المساعد الشخصي الرقمي

مشاهدة النسخة كاملة : المسمي الوظيفي لخريجي اداب جغرافيا شعبة gis ايه ؟؟؟؟



el mosikaro
11-05-2010, 10:01 PM
بصراحة انا مش عرفت اكتب الموضوع في اي قسم فاكتبته في العام وهو باختصار ما هو المسمي الوظيفي لخريجي اداب جغرافيا نظم معلومات جغرافيا في الهيئات الحكومة المصرية ؟؟؟؟؟؟؟؟؟؟ ياريت يا جماعة تفيدوني من فضلكم

el mosikaro
11-06-2010, 10:10 AM
ايه ده ؟؟؟؟؟ معقول والله !!!

وربنا زعلان 17 مشاهدة

وما في رد واحد ما حدش يقول مش عارفين !!

smart girl
11-06-2010, 11:08 AM
السلام عليكم
هو المسمى لخريجى اداب شعبة مساحة هو مساح دة بديهى كل الناس عارفاة بس على ما اعتقد ان ممكن يكون خريجى شعبة gis المسمى الخاص بيهم هو خرائطى او جغرافى والله اعلم .. ودة مش أكيد بردة

ياسرالحزين
11-06-2010, 11:11 AM
ياابني احنا اصلا منعرفش المفروض نشتغل في ايه اوفين يبقى هنعرف المسمى الوظيفي ايه.............
....ابتسم بشدة فانت في مصر......

el mosikaro
11-06-2010, 12:24 PM
السلام عليكم
هو المسمى لخريجى اداب شعبة مساحة هو مساح دة بديهى كل الناس عارفاة بس على ما اعتقد ان ممكن يكون خريجى شعبة gis المسمى الخاص بيهم هو خرائطى او جغرافى والله اعلم .. ودة مش أكيد بردة


هو الجغرافي عموما خريج جغرافيا وخلاص مايهمش شعبة ايه ؟؟؟؟؟؟؟

بس ده مش مسمي وظيفي معترف بيه والله اعلم


ياابني احنا اصلا منعرفش المفروض نشتغل في ايه اوفين يبقى هنعرف المسمى الوظيفي ايه.............
....ابتسم بشدة فانت في مصر......

تشتغل في مجال يتعلق بالمكان وابعاده وموقعه وموضعه ...... الخ

:a33: :a33: :a33: :a33: :a33: :a33: :a33: :a33:


عموما هانلاقي حد يرد علي الاستفسار برده اكيد وهايبتسم بشدة برده

ALY ELSAYED
11-06-2010, 01:44 PM
المسمي الوظيفي اخصائي نظم معلومات جغرافيه

esraa marey
11-06-2010, 02:47 PM
ال انا اعرفه ان خريج قسمنا
اسمه "اخصائى نظم المعلوماتالجغرافية"
وشعبة مساحة اسمه"اخصائى مساحة مش مساح"

el mosikaro
11-06-2010, 03:57 PM
المسمي الوظيفي اخصائي نظم معلومات جغرافيه




ال انا اعرفه ان خريج قسمنا
اسمه "اخصائى نظم المعلوماتالجغرافية"
وشعبة مساحة اسمه"اخصائى مساحة مش مساح"




معني كده اني لو غيرت البطاقة عشان تتغير الوظيفة من طالب الي .............. هاتكون اخصائي ظم معلومات جغرافية ؟؟؟؟؟؟؟؟؟

