هل الزواج اصبح ......هدف ام حلم؟؟؟؟

[الورده البيضاء]

بسم الله الرحمن الرحيم

سؤال بيطرح نفسه هل الزواج اصبح ..هدف ام حلم ؟

كتير من البنات بقو عايشين لهدف اسمه الزواج .. للاسف الزواج مبقاش حلم كل بنت ..ده اصبح هدف للحياه كلها..لما يكون هدفى من الدنيا انى اتجوز واكون عايشه لحلم الزواج وبس .. ياترى ده ينفع يكون هدفى من وجودى فى الحياه؟
مسألتيش نفسك بعد ما الهدف او الحلم ده يتحقق وتتزوجى هتكونى عايشه لايه بعد كده ؟

انا هجاوب..
لتربيه الاولاد ومذاكرتهم واكلهم ولبسهم ..الخ
ده كله مش حرام طبعا ..

بس ده مش هدفنا فى الحياه اننا نتجوز وناكل ونشرب ونخلف ونموت ... مش ده هدف الاسلام من المرأه .. احلمى بالزواج والبيت والاولاد زى مانتى عاوزة .. بس الهدف من حياتك لازم يكون اعلى من كده ..

مش ده هدف ربنا مننا لما خلقنا .. قال تعالى: " واذ قال ربك للملائكة انى جاعل فى الارض خليفه"
وايضا..قال تعالى: " وما خلقت الجن والانس الا ليعبدون"

ها حد قدر يحدد الهدف...

احنااتخلقنا ليه ؟


1- خليفه= اصلاح+ اعمار الارض بأوامر ونواهى الحق تعالى ..ليه؟
عشان دى كانت رساله النبى فكانت امته خير امه اخرجت للناس .." كنتم خير امه اخرجت للناس تأمرون بالمعروف وتنهون عن المنكر"

اذا رقم واحد انى اصلح من نفسى + اصلاح غيرى

2-عبادة الله= احول العادات لعبادات ..يعنى زواجى واولادى وطاعة ابى وامى حتى تواجدى هنا على المنتدى لعباده لله عزوجل.. ازاى؟
انه يكون هدفى من حياتى كلها ."ارضيك يارب.. " وعجلت اليك ربى لترضى"
قال تعالى " قل ان صلاتى و نسكى ومحياي ومماتى لله رب العالمين "

اذا رقم 2 احول حياتى كلها عباده لله عزوجل لا ابتغى منها الا ارضاءه عزوجل..

ها عرفتى احنا هدفنا ايه ؟ عرفتى احنا رجال ونساء ااتخلقنا ليه؟

احنا كلنا عايشين فى مجتمع حقق ومازال بيحقق هدف الزواج كل يوم .. بس ياترى مجتمعنا اتقدم ..
اعداد امتنا بتزيد ولسه زى مااحنا ..
عارفين لو حولنا حلم الزواج ده لهدف اسمه .. ارضيك يارب.. فيكون هدفى من الزواج انى اكون اسره مسلمة صح واربى ولادى على طاعة الله ورسوله اخرج منهم الدعاه والعلماء والقاده ..الخ
ساعتها امتنا هتتقدم والاسلام هينتصر ..
مالنبى عليه الصلاة والسلام تزوج اكثر من مره وللرجل فى دينا انه يتزوج اربعه فى وقت واحد..
بس احنا خدنا قشور المسأله دى ومبصيناش على المضمون..
يعنى ربنا لما شرع للرجل الزواج من اربعه ..كان الهدف اكترو يامسلمين وخرجو اجيال تشيل راية الاسلام.. بس للاسف اه كترنا عدينا المليار كمان .. بس بقينا كغثاء السيل ..
عرفتو دلوقتى احنا المفروض نتجوز ليه؟


طب احقق الهدف ده ازاى؟
ابدأى باصلاح نفسك واللى تتعلميه من دينك بلغيه لغيرك كما علمنا الحبيب صلى الله عليه وسلم " بلغوا عنى ولو ايه" ..هتكونى كده من حملة رسالة الاصلاح وتكونى بجد خليفه لله فى ارضه على خطى نبيه صلى الله عليه وسلم..
وبعدين ابدأى عدلى نيتك فى كل حاجه بتعمليها كل حاجه ... الى.. ارضيك يارب..

ياااااااااااااااااه .. ساعتها والله هتحسى انك طايرة فى السما وانك ملكتى الدنيا فى ايديكى ..
وهتحسى بسعاده كبيره قوى لا يملكها احد الا الله عزوجل .. وماعند الله لا ينال الا برضاه ..
انا مش ضد الزواج لا طبعا ازاى احرم مااحله الله .. بس انا عاوزه هدفنا من الزواج يكون كما اراد الله ونبيه .. نصرة هذا الدين ..

والله لو عيشتى لربنا زى ما اراد ليكى وبقه محور حياتك ارضاء الله واصلاح الارض..
هتعيشى احلى حياه وهو تعالى هيرزقك من فضله الزوج اللى بتتمنيه ..

