المساعد الشخصي الرقمي

مشاهدة النسخة كاملة : نفسى يكون ليا اصحاب وشلة جامدة من قسم الجغرافيا سنة 3 شعبة عامة


mo7amed_net
10-11-2010, 03:06 AM
انا محمد محمد السيد فى اداب جغرافيا 3 نظم معلومات وبتمنى وياريت يكون ليا صحاب من نفس سنى
بروح احضر محاضرات ولوحدى مش لاقى حد يبقى صاحبى ومليش صحاب
نفسى يكون لى اصحاب اعد معاهم واتكلم معاهم
اصل بحس فى القسم ان كل شوية ليهم خصوصية ولوحدهم انا عيدت سنة تانية كلنا فى الدفعة الى طلعت وسبونى هما مازلو صحابى وبنتقابل بس كان فى ميزة حلوة بجد انى كنت اسلم على اى حد فى القسم بيسلم عليا ونبقى صحاب من نظرة والله وكلنا عارفين بعض ومفيش خصوصية اوى زى ما انا شايف بنفيد بعض ونساعد بعض ومبنبخلش على بعض
وديما بنونس بعض طول اليوم الى بنعد فيه القسم والكلية كله تقريبا اكتر ما بنعد فى بيتنا

بقول رسالة لكل دفعة سنة 3 والى بعدهم من تانية واولى ياريت تكونوا اصدقاء وصحاب بجد حتحسوا ان القسم جميل اوووووووووووووووى
KAREEM
10-11-2010, 05:11 AM
باذن الله ربنا يكرمك بصحبة صالحة
وانا متاكد انك من خلال المنتدى هنا
حتلاقى ناس من دفعتك وزمايلك محترمين كتير
وع الاقل حتقدر تستفيد وتفيد زمايلك من خلال المنتدى

اهلا بيك يا محمد فى وسط اسرتك
وانتظر رجالة دفعتك حيردو عليك اما يدخلو

وشكررررا
mo7amed_net
10-12-2010, 02:51 AM
شكراااااااا يا كيمو وبتمنى
mohamed ali
10-12-2010, 02:59 AM
اهلا بيك معانا فى اسرة المنتدى

وان شاء الله تلاقى صحبه جميلة
mo7amed_net
10-12-2010, 04:13 AM
بتمنى والله يا محمد وربنا يسهل اهو انتم صحابى الجدعان
ساره احمد عبد الفتاح
10-19-2010, 10:14 PM
بص حضرتك هو مفيش خصوصيه ولا حاجه
معظم الناس بتقعد زماله او بس عشان تضيع وقت
انما صحاب صحاب نادرااااااااااا
mo7amed_net
10-20-2010, 03:10 AM
ليه يا سارة مش للدرجة ديه حاجة مش حلوة ابدا انت شكلك مش عاجبك القسم الحته ديه فى وحشة اووووووووووى
ويارب تتعدل وبالمناسبة انتى سنة 3 ولا حاجة تانية وعملتى ايه فى النتيجة ويارب تكونى نفس الدفعة يارب يارب
ونكون صحاب يارب
Marwa Magdy
10-20-2010, 02:06 PM
اولا اهلا وسهلا بحضرتك معانا ف المنتدى
الكلام اللى قولته ده يمكن كان موجود السنه اللى فاتت اه
بس المجموعات دى كلها بنسلم على بعض و بنتكلم و بنهرز و نضحك مع بعض
و السنه دى الوضع اختلف تمام و المجموعات دى خلاص اتفركشت كلها
و كلنا بقينا اصحاب و اخوات
و لو رحت و سلمت ع اى حد حيسلم عليك زى ما كنت بتقول مافيش خصوصه ولا حاجه
حاول انت بس تتصاحب ع الناسالموجوده معاك ف الدفعه و تتكلم معاهم و حيبقى ليك اصحاب ان شاء الله
elw7dany
10-21-2010, 07:31 PM
انا اخوووك حسن طلعت
3 نظم معلومات جغرافيه
واحب نكون اصدقاااااء
ساره احمد عبد الفتاح
10-21-2010, 11:58 PM
ليه يا سارة مش للدرجة ديه حاجة مش حلوة ابدا انت شكلك مش عاجبك القسم الحته ديه فى وحشة اووووووووووى
ويارب تتعدل وبالمناسبة انتى سنة 3 ولا حاجة تانية وعملتى ايه فى النتيجة ويارب تكونى نفس الدفعة يارب يارب
ونكون صحاب يارب

