المساعد الشخصي الرقمي

مشاهدة النسخة كاملة : "إختلاط الحضارات"



MUHAMED SAMY
10-04-2010, 05:18 PM
http://www.mesa7a.com/forum/mwaextraedit5/extra/01.gif


(http://www.mesa7a.com/forum/showthread.php/17695-%EF%AE%A9%EF%AE%A9%5C-%EF%AE%A9%5C-%EF%AE%A9%EF%AE%A9%5C-%EF%AE%A9%EF%AE%A9%D9%80%D9%80-%D8%AA%D8%B7%D9%88%D9%8A%D8%B1-%D9%83%D8%A7%D8%B2%D9%8A%D9%86%D9%88-%D8%A7%D9%84%D8%B4%D8%A7%D8%B7%D8%A8%D9%89-%EF%AE%A9%EF%AE%A9%5C-%EF%AE%A9%5C-%EF%AE%A9%EF%AE%A9%5C-%EF%AE%A9%EF%AE%A9%D9%80%D9%80)

"إختلاط الحضارات بين التوك توك و الطائرات"




http://www.mesa7a.com/forum/imgcache/507.imgcache.jpg






إختلاط الحضارات بين


التوك توك


http://www.mesa7a.com/forum/imgcache/508.imgcache.jpg

و الطائرات

http://www.mesa7a.com/forum/imgcache/509.imgcache.jpg





قد يكون العنوان غريب !

لكن الاغرب منه انك تعرف انه حقيقي ,,

ووصلنا لزمان قد تكون ثقافة التكاتك فيه أفضل من ثقافة الطائرات

وصلنا لوقت إختلاط الثقافة او عشوائيتها !!






لما نظن ان الثقافة والاجتماعيات الي كلنا بنبحث عنها بين الناس الي مستواهم المادي عالي

لما نظن ان المراكز والشهادات بقت هي المقياس الأول للاخلاق والمعاملات

زمان كان النصّاب بيبان عليه والحرامي تعرفه من شكله

والانسان الي يصلح تقول عليه إبن ناس بتعرفه من شكله !

دلوقتي عندما يُصبح النصّاب والحرامي بيلبس أشيك الملابس وبيتكلم افضل الكلمات

لما نوصل اننا نحكم على سواق توك توك انه من بيئة أقل عشان فقره ونحكم على انسان بيركب طيارة ويسافر انه من فئة أعلى من الناس

بقا الي يغلط ويقول ( سوري ) أحسن بكتير وعنده ذوق أكتر واحد يغلط ويقولك ( لاموأخذة )



زمان كان المثقف معاه شهاده وعنده خلق

دلوقتي ممكن يكون دكتور في الجامعة او دكتور بشري او مهندس او وزير لكن أخلاقه ومعاملاته مع الناس أقل بكتير من أن نصفه بالآدمية

في حين ان ممكن يكون انسان غير متعلم أصلاً

لكن عنده من الخلق ما يكفي أن يُحبب كل من حوله في هذا الشخص !


الكلام ده مش توقع ولا نظريات ,, الكلام ده واقع أي انسان ينظر حوله بشيء من الموضوعية هيلاقي الي بقوله ده وااااقع متكرر كل يوم



ولسا من قريب واحد راكب عربية ( بي أم ) وماشي جنبه في إشارة عربية ( كارو ) يعني عربية بيجرها ( حمار ) وبيسوقها واحد بيتقال عليه ( عربجي )

العربية الكارو خبطت فيه ( وقد تكون تسببت له في خدش بسيط )


لما تجد ان اخلاق الراجل الي نازل من البي ام أحط وأقل بكتير من الـ ( العربجي )

لما صاحب ( البي أم ) ينزل ويشتم التاني بالأم والأب ويابن كذا وانا هحبسك واسوي فيك ..

والتاني لم يشتمه ولو مرة واحده ومقلوش غير الله يسامحك

ساعتها يتجسد قدامك بالفعل ازاي احترام الناس بيروح في غير مكانه

وقد ايه بننخدع بسهولة في مظاهر

مظاهر من المفترض أو من الطبيعي انها تأثر في صاحبها وتخليه يراعي مظهره

لكن لما تتساقط كل القيم دي وميبقاش في فرق

وتوصل لزمان متقدرش تحدد فيه مين محترم ومين مش محترم

مين يستحدق الإحترام ومين لا يستحقه !

