المساعد الشخصي الرقمي

مشاهدة النسخة كاملة : يوميات شباب خربان



smart girl
08-25-2010, 01:22 PM
القصة عبارة عن خمسة اصحاب مع بعض من ابتدائى وبالرغم من اختلاف شخصياتهم بس عمرهم مسابوا بعض حياتهم مليانة بالاحداث المثيرة ...تعالوا نتعرف على ابطال القصة :





البرنس


http://www.love-m.com/up//uploads/images/lovem-f5977e33ea.jpg



اسمة الحقيقى: احمد زيدان



المؤهل : 3 كلية الهندسة قسم كهرباء



الشخصية : متأنتك اوى فنفسة اهم حاجة عندة لبسة ومنظرة وشعرة مجلجل وبيموت



فالتنفيض للبنات عشان كدة صحابة اطلقوا علية البرنس







حبوب




http://a1a2a3a4a5.jeeran.com/%D8%B1%D9%88%D9%85%D8%A7%D9%86%D8%B3%D9%8A.jpg




اسمة الحقيقى : محمد اسماعيل



المؤهل : 3 تجارة – محاسبة



الشخصية :رومانسى وطول الوقت هيمان صحابة طلعوا علية حبوب مش عشان هو محبوب من الناس عشان هو بيحب على روحة وبيتعلق بأى جزمة حريمى وكأنها حبة الاول والاخير



جعيدى



http://img222.imageshack.us/img222/150/untitled00020001kx6.jpg



اسمة الحقيقى : محمد الدسوقى



المؤهل : مع حبوب 3 تجارة



الشخصية : من اصول صعيدية( اسيوط ) هربوا على اسكندرية وجعيدى صغير عشان كان عليهم تار و معندهمش غير ولد واحد وهو جعيدى وبالرغم انة متربى فاسكندرية الا انة لغتة صعيدى صرف والحروف كلها عندة مش مطابقة للمواصفات






شيخ


http://www.al-akhbar.com/files/images/p14_20091210_pic1.full.jpg




اسمة الحقيقى : ابرهيم السيد



المؤهل : 3 اداب – لغة عربية



الشخصية : متدين جدا وملتزم.. باباة مؤذن الجامع الى جنب بيتهم بيحب صحابة اوى بالرغم انة عارف انهم فاسدين الا ان نفسة ان ربنا يهديهم وطول الوقت بيحاول معاهم





عبقرينو



http://extend.schoolwires.com/clipartgallery/images/32937099.gif









اسمة الحقيقى : على ممدوح



المؤهل : 3 كلية هندسة مع البرنس



الشخصية : ذكى جدا ومثقف وبيحب العلم بشتى وسائلة كمبيوتر – كتب – ندوات – اجتماعات - عامل زى



المخترع الصغير عشان كدة اطلق علية عبقرينو





(دول كانوا ابطال القصة )



الحلقة الاولى



(حبوب يتصل بالبرنس )



حبوب : الو ... برنس البرانس



برنس : حبوب ازيك يامان واحشنى ياحبيب البى



حبوب: وانت كمان والله اية اخبار العيشة معاك



برنس : بيس ياريس عايشين



حبوب :طب اية الكلام .. انا قولت اكلمك واكلم العيال ... بكرة الخميس هنعمل اية ؟؟



برنس : هنعمل اية يعنى ياحبوب هنعقد على قهوتنا المعتادة



حبوب : بقولك اية يامعلم ماتيجى نغير ونروح كافية دى لايت



برنس : اشمعنا يعنى اةةةةةةةةةة ياخبيث ياتيييييت عايز تروح الكافتريا دى عشان البت غادة بتعقد فيها هي وصحابها يوم الخميس



حبوب : غادة ... غادة دى قمر حياتى وعمرى كلة الى معشتوش ونور عنيا وو



برنس : خلاص ياعم الحونين ..يلا مش هكسفك انا تمام.. معاك



حبوب : طيب كلم انت بقة جعيدى وانا هكلم شيخ وعبقرينو



برنس: ادة ياعم انت حطيت جعيدى من نصيبى لية كدة



حبوب : مالة جعيدى انتوا ضاربين خناقة



برنس : لا ياسيدى بس مابيكولش معايا بصراحة بيخنقنى



حبوب : انجز بقة يا برنس وكلموة.. صاحبنا هنرمى فالشارع مسلا ؟؟



برنس : طيب امرى لله انا هقولة الكلمتين واقفل فوشة



حبوب :ماشى يلا سلااام



برنس : سلام ياريس



(البرنس بيتصل بجعيدى ... جعيدى حاطتت كول تون "ويابت جمالك هبشنى " للريس متقال )



جعيدى : ساموا عليكوا



برنس : عليكم السلام ايوة ياجعيدى



جعيدى : مين برنس الليالى فينك يا رادال



برنس : مع الردالة ياجعيدى ههههه اخبارك اية واخبار الزلوط اللى بتاكلة ؟؟



جعيدى : انى الحمدلله ادليت من البلد عشية ديت فالجطر ودولت مية المية العيال ولاد الرفادى حايدوا يأخدونى فالمحطة محدش دة



برنس : ادة اية اية ياجعيدى اللى انت بتقولة دة انا مش فاهم حاجة الله يحرئك يابنى انت عايز مترجم على نفس الشريط



جعيدى : دانى حتى دبتلكوا معاي بطاااو وحمام



برنس : اللى انا فهمتة انت كنت مسافر يعنى وكنت عايزنا نجى نأخدك وعموما بالغوتك دى فربنا موجود يريحنا منك انت الجيم عندك دال يا اض ؟؟



جعيدى : اكدية ماشى يابرنس



برنس : المهم يا جعيدى بكرة تقابلنا الساعة 8



جعيدى : ماشيى ايوة انى عايز أتشهيص



برنس : تتشهيص مانت بتعرف فالغتنا اهوة بتئرفنا لية ياجعيدى ماعلينا عارف لو اتخرت هرميك فالترعة بتاعت بلادكوا يلا سلااام



جعيدى : ماشييى يابرنس الليالى ساموا عليكوا



(هستنى ارائكوا فانى اكمل باقى الحلقات و تعرفوا اية اللى حيصل ولا لاء )