ولا ايه ؟؟؟؟؟؟؟؟؟؟؟؟

ولا ده مسميات احنا اللي بنسميها بعيدا عن المسميات الرسمية ؟؟؟؟؟؟

Ahmed Kotb
11-06-2010, 08:21 PM
خريج شعبة المساحة والخرائط المسمى الوظيفى ( أخصائى مساحة وخرائط ) أما خريج الشعبة العامة المسمى الوظيفى ( أخصائى نظم معلومات جغرافية ) وفى معلومة هامة جديدة متأكد منها إن خريج شعبة المساحة والخرائط ممكن يطلع على تأشيرة مهندس مساحة وذلك لأن وزارة العمل السعودية ضمت خريجى شعبة المساحة والخرائط لنقابة المهندسين يعنى محدش يطلع على تأشيرة مساح مع إحترامى لجميع المساحين بس المؤهل العالى يأخذ حقة وكمان خريج الشعبة العامة ممكن يطلع على تأشيرة مهندس برامج خرائط بس المهم انه يكون دارس نظم معلومات جغرافية كويس أوي وده الرابط يمكنكم التأكد من ذلك
http://www.surveg.com/forum.php?action=view&id=153

el mosikaro
11-06-2010, 10:27 PM
خريج شعبة المساحة والخرائط المسمى الوظيفى ( أخصائى مساحة وخرائط ) أما خريج الشعبة العامة المسمى الوظيفى ( أخصائى نظم معلومات جغرافية ) وفى معلومة هامة جديدة متأكد منها إن خريج شعبة المساحة والخرائط ممكن يطلع على تأشيرة مهندس مساحة وذلك لأن وزارة العمل السعودية ضمت خريجى شعبة المساحة والخرائط لنقابة المهندسين يعنى محدش يطلع على تأشيرة مساح مع إحترامى لجميع المساحين بس المؤهل العالى يأخذ حقة وكمان خريج الشعبة العامة ممكن يطلع على تأشيرة مهندس برامج خرائط بس المهم انه يكون دارس نظم معلومات جغرافية كويس أوي وده الرابط يمكنكم التأكد من ذلك
http://www.surveg.com/forum.php?action=view&id=153

طب وبالنسبة لمصر

hemo_friends
11-08-2010, 07:24 PM
يجدعان خريج شعبه مساحه وخريج شعبه نظم معلومات مهندسين مساحه فى السعوديه وفى مصر مش عارف

el mosikaro
11-08-2010, 08:30 PM
يجدعان خريج شعبه مساحه وخريج شعبه نظم معلومات مهندسين مساحه فى السعوديه وفى مصر مش عارف

اولا فيه فرق كبير جددددددددااااااااااا بين خريج شعبة المساحة وخريج شعبة نظم معلومات جغرافية ان لم يكون في المسمي فهو في المواد التي مت دراستها بين كليهما

ثانيا مهندس ديه لازم يكون معاه بكالوريوس هندسة

hemo_friends
11-09-2010, 06:31 PM
انا خريج اداب واقامتى مهندس مساحه فى القوات الجويه الملكيه السعوديه

محمد حسن على
11-10-2010, 10:36 AM
السلام عليكم
انا طالب بالفرقة الثالثة شعبة خرائط كلية الاداب جامعة الزقازيق
هل مسمى اخصائى مساحة بيتكتب فى البطاقة ولا بيتكتب مساح ارجو التوضيح

KAREEM
11-12-2010, 01:50 PM
اخى الموسيقار
اولا احب اشكرك على طرحك للموضوع دا
ثانيا عايزك تشيل اغنيه ابكى يا زمالك من توقيعك
هى روووووووعه على فكره وانت فنان
بس دى مش ايامها وممكن تعمل لنا اغنيه للمئويه

نرجع لموضوعنا انا بما ان دى اخر سنه ليا
فى شعبة الجغرافيا ونظم المعلومات الجغرافية
فانا اللى اعرفه ان المسمى الوظيفى
اخصائى نظم معلومات جغرافية
بس معرفش الكلام دا الرسمى ولا لا
بس ممكن الباشمهندس عمرو يخش يقوللنا
بما انه شغال فى المجال دا فى مصر هنا
واكيد غيرها فى البطاقة

فى انتظار رد الباشمهندس عمرو محمد

وجزاك الله خير على طرحك لهذا النقاش

el mosikaro
11-13-2010, 11:32 AM
اخى الموسيقار
اولا احب اشكرك على طرحك للموضوع دا
ثانيا عايزك تشيل اغنيه ابكى يا زمالك من توقيعك
هى روووووووعه على فكره وانت فنان
بس دى مش ايامها وممكن تعمل لنا اغنيه للمئويه

