المساعد الشخصي الرقمي

مشاهدة النسخة كاملة : تحذير مهم لكل الطلبه ، ورجاء من هيئه التدريس بالكليات



momo_lovely599
08-19-2010, 08:02 PM
هو انا مش عارف هو الموضوع اللى انا هكتبه دلوقتى مهم ولا لا بس هو انا حسيت بيه بالنسبه لزمايلى فى الكليه بالنسبه للتعامل مع اجهزة التوتال وهو المرجعيه نفسها للجهاز بمعنى ان التوتال اى حد يقدر يشتغل بيه بشويه دورات وتدريب كتير بس الكتير مننا ميقدرش يفهم ايه هو الاحداثى او ازاى الجهاز عمل العمليه الحسابيه او بمعنى تانى القانون اللى اشتغل بيه الجهاز وده اكيد ظهر لما ظهرت اجهزة التوتال واختفت وياها او قلت التيديوليت ونسى مننا كتير مبادى القياس التاكيومترى ، يمكن التوتال وفر كل ده بس اللى اعتبره من ضمن عيوبه او يمكن من عيوبنا احنا او من عيوب طريقه التدريس نفسها انه خلى كتير مننا مش قادر يفهم الطريقه اللى بيشتغل بيها التوتال ، فمثلا لو اديت لواحد احداثى نقطتين وقولتله احسب الطول والانحراف :a44: ده هيكون احساسه :a8: يمكن كتير من اللى هيشوفه الموضوع ده هيقولوا وانت هتروشنا ليه ما هو شغال لوحده وتمام اهوة بس بجد انا لو مفهمتش ازاى هو بشيتغل والقوانين كامله مقدرش اكون اخصائى مساحه لانى هعتبر نفسى بمثابه الاله والجهاز هو المساح العام والمشرف الاول عليا

كلمه اخيره

يا ريت لو فى حد من اعضاء هيئه التدريس من الكليه وعلى فكرة انا طنطاوى واكيد المشكله اللى هقوله فى كل الجامعات ، يا ريت :a43: تدربونا على اى حاجه تدرسوهالنا فى الكليه اى شئ مش انا بدرس فى مواد واحفظ قوانين وخطوات وانا مش قادر افهم منها اى حاجه وانى مكونش بمثابه واحد حامل امانه بوصلها فى ورقه الاجابه وبعدين خلاص فركش ، لانى خلصت تالته وداخل رابعه ومفيش حد فينا ادينا ولو شريط ، يمكن فى تجربه استفدت منها ان فى الترم التانى اتنبن مننا راح المقاولين وشافه شويه لزاى الشغل بالميزان والتيديوليت ولما روحنا الكليه كنا بناخد الاجهزة بعد طول عذاب ومحايله وننزل انا وتلاته صحابى نحاول نفهم منهم وهما يحاولوا يطبقوا بس اللى انا متاكد منه انى كنت باخد منهم المعلومه الصح والغلط لان برده هو طالب زى زيه ، بس فى النهايه بحب اوجه شكر كبير وباقه ورد للدكتور السيد الزغبى بالنسبه للتدريب اللى وفرة لينا فى اسكندريه فى منحه جيوماكس واكيد منساش البشمهندس احمد اللى فهمنى كتير واستفدت منه اكتر واكتر

وشكرا

KAREEM
08-29-2010, 03:35 PM
كلام مهم جدا فعلا
وانا معاك فى حاجة ومش معاك فى حاجة
انا معاك ان احنا لازم نكون فاهمين قوانين الحاجات دى
بس مش لازم نكون فاهمين الكينوووونة بتاعتها
لان احنا جغرافيين ومساحين فى الاول وفى الاخر
والناحية الرياضية عندنا اى نعم مهمة بس زى ما انت قلت
الاجهزة دى وفرت كتير واكيد برضو عندك حق ان اللىة بيعرف
يشتغل ع الجهاز من غير ما يكون فاهم الحاجات دى جات ازاى كويس
حيبقى عامل زى سواق جهاز فققققط زى مثلا البياع اللى فى صيدلية مش خريج صيدلة
اسمه فى الاخر بياع مش صيديلى مش كدا ولا ايه ؟؟؟

