المساعد الشخصي الرقمي

مشاهدة النسخة كاملة : اعترافات الراجل اللي بيفسد علينا رمضان كل سنه !!



KAREEM
10-21-2010, 03:24 PM
شهر رمضان يا جماعه شهر مكرم جدا في الاسلام


فيه نزل القرأن .. في ليله القدر التي ينتظرها ملايين المسلمين في العالم


وفيه الصيام والتقرب لله والعباده التي يضاعفها الله في هذا الشهر بالذات


وكثير من الخيرات التي لن نعرف قدرها الحقيقي الا عندما نراه بأعيننا


في الجنه بأذن الله


فجأه .. اصبح الناس يسموه شهر المسلسلات !!


كان قديما شهر الفوازير ..


ولكن يبدو ان المسلسلات انتصرت علي الفوازير اخيرا


كميه مسلسلات لا تعد ولا تحصي ..


مسلسلات 24 ساعه .. مسلسلات ملاصقه للمسلسلات ..


مسلسلات تتخلل المسلسلات ..!!


قديما كان يذاع قرأن كريم ثم اذان الفجر الساعه 4 فجرا ..


الان تجد اثناء عرض المسلسل .. حان الان موعد اذان الفجر !!


بمعني ان المسلسلات تجدها في اي وقت ..


تعالوا نسمع اعترافات الرجل الذي يفسد علينا رمضان كل سنه



******



لا يوجد استراحه .. نريد اعلانات .. نريد اموال ..


نريد نسبه مشاهدات عاليه ..


هاتوا فنانين وخليهم ينطوا زي القرود ..
http://www.mesa7a.com/forum/imgcache/1230.imgcache.jpg
هاتوا فنانين يقولوا اي كلام فارغ .. واي هبل وعبط وتخلف ..


الناس حتضحك وتنبسط ..


هاتوا كاميرا خفيه نشتغل بيها المشاهد مش ضحيه الحلقه


http://www.mesa7a.com/forum/imgcache/1231.imgcache.jpg


كاميرا خفيه نعمل فيها تريقه وعبط وفي الاخر نقول للضحيه


اللي هو اصلا معانا وقابض 50 جنيه عشان يعمل ضحيه ..


نذيع ولا منذعش ؟؟


هاتوا برامج مقالب كتيره واشتغالات للفنانين ..


اه الفنانين بيبقوا غالبا اما متفقين معاهم ..


او اصلا الفنايين فاهمين لوحدهم ان البرنامج مقالب


بس بيعملوا اغبياء عشان ميخسروش قيمه حضور الحلقه ..


اوقات الغباء بيكسب برضوا !!


هاتوا برامج حواريه مع النجوم ..


واستضيفوا فنان متخلف صايع .. واسئلوه عن كفاحه !!


http://www.mesa7a.com/forum/imgcache/1232.imgcache.jpg


وعن طفولته المتشرده .. وازاي صنع نفسه ووصل للنجوميه ..


وازاي قدر يكسب حب الحمار ويغنيله ..


هاتوا نفس الفنان في برنامج تاني واسئلوه نفس الاسئله


http://www.mesa7a.com/forum/imgcache/1233.imgcache.jpg
هاتوا تالت ورابع وخامس وسادس في جميع البرامج ..
http://www.mesa7a.com/forum/imgcache/1234.imgcache.jpg



http://www.mesa7a.com/forum/imgcache/1235.imgcache.jpg



http://www.mesa7a.com/forum/imgcache/1236.imgcache.jpg


الناس مش كلها بتتفرج ..


ومحدش حيلاحظ ان الفنان استضفناه في كل برامجنا تقريبا


اي برنامج مدته عشر دقايق لازم يتخلله اعلانات ساعه الا ربع ..


اتصرفوا ميهمنيش ازاي المهم كلامي يتنفذ


انشاله تحطوا اعلان بعد كل اربع كلمات ..


عاوزين شويه مسلسلات عري لزوم جذب الانتباه ..


ايوه لما الصحافه تتكلم عن الممثله الفلانيه


http://www.mesa7a.com/forum/imgcache/1237.imgcache.jpg


اللي مش لاقيه حاجه تسترها في المسلسل


الناس حتستني المسلسل عشان يشوفوا بعينهم


ولزوم سبك الطبخه ..


ياريت ننزل تنبيه كل شويه ان مسلسلاتنا حصريه للقناه


بكل فخر وكبرياء وتحدي ..