وعشان تقدر تحدد لازم تتعامل مع الي قدامك وتكون حريص كل الحرص من الخيانة أو الغدر او النصب والإحتيال ,,



وكمان للاسف بنلاحظ سوء الاختيار ده في الجواز وان البنت تختار شاب يكون ( متريش ) وتظن انها هتكون سعيدة !

وتختار انسان شكله وظاهره غاية في الروعة ومتعرفش انها ممكن يعدي عليها ايام تتمنى فيها الموت ولا إنها تعيش مع شخصية زي دي !

متعرفش ان السعادة وقتها مش هتكون بمظهر لكن بمعاملات وبحسن الخلق

والعكس / الشاب بردو بيختار البنت على شكلها وده مش غلط لكن الغلط انه يكون للشكل وبس !

ولما تتعارض مصالح الشكل مع الشخصية والادب والتربية والدين

لازم تكون فاهم هتقدم إيه على ايه ؟ !





زمان كان ممكن تقول على البنت عادية

دلوقتي مفيش بنت عادية



يعني مبقاش فيه مفهوم الاحتشام ( الي هو وسط بين الصح والغلط )

ممكن بنت تكون من مستوى إجتماعي ضعيف جداً وتلاقيها عامله في نفسها عمايل تقول انها طالعة تعمل إعلان في الدُش او رايحة حفلة وتحس إنها بنت مليونير !

ليه بتعملي في نفسك كده ؟

وعشان مين بتعملي كده ؟

كان ليا صديق قريب بيقولي مفهوم ومصطلح البلوزة إنتهى

مش بنقول اسدال ولا نقاب
مع ان ده المفروض

بنتكلم في مفهوم البلوزة انها تلبس شيء واسع بس

سمعت كتير عن مفهوم تغيير الجلد عند الثعابين !

وبستشعره بقوة لما بقابل الفئات دي من الناس

الي بتنخدع بسهولة في مظهرها وتحس من كلامه او من مظهره انه ذو خلق رفيع ومرموق وتتفاجئ بسرعة جداً لما يغضب او يختلف مع حد

أو لما يبدأ التعامل في الماديات وحقي وحقك !

هتشوف العجب العجاب

وللاسف الثقافة دي مش بس في التعامل الناس العادية ما بينها وبين بعضها


للاسف امتدت الثقافة دي للمؤسسات والمنشئات

الي في الاخر بيتحكم فيه افراد مننا

يعني تكون ماشي في لجنة وشكلك على قد حالك يوقفك ويفتشك ويتلككلك

ويقولك مكنتش رابط الحزام ليه .. تقوله ياعم ما انا كنت رابطه وفكيته عشان اعرف اطلعلك الرخصة الي لسا طالبها

يقولك انا مشوفتكش انا مليش دعوة انت كداب !

في حين ان ممكن عربية فارهه حد من اللجنة يوقفها عن غير قصد ( وهو كان يقصد العربية الي وراها )

وصاحب العربية يقوله معلش مكنتش رابط الحزام يقوله يا باشا انا شوفتك رابطه بس انت ناسي !

وسع يابني عدي الباشا

وقد يكون الرجل الاول غلبان بيشتغل 16 ساعة في اليوم عشان يقدر يأكل عياله .

في حين ان الراجل الشيك ده ممكن يكون تاجر مخدرات او معاه خمور في شنطة العربية او رايح يقابل فلانة او علانة في اي كازينو !

تعالى مثلاً جرب تدخل من أي نادي

ويكون شكلك عادي .. يوقفك ويقولك الكارنيه

لكن لو لابس بقا لبس شيك وستايل .. وتدخل كده وتشاور بس بإيدك يقفلك ويقولك اتفضل يا باشا ..


كنت مرة في طابور لدفع قيمة ترخيص سيارة

والي واقف على الشباك تقريباً راح يفطر او ينام شوية

المهم فضلنا واقفين ساعة او ساعة ونص الطابور مش بيتحرك نهائي لحد ما عدد الطابور وصل اكثر من 100 واحد


أول لما الراجل جه والطابور بدأ يتحرك

فجه شاب لابس كلاسيك وماسك موبيله في ايده ونظارته الشمس

وراح دخل في اول الطابور !!

فالناس كلها محدش اتكلم قالوا ده اكيد وزير الداخليه بالي بيعمله ده

الناس خافت تتكلم !

