هو مهم التقدير فى مواد المساحه ولا النجاح

[Mohamed Rekaby]

هو التقدير مهم فى مواد المساحه فى سنه اولى ولا المهم النجاح ولو التقدير مهم تانيه هى الاساس ولا لا

[KAREEM]

بص يا محمد
اول حاجة مش عايزك تقلق من الموضوع دا ومتشغلش بيه دماغك

بس اقوللك هى ماشية ازاى لاننا ملقيناش اللى يقوللنا
وكنا محتارين زيك كدا ومحدش بيقول ايه النظام

هى بتبقى عبارة عن نقط بمعنى ان تقديراك العام عليه نقط
وتقدير مواد المساحة عليه نقاط لكل مادة
فلو جيبت جيد فى مادة مثلا يكون عندك 3 نقاط
ولو جيد جدا 4 نقط
ولو امتياز 5 وهكذا على سبيل المثال
بعد مواد المساحة تقديرك العام كذلك عليه نفس ترتيب النقاط
مجموع النقاط دى مثلا لو جاب 30 يبقى انت دخلت مساحة
ولو اقل بنقطة مثلا ممكن برضو حسب حاجتهم وحسب الاعدادا اللى داخلة مساحة


تمام يا معلم مش عايز اطول عليه
بس المهم تكون العملية وصلت
وزى ما بقوللك متشغلش بالك بمساحة ونظم
وشوف انت متميز فى ايه وحابب ايه ؟؟؟

مع اطيب تمنياتى بالنجاح والتوفيق

[Marwa Magdy]

بس اللى انا اعرفوا ياكيمو ان
الامتياز عليها 6 نقط و الجيد جدا 5 و الجيد 4و المقبول 3
و زى ماقولت كدا مجموع النقط دى هو اللى بيدخلنا الشعبه
على حسب بقى ما القسم يحدد لانها بتختلف من سنه ل تانيه مش شرط تكون كل سنه 30 نقطه
كمان تقديرك العام ف سنه تانيه مهم جدا
و انت اعمل اللى عليك و خلى الباقى على ربنا
لان لو ليك نصيب تدخل الشعبه حتدخلها ان شاء الله

[KAREEM]

بس اللى انا اعرفوا ياكيمو ان

الامتياز عليها 6 نقط و الجيد جدا 5 و الجيد 4و المقبول 3
و زى ماقولت كدا مجموع النقط دى هو اللى بيدخلنا الشعبه
على حسب بقى ما القسم يحدد لانها بتختلف من سنه ل تانيه مش شرط تكون كل سنه 30 نقطه
كمان تقديرك العام ف سنه تانيه مهم جدا
و انت اعمل اللى عليك و خلى الباقى على ربنا

لان لو ليك نصيب تدخل الشعبه حتدخلها ان شاء الله



تمام يا مروى ذاكرتك قوية انتى
بس انا عجزت يا بنتى معلش
كلامك صح جدا على فكرة
وزى ما قالت لك مروى
كل شىء قسمة ونصيب
ومتدعيش ربنا انه يدخلك مساحة
لا ادعى ربنا يختارلك الخير
واكيد هو حيختارهولك ومش حيضيعك ابدا

[Mohamed Rekaby]

شكرا ليكوا بجد لمساعدتكم ليا
وان شاء الله ربنا يوفقنا جميعا ويقدم الى فيه الخير

[Mohamed Rekaby]

معلش بس كمان سوال هو انا ممكن اجيب تدريب فى شركه

[esraa marey]

سؤالم مهم 0 شكرا لمروة وكريم ع الافادة بس ممكن اعرف هو القسم لما بيحدد النقاط بيكون لتقديرات مواد المساحة بس ولا المواد كلها؟؟؟؟؟؟؟؟

[KAREEM]

لا لمواد المساحة بس يا اسراء
وزاللى هى على ما اتذكر حوالى 7 مواد او 6 مش فاكر
العملية
الخرائط
المساحة أ
المساحة ب
حاسب الى
كمية