وطبعا القنوات كلها عندها نفس المسلسلات ويمكن اكتر مننا كمان


برامج الطبيخ بقي عاوزينها تبقي قبل الفطار ..


وطبعا كلها اكلات غريبه وغير منطقيه ..


http://www.mesa7a.com/forum/imgcache/1238.imgcache.jpg


وبونو بونو يامدام
.. ياريت متنسوش الجمله دي ..


http://www.mesa7a.com/forum/imgcache/1239.imgcache.jpg




.....


عاوزين شريط دائم تحت الشاشه


فيه خيرات ربنا من 0900
ومن اي موبيل علي رقم 0000
ومن سوريا0000
ومن الاردن0000
ومن عمان0000
ومن كوالالمبور 0000
http://www.mesa7a.com/forum/imgcache/1240.imgcache.jpg
ياجماعه الدقيقه وصلت 5 جنيه !!


لو قولنا المشاهدين عددهم 5 مليون


بعتلنا رساله منهم نص مليون بس


ولمره واحد بس


حنعمل 2 مليون ونص في لحظه


عاوزين بس نعشمهم اوي ..


مين اللي سرق حمبوزو ؟


http://www.mesa7a.com/forum/imgcache/1241.imgcache.jpg


مين العريس الخامس لزهره ؟


رشحلنا مكان نصور فيه برنامج


عبيط حول العالم ؟؟!!


تبرع لنا ولو برساله !!
....


عاوزين بكار للاولاد الصغييرين .. ايه مفيش بكار ؟؟


طيب بوجي وطمطم ..؟ مفيش برضو ؟


طيب فككوا .. تعالوا نخاطب جيل المراهقين الجدد احسن


هاتوا برنامج 100 مسا بتاع ميس حمدان ..


ايوه اللي بتطلع فيه لابسه لبس راقصه مش لابسه حاجه !!


او عامله فيه دكر


http://www.mesa7a.com/forum/imgcache/1242.imgcache.jpg


وشخلعني ودلعني وميعني وضيعني وصيعني ..


http://www.mesa7a.com/forum/imgcache/1243.imgcache.jpg
ياجماعه بما اننا في شهر فضيل كريم ..


لازم نعمل برنامج للشيخه ايناس الدغيدي ..


بذمتك حيبقي فيه طعم لرمضان من غيرها ؟.؟


نعملها برنامج الجريئه ..
http://www.mesa7a.com/forum/imgcache/1244.imgcache.jpg


ونخليها طول البرنامج ترقع بالصوت


وتقول .. ربنااااااا ميحكم عليا بالحجاب ..


وادينا بنوصل رساله دينيه ناخد بيها ثواب !!


يااااااااااه نسينا حاجه مهمه اوي ياجماعه ..


دعاء الافطار !!


عاوزين دعاء الافطار بعد المغرب يكون بصوت فنانين محبوبين للناس


عاوزين فيفي عبده ودينا وسعد الصغير وجنات


وعمرو دياب وتامر حسني وريكو


http://www.mesa7a.com/forum/imgcache/1245.imgcache.png


عشان الناس تسمع الدعاء وتقول امين براحه وطمئنينه


بس اسيبكم انا بقي عشان رمضان بكره ان شاء الله


وانا شايف الملائكه جايين هناك عشان ياخدوني يسلسلوني


زي كل سنه ..
http://www.mesa7a.com/forum/imgcache/1246.imgcache.gif


فوتكم بعافيه !!


ورمضان معانا احلي
و رمضان بيقـــربنـا
!!






منقول لانه عجبنى جدا فى اسلوبه
وطرحه للموضوع وهى دى الحقيقه
ولا انتو ايه رأيكو ؟؟؟؟

حنين الحياة
10-21-2010, 06:31 PM
بجد ده الي بيحصل ياكريم والواحد بيزعل من التفاهات ديه.....وربنا يستر علي عباده

esraa marey
10-21-2010, 09:21 PM
اه فعلا والله تلاقى من قبل رمضان بشهر
تلاقى مسلسلات لاوالادهى من كدا البرامج التافهة

فعلا الموضوع واقعى وطريقة العرض حلو اوى
شكرااااااااااااا

MUHAMED SAMY
10-21-2010, 09:49 PM
هو تقريبا رمضان ده انا مكنتش بشوف اى حد ولا اى حاجة
بس اكيد طبعا ده لازم يكون موجود
لاننا فى
"هيوليود الشرق"
فعلا تستحقها بجدارة
وبعد غلق القنوات الدينية فى انتظار غلق اذاعة القران الكريم
وفى ناس قلتلى ان ايام السادات او عبد الناصر
كانت الاية اللى معناها ان" لا يرضى عنك اليهود ولا النصارى حتى تتبع ملتهم مكنتش بتتقال" (العهدة ع الراوى)