فواحد قاله انت وقفت قدام ليه ارجع اقف في الطابور من اوله احنا واقفين من الصبح !

الشاب قاله
انت متعرفش انت بتكلم مين ؟

أنا ( مباحث )

طبعاً الناس كلها سكتت :)

المهم الشاب الي كلمه فاهم ان الموضوع مش بالمظاهر زي ما قلنا

قاله طيب وريني الكارنيه !

شدوا مع بعض في الكلام

طبعاً مرضاش يوريه الكارنيه لانه مش


مباحث

واول لما لاقوه بيماطل في الكلام واتاكدوا انه مش مباحث

نزل الـ 100 مواطن فيه ضرب ,,

الشاهد من القصة ان هو فاهم كويس جداً انه يقدر يخدع بمظهره كل الي حولايه

لاننا بالفعل بقينا ناخد الناس بالمظاهر !

وطبعاً مش كل انسان شكله شيك يبقى نصاب ووحش وكل انسان شكله وحش يبقى كويس وذو خلق

لاشك في ناس ظاهرها جميل وباطنها أجمل لكن كيف نعرف هؤلاء وكيف نخرج الإبرة من كوم القش ! ؟



إيه رأيكم في قضية والمعادلة دي ؟



http://www.mesa7a.com/forum/imgcache/510.imgcache.jpg


مـــــــــــــــــــنـــقـــــــــول

alaa eid
10-04-2010, 07:15 PM
الموضوع جمييييييل جدا لكن عندي تعليق بسيط
يعني مبقاش فيه مفهوم الاحتشام ( الي هو وسط بين الصح والغلط )
فيه احتشام الايام دي بس دا نادر ما بنلاقيه
لان البنات فاهميين ان لو لبسوا ضيق وقصير يبقي هايكونوا حلوين والولاد يبصوا ليهم
لكن دا تخلف بجد منهم ودول بيكون تفكيرهم صغير اوووووووي
لان الانسان عمره ماكان بمظهره زي مابتقول
موضوع رائع الله ينور

mohamed ali
10-04-2010, 09:01 PM
والله ياسامى اكيد بتشوف ان البنات عشان تتجوز اليومين دول

لازم تعري شعرها وتلبس الضيق , دا غير اخلاق الناس دالواتى بقى اختيار

بعض البنات لشريك حياتهم سطحى بمعنى الشكل دون المضمون

ودا خطا لان بعد الجواز بيظهر على حقيقته واحتمال استمرا الجواز بيكون

ضعيف, دا غير اخلاق الناس المنحطة

موضوع جميل ياسامى

Youssef Mostafa
10-04-2010, 10:45 PM
موضوع جميييل ياسااااامى بجد

المشكلة ان الاء ومحمد على سابو راس الموضوع ومسكوا فى مشكلة البنات :a33::a33:

المهم
اكيد طبعا مش بالمظاهر

انا نفسى لما بشوف حد مبحكمش عليه من شكله او من لبسه بعرفه الاول وبتكلم معاه وبعرف شخصيته ايه وبعدين بحكم عليه سواء كان غنى او فقير ابن ناس او مش اخلاق

اما موضوع البنات

طبعا ياسامى مش لازم نحكم على المجتمع كله بما تراه اعيننا نحن فقط

كل مكااان فيه الحلو وفيه الوحش

واحنا زى ماعندنا البنات الغير محتشمة واللى بتلبس ضيق وقصير وبشعرها

عندنا البنات المحترمة اللى بتلبس واسع ومغطية شعرها ومش بس كدة ملتزمة باللى لابساه وبتحترمه وبتعمله حسااااب


يعنى انا بشوف ناس لابسة نقاب وتلاقيها واقفة مع صبيان وكل شوية تقف مع واحد مثلا وطبعا بتغاااظ جداااا

وبشوف ناس لبسهم ضيق ومش مغطيين شعرهم لكن مش بيقفوا مع صبيان حتى وانت كان قليل جدااا

وطبعا الا من رحم ربى

ورحم الله امرء عرف قدر نفسه

وبصراحة طول مالانسان قريب من ربنا ومؤمن بدينه وملتزم بتعاليمه ربنا دايما حيبعده عن الفتن وعن الحاجات السيئة اللى ممكن تحصله

amir
10-04-2010, 11:12 PM
والله يا سامى هو موضوع جميل لحد الى قراته لانى مكملتهوش اصله طويــــــــــــــــل اوى
بس حعلق على الجزء الى قراته
انت تقدر تعرف معدن الى قدامك مش بلبسه ولا بالفاظه بقالبه من عنيه فى صفات كده بتعرف بيها الى قدامك من غير ما تتكلم معاه........... لحد لما تتكلم معاه طبعا اكيد حتكتشف صفات تانيه
بس لازم الاول انك تكون راضى عن نفسك وعن حاللك علشان ماتنخدعش فى الناس بالمظاهر

