المساعد الشخصي الرقمي

مشاهدة النسخة كاملة : بطريقه حسابيه بسيطه - المرأه تساوى المشاكل



Mohamed Gaber Aly
10-06-2010, 06:53 AM
عمليه حسابيه رياضيه تثبت ان المشاكل تساوى المرأه
او المرأه تساوى مشاكل

وايضا مع بيان للمخاطر التى تواجهنا بكل انواعها

برجاء من الكل الزميلات الترجمه


843

abuezz
10-06-2010, 09:07 AM
شكرا على التوبك

Mohamed Gaber Aly
10-06-2010, 02:31 PM
الشكر لله
وفى انتظار رد الزميلات

KAREEM
10-06-2010, 02:43 PM
كلام سليم يا هندسة
اتفق معاك تماما

بس احنا كدا الاحتفال احتمال
يتقلب دندررررة والمنتدى يتقفل
وربنا يستر على حضرتك
فى برنامج بدون مونتاج الليلادى
طب كنت استنىىىىى لما الحلقة تخلص

انت اللى جيبتو لنفسك يا هندسسسسه

بس انا بنسحب دلوقتى وارجع اقول
انا مش متفق معاك عشان الليلة تعدى بس

Ahmed Waheed Shalaby
10-06-2010, 02:57 PM
الزميلات طبعا لازم يعرفوا ان دى معادلات رياضية ولا تحتاج لمناقشة
دى قوانين والقوانين لاتتغير
توبك جميل يا هندسة

الورده البيضاء
10-06-2010, 03:44 PM
برافو عليك ياكريم
انت كدة فى السليم
بسم الله الرحمن الرحيم
استعنا على الشقى بالله
:a12::a12::a12::a12::a12::a12::a12::a12:
داحنا اللى اسمنا الجنس اللطييييييييييف
وبعدين مش كل الستات غايتها الفلوس
لو كلة هدفة الفلوس مكانش بقى فى امهات مثاليات
ربت وتعبت وكبرت عشان تشوف ولادها قدامها احسن ناس فى الدنيا
لو كانت الستات غايتها الفلوس وبس
مكانش هيبقى فى رجالة متجوزين الا ذو الطبقة العليا
لكن لو كل واحد بص لبيتة وبس اكيد هيلاقى فى واحدة مضحية وباقية على بيتها واولادها
وبتحاول تحافظ على بيتها باى طريقة
زى مابردو هيلاقى واحدة ممكن تكون رمت ولادها وسابت بيتها وزوجها
عشان تتجوز واحد مقتدر عن زوجها
وبردو زى مابتلاقى الست الزنانة اللى مش بتشبع طلبات
هتلاقى المرأة العاملة
اللى بتتعب زيها زى الراجل بالظبط عشان متخليش بيتها ناقصة حاجة
وكمان دى مش بتتعب زى الراجل وبس
لا دى بتتعب اكتر منة
لانها بجانب شغلها فهى مطالبة باعمال المنزل
وكل دا عشان بيتها وزوجها واولادها
فصوابعك مش زى بعضها يابشمهندس والله
واللى يجى علينا عمرة مايكسسسسسسسسسب
ب:a7::a7::a7::a7::a7::a7:

ملحوظة
على فكرة يااحمد مش كل المعادلات الرياضية سليمة
وفى فى كل يوم تطور وتغيير حتى فى الرياضة
المرأة 3|4 المجتمع
والسلامو عليكو
اسمع تصقيفة بقا

Ma7amed Adel
10-06-2010, 06:25 PM
هندسه ربنا يكون فى عونك بس ما تقلقش هندسه وراك رجاله تاكل الظلط بس للاسف انت اليوم فى قبضتهم فى برنامج بدون مونتاج

mohamed ali
10-06-2010, 08:56 PM
ههههههههههه تحفة والله ياهندسة

ودا فعلاُ اللى يحصل المراءة مش بيجى من وراها غير المشاكل

وقال جنس لطيف، لطيف ايييه بس

Wild_Angel
10-06-2010, 09:51 PM
مممممم

يعني أكمن أكتر اللى في الإدارة رجال :a30:

