المساعد الشخصي الرقمي

مشاهدة النسخة كاملة : خايف احلم



عصام العادلى
10-27-2010, 07:00 PM
خايف احلم
اصل انا حلمى كابوس فى بلادى
وكمان حلمى اصبح مش عادى
جوة بلادى
اصل بلادى فيها حقايق مش احلام
حيث فهمت منذ مرور عدة ايام
انى مواطن ممكن انام
بس الحلم اخرة يكون حبة اوهام
يعنى يكون كلام فى كلام
ولما اقوم الصبح انساة واقولة سلام
يبقى انا لية من الاول احلم ولا انام
خايف احلم
هوة حرام انى احلم.؟!الله اعلم
مطلوب منى انى اعيش من غير مفهم
اشوف واسكت...........زى الابكم
وانا مش ابكم انا بتكلم
ولو انا ابكم او مش متعلم حقى احلم
وعشان كدة انا خايف احلم
خايف احلم
خايف يبقى الحلم خيال
خايف يبقى كلام واتقال
اصل لوحدى مش راح اغيرالاحوال
كل احلامكم مفيهاش شىء فى الدنيا محال
حتى كمان ماتت الامال
بس كفاية..؟! دمعى سال
اصل انا فعلا خايف احلم
خايف احلم


الكاتب
عصام العادلى

Ma7amed Adel
10-28-2010, 12:38 PM
ليه بس الحلم مش مستحيل مادام تحقيقه مباح ولازم نتمسك بالامل لاخر يوم فى عمرنا بجد كلمات رائع واحساس عالى

Abdo Samy
10-28-2010, 09:34 PM
موضوع حلو تسلم

عصام العادلى
11-07-2010, 07:13 AM
شكراااااااااااااااااااا
الف شكررررررررر