المساعد الشخصي الرقمي

مشاهدة النسخة كاملة : كل شىء عن مشروع تخرج شعبة مساحة 2011



e4e
11-25-2010, 02:43 AM
http://www.mesa7a.com/forum/mwaextraedit5/extra/72.gif


اولاً كيف حالكم جميعاً؟
ثانياً: خلاص احنا على وشك تسليم اسماء المجموعات والمصاريف فكنت حابب اوضح بعض النقاط:
على كل قائد مجموعة احضار كشف مكتوب على الحاسب الآلى به ( اسم الطالب - عنوانه - رقمه القومى - هاتف المنزل - الحالة ( انتظام - انتساب - انتساب موجه ))
بالاضافة الى 400 جنيه من كل طالب يسلمها قائد المجموعة مع الكشف الى الى استاذ / سيد سعيد.
ثالثاً : بالنسبة لمكان مشروع التخرج اكيد زاد الكلام والجدل عن الموضوع ده فئة اختارت مطروح وفئة ثانية الغردقة.
لو هتسالونى عن راى هؤلكم الغردقة. لاسباب كتيرة :
منها تدرس المكان والذى سيسمح لنا بمواجهة ظروف صعبة لابد وان تمر علينا مثلها خلال عمرنا المهنى , ولكن الفرق هنا انك هتلاقى مشرف يوجهك . بره هتكون لوحدك.
وغير كده متنسوش حماسة المشرفين هتكون ازاى فى مكان جديد زى ده. وده طبعاً له مردود ايجابى كبير لينا. فى نفس الوقت الى احنا هنكون اصلاً متحمسين جداً للمكان الى احنا رايحينوه اكتر بكتير من مطروح. المكان الى معظمنا راحه كتير . مابالك بالمعيدين الى حفظوه.على الرغم من ان الشغل هيكون فى وادى جديد.
طيب الناس الى رفضه الغردقة... رفضاها ليه؟؟

ممكن يكون لسببين - الاول:
انهم انتساب وراحوا أصلاً الغردقة السنة الى فاتت ولفوا واتفسحوا هناك عشرة على عشرة :a35: اللهم ما لا حسد :).

السبب الثانى:

وهوا ان بعض زملائنا مقدرتهم المادية متسمحش ليهم بدفع فارق المصروفات بين الغردقة ومطروح والى بيتراوح بين 225 و300 جنيه تقريباً.

واكيد احنا مش نسينهم... والمشكلة حلها بسيط بس هتتطلب منا تكاتف شوية.
والفكرة هيا ان كل واحد فينا يدفع بحد ادنى على المصروفات 20 جنيه زيادة.
الفلوس الزائدة ده هنجمعها ونديها لدكتور على ذكى.
والذى ستكون لديه اسماء الطلاب الغير قادرين.
طبعاً اسماء الطلاب دول هيتجمعوا عن طريق قادة المجموعات .
كل قائد مجموعة هيسلم اسماء الناس الى معاه فى سريه تامه. ويكتب العجز لكل واحد كام.
بمعنى
ان لو فرضنا مصروفات مطروح 500 جنيه
والغردقة 750
اذاً الفرق 250
ولو زميلنا هيقدر يدفع زيادة 100 جنيه
يبقى الفرق 150
ال150 دول هيضافوا اليه من فائض المصاريف المجمعه من حضراتكم.
ده اقتراح وهستنى الرد من حضراتكم.
وجزاكم الله خيراً.

your mind
11-25-2010, 03:19 AM
ربنا يوفق :a33:

والله غردقه مطروح اهو كلو وجع قلب :a11:

مافيش احلى من قعده البيت والانتخه والنت والاكل والنوم :a34:

تم التصويت الغردقه طبعا:a12:

mohamed ali
11-25-2010, 03:34 AM
مبادرة طيبة جدا منك يااسلام وحمد لله ع سلامتك نورت المنتدى