نرجع لموضوعنا انا بما ان دى اخر سنه ليا
فى شعبة الجغرافيا ونظم المعلومات الجغرافية
فانا اللى اعرفه ان المسمى الوظيفى
اخصائى نظم معلومات جغرافية
بس معرفش الكلام دا الرسمى ولا لا
بس ممكن الباشمهندس عمرو يخش يقوللنا
بما انه شغال فى المجال دا فى مصر هنا
واكيد غيرها فى البطاقة

فى انتظار رد الباشمهندس عمرو محمد

وجزاك الله خير على طرحك لهذا النقاش


ميرسي ليك بس الاغنية ان شاء الله مش وقتها انا عارف ده كويس بس بصراحة وشها حلو علينا من يوم ما اتعملت جبنا حسام وابراهيم وبدأنا نلعب كورة والاهلي بدأ يقع الحمد لله هههههههههههههههههههههههههههه ما حدش من الاهلوية يزعل
وان شاء الله في اغنية قريب اوي للمئوية

اما بالنسبة لموضوعنا الرئيسي فا فعلا انا محتار مش عارف اقول انا باشتغل ايه ؟؟؟؟؟؟؟

مهندس نظم معلومات جغرافية يبقي لازم يبقي معايا بكالوريوس هندسة
اخصائي نظم معلومات و لا محلل ولا مدخل بيانات و لا رسام ولا ايه ولا ايه شئ يضاسق بأمانة !!!!!!!!!!

وفي انتظار رد الباشمهدس عمرو

mohamed013579
11-13-2010, 01:09 PM
جزاك الله خيراا

مصطفى مصيلحى مصيلحى العقبه
11-27-2010, 10:32 PM
ارجو من الاخوة الرملاء الا احد يحاول ان يفتى فى شىء هو لايعلم عنه شىء فمن قال لا اعرف فقد افتى اما الاخوة اللدين يتكلمون ويسارعون بالرد فى امور هم يجهلونها فهدا يضر كثيرا ولا ينفع وكفانا اجابات تضر اكثر مما تنفع وليت الضرر يعود على الشخص نفسه بل انه يضر بنا جميعا كعاملين فى هده المهنة اسف على الحدة فى هده المداخلة ولكن هدا من شدة غيرتى على هده المهنة
دعونى اطرح عليكم سوءال"ما هى مهنتك ايها الخريج"
تحرى الدقة فى الاجابة ولاداعى للتسرع فمعنى سوءلى واضح ولكنى حتى الان لااجد الاجابة

hemo_friends
11-28-2010, 02:28 AM
يبهوات الانقسام الواضح بين الخريجين هو السبب الر ئيسى لعدم وجود اعتراف رسمى بنا مع احترامى الكامل للزملاء المعترف بيه دوليا ان خريجى المؤهلات العليا يرءسون تخصصاتهم ويتولون المناصب العليا والقياده كل فى مجاله يعنى ليسانس اداب مساحه وخرائط اونظم معلومات جغرافيه هما المديرين زيهم زى خريجى هندسه يعنى نفس المرتبه العلميه والاجتماعيه وده الحقيقه ولازم كل خريج يعرف كويس الكلام ده علشان المشكله بتيجى ان خريجى هندسه طبعا مش كلهم عاملين نفسهم ضباط جيش وخريج اداب صول عند ه ولما حد يقول ان خريج اداب مساحه مهندس مساحه تقولو لا احنا مش خرجين هندسه احنا مؤهلات عليا فى المساحه زي خريج كليه الهندسه بالظبط ولازم كل واحد يتعامل بالمنطق ده احنا مش مساحين مع احترامى لخريجى المعاهد فوق المتوسطه والمفروض ان يكون فى دور اكبر من كده القسم بقاله خمسين سنه ومش عارفين يعملو نقابه ولا اى حاجه من خمسين سنه المشكله ده موجوده ومش هتنتهى طول ما فى ناس مقتنعه انها فنيين وليس مديرين ...