Ma7amed Adel
10-05-2010, 12:28 PM
وتوصل لزمان متقدرش تحدد فيه مين محترم ومين مش محترم

مين يستحدق الإحترام ومين لا يستحقه !
بجد موضوع بجد يا سامى بيتحدث عن واقع نعيشه بكل الوقائع
وما نجده اليوم مغاير تماما للسابق وبجد موضوع رائع ويستحق التقيييييييييييم

MUHAMED SAMY
10-13-2010, 12:04 AM
شكرا لتفاعلكم جميعا

حنين الحياة
10-13-2010, 01:15 AM
بجد يا محمد مواضيعك كلها واقعيه وبتبين الواقع الي احنا عايشين فيه...الواحد بجد بيزعل لما بيتحكم علي ناس من مظهرهم طيب هما يعملوا ايه يعني هو علي قد حاله وما لقاش عشان يحسن نفسه...الواحد مش بلبسه ولا ما يمتلكه الواحدباخلاقه ومبادئه وبشخصيته المتميزه الي الناس تخلي الناس تحترمه ويقدروه....اما بالنسبه لجزئيه البنات فالواحد يزعل انه يلاقي الكلام ده لانه حقيقي وبفي الاهتمام بالحاجات التافهه الي بتلهي الواحد عن دينه ومش الغلط بس علي البنات لا كمان علي الشباب اكيد انت بتشوف الي بيعملوه الايام ديه والتفاهه الي هما فيها بس بردوا في بنات وشباب كويسين بس بقوا نادرين

MUHAMED SAMY
10-13-2010, 07:37 PM
بجد يا محمد مواضيعك كلها واقعيه وبتبين الواقع الي احنا عايشين فيه...الواحد بجد بيزعل لما بيتحكم علي ناس من مظهرهم طيب هما يعملوا ايه يعني هو علي قد حاله وما لقاش عشان يحسن نفسه...الواحد مش بلبسه ولا ما يمتلكه الواحدباخلاقه ومبادئه وبشخصيته المتميزه الي الناس تخلي الناس تحترمه ويقدروه....اما بالنسبه لجزئيه البنات فالواحد يزعل انه يلاقي الكلام ده لانه حقيقي وبفي الاهتمام بالحاجات التافهه الي بتلهي الواحد عن دينه ومش الغلط بس علي البنات لا كمان علي الشباب اكيد انت بتشوف الي بيعملوه الايام ديه والتفاهه الي هما فيها بس بردوا في بنات وشباب كويسين بس بقوا نادرين

اكيد فعلا فى شباب بتعمل حجات غريبة
لكن نظرة الناس ليه موش زى
نظرتهم للبنت

شكرا لمشاركتك يا حنين

KAREEM
10-15-2010, 07:59 PM
بجد انا قريت عنوان الموضوع دا قبل كدا
مش عارف ازاى مدخلتش عليه

وأكتر مشهد بيجسد الموضوع دا فعلا
مشهد سواق الكارو والبى ام
واخلاق العربجى واخلاق ابن الناس
فعلاااااا مبقناش نعرف نمييييز
وانا المشهد دا أثر فيا لانى شوفت مشهد شبهه

نعيب زماننا والعيب فينا
وما لزماننا عيب سوانا

MUHAMED SAMY
10-15-2010, 08:15 PM
احتكر حاجة
جنتنى امبارح واحنا بنلعب
اللى سحبت الطوبة من اول الملعب لاخره بالعربية(الالنترا)
ونزله بتقولنا منكو لله
وشوية وهتتعارك معانا
واالى يشوفها فى موقف غير ده
يقول دى بنت ناس

والراجل بتاع السوزوكى اللى سحب نفس الطوبة
نزل بص ع العربية
ومتكلمش
على الرغم من انها قد تكون اكل عيشه

وفى امثله كتير فى حياتنا وقريبة مننا كلا
لكن لا داعى...

شكرا لتفاعلك اكيمو