مشروع شعبة الخرائط هذا العام فى الشلالات

[KING OF LOVE]

ممكن يكون اسم الموضوع غريب بس مش غريب عن رابعة مساحة

ايه رايكم فى الشلالات اظن انها هاتوفر كتير جدا للقسم يعنى مافيش تاجير اتوبيسات ولا سفر ولا صحيان بدرى ولا شغل فى الشمس طول النهار ولا تاجير قاعة محاضرات اظن فى حاجات ياما هاتتوفر يعنى مثلا لو تعبنا من الشمس هانريح تحت الشجر اللى فيها وكمان فيها كافيتريا لو احتاجنا شاى او حاجة ساقعة او اكل هانلاقى كل حاجة والمحاضرات اظن الكلية مش بعيد هانلاقى القسم بحاله فاضى مش مدرج بس اللى فاضى دا كمان الكلية كلها فاضية وتحت امرنا لاننا هانكون فى اجازة بس الحاجة الوحيدة اللى ممكن تزعلنى شخصيا ان انا مش هاطلع المشروع برة اسكندرية ولا ايه رايكم ؟؟؟؟

على فكرة انا مش موافق على كل ده بس حابب اشوف وجهة نظركم عشان الحكاية مش تهديد وكل شوية هانروح الشلالات انا عن نفسى لو هاتبقى تهديد انا موافق على الشلالات

[mohamed ali]

انا مش مواقف ع الشلالات طبعا

يعنى اللى فاتو احسن مننا

دا هزار وبعدين لازم يكون لينا موقف نحسن شوية ياجماعه

مش اسلوبنا ومنكلمش فى المحاضرة

بس انا مش موافق فى اى حال من الاحوال

[witch evil]

بصوا يا جماعه شلالات مش شلالات اللى كتبهلنا ربنا حنشوفه واللى عايزه ربنا حيكون المهم انكم تحولوا تستمتعوا بمشروع التخرج فى اى مكان عشان متزعلوش وتندموا

وان شاء الله تكون سفر بره اسكندريه والمكان اللى تحبوا كمان بس كل الفكره ان الزعل ملهوش مكان دلوقتى لان كل شئ مقدر من ربنا

احنا برضوا مش مبسوطين اننا طالعين الواحات فى الجو ده بتاع الصحراء والبهدله بس مفيش كلام يتقال غير الحمد لله ونحاول نستمتع على قد منقدر

[mohamed ali]

بصوا يا جماعه شلالات مش شلالات اللى كتبهلنا ربنا حنشوفه واللى عايزه ربنا حيكون المهم انكم تحولوا تستمتعوا بمشروع التخرج فى اى مكان عشان متزعلوش وتندموا

وان شاء الله تكون سفر بره اسكندريه والمكان اللى تحبوا كمان بس كل الفكره ان الزعل ملهوش مكان دلوقتى لان كل شئ مقدر من ربنا

احنا برضوا مش مبسوطين اننا طالعين الواحات فى الجو ده بتاع الصحراء والبهدله بس مفيش كلام يتقال غير الحمد لله ونحاول نستمتع على قد منقدر


حضرتك احنا مقولناش حاجة بس لازم كمان نحسن من اسلوبنا مع الدكتور

وبعدين الدفعات اللى قبلنا احسن مننا فى اييييه عشان هما يسافرو واحنا لالا

دا مشروع تخرج يعنى النافذه اللى انا ببص من خلالها على العمل الميدانى فى الخارج

[witch evil]

انا فهمه يا محمد قصدك شئ جميل اننا نتكلم مع الدكاتره على المستوى اللائق وانا مش بعارض انا بس بقول ان الواحد يكون مبسوط فى كل الاحوال وهنا او هناك كلها عمل ميدانى صدقنى

ومفيش حد احسن من حد يعنى لحد دفعه السنه اللى فاتت كان فى شغل فى خروبه وخلص خلاص مفيش خروبه تانى

يعنى على حسب مسمعت ان المشكله مش فيكم المشكله ان العمل فى خروبه انتها وانك عشان تجيب منطقه تانيه حيكلف الكليه ده على حد سمعى انا معرفش ومحبش افتى كتير

انا بس دخلت اقول ان اهم حاجه اننا منزعلش على حاجه لان ربنا اللى مقدر كل شئ

[ALY ELSAYED]

علي فكره يا جماعه الجميل في مشروع التخرج

مش ان المشروع يبقي بره او جوه اسكندريه

الجميل التعاون بين كل طلاب الدفعه او المجموعه بجد حتبقي بشكل جامد

ومرتب ومنظم وكل واحد حيكون ليه دور بيعمله

وفي اخر المشروع حتكون مبسوط بنتيجه المشروع والاستفاده من المشروع

[KING OF LOVE]

يا جماعة احنا كشعبة خرائط فاهمين كويس ان المشروع ده حاجة كويسة جدا لينا وكلنا بنستنى المشروع واكيد هايكون فى بينا تعاون ان شاء الله وبعدين يامحمد احنا فينا طلاب للاسف هما اللى عاملين كدة فينا ومخلين الدكاترة يقولو عننا كلام وحش وكلنا عارفين هما مين وبعدين فى محاضرات مش بيبقى فيها صوت بس نعمل ايه اول ما همس يبان تبقى المحاضرة اتشرحت ممكن اعرف ده يبقى ايه يعنى مش عشان ناس مش عايزة تفهم يبقى نعاقب الدفعة كلها وبعدين فعلا مش كل ما يحصل حاجة يبقى مافيش كلام غير اننا هانروح الشلالات زى ما انا قولت عن نفسى موافق اروح

[soso 13]

بصوا يا جماعة احنا مش هتفرق معانا المكان اهم حاجة اننا نعمل عمل جماعي يشرف واللي يضايق في الموضوع اننا مظلومين بجد واكيد احنا مش بنعمل حاجة لدرجتي بس اكيد في غلط في الموضوع احنا مش فاهمنها

[mohammed amer]

دا ايه ؟؟؟ تشجيع للسياحة الداخلية مثلا ؟؟؟
لالالا طبعا مرفوض
دا احنا بنحلم بيه من زمان ليه بس كدا
لو الشغل خلص فى خروبه نروح اى منطقة شبيهه فى سينا مثلا ولا خلاص كل مصر اترفعت
وبعدين الشلالات يا دوب بتنفع للتدريب على الاجهزه مش اكتر