المساعد الشخصي الرقمي

مشاهدة النسخة كاملة : لازم ابعد



منتصر فتحى
10-20-2010, 04:24 PM
لازم ابعد

================


لازم أبعد لما لقيت
حبى عملك بحر مشاكل
لكن مهما بعدت هيفضل
جوة القلب ملاكك ساكن
ليه أول مشكله تقابلنا
على قلبى تدوسى وترميه
ليه أول مالبحر بيعلى
من غير رحمه غرقتيه
والاقينى فى البحر لوحدى
يبلع حلمى يكسر فيه


موج البحر كان أرحم منك
فى دقيقه خلانى صريع
أما انتى وبكل بساطه
سبتى فقلبى جرح فظيع


والله الدوا مهينفع فيه
ولا لقمان يقدر يداويه
لكن ملح البحر ورمله
هوة لوحده كفيل يطويه
وانا من شطى بقولك أسف
على قلبى الى انتى قتلتيه
أما ملاكك الى فى قلبى
فهبيعه وبربع جنيه
أول شارى هسلمهوله
وعناى ماهتبكى عليه



منتصر فتحى

KAREEM
10-20-2010, 04:38 PM
برررربع جنيه مره واحدة ؟؟؟؟
ههههههههههههههههههههه

بس الظاهر فعلا ان هو دا الحل
لازم ابعد
حفكر فى الموضوع دا واقوللك

بس انا ما زلت عند رأيى
انت فنان
استمر وامتعنا

spider girl
10-20-2010, 05:06 PM
:a11::a11::a11::a11::a11::a11::a11:
ماشاء الله استاذ منتصر كتاباتك كلها جميله
منتظرين منك كل جديد

الورده البيضاء
11-11-2010, 11:24 PM
يااااااااااااااااااااه
جميلة جداااااااااااااااااااا جدااااااااا يامنتصر
بس الانسان اللى يبيع بالطريقة دى ميبقاش انسان بجد
فى انتظار المزيد من كلماتك اللى دايما بتتحفنا بيها

Ma7amed Adel
11-13-2010, 06:06 PM
رائعه شاعرا العظيم استاذ منتصر وطبعا مهما كان الكلام فمش حيقدر يعبى عن جمال قصائدك