MUHAMED SAMY
08-26-2010, 05:18 AM
3 هندسة
3تجارة
3اداب

صحابى صحابى
عجبتنى
كملى
:a15:

سهيله
08-26-2010, 08:02 AM
كملي انا عايز اعرف هيعملو ايه بالكافيه؟
بليييييييييييييييييز كملي

Abdo Samy
08-26-2010, 02:53 PM
عجبتنى كملى
كملى

KAREEM
08-26-2010, 05:25 PM
جاااااااااامدة جدا وجامعة بين
5 اصناف لاميين جميع اصناف الشباب الجامعى
تقرييييبا يعنى بس باين عليها يوميات تحفة
كملى كملى يا سمارت منتظرييييين الحلقة الجديدة
عشان نعرف حيعلمو ايه فى الكافييييية دا ؟

smart girl
08-26-2010, 11:58 PM
بناء على طلب الجماهير اقصدى الاعضاء هتنزل
(الحلقة الثانية)

( حبوب يتصل بشيخ ..جرس ومحدش بيرد .. شيخ حاطتت كول تون دعاء للشيخ العفاسى )
شيخ : السلام عليكم ورحمة الله وبركاتة
حبوب : وعليكم السلام ياشيخ اية يابنى انت كنت نايم ولا اية بتصل من الصبح مابترديش لية ؟؟
شيخ : حبوب بعتذر سامحنى كنت بصلى عامل اية ياحبوب
حبوب : بتصلى ؟؟ احنا الساعة 6 صلاة اية دى التراويح هههههه
شيخ : يا اخى بطل تريقة كانوا ركعتين لله
حبوب : اةة ياحبيبى ربنا يقوى ايمانك.. المهم دلوقتى ياعم الحج انت
شيخ : نعم.. اتفضل ياحبوب
حبوب : بكرة تقابلنا الساعة 8
شيخ : لا حول ولا قوة الا بالله ..القهوة بردة ؟
حبوب : لاااا ماحنا اقولنا نغير
شيخ : بجد طب ربنا يكرمكوا يارب يلا بينا بقة نروح نحضر الحلقة اللى فجامع القائد ابرهيم وبعدين ممكن نجى عندى عالبيت نتفرج على حلقة الداعية عمرو خالد وبعدين ننزل نصلى العشا وبعدين..
حبوب : ايييييييية ياشيخ خريطة العلم والايمان اللى رسمتهالى فجأة دى بص بص احنا عندنا خريطة احلى اقابلنا انت بس وملكش دعوة
شيخ : لا الة الا الله هتودونى فين؟؟؟... مانا عارفكوا ؟؟؟
حبوب: لااااااا لالالا احنا وش ذلك ... يلا هنستناك سلام بقة عشان لسة هكلم عبقرينو
سيخ : فى رعاية الله اشوفك على خير السلام عليكم ورحمة الله وبركاتة

(حبوب يتصل بعبقرينو )
حبوب : عباقيرو حبيبى
عبقرينو : حبوب ازيك يابنى فينك
حبوب : تحت النظر انت اللى قليل الاصل و مش معبرنا ياعم ومستخبى ورا نضرتك دى
عبقرينو : انا هههههه لا والله بس كنت مشغول شوية
حبوب : اية خير
عبقرينو : بخلص كتاب د احمد زويل
حبوب : يادى النيلة يااخى ارحم ..عينك هتروح من كتر الثقافة
عبقرينو :دى احلى حاجة فالدنيا سدئنى
حبوب : المهم انا حانجز عشان خلصتولى رصيدى.. ربنا ينتقم منكوا
عبقرينو: اية فى اية
حبوب : تقابلنا بكرة الساعة 8 تمااااام يلا سلام
عبقرينو :انت يابنى استنى انا مش هينفع اجى انا عندى ندوة مهمة
حبوب : تسدء حسبى الله ونعم الوكيل فيك حتيجى ...غصب عنك هتيجى .. سامع ؟؟ الساعة 8 تستنانا مش هسمع كلام منك تانى لو مجتش هجيب العيال ونفضحك فنص الندوة ونشدك من هدومك
عبقرينو : خلاص خلاص دانتوا مصايب
حبوب : ايوة كدة ناس مابتجيش غير بالعين الحمرا يلا سلام
عبقرينو : سلام ياشجيع السيما