بص ياسلوم اولا انتا بتقزل المكان حيكون جديد اوك

فى كلا الحالتين حيكون جديد مش حتفرق غير فى مطروح الفندق حيكون هو هو

ولكن الوادى حيتغير يعنى حيكون جديد علينا وع المعدين ولو حلصت دربكة حيكون علينا وع المعدين

فى الغردقة هى هى بردو مكان جديد بس هنا فى وادى جديد وفندق جديد

فا مش حتفرق حكاية منقطة جديدة لانك فى الحالاتين انتا حتروح مكان جديد والشغل حيكون من الاول

ثانيا ودا الاهم

انتا بتقول اننا نجمع للناس اللى مش قادرة تدفع تمام بس اييييه ضمنك ان الناس دى ترضى تدفع

انا عن نفسى لو مش معايا مش حخلى حد يدفعلى جزء مش مشروع تخرجى وفى ناس مش حتقول حتى

لقائد المجموعة حتى هو مش عايز حد يدفعلة وانتا شوفت ان الزيادة دى لانتساب حيكون اكبر يعنى لو المشروع بى

بى 750 زى ماقولت(والدكتور قال دى للفندق والموصلات فاضلك الوجبة ) زود عليها 100 جنيةللانتساب يبقى الراجل حيدفع 850 جنية وغير مثلا 100 مصاريف اكل وممكن يجيبة معاه ومصروف ايدة يبقى مثلا 950

يعنى ممكن تصفى معاه ع 1000

-مش لو دفع 600 حنية كحد اقصى ووفر الباقى ياخد بها كورس برامج يكون احلى-

انا عايز اقدر ظروف زميلى هو مش عايز حد يدفعله انا زى ماقولتك انا حتحرج اقول للقائد وتخليل لو القائد بنت مثلا

قابل بقا

وفى النهاية ممكن تلاقى واحد دخل للدكتور وقاله انا مش حقدر ادفع تبقى خلاص خلصت على راى "دكتور على"



وبعدين وادى الرمل حيكون فى شغل جامد مش مستهلة يعنى

esraa marey
11-25-2010, 10:19 AM
ربنا معاكم ويوفقكم
ترحوا وتجيوا يالسلامة
بس انا لو منكم اختار الغردقة
دا التغير مطلوب

MUHAMED SAMY
11-25-2010, 12:58 PM
مطروووووح
ليه تدفع اكتر لما ممكن تدفع اقل
إسلام الناس خنقت احمد حسنى
فى لم فلوس الخرائط السنة اللى فاتت
ودكتور على ذكى مؤيد لمطروح
وبالعقل كده
ان اللى هيقدر يدفع فلوس مطروح هيقدر يدفع فلوس الغردقة
لكن العكس موش صحيح
والدكتورقال ان مطروح امان
و بيوفرولنا عربية اسعاف جنب الفندق
وزى ما قال محمد على انا مش مطلوب منى فلوس المشروع بس
انا لسه مخدتش برامج اللى هى 390 جنيه تقريبا
gis لو حبيت تاخده ب 2000 جنيه تقريبا
انا عايز اطلع رخصة سواقة ب350:500 جنيه
عايز اخد icdl
انـــــــــا حياتى مش الكلية بس
وبصراحة يعنى انا مش هخلى حد يدفعلى لو حكمت انى مطلعش المشروع

ووادى الرملة هيكون جديد ع الكل

وبدل ما نستنى خصومات من هنا ومن هنا
مطروح احسن
ولو من الممكن فوج مطروح وفوج الغردقة
يبقى تم ارضاء الطرفين
وتم اتعاب
المشرفين

يـــــاريــت الـــناس تــكــون عارفه اننا
مـــش طــالــعــيــن
رحـــلـــة

Horiaa Swedan
11-28-2010, 08:26 AM
الله ينور موضوع رائع بجد وعرض ممتاز زى معودتنا ديما يا اسلام جزاك الله خير وعوده طيبه

ويارب تروحوا وترجعوا بالف سلامه باذن الله وانا والله فرحانه اووووووووووى مطروح غردقه اى حاجه بس بره اسكندريه