بس احنا فى نفس الوقت مش شرط نفهم القوانين دى بحاذفيرها
يكفى ان احنا ناخد فكرة عشان نعرف بس الجهز جابها ازاى
وزى مبيقول لك " اعرف شىء عن كل شىء ولا تعرف كل شىء "

كلامك وصل ونصيحتك مهمة جدااااا وياريت اساتذتنا ودكاترتنا يعملوا بيها
لان فعلا واقع العمل حاجة والكنتورية والجيولوجية والكلام دا فى وادى تانى خاااالص
والدراسة الاكاديمية مش هى اللى بتنفع للاسف فى سوق العمل دلوقتى

جزاك الله كل خير

MUHAMED SAMY
08-30-2010, 08:03 AM
بص هو حضرتك
انا تقريبا انا اكتر واحد من صحابى كنت معترض ع المواد
اللى بندرسها
يعنى بالعربى كنت اتمنى انى اكون سواق جهاز
لكن الحمد لله
أدركت الامر
بس عندنا فى الكلية
التدريب كان اسبوعى
سواء ميزان
بلانشيطة

تيدوليت
توتال
(وفى د.دون ذكر اسمه قال ان طنطا عندها معمل اجهزة احسن مننا)
واحنا درسنا التوتال
وعملنا بحث لاحدث انواعه
وا.محمد سعد جبلنا توتال فى محاضرة نوع سوكياrxتقريبا
وكمان اتشرحلنا قوانيين المستخدمة فى التوتال
سواء
MLM
REM
وغيره
بغض النظر ان الكلية طبعا
تعريفات وبدائات للجهاز وقياسات واعمال بسيطة
الا اننا استفدنا منها
اما عن الكنتورية فأعقتد انها اساس السيرفر
واعتقداننا نركز ع السيرفر كبرنامج افضل من المادة كمقرر
الجيولوجية زى ما احنا عملنا خرائط
وتلوين وغيره
(طلبة هندسة تعيدين) بيعملو خرائط ايضا
(اعتقد انها غير مجدية )
والله اعلم
لكن فى قوانين واجهزة
اعتقد قد عفى عليها الزمن
مثل انفار بار
ممكن تقولنا انتو كنتو بتدرسو ايه

انا جغرافى قبل ان اكون مساح

momo_lovely599
09-01-2010, 12:27 AM
والله يا بشمهندس محمد انا رايح رابعه دلوقتى اما عن اللى درسته فى تالته فكانت ماده مساحه كنتوريه واللى مقدرتش استفيد اوى من محاضراتها لان دكتور الماده من كليه هندسه وكان بيشرح لنا بطريقه غريبه وسريعه اوى واللى مكنش بيفهم كان بيطنشه علشان كده لجات للكورسات يعنى معيد كليه اداب زينا فاهمنا وفاهمينه والحمد لله قدرت الم الماده كلها وزى ما انت قلت برده ماده كنتوريه كانت كلها فى السيرفر بس اللى كان نفسى اقوله لدكتور الماده دى مع احترامى نفسنا ننزل ونطبق اللى احنا بنشرحه نظرى عن الميزانيه الشبكيه وعمل خريطه كنتوريه ، بالنسبه برده للى بيقولك ان طنطا فيها احسن اجهزة صدقنى بيضحك عليك هو جهازين تلاته تيوديوليت اللى فبه بقى مسمار بايظ زى ما انت فاهم وطبعا مكنوش بينزلوا وكمان ميزان
واكتر حاجه كانت بتغيظنى ان ادرس ماده ملهاش اى علاقه بالتخصص زى ماده اوربا اللى مقدرتش اجيب فيها درجه كويسه واللى يوم امتحانها صدقنى كنت بذاكر ماده تانيه من ترم فات وهى التاكيومتريه وبرده الجغرافيا الاقتصاديه وكتير

MUHAMED SAMY
09-01-2010, 05:37 AM
فعلا فى مواد بعيدة عن التخصص
بس لما كنت بسأل؟
كان بيجاوبو انتو جغرافيين
قبل ماتكونو مساحين
نتمنى مشاركتك معانا فى منتداك
mesa7a.com