الخمسة اتقابلوا كلهم وطبعا لما شيخ عرف انهما رايحين الكافية دة اتخانق معاهم فالشارع وكانت حتحصل مشكلة .... بس شيخ عارف ان صحابة بيعتبروة المراقب بتاعهم لان طول ما شيخ موجود مابيعملوش حاجة غلط فاعشان هو خايف عليهم قال : امرى الى الله توكلت على الحى الذى لا يموت ربنا يهديكوا ويرشدكوا الى الصواب يلا اتفضلوا جى معاكوا
دخلوا الكافية .... حبوب بيدور على غادة صاحبتة ( لسة ماجتش )
شيخ ماسك سبحة وبيستغفر
عبقرينو حاطتت السماعات فاودانة بيسمع محاضرة عن كيف يتم تشريح الضفدعة
البرنس ضارب النضارة والانتكة
جعيدى بيقول (للمتر ) : انت يافندى شوفلنا مكان نجعد فية ولا اجولك معندكوش اعدة عربى اهنية ؟؟؟
برنس : انت ممكن تسكت ياجعيدى اية اللى انت بتقولة دة عربى اية وحساب
برنس :وانت يا حبوب اللى انت ماسكوة فايدك دة ؟؟
حبوب : اية يابرنس.. اةة..دى ؟؟ ... وردة عشان لما اشوف غادة ادهلها
البرنس : وردة ؟؟ وجى على نفسك لية كدة ماكنت تجيب فرع اخضر ..احسن
حبوب : انت بتئلس عليا هى الوردة وحشة :a46:؟؟ طب اعمل اية دلوقتى ... ارميها ؟؟ ولا اعمل اية .. اعمل اية
جعيدى : شوف ياحبوب يابن عمى احنا حدانا فالبلد لو ياعنييى فى رادال مستحليى بت اكدة وشايفها لونة يجبلها دلبية اكدية احمر فاخضر فاصفر او منكن جزازة ريحة خمس خمسات وتبجى اية ياحبوب طايرة من الفرحة بالحدات ديى
حبوب : ( لونة )يا الفاظك يااخى والله يا جعيدى احنا من غيرك مش عارفين كنا عملنا اية بصراحة لاء افدتنى فعلا
ماتساعدينى ياعبقرينو وسيب الى بتسمعوا دة
عبقرينو : بص ياحبوب نظريا ان س * ص = س ص ولو ع تربيع تحت الجذر ..( ماسك الة حاسبة وحيبدأ يحسب)
حبوب : اية ياعبقرينو هو انا هشترى ياميش رمضان ارحمونى ربنا يخدكوا انتو بتعملوا معايا كدة لية ..
عبقرينو : ياسيدى انا اقصدى ان البنت الذكية اكتر حاجة ممكن تعجبها فالشاب هو تفكيروة دة لو كانت ذكية اما اذا كانت غبية ..
حبوب : لا مسمحلكش غادة فيها كل الصفات الحلوة
شيخ : اهدى بس ياحبوب انت استعين بالله اولا وبعدين انت لازم تعرفها كويس يعنى هل عندها استعداد تتنقب مسلا ... بتصلى ...بتشاهد حلقات دينية بتحفظ قرءان .. كدة ياحبوب
جعيدى :ألا صحيح يا اض يا حبوب هى البت دى شكلها اية
حبوب : مش عارف
برنس : نننننننننننننننننننننننننننننننننننننننننننننننعم ياخويا مش عارف يعنى ائرفنى من اول الاسبوع غادة غادة وغادة دى حب حياتى غادة الحاضر والماضى والمستقبل غادة بتروح الكافية يوم الخميس غادة مش عارف اية و مرمطنا معاك عشان واحدة انت مش عارف شكلها اصلا ...يلا عيال قوموا دة عيل سيس اساسا واحنا كلاب اننا سمعنا كلامة
حبوب : استنى بس يابرنس انا شوفت غادة فالكلية كنت اقاعد وراها فالمدرج وسمعتها وهى بتتفق مع صحابها وصوتها كان حلو اوى والله يابرنس حاولت اشوفها اول ماالمحاضرة خلصت العيال ولاد الذين زحموا المدرج عشان يطلعوا وعقبال ماجيت اطلع كانت اختفت ...بس انا احساسى بيقولى لا دانا متاكد انها عسولة ..المهم دلوقتى اجبلها اية
برنس : مش لما تعرف شكلها اصلا اعد على جنب بقة
وفجأة

( انتظروا الحلقة القادمة )

Abdo Samy
08-27-2010, 03:04 PM
يلا كملى حطى حلقة يوميا

smart girl
08-28-2010, 12:43 PM
(الحلقة الثالثة )

وفجأء

دخلت بنت الكافية و شيلة بيبى على ايديها وفضلت تبص يمين وشمال ومشيت فى اتجاة التربيزة اللى اقاعد اصحابنا الخمسة



عبقرينو : ادة ياشباب البنت دى جية علينا ولا اية ..حد يعرفها ؟؟؟

حبوب : ادة ممكن تكون دى غادة لاء لاء بس غادة مش مجوزة

برنس : هههههههه وانت عارف منين يا فقيق اكيد هى دى ههههههه ...وبعدين ياااا راجل تجيب حلموس الصغير
ومتعزمناش على سبوع ينفع كدة ؟؟؟

حبوب : برنس.. انا مش مستحمل اى هزار من فضلك وبعدين ..( حبوب سكت لان البنت جت ووافقت عند تربيزتهم )



البنت : ازيك يابرنس

برنس : (بيبص يمين وشمال ) نعم ...حضرتك بتكلمينى ؟؟

البنت : ايوة بكلمك انت

برنس : حضرتك تعرفينى ؟؟؟

البنت : طبعا اعرفك

برنس : منين حضرتك ؟؟

البنت : فى حد ميعرفش جوزة

برنس : افندم ... جوزة ..جوز مين.. لا لا انتى غلطانة

البنت : كدة يا برنس سايب مراتك وابنك ... دة كل شوية يعيط ويقولى بابى بابى خد شيل ابنك يابرنس

برنس : ابن مين يامدام

البنت : كمان يعنى سايبنا وبتتنكر لمراتك ياااااااة مكنش العشم ابدا

برنس : ركزى بس انتى اكيد عندك مشكلة فى زهايمر مسلا ولا حاجة

البنت : ايوة فعلا انا عندى مشكلة انك سايبنى انا وابنك ...دانا حتى استلفت فلوس مصاريف الحضانة من

الجيران عشان انت مسبتلناش فلوس لما مشيت

( البرنس بدأ يتعصب )

برنس : ابن مين يا ست انتى مجنونة انتى ولا اية ؟؟

حبوب : اهدى بس يابرنس

عبقرينو : اللللللة ادة الموضوع كبر ولا اية استنى يا بروس

شيخ : اية اللى انتوا فى دة عيب اوى كدة لا حول ولا قوة الا بالله اتفضلى حضرتك استريحى احنا اسفين اكيد فى

سوء تفاهم حصل .

برنس : انت حتقولها اعدى ...

البنت : يرضيك ؟؟ يرضيك يا شيخ يسبنى انا وابنة الفترة دى كلها

برنس : بص بردة هتقولى ابنة يا ستى انا معرفكيش

جعيدى : ماهو جلك مايعرفكيش يا ست الحدة يبجة هيجوزك ازاى وراء الكواليس مسلاة

عبقرينو : استنى يابوب بس ... هو اية الحكاية بالظبط يا مدام

حبوب : ايوة احنا عايزين نفهم اية الموضوع

برنس : انتوا هتعوموا على عومها انتوا كمان

البنت : اطلبلنا يابرنس حاجة انا وابنك نشربها هتلوا عصير... انت عارف انة بيحب العصير

برنس : ( قام واقف و صوتة بدأ يعلاة والناس اللى فالكافية بدأت تبص) انا محترمك لاخر لحظة ماتسفزينش اكتر
من كدة ياست انتى

شيخ : لا اله الا الله اقعد يا احمد استنى بس لما نشوف الموضوع اية

برنس ( لحبوب ) : عجبك ياسى زفت شايف افكارك جبتنا الكافتريا المنيلة دى

حبوب : انا اية علاقتى بس يابرنس :a46:

البنت : انا حقولكوا على الحقيقة كلها بس هاتلى عصير لابنك الاول

برنس ( لعبقرينو ) : هتغابى عليها والله

البنت : ربنا يسامحك القصة بدات ......