مع اني متأكدة ان الباشمهندس رأيه عكس ذلك تماماً
والدليل على كده تقديره لينا كمشرفات
:a21:

وبعدين التمييز بين الرجال والنساء مش فى صالح الرجال بتاتاً البتة :a41:

لأن النساء خلقن ليكونوا راحة للرجال ليكون بينهما مودة ورحمة
وكل بني آدم خلقوا لعمارة الأرض ولم يكن هناك تمييز بين ذكر أو أنثى أو عربي و أعجمي الا بالتقوى

و مع ذلك أؤكد أن الحياة فيها مشاكل
فالحياة دون مشاكل حتكون فى الجنة بإذن الله

ولذلك لابد من وجود مشاكل على ارض الواقع
وحقيقة العالم اللى كان كاتب المعادلة صححها ونشرها وأخد عليها جائزة
نوبل للسلام :a21:
فالمعادلة الصحيحة كالآتي :

Women + Men ) / problem = Happy Life)

وأحب أعطي تصفيقة كبيرة لأمل لتحمسها الدائم ودفاعها
ونعم مشرفة آدم وحواء بحق وحقيقي :a32:

alaa eid
10-06-2010, 10:34 PM
احب اقول حاجة بس
زي مافيه ناس بتحب الفلوس فيه برده ناس مش بتحب الفللوس
وفي رجالة بيتجوزا ستات علشان فلوسها صح ولا انا غلطااااااانة؟؟؟
يعني فيه الكويس وفيه الوحش وغير كدا امهاتنا كلنا من النساء ولا تخلوا حياة من المشاكل والشاطر بقي يحاول يتخلص منها بسرعة وبذكاء

Night Moon
10-06-2010, 10:52 PM
اسمحولي اني هكون في حسب المعارضة يابنات
هوة انا مع حضرتك ان المرأة يعني فيه مشاكل بس مش كلها بتبقي سببها الفلوس ممكن يكون مثلا واحدة طبعها نكدية تعمل اي مشكلة وخلاص وواحدة تانية تعمل مشكلة لانها حاسة بالوحدة لان الرجل دايما بيبقي مثلا موجود طول اليوم برة وهيه قاعدة لوحدها في البيت فامابتصدق تلاقي حد تتشاكل معاه كدة يعني وزي مافيه اوقات كتية مشاكل اكيد في اوقات كويسة بردة مش فيها مشاكل

Mohamed Gaber Aly
10-06-2010, 10:58 PM
الموضوع مش بيقول خالص ان الست بتحب الفلوس او حاجه من دى

الموضوع بيقول انه لكى تجد امراه فانت تحتاج الى المال والوقت

Mohamed Gaber Aly
10-06-2010, 11:00 PM
باذن الله احاول اترجم الورقتين عشان ماحدش يفهم الموضوع غلط

Wild_Angel
10-06-2010, 11:04 PM
:a40::a40::a40:

مممممم
الظاهر أن برنامج بدون مونتاج أثبت ان المرأة فعلا الجنس اللطيف الظريف الطريف:a21:

alaa eid
10-07-2010, 09:18 AM
ماشي يا بشمهندس
بس في ستات عندهم لو الراجل كويس احسن من المال اما الوقت دي فبتكون علي حسب طبيعة شغل الراجل
ومفروض المرأة تقدر ذلك والراجل ييحاول في وقت الفراغ ما ينشغل عنها