على فكره انا بحب القسم جدااااااا
وانى دخلته بجد احسن حاجه حصلت فى حياتى
والحمدلله كونت صداقات قويه وحتفضل معايا لبقيت عمرى
انا فى3 مساحه
وشرف ليا انى اكون صديقه لاى حد فى المنتدى
كلنا صحاب بمجرد ما تسجل دخولك فيه
mo7amed_net
10-22-2010, 02:14 AM
طيب بمناسبة ال 3 الجدعان اوى جدعان اوى اوى سارة احمد عبد الفتاح ومروة مجدى وحسن طلعت يشرفنى بجد والله العظيم وكمان مرة والله العظيم انكم تبقى صحابى بجد ونعد مع بعض صحاب صحاب واخوات والله علشان انتم جدعان وانا اول واحدفيكم حديلكم ايميلى علشان نتكلم مع بعض اد ايميلى اهو

الى عايز يصاحبنى بجد ونكون اصحاب بجد منكم اهلا وسهلا بيه ووالله العظيم ماحيخسر حاجة واتشرف بمعرفى اى حد منكم سواء ولاد او بنات
ومستيكم انتم الثلاثة
mo7amed_net
10-22-2010, 02:27 AM
يجدعان انا فرحت اووووووى لما لقيت ناس زيكم ردوا عليا وحاسين بيا انتم حلوين اووووووووووى
وانشاء الله نشفكوم قريب
KAREEM
10-22-2010, 11:13 AM
اولا انا حذفت الايميل اللى انت كتبته
لان مش هى دى الطريقة
ولا هو المنتدى معمول عشان كدا اصلا

ممكن يكون المنتدى بيساعد على تعميق
العلاقات الاجتماعيه وتزوريدها
لكن مينفعش عشان احنا سكتنا اول مره
تروح انت مزود كل مره حاجة جديده

عموما المنتدى اودامك ممكن تتصاحب فيه زى ما انت عايز
بس بشرط فى حدود الادب والاحترام والاساس انك هنا
بتستفيد من محاضراتك او اى حاجة جديده فى القسم
غير ذلك بقى فى القسم او خارج المنتدى
انت ممكن تتعرف او تصاحب اى حد براحتك

ارجو تكون الرسالة وصلت بلطف
وجزاكم الله خير
mo7amed_net
10-23-2010, 12:54 AM
يا استاذ كريم انا اسف لو فى حاجة زعلتكم والى مش عاجبكم شيلوه مفيش اى مشاكل بس انا عايز اوضحلك حاجة
الله اعلم بالنويا ولو انا غلطت فى نظركم فهى مش مقصودة وحصل خير عللى العموم ولو الموضوع فى اى حاجة خارجة اشيله او لو عايزن تشيلوه شيله والله عادى
انا والله العظيم والله العظيم ما اقصد اى حاجة خارجة عن حدود الادب والاحترام والله اعلم بالنويا مرة تانية
وشكرا ليك وانا يا عم مش زعلان منكم والله بجد لو مضايكم شيلوه
KAREEM
10-23-2010, 01:56 AM
لا مفيش زعل ولا حاجة
انا بس كنت عايز اوضح لك نقطه
والموضوع مش حيتشال ولا حاجة
انا عايزك تخش ع المنتدى تستفيد اكتر
فى جميع الاقسام العلميه والاجتماعيه
الى جانب ملقتى فرقتك هنا لو حتلاقى
محاضرة او سكشن او اى معلومة جديده فى القسم
هو دا الغرض من المنتدى الاساسى
دا بس اللى كنت عايز اوصلهولك

واهلا بيك يا محمد مره تانيه
ويلا منتظرك تنتشر فى ارجاء المنتدى
mo7amed_net
10-23-2010, 05:09 AM
قشطة يا معلم والله انا حطيت ايميلى بس علشان اتكلم معاهم وبتكلم قدامهم اهو انا مش حاطه علشان البنات وكده
انا والله نيتى علشان تبقى عارفين ومتبقوش محتارين انا ال 3 اشخاص الى ردوا سواء البنتين او حسن طلعت يبقيوا صحابى والعدد يزيد و نتقابل فى الكلية نحضر مع بعض وكده صحبة حلوة مش اكتر والى خلانى اكتب الموضوع ده اساسا انى بروح احضر فى القسم لوحدى لحد دلوقتى والله وربنا مايوريكم الوحدة وسط الناس حاجة فظيعة
بس كده خلاص
ويلا مطولش عليكم سلام عليكم

وشكراااااااااااااااااااااااااااااااااااااااااااااا ااااا
محمد الجمال
11-20-2010, 06:37 PM
قال سيدنا عمر بن الخطاب "عش فى الدنيا كانك غريب او عابر سبيل"