( تفتكروا اية قصت البنت دى ...انتظروا الحلقة القادمة )

KAREEM
08-28-2010, 12:56 PM
اوباااااااااااا
انا مكنتش اعرف انك نزلتى الحلقة التانيتة
عموما انا شوفت الحلقتين
والشغل اللى بجد بدأ من الحلقة التالتة
والبت دى اكييييييد اكييييييد بتتبلى عليهم
او بتحاول تطلع بسبووووبة منهم
والله اعلم

منتظريييييين بفارغ الصبر :a12:

حنين الحياة
08-28-2010, 02:27 PM
كملي يا سمارت متابعين معاكي:a12:

smart girl
08-28-2010, 03:19 PM
كريم وحنين منورين الموضوع والله :a15:

الورده البيضاء
08-28-2010, 03:23 PM
ههههههههههههههههههههههههه
الحلقات جميلة جداااااا
واحلى مافى الموضوع
انها تحسها مواقف حقيقية بتحصل معانا
والحوار بين الصحاب اللذيذ
واحلى حاجة بقى ان انا وصحابى بنتجمع كل يوم خميس
هههههههههههههههههههههه
بس اكيد مش هتطلعلنا واحدة زى اللى طلعت لبرنس دى
كملى ياسمارت
متابعين معاكى
القصة تحفة

الورده البيضاء
08-28-2010, 03:24 PM
هى ممكن البنت دى تكون الكاميرا الخفية

smart girl
08-28-2010, 03:40 PM
انا مش اقدرة اوصفلكوا مدى فرحتى وانتوا كلكوا بتتوقعوا كدة الاحداث منورانى ياوردة :a15:... وانا بفكر والله اعمل جايزة للتوقع وتكون عبارة عن العضو اللى يتوقع الاحداث صح يشارك بحلقة ويكون نهايتها توقع بردة وتستمر الحلقات والى اخروة بس اللى بفكر بقة فى ان لازم الاجابة تتقال لعضو امين :a4: دى صفة مش اسم على فكرة (يعنى ميسربش الاجابة ذى الامتحانات مسلا هههههه ) عشان محدش ينحاز لعضو
ابقوا قولولى رائيكوا نلغى الفكرة واكمل ولا نعمل الموضوع دة

smart girl
08-28-2010, 03:48 PM
انا لازم اسمى نفسى فوكيرة عشان هارية نفسى افكار هههههههههههههههههههههههههههههه:a36:

Abdo Samy
08-28-2010, 08:04 PM
اكيد بتتبلى:a28:

smart girl
08-29-2010, 02:00 PM
الحلقة الرابعة







البنت : انا حقولكوا القصة من اولها انا اتعرفت على البرنس من سنتين وكان ...( قبل ماتكمل كلامها دخل ظابط

ومعاة ناس كتير وجيريوا على تربيزة اصحابنا.. البنت لسة هتحاول تجرى... )


الظابط ( للبنت ) : انتى فكرة مش هنعرف نجيبك هاتوها


البنت : معملتش حاجة ياباشا بريئة ...


الظابط : اخرسى خالص مسمعش صوتك وهاتو حبايبى الحلوين دول كمان ( لصحابنا الخمسة )


حبوب : يانهار اسود حضرتك احنا منعرفهاش والله


عبقرينو : حضرتك ماينفعش تخدنا احنا معملناش اى حاجة



الظابط ( للصول ): خدهم يابنى على البوكس هنبقة نعرف قصتهم اية دول كمان فالقسم


( اصحابنا ركبوا كلهم ومحدش فيهم بينطق ..كلهم مذهولين اية اللى بيحصل فيهم دة وازاى كدة... فجأة يتشدوا


على القسم ؟؟ ولو اهلهم عرفوا ممكن ميسدئهمش انهما مالهموش دعوة بأى حاجة ؟؟ والموقف دة هيخرجوا


اساسا منة ازاى؟؟ كلهم ساكتين ومش عارفين يعملوا اية ؟؟؟)


بعد عناء استمر حوالى 6 ساعات وهما عمالين بيحاولوا يبرءوا نفسهم لحد ما ربنا استجاب دعواتهم والظابط


استدعى الجرسون فالكافتيريا وكام زبون كان الجرسون يعرفهم وفنفس الوقت كانوا موجودين فالكافتيريا لما


البنت دى جت عليهم


وقالوا انهما سمعوا فعلا الشباب وهما بيقولوا للبنت دى احنا منعرفكيش وانها كانت بتتبلى عليهم


الظابط أفرج عنهم ببطاقتهم ومحل الاقامة و خرجوا من القسم وكل واحد مابيكلمش التانى كل واحد روح على بيتة


ومحاكاش اى حاجة لاهلة


وفضلوا اسبوع كامل مابيكلموش بعض لحد ما عبقرينو اتصل بالبرنس


عبقرينو : الو ... برنس


برنس : الو ايوة ياعبقرينو


عبقرينو : اية يا بوب هتفضل مخاصمنا كدة ولا اية


برنس : انا مخاصمكوا لا والله ابدا


عبقرينو : امال اية مابتكلمش حد دة حبوب كان ...


برنس : انا مش عايز اسمع اسم الزفت دة خاااااااااااااالص


عبقرينو : خلاص بقة يابرنس علقة تفوت ولا حد يموت وبعدين نظريا ان الحياة مليانة بالمشاكل والصدمات يعنى


لو حسبناها ان 4 ل + ..