بالتوفيق

MUHAMED SAMY
11-29-2010, 07:40 PM
السلام عليكم

بتمنى من
هبة..كريم..حورية
غلق الموضوع او ياريته وضعه فى الارشيف
او حذفه
لعدم اهميته

"بقيت اتنرفز لما اشوفه"

e4e
11-29-2010, 11:02 PM
ربنا يوفق :a33:
والله غردقه مطروح اهو كلو وجع قلب :a11:
مافيش احلى من قعده البيت والانتخه والنت والاكل والنوم :a34:
تم التصويت الغردقه طبعا:a12:
يسلاااااااااام عليك انت كده جبت المفيد مالها الانتخة وماله الفيس بوك . خلاص
كلها كام شهر ان شاء الله ونودع الفراغ والوقت الفاضى.
لو اشتغلنا يعنى :a28:



مبادرة طيبة جدا منك يااسلام وحمد لله ع سلامتك نورت المنتدى

بص ياسلوم اولا انتا بتقزل المكان حيكون جديد اوك
فى كلا الحالتين حيكون جديد مش حتفرق غير فى مطروح الفندق حيكون هو هو
ولكن الوادى حيتغير يعنى حيكون جديد علينا وع المعدين ولو حلصت دربكة حيكون علينا وع المعدين
فى الغردقة هى هى بردو مكان جديد بس هنا فى وادى جديد وفندق جديد
فا مش حتفرق حكاية منقطة جديدة لانك فى الحالاتين انتا حتروح مكان جديد والشغل حيكون من الاول
ثانيا ودا الاهم
انتا بتقول اننا نجمع للناس اللى مش قادرة تدفع تمام بس اييييه ضمنك ان الناس دى ترضى تدفع
انا عن نفسى لو مش معايا مش حخلى حد يدفعلى جزء مش مشروع تخرجى وفى ناس مش حتقول حتى
لقائد المجموعة حتى هو مش عايز حد يدفعلة وانتا شوفت ان الزيادة دى لانتساب حيكون اكبر يعنى لو المشروع بى
بى 750 زى ماقولت(والدكتور قال دى للفندق والموصلات فاضلك الوجبة ) زود عليها 100 جنيةللانتساب يبقى الراجل حيدفع 850 جنية وغير مثلا 100 مصاريف اكل وممكن يجيبة معاه ومصروف ايدة يبقى مثلا 950
يعنى ممكن تصفى معاه ع 1000
-مش لو دفع 600 حنية كحد اقصى ووفر الباقى ياخد بها كورس برامج يكون احلى-
انا عايز اقدر ظروف زميلى هو مش عايز حد يدفعله انا زى ماقولتك انا حتحرج اقول للقائد وتخليل لو القائد بنت مثلا
قابل بقا
وفى النهاية ممكن تلاقى واحد دخل للدكتور وقاله انا مش حقدر ادفع تبقى خلاص خلصت على راى "دكتور على"

وبعدين وادى الرمل حيكون فى شغل جامد مش مستهلة يعنى


الله يسلمك يا حوده ده بس من كرم اخلاقك
الحمد لله الموضوع اتحسم وكان القرار الغردقة بمصاريف 700 ج للانتظام
و 800 ج للانتساب




ربنا معاكم ويوفقكم

ترحوا وتجيوا يالسلامة
بس انا لو منكم اختار الغردقة
دا التغير مطلوب

جزاكى الله خيراً على المرور والمشاركة.




