

لو هذه الفتاة انت أول واحد فى حياتها فكل سيئاتها فى ميزانك لأنك أول واحد عرفتها هذا الطريق
تذكر...إنها لكى تقابلك الآن أو تحدثك فى الهاتف 6 ساعات...خانت أبوها وخانت أخوها وخانت أمها وقبل هذا خانت ربها ودينها...هل تتوقع أنها لن تخونك يوما ما ؟
وأخيرا ...هذه الورقةرسالة لكمن الله ...والله يقول " وَمَا كُنَّا مُعَذِّبِينَ حَتَّى نَبْعَثَ رَسُولاً "
وممكن تكون دى آخر رسالة توصلك قبل الموت
الآن حالا ...خذ قرار أن تتركها ...اختار ... هى أم الله ؟؟ .. قول لها إن بكت لترجع إليها ...
أنا مستعد أضحى عشانك بأى شئ...إلا ربنا ...أنا مستعد أخسر عشانك أى شئ ... إلا ربنا

صفقة :
تسيبها ...وتنجو من عذاب القبر ؟؟
تسيبها ..ولا تقع من الصراط فى جهنم ؟؟
تسيبها ...وربنا يعوضك أحسن منها ؟؟
تسيبها ...ولا يشتعل قبرك عليك نارا ؟؟
تسيبها ...وتفوز بحب الله ؟

توصيات عملية :

1.استعين بالدعاء فالله قادر أن يرزقك أحسن زوجة فى الدنيا تحبك وتحبها وأن يرزقك السعادة
2.حتى يلتئم الجرح لابد أنيغلقعليه تماما ...غير رقم هاتفك وتخلص من كل هداياها ومن رقم هاتفها
3.ابتعد عن أى مكان يمكن أن تقابليها فيه
4.اسمع كل يوم شريط دينى يذكرك بأعظم حبيب وهو الله عز وجل
5.نصيحة مجرب / أول أسبوع هتحس إنك معذب ، ثانى أسبوع هتحس إنك ندمان إنك سبتيها ،ثالث أسبوع من الدعاء وصحبة الملتزمين وحضور الدروس والدعاء ستحزن عند تذكرها , وبالتدريج ستندم على كل يوم جعلتيها دارا بينك وبين الله سبحانه وتعالى


( الموضوع منقول )


اللهم ارزقنا حسن الخاتمه

Abdo Samy
08-11-2010, 03:21 PM
شكرا لموضوعك

ساره احمد عبد الفتاح
08-11-2010, 05:58 PM
جــــــــــــــــــــــــــزاك الله كل خــــــــــير

m.alghrbawy
08-12-2010, 12:49 AM
جــــــــــــــــــــــــــزاك الله كل خــــــــــير



جزانا الله جميعا خيرا

esraa marey
08-12-2010, 05:06 PM
موضوع جميل اوى يستحق انشر للشباب والبنات كمان لان هم السبب00000000000شكرااااااااااا

m.alghrbawy
08-22-2010, 10:36 AM
موضوع جميل اوى يستحق انشر للشباب والبنات كمان لان هم السبب00000000000شكرااااااااااا


شكرا ليكى
وربنا يهدينا جميعا

smart girl
08-22-2010, 02:51 PM
انا مش عارفة ااقولك اية بجد مع احترامى الشديد لكل الموضوعات دة اجمل موضوع انا شفتة :a11::a11::a11::a11: ربنا يهدى شباب وبنات المسلمين يارب العالمين

m.alghrbawy
08-25-2010, 01:04 AM
انا مش عارفة ااقولك اية بجد مع احترامى الشديد لكل الموضوعات دة اجمل موضوع انا شفتة :a11::a11::a11::a11: ربنا يهدى شباب وبنات المسلمين يارب العالمين