برنس : بس ياعبقرينو مش ناقصة معدلاتاك ونبى


عبقرينو : ههههه خلاص بلاش ...ها هتقبلنا على القهوة انهردة ...؟؟؟


برنس : البية جاي عشان لو جى انا مش هاجى


عبقرينو : مين .. ؟؟ ..حبوب خلاص بقة يابرنس قلبك ابيض ماكلنا تمرمطنا والحمدلله وهو قال انا عندى


استعداد اعمل اى حاجة عشان تسامحونى فأحنا ممكن نعمل فى مقلب كدة اية تمام هبقة اقولك علية لما تيجى


برنس : طيب هشوف امورى وابقة اجالكوا


عبقرينو : لا ماتهزرش تعالى بجد هنستناك


برنس : خلاص جى يلا سلام ياعبقرينو


عبقرينو : سلام ياحبيبى


بعدها بساعتين عبقرينو اتصل بالبرنس تانى : الو .. برنس


برنس : ايوة ياعبقرينو خلاص ماتخنقنيش بقة انا حاجى ياعم


عبقرينو : لا يابرنس انا مش بكلمك عشان كدة (عبقرينو كأنوا بينهج )


برنس : فى اية


عبقرينو :.. شيخ ... شيخ يا برنس


برنس : ماااالة


(... انتظروا ا الحلقة القادمة )

Abdo Samy
08-29-2010, 02:34 PM
كملى كملى يلا

سهيله
08-29-2010, 10:46 PM
قصه تحفه بجد كملي كملي
بلييييييييييييييز كمليييييييييهاااااااااااااا

smart girl
08-30-2010, 03:49 PM
الحلقة الخامسة



عبقرينو : بتصل بي عشان ااقولة يقابلنا على القهوة لقت موبيلة مقفول كلمتة على البيت لاقت ماماتة بتقولى انة فالمستشفى انا نازل دلوقتى وجعيدى وحبوب هيقابلونى
برنس : اقفل اقفل حالا هكون قدامكوا
اتقابلوا كلهم وهما راكبين المواصلات فى طريقهم للمستشفى
حبوب : يعنى انت معرفتش اية اللى حصلوة ياعبقرينو
عبقرينو : ملحقتش ...عرفت من ماماتة اسم المستشفى وموبايلى فصل بعد كدة جيت اكلمها تانى لاقت تليفونهم مشغول
جعيدى : يادى الهباب والطين اللى حل علينا اية اللى بيحصلنا دية
حبوب : برنس سامحنى على اللى حصل
برنس : مش وقتة يا حبوب
دخلوا المستشفى وراحوا لرسبشن وبيسألوا شيخ فأودة كام
برنس : لو سمحتى فى واحد نازل عندكوا اسمة محمد اسماعيل عايزين نعرف نازل فاودة كام
جعيدى : استانوا يا ولاد مش دية شيخ اللى طالع فالاجاسانسير
البنت اللى عرسابشن : لا حضرتك محدش نازل عندنة اسمة كدة
حبوب : ايوة ايوة دة شيخ ... يا ااا شيخ
(شيخ كان بيركب الاسانسير )
برنس : تعالوا نشوف هيطلع الدور الكام
جريوا كلهم على الاسانسير ... شيخ طلع الدور التالت وكلهم طلعوة وراها
حبوب : ياا شيخ ..
شيخ : حبوب السلام عليكم ورحمة الله وبركاتة اية اخوانى
برنس: اخوانك اية بس ؟؟ انت كويس
شيخ : الحمد لله والشكر لله
جعيدى : خرعتنا عليك يا رادال
عبقرينو : امال انت بتعمل اية هنا ؟؟
شيخ : كنت بازور اخ لى
برنس : ادة ياشيخ انت تعرف حد غيرنا
شيخ : دة اخونا يصلى معانا فالجامع ولكن
جعيدى : واية اللى دارالة ؟
شيخ : اطلق علية نار
برنس : يا نهار اسود ... من مين
شيخ : مش هو دة المهم
حبوب : امال اية المهم
شيخ : استودعكم الله
برنس : مش فاهم يعنى
شيخ : انا هقوم بعملية غدا فى سبيل الله ولا اعلم اذا كنت سا أراكم مرة اخرى ام لا
جعيدى : انت تعبان ياابن عمى ولا ايية هتعمل عملية اللواز
شيخ : لاء
عبقرينو : شيخ اوعى يكون اللى فبالى انت بقيت من ال ......


(انتظرو الحلقة القادمة)

Abdo Samy
08-30-2010, 04:15 PM
كملى بسرعة:a17:

KAREEM
08-30-2010, 05:30 PM
حتوشحنى موضايعكو اوى
وخصوصا القصة دى كان نفسى اكملها
باذن الله اما ارجع ابقى اكملها

استمرى يا سمارت
الله ينووور عليكى

الورده البيضاء
08-30-2010, 10:12 PM
كملى ياجمييييل
احنا متابعين معاااااااكى

smart girl
09-01-2010, 12:12 PM
شكرا يا جماعة على كل اللى بيتابعوا الحلقات عبدة سامى وكريم و وردة وسهيلة :a15: ويلا نزل الحلقة الخامسة

الورده البيضاء
09-01-2010, 12:48 PM
فين الحلقة ياسمارت

smart girl
09-01-2010, 01:16 PM
الحلقة الخامسة



برنس : قصدك اية يا عبقرينو


برنس : انا مش فاهم حاجة .. عملية اية يا شيخ


شيخ : تعالوا يا اخوانى انا هحقولكوا بأذن الله


حبوب : تعالوا عندى مفيش حد فالبيت كلهم سافروا


عبقرينو : يلاة يلاة نروح انا عايز اتأكد انا فهمت صح ولا لاء يارب اكون فهمت غلط


راحوا كلهم على بيت حبوب


برنس : ممكن بقة يا حج انت .. تنجز و تكلم


شيخ : انا كنت اصلى العشاء فى الجامع ووالدى كان مريض فاعتذر عن قول الاذان لمدة اسبوع ... بعد الصلاة جلست فالجامع

اسبح الله ثم جاء احد الشباب وقال لى :


الشاب : السلام عليك يا اخى


شيخ : وعليكم السلام ورحمة الله وبركاتة


الشاب : ماشاء الله (تعرفهم سيماههم على وجوههم )


شيخ : ربنا يبارك فيك انت اول مرة تصلى معانا صح ؟


الشاب : نعم انا احب ان ادخل جميع مساجد الله لا التزم بجامع واحد


شيخ : ماشاء الله ولا حول ولا قوة الا بالله


شيخ : اسمك اية ؟


الشاب : معاذ الدين


شيخ : وانا شيخ نادينى بالاسم دة


الشاب : سعدت بمعرفتك يا شيخ .