مطروووووح

ليه تدفع اكتر لما ممكن تدفع اقل
إسلام الناس خنقت احمد حسنى
فى لم فلوس الخرائط السنة اللى فاتت
ودكتور على ذكى مؤيد لمطروح
وبالعقل كده
ان اللى هيقدر يدفع فلوس مطروح هيقدر يدفع فلوس الغردقة
لكن العكس موش صحيح
والدكتورقال ان مطروح امان
و بيوفرولنا عربية اسعاف جنب الفندق
وزى ما قال محمد على انا مش مطلوب منى فلوس المشروع بس
انا لسه مخدتش برامج اللى هى 390 جنيه تقريبا
gis لو حبيت تاخده ب 2000 جنيه تقريبا
انا عايز اطلع رخصة سواقة ب350:500 جنيه
عايز اخد icdl
انـــــــــا حياتى مش الكلية بس
وبصراحة يعنى انا مش هخلى حد يدفعلى لو حكمت انى مطلعش المشروع
ووادى الرملة هيكون جديد ع الكل
وبدل ما نستنى خصومات من هنا ومن هنا
مطروح احسن
ولو من الممكن فوج مطروح وفوج الغردقة
يبقى تم ارضاء الطرفين
وتم اتعاب
المشرفين
يـــــاريــت الـــناس تــكــون عارفه اننا
مـــش طــالــعــيــن
رحـــلـــة


انا معاك انا مش حياتنا بس كلية ولكن باقى حياتنا ده مش هتقف على 275 جنيه ومش هناخد بيها كل الحاجات الى اولت عليها ده
وخلاص الموضوع مبقاش فى ايدينا وبالنسبة لموضوع التكافل ده
انا مش عايز حد يزعل منى يمكن انا فكرت بطريقة مختلفة شوية عن طريقة تفكيرك انت او ناس تانية لامتنى على الموضوع ده
خلاص حقكم عليا بس الاقتراح ده قولته لما معظم الدفعة اختارت غردقة فى الوقت الى بعض الطلبة مش هيقدروا يدفعوا فرق المصروفات.
فكان الاقتراح انكم لو فعلاً ناويين تطلعوا الغردقة يبقى تتحملوا مسؤليت اختياركم ونتعاون مع غير القادر - ومش معنى انه غير قادر الآن انه اقل او احسن - مش هوا ده المقياس ابداً.
قال رسول الله صلى الله عليه وسلم " لافرق بين عربى ولا اعجمى الا بالتقوى"
والاقتراح ده ايضاً كان من باب قول الله عز وجل: {إِنَّمَا المُؤْمِنُونَ إِخْوَةٌ}
وحديث رسول الله صلى الله عليه وسلم : "المؤمن للمؤمن كالبنيان يَشُدُّ بعضُه بعضاً – وشبك بين أصابعه"
وعمتاً مبروك عليك يا سامى العربية مقدماً عقبالنا :a39:

الله ينور موضوع رائع بجد وعرض ممتاز زى معودتنا ديما يا اسلام جزاك الله خير وعوده طيبه
ويارب تروحوا وترجعوا بالف سلامه باذن الله وانا والله فرحانه اووووووووووى مطروح غردقه اى حاجه بس بره اسكندريه
بالتوفيق
جزانا الله واياكى يا حوريه دائماً بتحرجينا بذوقك
ربنا يتمم فرحتنا كلها بخير ونروح المشروع ونرجع كلنا سالمين غانمين.

e4e
11-29-2010, 11:10 PM
السلام عليكم

بتمنى من
هبة..كريم..حورية
غلق الموضوع او ياريته وضعه فى الارشيف
او حذفه
لعدم اهميته

"بقيت اتنرفز لما اشوفه"




والله يا سامى انا مش شايف انه من حقك انك تقول ان الموضوع لا اهمية له ولو بينرفزك محدش غصب عليك تقراه او تشارك فيه
الموضوع يا سامى مش مقتصر على الاختيار بين مطروح والغردقة حتى ان التصويت له فترة محدودة وهيغلق تلقائياً .. أقرى العنوان هتعهرف ان الموضوع بيتكلم عن كل شىء عن المشروع .
فياريت تفكر شوية ابل متكتب حاجة ممكن تزعل حد منك.

MUHAMED SAMY
11-29-2010, 11:11 PM
فعلا يا اسلام 275 جنيه مش هم اللى هيفرقو وده مشروع مره فى العمره
بس المفروض اللى معاه يراعى اللى ممعهوش
حتى لو كل مجوعة هتتكفل بنفسها
اكيد كل واحد من جواه ........
هى سنة وتعدى مطروح غردقة شلالات ........

