سؤال خاص للدكتور- السيد الزغبي؟؟

[ALEXBOY88]

السلام عليكم

انا كنت عاوز اسئل الدكتور السيد بالنسبة لطلبة الشعبة العامة بعد مايتخرجوا انا سمعت لحضرتك لقاء بتقول فيه ياخدو كورسات ودورات تدربية ف الرابطة وهيكونوا زي زملائهم من خريجي المساحة

1-طيب انا سمعت ان ممكن بعد مااتخرج ممكن تقدم طلب وترجع سنة 3 و4 قسم مساحة وخرائط وتدرس فرق المواد فقط .... فما صحة ذالك؟؟ بالعلم اني بكلية اقاليم ولكني من الاسكندرية

2-هل الشعبة العامة لما بياخد الكورسات والحاجات دي بيكون في سيرته الزاتية مكتوب شعبة عامة ولا؟؟

3-هل مجال الجي اي اس له مستقبل داخل او خارج مصر؟؟


4-هل دبلومة ج ع شمس لها تقديرات معينة؟؟؟

5-اية الفرق بين اني اعمل دبلومة مساحة واني اخد دورات مساحة؟؟

6- يعني لو دخلت الفسم العام اية الدراسة اللي اخدها ويكون مكتوب ف سيرتي وبطاقتي اخصائي مساحة وخرائط؟؟؟

7- فرص العمل للقسم العام اللي واخد جي اي اس افضل ولا اللي دخل ف كورسات المساحة؟؟ عشان لو جت فرصة حلوة برة ونعمل القرشين بس

8- القسم العام لما بياخد كورسات بينزل زيه زي المساح خريج المساحة من حيث العمل والعائد المادي والمعاملة ولا بيكون درجة2 بالنسبة له؟؟

9- هل القسم العام لما بياخد كوسات وكدة ممكن يشتغل ف شركات كبيرة زي الاوراسكوم والمقاولون العرب ولا بينزل مكاتب ومقاولين؟؟

ياريت تجاوبني ومنظر ردك بفارغ الصبر والله:a41:

بصراحة انا بحب المساحة اوي لاتي نايم قايم بحلم بيها وحاسس انها كل حاجة في حياتي وهي روحي وقلبي ومستقبلي:a30: اللي مش عارف هعمل فيه اية؟؟؟!!!!

ولك مني :a15:

[ALEXBOY88]

ياد السيد انا منتظر رد حضرتك

[Youssef Mostafa]

معلش الدكتور مشغول جدا لحد يوم الجمعة عشان اللقاء السنوى للخريجين وطول اليوم فى الكلية والرابطة

انتظر بعد يوم الجمعة ان شاء الله حيرد عليك

او تكلمه على الموبايل

[amir]

السلام عليكم
ممكن ارد عليك انا لحد لما دكتور سيد يفضه وحرد عليك على قد المعلومات الى عندى
اولا انا امير طالب بالفرقه الرابعه شعبه المساحه
1-طيب انا سمعت ان ممكن بعد مااتخرج ممكن تقدم طلب وترجع سنة 3 و4 قسم مساحة وخرائط وتدرس فرق المواد فقط .... فما صحة ذالك؟؟ )
ده ممكن فعلا وكان فى الاول عادى يعنى بتدفع مصاريف عاديه خالص لحد السنه بتاعتنا بس انا سمعت انه السنادى باقيت بالفلوس بحوالى 7000 فى السنه (بس مش متاكد من صحه الكلام ده ممكن تسال فى سكرتاريه القسم )
(هل الشعبة العامة لما بياخد الكورسات والحاجات دي بيكون في سيرته الزاتية مكتوب شعبة عامة ولا؟؟)
حضرتك لما بتتخرج بيكون مكتوب فى شهاده الليسانس انك شعبه جغرافيا ونظم معلومات بس فى السيره الزاتيه اكتب الى انت عاوزه اى حاجه اختها اكتبها
(-هل مجال الجي اي اس له مستقبل داخل او خارج مصر؟؟)
انا سمعت الكلام ده من خريج ان الجى اى اس موجود فى مصر بس بشكل بسيط ولهوش اهميه الا فى شركات معينه وكبيره اما خارج مصر فهو متوفر وبكثره
(-هل دبلومة ج ع شمس لها تقديرات معينة؟؟؟)
ديه معرفش والله حاجه عنها
(-اية الفرق بين اني اعمل دبلومة مساحة واني اخد دورات مساحة؟؟)
هى مش حتفرق فى الشغل بس حتفرق فى حاجات تانيه لان فى الشغل اهم حاجه انك تكون بتعرف تشتغل على الجهاز وانا سالت واحد من الى وخدين دبلومه مساحه معانا وكان بالعميه كده حريف مساحه انت بتدرس ليه وانت اساسا شغال بره مساحه قالى علشان ساعات بعض الشركات فى الخارج والشركات الكبيره تشترط انك تكون خريجى الشعبه وبتفرق ساعات فى المرتب
(6- يعني لو دخلت الفسم العام اية الدراسة اللي اخدها ويكون مكتوب ف سيرتي وبطاقتي اخصائي مساحة وخرائط؟؟؟)
مافيش لازم تعمل دبلومه لان ده مجال دراسه وده مجال تانى خالص
(- فرص العمل للقسم العام اللي واخد جي اي اس افضل ولا اللي دخل ف كورسات المساحة؟؟ )
الاحسن انك تكون بتعرف تعمل كل حاجه لان ده حيوفر على صاحب الشغل موضفين يعنى تعمل شغل الموقع وشغل المكتب وياسلام لو جى اى اس كمان
(- القسم العام لما بياخد كورسات بينزل زيه زي المساح خريج المساحة من حيث العمل والعائد المادي والمعاملة ولا بيكون درجة2 بالنسبة له؟؟)
يفضل الاحسن فى الشغل العملى ايان كان ثم خريجى الشعبه لانه مجال تخصصه
(9- هل القسم العام لما بياخد كوسات وكدة ممكن يشتغل ف شركات كبيرة زي الاوراسكوم والمقاولون العرب ولا بينزل مكاتب ومقاولين؟؟)
نفس اجابه السوال السابق اهم حاجه انك تعرف تشتغل عملى فى الموقع ساعات ناس بتخرج من مساحه ومش فاهمه حاجه خالص وناس بتخرج من عامه وبتكون بوفشنل

يارب اكون افتك على قدر الامكان وياريت لو فى حاجه مش واضحه تقولى وانا فى الخدمه
وياريت لو انا قلت حاجه غلط حد يصحح لى
انا قلت كل الى انا اعرفه (والله على ما اقول شهيد )

[ALEXBOY88]

متشكرين جدا يااخ امير لااجابتك علينا

وبرضو منتظر د السيد للافادة باستضافة منه

[دكتور / السيد الزغبى]

تحياتى للجميع واسف على التاخير فى الرد لانشغالى وعدم اطلاعى على الموضوع وقد تم ارسال رسالة للابن العزيز واعطائه رقم تليفونى ومقابلتى مباشرة للرد على اسئلته واستفساراته وشكر ا للجميع

[Ma7amed Adel]

حضرتك دائما سباق يد دكتورنا الى ما فيه المصلحه للخريجين

[mohamed ali]

تحياتى للجميع واسف على التاخير فى الرد لانشغالى وعدم اطلاعى على الموضوع وقد تم ارسال رسالة للابن العزيز واعطائه رقم تليفونى ومقابلتى مباشرة للرد على اسئلته واستفساراته وشكر ا للجميع

الف شكر يادكتور ع استجابة حضرتك