شيخ : واستمر لقائنا لمدة 4 ايام نتناول فيهم كل اخلاقيات الدين حتى نورنى الله وارشدنى الى الطريق المستقيم


برنس : اللى هوة ازاى بقة ان شاء الله ياخويا


حبوب : لما انت نورك الله يعنى كنت فى ضلمة امال احنا فى اية بقة جهنم


جعيدى : ماتخرس يااض انت وهو كمل يا شيخ دى عيال دزمة


شيخ : بس و ذكر لى مدى الفسق الذى يحدث فى مجتماعنا ومنافاتة للدين الاسلامى وقررت ان اشترك معهم


عبقرينو : ايوااااا هو دة اللى عايز افهمة تشترك فى اية؟؟؟ ومين معاهم ؟؟


شيخ : جماعة اسلامية ارشدها الله الى الطريق الصحيح


عبقرينو : هو دة اللى كنت خايف منة ....


جعيدى : يا نهاراك يا شيخ اية اللى بتجولة دية اية اللى درالك


حبوب : ياااااا حلااااوة يعنى انت بقيت ارهابى والحمد لله


شيخ : لا تقل ذلك عمر الدين الاسلامى ماكان ارهاب


برنس : استنى يا حبوب ... وعملية اية بقى دى يا شيخ


شيخ : سوف نقوم بتفجير الجامعة ... الم ترى ما يحدث بها من لبس البنات الخليع والغراميات


برنس : هههههههههه اينعم انا حلم حياتى انى امتحن واولع فى الكنترول بعد كدة عشان ينجحونى بس بالنسبة للبس البنات دة


فى مصلحتنا بتشوف بث مباشر من الواقع


عبقرينو : انت بتهزر يا برنس ... ياشيخ ... يا شيخ انت حصل فدماغاك حاجة جامعة اية اللى عايزين تفجروها


حبوب : انت اتهبلت فدماغاك يابنى بقى احنا اللى بنقول عليك اكتر واحد عاقل وفاهم دينك صح تعمل كدة


جعيدى : وبعدين يا رادال دى دار علم فى حد يعلم كدة فدار علم والدامعة دى هى اللى بتعلمنا وتفاهمنا وو


برنس : وتأكلنا وتشربنا ... اية اللى بتقولة دة يا جعيدى


عبقرينو : لا يا برنس جعيدى بيكلم صح الجامعة دى هى اللى بتبنى شخصيتك وبتخليك انسان مسئول وبثقفك بكل حاجة حوليك


واوعى تنكر يا شيخ انك اتعلمت فالجامعة واستفد منها فى حد ممكن يكون ناكر للجميل ويمشى ورا شوية عيال ايمانهم ضعيف


كل هدفهم تدمير اى حاجة مفيدة فالبلد


حبوب : دخلتنا فالسياسة يا شيخ ربنا يسامحك ... ااعقل كدة يا شيخ وربنا يهديك


برنس: انت اتحسدت يابنى والله


جعيدى : ءيييوة اعجل يا بن عمى وربنا يهديك


شيخ : ( قام واقف ) وقالهم لن يستطيع احد ان يرجعنى عن قرارى حتى لو كنتوا صحاب عمرى


شيخ خد بعضة وسابهم ومشى


برنس : هنعمل اية فالورطة المنيلة دى ... احنا هنسيبوة


حبوب : سبوة دلوقتى احنا مهما قولنالة مش هيقتنع واضح ان العيال دى ضخت سمها فودانة كويس


جعيدى : طب هنيعميل اييي .. اجالكوا احنا نقتلة او نحطلة ممنوعات فنسجنة


برنس : اخرس يا جعيدى بأفكارك المهببة دى ... احنا لازم ننمنعة بس المشكلة دلوقتى ان احنا مش عارفين هيعملوا الموضوع


دة امتى ؟؟


عبقرينو : انا عندى فوكيرة اييييية بيس


حبوب : اية هية ؟؟

( انتظروا الحلقة القادمة ...)

Abdo Samy
09-01-2010, 03:12 PM
يلا كملى:a7:

الورده البيضاء
09-01-2010, 10:14 PM
ههههههههههههههههههههههههههههههههههههههههه
ياخبر ابيض
بجد كلهم شخصيات زى العسل
ودمهم شربات ياخواتى شربات
هههههههههههههههههههه
فى انتظار الحلقة السادسة ياسوسو

smart girl
09-06-2010, 10:04 AM
نظرا لتلك الايام المباركة ( العشر الاواخر ) اللهم اتقبل منا ...فتم قطع الارسال لفترة ولكننا عدنا بعد الفاصل مع الشباب الخربان ...فانتظروا الحلقة السادسة اليوم
ومرسي ياعبدة على متابعتك بس انت زعلان لية (يلا كملى :a7:) ؟؟؟؟ :a40: ....وردة دايما منورانى يا قمرا

Abdo Samy
09-06-2010, 01:25 PM
نظرا لتلك الايام المباركة ( العشر الاواخر ) اللهم اتقبل منا ...فتم قطع الارسال لفترة ولكننا عدنا بعد الفاصل مع الشباب الخربان ...فانتظروا الحلقة السادسة اليوم
ومرسي ياعبدة على متابعتك بس انت زعلان لية (يلا كملى :a7:) ؟؟؟؟




علشان من فترة منزلتيهاش:a10:

smart girl
09-07-2010, 11:47 AM
الحلقة السادسة






عبقرينو : بص يا معلم احنا عندنا نقطتين مهمين فالمعادلة




برنس : اةةة هندخل فالمعادلات بقة



عبقرينو : خلاص ياسيدى... احنا محتاجين دلوقتى اننا نعرف معاد الموضوع دة امتة ...دة اولا ....ونفركش الحكاية.... دة ثانيا



جعيدى : اذكى اخواتك ..انت اذكى اخوااااتك والله ...انا بجول اجدية... ماحنا عارفين ياسى عبقرينو انت ... احنا عايزين الحلول نيعمل ايييي...؟؟



عبقرينو : احنا نراقب شيخ .. نقسم نفسنا ونشوف هو بيروح فين وو....