حديث رسول الله صلى الله عليه وسلم : "المؤمن للمؤمن كالبنيان يَشُدُّ بعضُه بعضاً – وشبك بين أصابعه"


بص يا سولم اللى مضايقنى لو انا ممعيش ال700 جنيه؟؟
كنت هعمل ايه؟؟

على كده الفنادق اللى فى الغردقة فيها وير ليس؟؟

MUHAMED SAMY
11-29-2010, 11:14 PM
والله يا سامى انا مش شايف انه من حقك انك تقول ان الموضوع لا اهمية له ولو بينرفزك محدش غصب عليك تقراه او تشارك فيه
الموضوع يا سامى مش مقتصر على الاختيار بين مطروح والغردقة حتى ان التصويت له فترة محدودة وهيغلق تلقائياً .. أقرى العنوان هتعهرف ان الموضوع بيتكلم عن كل شىء عن المشروع .
فياريت تفكر شوية ابل متكتب حاجة ممكن تزعل حد منك.



سو سورى ياسولم

colubaly2010
11-30-2010, 05:36 PM
أصدقائى الزملاء انا مش من عادتنى المشاركة لكن لقيت الموضوع مهم وفيه لغط كتيير انا اسمى حسن محمد حسن الفرقة الرابعة شعبة مساحة وخرائط راى الشخصى اختيار الغردقة اولا لان الغردقة مكان جديد بالنسبة لينا ابناء الاسكندرية لان معظمنا او الغالبية العظمى راحوا مطروح فسحة او عمل وانا حتكلم عن تجربة خاصة بى انا عيشت فى منطقة من مطروح الى برانى سنة اثناء فترة التجنبد مطروح حلوة فى الصيف ولكن اقل نسمة هواء بسيطة فى مطروح يصاحبها عاصفة ترابية شديدة جدا جدا وخاصة فى الشتاء وما ادراك ما الشتاء فى مطروح حنلاقى زميلنا مش حيستحملوا الجو وحيتمنوا الايام تعدى بسرعة وحنفتقد المتعة فى العملوبالاضافة الى معانة زملاء من الحساسية والتراب موضوع صعب جدا ياجماعة عن تجربة لكن الغردقة مكان جبلى الى حد ما مش صحراء مفتوحة وضيف الى كده انا المشروع فى شهر 2 يعنى فى الشتاء افضل شهور السنة فى الغردقة من حيث الجو فانا باييد فكرة الغردقة جدا جدا جدا ولكن فى مشكلة انا فى بعض الزملاء غير قادرين على الدفع لو عملنا بفكرة اسلام مع انها فكرة جميلة بس زى ما فى زميل قال اش طمنك ؟؟؟؟؟؟؟ فا انا بقول انا كل ليدر مجموعة اكيد عارف مين مش قادر ومين قادر وكل مجموعة تساوى نفسها بنفسها يعنى بالكتيير حتلاقى واحد او اتنين غير قادرين يعنى مبلغ الفرق يتراوح بين 200 الى 300 جنية والاجمالى 400 الى 600 جنيه يتقسموا على جميع افراد المجموعة ده راى وياريت يجمعا نتعاون مع اخوانا اسلام انا حاسس انه بيتكلم لوحده مافيش مساعدة من الاخوة الزملا ء وجزاءه الله خير على مجهواده

mohamed ali
12-01-2010, 11:11 PM
السلام عليكم

بتمنى من
هبة..كريم..حورية
غلق الموضوع او ياريته وضعه فى الارشيف
او حذفه
لعدم اهميته

"بقيت اتنرفز لما اشوفه"