بس ليقا تعليق ان سعد الصغير بعد ماخرج من المستشفى
قال
http://www.youtube.com/watch?v=js8VOvSA0hs&feature=related

وده فيديو للشيخ محمود المصرى
يحكى قصته
http://www.youtube.com/watch?v=4cDYtLK8gXE

KAREEM
10-21-2010, 10:40 PM
بجد ده الي بيحصل ياكريم والواحد بيزعل من التفاهات ديه.....وربنا يستر علي عباده



على رأيك
ربنا يستر على ولايانا

بس دا ايه علاقته بالموضوع ؟؟؟
ههههههههههههههههههههههههههههه

نورتى يا حنين
بهذر ها :a5:

KAREEM
10-21-2010, 10:42 PM
اه فعلا والله تلاقى من قبل رمضان بشهر
تلاقى مسلسلات لاوالادهى من كدا البرامج التافهة

فعلا الموضوع واقعى وطريقة العرض حلو اوى
شكرااااااااااااا



وفى رمضان
مخللاتك عندنا

هههههههههههههههههههههه

صحيح اللى يجنك اكتر
ان دعايا رمضان بتبدأ قبليه بشهر
وشهرين كمان
ويقول لك اسأل مجرب
وكلو يفضل يقول لك حصرى
و حوالى 36 مسلسل واكتر
السنة اللى فاتت دى بس
اتعرضو فى رمضان

لو الفلوس دى تتصرف لمكافحة الفقر بس نقول ايه

شكرا يا اسراء لمرورك

KAREEM
10-21-2010, 10:46 PM
هو تقريبا رمضان ده انا مكنتش بشوف اى حد ولا اى حاجة
بس اكيد طبعا ده لازم يكون موجود
لاننا فى
"هيوليود الشرق"
فعلا تستحقها بجدارة
وبعد غلق القنوات الدينية فى انتظار غلق اذاعة القران الكريم
وفى ناس قلتلى ان ايام السادات او عبد الناصر
كانت الاية اللى معناها ان" لا يرضى عنك اليهود ولا النصارى حتى تتبع ملتهم مكنتش بتتقال" (العهدة ع الراوى)

بس ليقا تعليق ان سعد الصغير بعد ماخرج من المستشفى
قال
http://www.youtube.com/watch?v=js8VOvSA0hs&feature=related

وده فيديو للشيخ محمود المصرى
يحكى قصته
http://www.youtube.com/watch?v=4cDYtLK8gXE



اعتقد دا مش رد
دا موضوع تانى اصلا
ههههههههههههههههههههههههه

امشى ياض من هنا
احنا مش متعاركين ؟؟
متردش بقى فى مواضيعى
:a16:

على فكرة مكنتش حنزل حتة سعد الصغير دى
لانه صعب عليا بس الراجل دا مصر على الغنى
وبيقوللك حتوب بس اما الم قرشين
طب انت شوفت الموت يا راجل
وعرفت ان مفيش حد ضامن عمره ؟!؟!؟!

عموما مش موضوعنا
المهم ان الموضوع بيعبر
عن الحاجة اللى بتحصل كل سنه
فى موسم مسلسلات شهر رمضان

وعلى فكرة انا زيك متفرجتش
بس دلوقتى بقيت بشوف
حتت من مسلسلات من اللى بتيجى فى رمضان
زى العار دا وبشوف حاجات مكنتش مصدق ان
المسلسل دا بيتذاع فى رمضان لناس صايمه

ربنا يهدينا جميعا

smart girl
10-21-2010, 11:08 PM
هو بيكون موسم بالنسبالهم على فكرة الموضوع ملوش علاقة برمضان دى حاجة تجارية بحتة ومربحة جدااا طبعا ولما شخص ميفتحش قناة الا فرمضان بس.. يبقى اكيد فى ملايين بتتفرج هما اللى بيربحوا وللاسف احنا نخسر كتيررر وسدئنى الموضوع كل مدى مابيقلئش بل بالعكس بيزيد
حاجة تدايق بجد ياكريم

رورو
10-21-2010, 11:25 PM
:a41::a41::a41:
موضوع فعلا رائع وصياغته جميلة
شكرا ليك ع الموضوع الرائع