برنس : طب افرض يا فالح ان احنا فضلنا نراقبة وجة هو فيوم وكان رايح يعمل العملية دى هنفركش الموضوع ازاى واحنا مش مستعدين...؟



عبقرينو : ماهو دة اللى لسة كنت هقولة انا عندى شوية اختراعات انا عمالهم... من ضمنهم جهاز تصنت بيتحط فالموبيل وصغير جداااا وشيخ عمرة ماهياخد بالة بى .. وبالطريقة دى نسمع كل الاتفاقات ونعرف المعاد بالظبط وتكون اتحلت المعادلة ييييييي ااقصد ...المشكلة



برنس : تسلم دماغك يا عبقرينو ... يعنى احنا دلوقتى نقسم نفسنا ...ناس تعقد تسمع المكالمات وناس تكون فالشارع على اساس ان اول مانسمع ان شيخ نازل.. اللى فالشارع يستعد على طول ويمشى وراة ...لاء تماااااام ..تمام اوى كدة



حبوب : بس مش كدة غلط ياجماعة ..يعنى اننا نتصنت على شيخ دة لو عرف هيزعل اوى



جعيدى : لا ياحبوب دية مش غلط عشان دية اخونا ووادب علينا اول مانشوفة فاجزمة نحلها



برنس : نشوفة فاجزمة ازى يعنى ياجعيدى ههههههه



عبقرينو : قصدة فازمة



جعيدى : طاب ايحنا هنبوظلة العمليية ازاى يابن عمى



برنس : محدش هنا ابن عمك وبعدين مش لما نعرف الاول المعاد وبعدين نفكر هنفركشاة ازاى



حبوب : طيب المهم هنحط الجهاز دة فتليفون شيخ ..؟



برنس : احنا نروحلة البيت انهردة ونقولة ان احنا جاين نعتذرلة وملكوش دعوة بالباقى



عبقرينو : صح يلا نروحلوة



حبوب : ربنا يستر



خدوا بعضهم وراحوا لشيخ



شيخ فتح الباب : اهلا اخوانى اتفضلوا



برنس : عامل اية ياشيخ ..كدة تعمل زى العيال الصغيرة وتتأمص وتمشى



حبوب : عيب عليك والله ..عموما احنا مش هنتكلم فى اى حاجة انت واحشنا وعايزين نعقد معاك



شيخ : انا مااتأمصت ولا حاجة الاختلاف فالرأى لايفسد للود قضية



جعيدى: جضية ايييية يا شيوخة ياحببنا



شيخ : شيوخة ... دى دلع ياجعيدى ..هههه.ماشى ياسيدى ربنا يكرمك



حبوب : خلاص مش زعلان مننا



شيخ : دة ربنا غفور رحيم ..مابالك انا العبد



برنس : طيب الحمدلله ...بقولك ياشيوخة على راى جعيدى ..هاتلى موبايلك كدة ..عايز احط بطاريتك فموبيلى اشوف هى المشكلة عندى

فالموبيل ولا البطارية



شيخ : طيب حاضر ..انتظرنى ..ثوانى



شيخ راح يجيب موبايلة



حبوب : يا جماعة انا قلقان ..



برنس : اخرس ياحبوب بقة



شيخ : اتفضل يابرنس



برنس : ربنا يكرمك يارب



جعيدى بيحاول يلهى شيخ



جعيدى : بقالك يا شيخ ماتيجى اخبطك واحد بلاى ستاشى



حبوب : ستاشن بقى ستاشى ياجعيدى ماعلينا ..تعالى تعالى ياشيخ يلا بينا



جعيدى وحبوب اخدوا شيخ ....حبوب وهو ماشى شاور لبرنس وعبقرينو انهم يخلصوا بسرعة



برنس : يلا عبقرينو انجز امسك الموبايل



عبقرينو بيحط الجهاز بتاعة فموبايل شيخ...



حبوب وجعيدى اتلهوا فاللعب بجد و شيخ سابهم و رجع تانى لبرنس وعبقرينو يقالهم يجوا يلعبوا معاهم



واول مادخل الاودة شافهم بيعملوا حاجة فموبايلة



شيخ : انتوا بتعملوا اية ؟؟





http://www12.0zz0.com/2010/09/07/09/772949919.gif (http://www12.0zz0.com/2010/09/07/09/772949919.gif)

Heba Bebo
09-14-2010, 12:01 AM
فين الحلقات يا سمارت

الله هو يعني اغيب عليكي يوم اجي الاقيكي مدخلتيش كده


انا منتظرة اهو:a13::a13::a13:

مشتاقه للجنه
09-14-2010, 12:05 AM
الله ينور يا سمارت انا متبعتش من الاول بس شفت كل الحلقات بجد تسلم ايدك مستنين الباقى يا قمر

smart girl
09-14-2010, 10:53 AM
عدنا وعودا احمد ومحمد ومصطفى وكل الاسماء ...بيبووو شرفتيى الموضوع ومشتاقة للجنة تسلميلى ياحبيبت قلبى وهتنزل الحلقة الجديدة انهردة بأذن الله

Abdo Samy
09-14-2010, 01:50 PM
يلا بسرررررررررررررررررررررعة:a10:

smart girl
09-14-2010, 03:09 PM
الحلقة السابعة





برنس (اتلجلج جدااا ) : ايةةةةةة هنعمل اية يا شيخ يعنى ولا حاجة ... خد موبايلك يامعلم



عبقرينو : اية انتوا سايبنا كدة انتوا كنتوا بتلعبوا ولا اية



شيخ : اةة تعالوا يلا العبوا معانا



برنس ضرب حبوب وجعيدى ضربة جامدة جددااا على ضهرهم خالهم يصرخوا كان سببها انهم اعدوا يلعبوا بجد وسابوا شيخ يدخل الاودة



جعيدى : اةةةةةةةةةةةةةةةةةةة... يادزمة يابرنس



حبوب : ايوووووووووووووووووة ... يابرنس الهزار الغتت بتاعك دة ... ادة شيخ .. انت كنت فين ؟؟