يلا يابنات نشتغل ونعلى الهمه لربنا .. ونوحد هدفنا .. وعجلت اليك ربى لترضى..
منقوول للافاده

[mostafa hassan]

موضوع اكثر من رائع وعجبني جدا فكرته
بس المفروض مش
يلا يابنات نشتغل ونعلى الهمه لربنا .. ونوحد هدفنا .. وعجلت اليك ربى لترضى..
المفروض كلنا شباب وبنات نشتغل ونحقق الهدف اللي اتخلقنا من اجله
يقول الله عز وجل في الحديث القدسي
يابن آدم : لا تخف من ذى سلطان مادام سلطاني وملكي لا يزول
يابن آدم : لا تخف من فوات الرزق مادامت خزائني مملوءة لا تنفذ
يابن آدم : خلقتُ الأشياء كلها من أجلك وخلقتُك من أجلي
فسِر في طاعتي يُطِعك كل شئ
يا بن آدم: لي عليك فريضة ولك علي رزق، فإن خالفتني في فريضتي
لم أخالفك في رزقك
يا بن آدم: إن رضيتَ بما قسمته لك أرحتُ قلبكَ
و إن لم ترضي بم قسمته لك فوعزتي وجلالي لأسلّطنّ عليك الدنيا تركض فيها كركض الوحوش في البرية ولا ينالُك منها إلا ما قسمتُه لك
وكنت عندي مذموماً
جزاكي الله كل خير يا امل

[الورده البيضاء]

موضوع اكثر من رائع وعجبني جدا فكرته
بس المفروض مش
يلا يابنات نشتغل ونعلى الهمه لربنا .. ونوحد هدفنا .. وعجلت اليك ربى لترضى..
المفروض كلنا شباب وبنات نشتغل ونحقق الهدف اللي اتخلقنا من اجله
يقول الله عز وجل في الحديث القدسي
يابن آدم : لا تخف من ذى سلطان مادام سلطاني وملكي لا يزول
يابن آدم : لا تخف من فوات الرزق مادامت خزائني مملوءة لا تنفذ
يابن آدم : خلقتُ الأشياء كلها من أجلك وخلقتُك من أجلي
فسِر في طاعتي يُطِعك كل شئ
يا بن آدم: لي عليك فريضة ولك علي رزق، فإن خالفتني في فريضتي
لم أخالفك في رزقك
يا بن آدم: إن رضيتَ بما قسمته لك أرحتُ قلبكَ
و إن لم ترضي بم قسمته لك فوعزتي وجلالي لأسلّطنّ عليك الدنيا تركض فيها كركض الوحوش في البرية ولا ينالُك منها إلا ما قسمتُه لك
وكنت عندي مذموماً
جزاكي الله كل خير يا امل



ايانا واياكم يامصطفى
انت اللى مشاركتك فوق الرائعة
ربنا يباركلك
ويحمى بنات وشباب المسلمين

[hemo_friends]

جزاكم الله كل خير ويجعله فى ميزان حسناتكم

[الورده البيضاء]

جزاكم الله كل خير ويجعله فى ميزان حسناتكم

ايانا واياكم
الف شكر لمشاركة حضرتك

[heba]

جزاكِ الله خيرا موضوع جميل جدا
انا بحس فعلا ان اغلب البنات بيعيشوا بعد مرحلة الزواج والانجاب حياة روتبنية مملة وبتظهر بعد كده مشاكل زوجية كتيرة منها الصمت الاسري
وكنت دايما بسال هو ايه الي حصل دول كانوا ايام الخطوبة مش بيبطلو كلام !.. :a33:
يبقى الهدف من البداية ماكنش صح
اللهم استعملنا ولا تستبدلنا ، (وعجلت اليك ربي لترضى )

[Youssef Mostafa]

مرة راجل حكيم اسمه برنارد شو كلنا عارفينه طبعاا قاااال اييه:
المارة تقلق على مستقبلها حتى تحصل على زوج
والرجل لا يقلق على مستقبله الا بعد الزواج

والراجل دايما هدفه ازاى حيشوف مستقبله بعد الزواج
عشان كدة تلاقى البنات دايما هدفهم الزواج

[الورده البيضاء]

جزاكِ الله خيرا موضوع جميل جدا
انا بحس فعلا ان اغلب البنات بيعيشوا بعد مرحلة الزواج والانجاب حياة روتبنية مملة وبتظهر بعد كده مشاكل زوجية كتيرة منها الصمت الاسري
وكنت دايما بسال هو ايه الي حصل دول كانوا ايام الخطوبة مش بيبطلو كلام !.. :a33:
يبقى الهدف من البداية ماكنش صح
اللهم استعملنا ولا تستبدلنا ، (وعجلت اليك ربي لترضى )

فعلا ياهبة دى مشكلة مش بسيطة
ولو الانسان عرف سببها من الاول اكيد حاجات كتير هتتغير فحياتنا
جزاكى الله كل خير ياحبيبتى
ونورتى الموضوع

[الورده البيضاء]

مرة راجل حكيم اسمه برنارد شو كلنا عارفينه طبعاا قاااال اييه:
المارة تقلق على مستقبلها حتى تحصل على زوج
والرجل لا يقلق على مستقبله الا بعد الزواج

والراجل دايما هدفه ازاى حيشوف مستقبله بعد الزواج
عشان كدة تلاقى البنات دايما هدفهم الزواج


برنارد دا راجل معقد يايوسف
اتمنى انك متقتنعش بكلامة اوى
لانى اخد بالى ان كلامة عاجبك اوى
ربنا يستر
نورت الموضوع يايوسففففف