شكرا ليكى
وجزانا الله واياكى الجنه

ايمان عبد العال
09-30-2010, 11:15 PM
انا مش فاهمه بصراحه يعني كل الموضوع عن تسيبها وتنجو..تسيبها وتفوز؟؟؟ انا مش فاهمه هي شيطانه ماهي بتعمل وعلمها اللي هي بتعمله هو كمان بيعمل يعني المفروض الموضوع ده للشباب من الجنسين مش للولاد وبس انك تلحق تنفد انت بجلدك وهي تدخل النار وانت ماللك بيها المهم انت ربنا يهديك هو موضوع جميل بس لو كان فيه النقطه دي كان بقي اجمل بكتير صدقني وشكرااااااااااااااااا

m.alghrbawy
10-01-2010, 12:29 AM
انا مش فاهمه بصراحه يعني كل الموضوع عن تسيبها وتنجو..تسيبها وتفوز؟؟؟ انا مش فاهمه هي شيطانه ماهي بتعمل وعلمها اللي هي بتعمله هو كمان بيعمل يعني المفروض الموضوع ده للشباب من الجنسين مش للولاد وبس انك تلحق تنفد انت بجلدك وهي تدخل النار وانت ماللك بيها المهم انت ربنا يهديك هو موضوع جميل بس لو كان فيه النقطه دي كان بقي اجمل بكتير صدقني وشكرااااااااااااااااا


السلام عليكم

الاول :- انا بشكر حضرتك على تشريف الموضوع

ثانيا :- اوضح لحضرتك
البنسبه للموضوع هوا موجه للجنسين

ثانيا :- النص ده هوا اول بداية الموضوع

((((بتحبها ؟؟...لو بتحبها خاف عليها ...انت كده هتوديها جهنم!!!
ترضى تكون انت السبب أن يشتعل عليها قبرها نارا؟؟
ترضى تكون انت السبب أن تزل قدمها من على الصراط فى النار؟؟
ترضى تكون انت السبب إنها تتعذب فى جهنم؟؟ )))))
كل ده محافظه على البنات ملهوش دعوه خالص بالولاد صح ولا

ثالثا :- النص ده

((((((تسيبها ...وتنجو من عذاب القبر ؟؟
تسيبها ..ولا تقع من الصراط فى جهنم ؟؟
تسيبها ...وربنا يعوضك أحسن منها ؟؟
تسيبها ...ولا يشتعل قبرك عليك نارا ؟؟
تسيبها ...وتفوز بحب الله ؟ )))))
معناه انك لو سبتها انتا وهي تنجو من عزاب القبر ولا تقع من على الصراط سبها وربنا يعوضكم
يعنى الكلام للجنسين



وبعدين الكلام ممكن يكون موجه لولاد اكتر لان الولاد هم الاجرء فى بدا العلاقات
وانا اسف لو مكنتش عرفت افهم حضرتك الموضع
وشكرا ليكى يا ايمان

ايمان عبد العال
10-01-2010, 12:36 PM
جزاك الله كل خير علي الموضوع وعلي مشاركتك فيه وشكرا ليك انك فهمتني وجهه نظرك لانه انا مكانش واصلي نقطه ان الولاد هم الاجرأ او ان ده كان اللي تقصده من الموضوع بس انا فمت الحمد لله وجزاك الله كل خير ومستنين مواضيع اكتر وياريت الموضوع الجاي يكون عن لو واحد وواحده بيحبوا بعض مثلا وهم في الدراسه مع بعض وكانوا مرتبطين وعايزين يرضوا ربنا ايه هي الشروط اللي للازم تتحط للارتباط ده عشان خاطر يكون في حدود الدين والشرع وانا مقصدش الخطوبه لان موضوع الارتباط ده انتشر جداااااااااااااا وكل الناس بتتكلم علي الارتباط اللي بالتزام فا انا حابه تفيدوني واسمع اراءكم واراء العلماء يااااريت بجد تفيدوني في الموضوع ده وجزاكوا الله كل خير