ومش فاكر والله كان فى ايه تانى
او هم كدا بس

بس الخلاصة ان هى مواد المساحة

اما موضوع الشهادة او الكورس او التدريب دا
فدا لنفسك يا محمد بعيدا عن القسم لانهم بياخدو
زى ما قلت لك بمواد المساحة بس والتقديؤ العام
خاصة تقدير تانية وكمان لما بيحصل قبول بيبقى لسه
فى امتحان رياضة لازم تنجح فيه عشان تخش الشعبة

وعلى فكرة انا شعبة عامة عشان متحسبوش حاجة :a33:
وانا مش بفتى من دماغى ولا حاجة بس دى حاجات مرينا بيها
واوعو تستقلوا بالشعبة العامة وتعموا زى ما كتير بيعمل
وبيروحلها عشان مجال العمل وكدا
زى ما قلت لك شوف انت متميز فى ايه وحابب ايه
ولعلمك فى معظم اللى شغالين فى المواقع خريجى شعبة عامة اكتر
واسئل المهندسين والناس اللى اتخرجت ممكن تأكد كلامى
المهم انك تكون متميييييييز واستمر فى موضوع الكورسات دا
من دلوقتى وانت فى سنك دا خد اجهزة وبرامج مساحة وبرامج جى اى اس وغيره
وابدأ بالاولويات بالنسبة لك ولو مخلصتش الاى سى دى ال اخلص منها من دلوقتى

يارب اكون بنفعك بكلامى دا واكون قدرت افيد حد ولو بحاجة بسيطة

[MUHAMED SAMY]

على قد ماتقدر
اتعب وذاكر عشان تدخل مساحة
ده لو انت بتحبها
انا جبت
فى 4 مواد مقبول(عملية وخرائط وحاسب وكمية أ)
و3 تقدير(مساحة أ,ب+كمية ب)
وتقديرك العام فى تانية
وبنسبة كبيرة حسب الدكتور اللى بيدرسلك المادة بيفرق التقدير
وصلى ركعتين وقول دعاء الاستخاره
وربنا يوفقك لما فيه الخير

[Marwa Magdy]

بالنسبه لمساله التدريب دى بتكون لطلاب سنه ثالثه و رابعه بس
ده لو كان بموافقه من رئيس القسم
انما لو بورقه من شئون الطلبه مش لازم تكون ف 3 او رابعه لو ف تانيه عادى تاخد الورقه دى

[Marwa Magdy]

لا لمواد المساحة بس يا اسراء

وزاللى هى على ما اتذكر حوالى 7 مواد او 6 مش فاكر
العملية
الخرائط
المساحة أ
المساحة ب
حاسب الى
كمية


ومش فاكر والله كان فى ايه تانى
او هم كدا بس







الله ينور عليك اكيمو
المواد زى ماقولت كدا بس ف كميه أ و كميه ب زى المساحه كدا
يعنى عدد مواد المساحه 7

ادعولى بقى السنه دى ان ربنا يقدملى اللى فيه الخير

[Mohamed Rekaby]

شكرا على معلوماتكوا دى بس انا لو حاخد كورس جى اى اس اخدوا فين

[Marwa Magdy]

فى رابطه خريجى المساحه و الخرائط :a33: :a33:

[KAREEM]

زى ما قالت لك مروى
طبعا فى رابطة خريجى المساحة والخرائط ونظم المعلومات الجغرافية
ودى الرابطة الاساس ولو حابب ممكن فى الاكاديمية
ولكن فى الرابطة ارخص وفيه تخحصص جغرافى وعملى اكثر
وانا عن نفسى باخد الكورس فى الرابطة وداخل على ليفيل 2 دلوقتى

ولو حابب تعرف مقر الرابطة اكتر فهو فى الابراهيمية
وخش اٍال فى قسم انشطىة الرابطة ستجد من يدلك
وحتلاقى التليفون والعنوان بتفاصيل اكتر من ذلك

[Mohamed Rekaby]

والله انا مش عارف اوديى جمايلكوا دى فين انا ان شاء الله رايح الرابطه يوم السبت علشان اقدم على يوم 26 لى مركز الاورام واشوف حكايه الكورس دى بس ماتعرفش بكام ولا التقديم ازاى