ضوء القمر
10-21-2010, 11:42 PM
موضوع جميل جدا طبعا يا كريم احنا خلاص بقي زمانا زمن المسلسلات
شكرا ليك يا كريم..

mostafa hassan
10-22-2010, 03:48 AM
فعلا يا كريم بقة اسم شهر رمضان افضل شهور السنة عند الله سبحانه وتعالي شهر المسلسلات
انا في مرة بقول لواحد صاحبي هتعمل ايه دلوقتي
رد علية قالي هتفرج علي مسلسل زهرة وازواجها الخمسة
ربنا يرحمنا برحمته

esraa marey
10-22-2010, 04:50 PM
الصراحة انا اتفرجت على مسلسلات بس بعد رمضان و كمان المسلسلات المحترمة
وبالنسبة لسعد الصغير عمل زى تامر حسنى
بس دا عذر اقبح من ذنب
يعنى ازاى يقدر ياكل يعيش بافلوس حرام؟؟؟؟
لاوغير انه حرام فى ناس تمثليها وغنهاها اهو بيكون محترم
لكن دا بيعمل تصرفات فى الافلام وتصوير الاغانى؟؟؟؟؟؟؟؟؟ بتقلل من كرامته
عمل زى مصطفى شعبا ن واخواته ف مسلسل العار عايزين يجمعوا فلوس
بس بالحرام؟

KAREEM
10-22-2010, 08:36 PM
هو بيكون موسم بالنسبالهم على فكرة الموضوع ملوش علاقة برمضان دى حاجة تجارية بحتة ومربحة جدااا طبعا ولما شخص ميفتحش قناة الا فرمضان بس.. يبقى اكيد فى ملايين بتتفرج هما اللى بيربحوا وللاسف احنا نخسر كتيررر وسدئنى الموضوع كل مدى مابيقلئش بل بالعكس بيزيد
حاجة تدايق بجد ياكريم



" فسينفقونها ثم تكون عليهم حسرات "
صدق الله العظيم

جزاكى الله خير ع المرور

KAREEM
10-22-2010, 08:37 PM
:a41::a41::a41:
موضوع فعلا رائع وصياغته جميلة
شكرا ليك ع الموضوع الرائع


الشكر لله يا افندم
ياريت نشوف مشاركاتك دايما

KAREEM
10-22-2010, 08:41 PM
موضوع جميل جدا طبعا يا كريم احنا خلاص بقي زمانا زمن المسلسلات
شكرا ليك يا كريم..


الشكر لله
نورتى يا ضوء

KAREEM
10-22-2010, 08:42 PM
فعلا يا كريم بقة اسم شهر رمضان افضل شهور السنة عند الله سبحانه وتعالي شهر المسلسلات
انا في مرة بقول لواحد صاحبي هتعمل ايه دلوقتي
رد علية قالي هتفرج علي مسلسل زهرة وازواجها الخمسة
ربنا يرحمنا برحمته



فعلا حاجة تحزن
ربنا يرزقنا ويرزقك بالصحبة الصالحة
مهمة جدا فى الحالات دى

جزاك الله خير على مرورك يا درش

KAREEM
10-22-2010, 08:46 PM
الصراحة انا اتفرجت على مسلسلات بس بعد رمضان و كمان المسلسلات المحترمة
وبالنسبة لسعد الصغير عمل زى تامر حسنى
بس دا عذر اقبح من ذنب
يعنى ازاى يقدر ياكل يعيش بافلوس حرام؟؟؟؟
لاوغير انه حرام فى ناس تمثليها وغنهاها اهو بيكون محترم
لكن دا بيعمل تصرفات فى الافلام وتصوير الاغانى؟؟؟؟؟؟؟؟؟ بتقلل من كرامته
عمل زى مصطفى شعبا ن واخواته ف مسلسل العار عايزين يجمعوا فلوس
بس بالحرام؟



ما هو المسلسل دا غريب جدا
انا سمعت ان حسن يوسف عمل دور
مش تمام برضو بعد ما كان عمل
الشيخ الشعروى المفروض مكنش يعمل حاجة زى كدا

وكلامك تمام بالنسبة للى قلته عن سعد الصغير
ربنا يهدينا ويهديه يارب

بس انا مش قصدى نحول الموضوع للكلام عن الناس دى
انا عجبنى فكرة اننا فهمنا من خلاله الحقيقه
والتمثيليه الكبيره اللى بتتعمل علينا كل رمضان
فاللى بيقع فيها يحاول ميقعش فيها رمضان القاادم
ان شاء الله