عبقرينو : كان بينادينا يافالح انت وهو



حبوب : يانهار اسود اااقصدى اة وعملتوا اية ييييي هتلعبوا معانا ولا اية ؟



برنس : لا مش هينفع يلا احنا لازم نمشى



شيخ : لا يااخوانى خليكوا معايا دا كلها ربع ساعة والعشاء تأذن ونروح كلنا نصلى



جعيدى : انا عايز اجعد شوية روحوا انتوا



حبوب (ماسك دراع جعيدى وبيرفعوة عشان يقوم ) : لا احنا هنمشى ياشيخ



برنس : ادعلنا معاك



عبقرينو : يلا سلاااام ياشيوخة



نزلوا الاربعة من عند شيخ



برنس : دانتوا عيال لا يعتمد عليها عيال سيس بجد



جعيدى : متجولكش عيال سيس



عبقرينو : لاء يقول ياجعيدى عشان احنا منبهين عليكوا تشغلوا شيخ عننا لا وكمان لسة كنت عايز تعقد



حبوب : خلاص ياعم انت وهو احنا غلطانين المهم اتميتوا المهمة بسلام



برنس: ايوة ... احنا عايزين نقعد بقة عشان نرتب هنعمل اية



عبقرينو : تعالوا نروح القهوة نخلى الولاة ميخا ( بيشتغل فالقهوة بيقدم الطلبات ) يعملنا قهوة مظبوط ونبدأ فالخطة



جعيدى : يلا بينا



راحوا القهوة



عبقرينو طلع من الشنطة الاوراق والاقلام



برنس : اية يابنى شنطة حمزة دى هههههه دانت تفتح مكتبة ادوات مدرسية



عبقرينو : بطل تريقة وخلينا نركز.. بصوا ياشباب احنا هنقسم نفسنا... اتنين يكونوا فالشارع واتنين يسمعوا المكالمات....



ودة مش هيكون ثابت يعنى بمعنى جعيدى وحبوب هيكونوا فالشارع مسنين شيخ ينزل ويراقبوة وانا وبرنس هنعقد نسمع المكالمات
بعدها بيومين العكس انا وبرنس فالشارع وجعيدى وحبوب بيسمعوا المكالمات ..والاتنين اللى هيكونوا مع بعض يرتبوا نظامهم

يعنى حد بليل والتانى بالنهار حد يصحى والتانى ينام وكدة هااا اية رائيكوا حد عندة اعتراض ؟؟



حبوب : انا موافق بيس يا ريس



جعيدى : معاك ياباشييية



برنس : دوس يامان



عبقرينو : تمام اوى كدة هنبدأ من انهردة انا وبرنس هنسمع المكالمات وانت ياجعيدى وحبوب هتكون عند بيت شيخ بس من بعيد

واهم حاجة ميحسش بوجودكوا



حبوب : لالالالالالا احنا نسمع المكالمات وانتوا عند بيت شيخ



برنس : لاااااا احنا هنهزر من اولها زى ماعبقرينو قال فالاول



جعيدى : وانا مش موافج



عبقرينو : خلاااااص احنا نعمل قرعة معاك شلن



برنس : خد يامان اهة



عبقرينو : تختار اية ياحبوب انت وجعيدى؟؟؟



حبوب : الملك....عبقرينو : ماشى واحنا هناخد الكتابة



برنس : واحنا مانختارش لية الملك



عبقرينو : خلاص يابرنس بقة



عبقرينو : لو احنا اللى كسبنا احنا اللى هنختار نسمع المكالمات او نكون عند بيت شيخ والعكس معاكوا فحالة انكوا تكسبوا



حبوب وجعيدى : موافقين



عملوا القرعة وبرنس وعبقرينو كسبوا



برنس : عيشوا ... الشارع للرجالة



حبوب : متألس اوى كدة ياخويا كلها يومين وهتكونوا مكانا



عبقرينو : يلا ماضيعوش وقت يلا يابرنس عشان نظبط نفسنا



برنس : سلام يارجالة هنتابعكوا بالتليفون



حبوب : ماشى هنكون معاكوا على التليفون



برنس وعبقرينو ظبطوا امورهم وجعيدى وحبوب اتفقوا ان اول يوم جعيدى هو اللى هيقف يراقب شيخ وتانى يوم حبوب



(اول يوم فالمراقبة )



عبقرينو : الو... جعيدى انت موجود فمكانك



جعيدى : الو ..دعيدى يتكلم ..الهدف مودود فمكانة لم يتحرك حول



عبقرينو : ههههههه ماشى يا جعيدى حول



برنس لعبقرينو : اول يوم كدة مع جعيدى داحنا هنتعذب بلغوتة دى



عبقرينو : استنى استنى فى تليفون لشيخ



عبقرينو وبرنس بيسمعوا المكالمة



شيخ : السلام عليكم ورحمة الله وبركاتة



؟؟ : ايوة ياشيخ انت فين



شيخ : ايوة يا أمى انا فالبيت



؟؟: طيب ياحبيبى انا افتكرتك نزلت انا خلاص هجيب الاكل واجى ماتنزلش قبل ماتتغدى



شيخ : طيب يااأمى تيجى بالسلامة قبل ماتيجى رنيلى انزل اشيل عنك



؟؟ : ماشى ياحبيبى



جعيدى بيتصل ببرنس



برنس : ايوة ياجعيدى



جعيدى : دعيدى يتكلم ..الهدف لسة مودود ولم يتحرك وانا تحركت لاشرب ميرندا تفاح حول



برنس : هههههههههههه يادى النيلة اتحركت لية ؟؟ .



عبقرينو ( لبرنس ) : سيبوة ياعم ما لسة شيخ هيتغدى



برنس : طيب يا جعيدى سلام قصدى حول



بعد 10 دقايق جعيدى بيتصل بعبقرينو



عبقرينو : ايووووووة ياجعيدى



جعيدى : دعيدى يتكلم ..الهدف لسة مودود ولم يتحرك وانا دعان وهبيان وعايز اكل حول



عبقرينو : انت هتتسلى علينا ياجعيدى صح ؟؟؟ روح ياجعيدى هاتلك اى حاجة ومتغبش.. بسرعة



(وانتظروا الحلقة القادمة غدا مع فريق المراقبة الاربعة )

Abdo Samy
09-14-2010, 03:16 PM
حلوة اوى فى النتظار:a8:

smart girl
09-14-2010, 03:26 PM
شكرا يا عبدة على المتابعة دايما بتشرف الحلقات والله