مشتاقه للجنه
11-28-2010, 05:47 PM
يبهوات الانقسام الواضح بين الخريجين هو السبب الر ئيسى لعدم وجود اعتراف رسمى بنا مع احترامى الكامل للزملاء المعترف بيه دوليا ان خريجى المؤهلات العليا يرءسون تخصصاتهم ويتولون المناصب العليا والقياده كل فى مجاله يعنى ليسانس اداب مساحه وخرائط اونظم معلومات جغرافيه هما المديرين زيهم زى خريجى هندسه يعنى نفس المرتبه العلميه والاجتماعيه وده الحقيقه ولازم كل خريج يعرف كويس الكلام ده علشان المشكله بتيجى ان خريجى هندسه طبعا مش كلهم عاملين نفسهم ضباط جيش وخريج اداب صول عند ه ولما حد يقول ان خريج اداب مساحه مهندس مساحه تقولو لا احنا مش خرجين هندسه احنا مؤهلات عليا فى المساحه زي خريج كليه الهندسه بالظبط ولازم كل واحد يتعامل بالمنطق ده احنا مش مساحين مع احترامى لخريجى المعاهد فوق المتوسطه والمفروض ان يكون فى دور اكبر من كده القسم بقاله خمسين سنه ومش عارفين يعملو نقابه ولا اى حاجه من خمسين سنه المشكله ده موجوده ومش هتنتهى طول ما فى ناس مقتنعه انها فنيين وليس مديرين ...
بجد كلام جميل جدا

وفى حاجه تانيه مش حلوه فينا احنا كزمايل فى القسم من الشعبتين ان الى دخل مساحه كائنه دخل الجنه ويتعامل مع زميله فى شعبه النظم على انه اقل منه ياريت بلاش الحكايه دى ونتعامل مع بعض بروح احلى من كده

وعايزه اعرف هى كلمه شعبه نظم المعلومات مسحت كلمه الشعبه العامه
انا شعبه نظم اقول انا فى اداب جغرافيا شعبه نظم ولا شعبه عامه؟

فى جامعه كفر الشيخ فى 3شعب مش 2 زى عندنا عندهم شعبه مساحه ونظم وعامه والدخول فيها بالرغبات استماره وبيملها الطالب مش زى عندنا انت بتحب شعبه وحصلتلك حاجه تدخلك شعبه تانيه خالص تغير مصير احلامك بجد دى مشكله وفى الجامعات الاوربيه فى شعبه ارصاد جويه

ا

sadat
12-21-2010, 02:53 PM
إمتى نخلص من كابوس المسميات دى عشان انشاء الله حتفرق كتير أدبيا وماديا فى سوق العمل خاصة بالخارج]

محمد الفرارجي
12-21-2010, 11:21 PM
بالنسبة لمصر سؤال ظريف.

ده بيرجع باعتراف الجهة اللي بتشتغل معاها بالمسمى الوظيفي بتاعك
لأنهم بيتاحسبوا على كل فئة بتشتغل معاهم في التأمينات وخلافه.

وبالتالي ممكن يسجلك مدخل بيانات وممكن تبقى أخصائي نظم يعني في مصر زي حاجات كتير قوي مفيش سيستم بيحكم الشغل فكل واحد عامل لنفسه شغل.

ويا سيدي ما تزعلش خالص أنت ظبط نفسك وخلص دراستك وشد على بره في أي شغل متعلق بالنظم الجغرافية وخصوصا إنها مطلوبة جدا في دول الخليج. وهناك كده كده هتتظبط في الراتب إن شاء الله

ومالآخر يا ريت يا جماعة نفهم إننا أخصائيين مش مهندسين إحنا دراستنا مش هندسة إحنا آداب وثاني حاجة شرف لينا انتماءنا لتخصصنا ونشتغل بيه فيا ريت نرضى بيه عشان يتقدم بينا إن شاء الله

ياسر منصور
09-29-2011, 01:05 AM
مشكورين علي الافاده