Youssef Mostafa
10-09-2010, 11:14 PM
لكل قاعدة شواذ

اى خدمة يابنات

بس متاخدوش على كدة

ساره احمد عبد الفتاح
10-10-2010, 12:53 PM
الله الله ليه كده ياهندسه تزعلنا منك

وبعدين الستات مبتحبش الفلوس
الجش والطمع ده من صفات الجنس التانى اللى عايش معنا على الكوكب"الرجاله"
وبعدين مش كل الستات طماعيين ومش شرط انك محتاج فلوس عشان تلاقى امراه
فى ناس كتيييير قنوعه ومتواضعه
وبعدين المراه عموما مفيش زيها فى القناعه بغض النظر عن حبه الطماعيين اللى بنا واللى اكيد تتلمذوا على ايادى استاذه من الرجاله الجشعه

ولا ايه يا بنات؟؟؟؟؟

ساره احمد عبد الفتاح
10-10-2010, 01:00 PM
دى ترجمت الورقه اللى فىالشمال

1-عشان تلاقى ست انته محتاج مال
المراه=المال

2-بما ان الوقت كالمال
الوقت=المال

3-وكمان المرأه=فلوس *فلوس
اذن المرأه=(مال)2

4-المرأه جذر المشاكل
المال=جذر المشاكل

5-حيبقى عندنا مراه =مربع جذر المشاكل
المرأه=مشاكل



والنتيجه من كل ده اننا نعرف ان على الرياضيات محتاج تصحيح لبعض القواعد
واننا لازم نشن حرب عليك ياهندسه

smart girl
10-11-2010, 01:05 PM
لية يابشمهندس كدة بس انا عايزة اسئل سؤال
ممكن نتخيل كون باكملة من غير مرأة ؟؟؟؟؟؟؟؟؟؟؟؟؟؟؟؟؟؟؟
الاجابة مش هتتواجد بشرية اصلااااا
وبالنسبة انها مسببة للمشاكل فانا عايزة اوضح اننا لو بدلنا الادوار سورى يعنى بس عشان الامور توضح ...لو الرجل اخد مهام المرأة يعنى اعد فالبيت وهو اللى بقى بيطبخ و ينظف ويقوم بكل مهام المنزل بالاضافة الى تربية الاولاد ولازم تكون تربية سليمة مش اى كلام يعنى ميطلعوش فاسدين وبما ان المرأة هتاخد مهام الرجل يعنى هتشتغل فقط فهو ملزم انة ينفذ كل مطلباتها ويستحملها لما ترجع من الشغل
(لان دة اللى بيحصل مع المرأة دلوقتى )
ساعتها هنشوف بقى مين اللى هيسبب مشاكل

KAREEM
10-13-2010, 12:05 AM
سبب ارتفاع أسعار الطماطم في إلقاء مصري زوجته من الطابق الثاني؛ لمطالبتها بزيادة مصروف المنزل؛ بسبب ارتفاع سعر كيلو الطماطم ليصل إلى 10 جنيهات. وكانت مشاجرة قد نشبت بين الزوجة "ن أ م" وزوجها الموظف "ع س ع"؛ بسبب طلبها بزيادة مصروف المنزل، وإلحاحها في طلبها، فقام بالإمساك بها وألقاها من شرفة المنزل بالطابق الثاني، مما أدّى إلى إصابتها بإصابات بالغة، وتم نقلها في حالة سيئة إلى مستشفى بولاق العام لتلقي العلاج، حيث تعرّضت لكسور وكدمات.

Wild_Angel
10-13-2010, 10:37 PM
كريم على فكرة أنت جبت مثال سئ وبس
طب أنت شفت الأمهات اللى بقت تنزل تجيب نص كيلو طماطم بدل ما تجيب كيلو عشان توفر لزوجها
ده غير ان في سيدات أصلا حاولت متجبش طماطم لحين انتهاء الأزمة

لما حنحب نشوف الدنيا نور حنفتح عنينا
ولو هي منورة وعايزنها نشوفها ظلام حنقفل عنينا ونحط ايدينا عليها

عشان كده بلاش الأحزاب اللى ضد النساء لأن لو مكانوش خير مكنش ربنا خلقهم