لا ياسامى مش عشان انتا بتنرفز خلاص

عيب يعنى انتا كبير لا انا شايف ان الموضوع بيطرح مكان للمناقشة حتى لو انعدم فى الكلية

mohamed ali
12-01-2010, 11:13 PM
أصدقائى الزملاء انا مش من عادتنى المشاركة لكن لقيت الموضوع مهم وفيه لغط كتيير انا اسمى حسن محمد حسن الفرقة الرابعة شعبة مساحة وخرائط راى الشخصى اختيار الغردقة اولا لان الغردقة مكان جديد بالنسبة لينا ابناء الاسكندرية لان معظمنا او الغالبية العظمى راحوا مطروح فسحة او عمل وانا حتكلم عن تجربة خاصة بى انا عيشت فى منطقة من مطروح الى برانى سنة اثناء فترة التجنبد مطروح حلوة فى الصيف ولكن اقل نسمة هواء بسيطة فى مطروح يصاحبها عاصفة ترابية شديدة جدا جدا وخاصة فى الشتاء وما ادراك ما الشتاء فى مطروح حنلاقى زميلنا مش حيستحملوا الجو وحيتمنوا الايام تعدى بسرعة وحنفتقد المتعة فى العملوبالاضافة الى معانة زملاء من الحساسية والتراب موضوع صعب جدا ياجماعة عن تجربة لكن الغردقة مكان جبلى الى حد ما مش صحراء مفتوحة وضيف الى كده انا المشروع فى شهر 2 يعنى فى الشتاء افضل شهور السنة فى الغردقة من حيث الجو فانا باييد فكرة الغردقة جدا جدا جدا ولكن فى مشكلة انا فى بعض الزملاء غير قادرين على الدفع لو عملنا بفكرة اسلام مع انها فكرة جميلة بس زى ما فى زميل قال اش طمنك ؟؟؟؟؟؟؟ فا انا بقول انا كل ليدر مجموعة اكيد عارف مين مش قادر ومين قادر وكل مجموعة تساوى نفسها بنفسها يعنى بالكتيير حتلاقى واحد او اتنين غير قادرين يعنى مبلغ الفرق يتراوح بين 200 الى 300 جنية والاجمالى 400 الى 600 جنيه يتقسموا على جميع افراد المجموعة ده راى وياريت يجمعا نتعاون مع اخوانا اسلام انا حاسس انه بيتكلم لوحده مافيش مساعدة من الاخوة الزملا ء وجزاءه الله خير على مجهواده



الف شكر ياحسن وياريت ياحسن تشارك معانا فى المنتدى الف شكر ع مرورك الطيب

انا معاك فى حتة انو مكان جديد والدكتور قال كده

mohamed ali
12-01-2010, 11:14 PM
ودا ياشباب موقع فندق جراند ازور

فى الغردقة

http://www.azurhotels.com.eg/English/Grand/AllInclusive.asp

KAREEM
12-01-2010, 11:33 PM
سلامو عليكو

طبعا كلو عارف انا شعبه عامه
بس كل حبايبى فى مساحه
وانا بحط نفسى مكانكو
ولو اتحطيت فى الاختيار دا
حختار الغردقه طبعااااا
التجديد مهم جدا خاصة للمعيدين
اللى حيدرسو معاكو وكلها مميزات
واعتقد ان المشكلة الوحيدة من ناحية الغردقه
هى مشكلة مادية وفى نفس الوقت وهميه
ومش بتكلم من فراغ دا عن تجربه مع ناس حقيقيه
لان الناس بتبقى واخدها حجة بس لو فى دفع حقيقى
ممكن التصرف بالف طريقه حتى لو الظروف الماديه ايه بالذى
ودى مش قسوه على حد ولا عدم مراعاة ظروف
بس زى ما اسلام اقترح ممكن يتم الاقتراح دا
بصورته كدا زى ما هو جميل جداااااا والعمليه مفيهاش احراج

باذن الله تطلعو المشروع ويكون فى الغردقه ان شاء الله
وتقدرو تستفيدو الاستفادة الكاملة وتستمتعو بالمشروع قدر المستطاع

MUHAMED SAMY
12-02-2010, 12:13 AM
صور لاحدى فنادق azur

http://www.mesa7a.com/forum/mwaextraedit5/extra/83.gif

http://www.mesa7a.com/forum/imgcache/2256.imgcache.jpg



http://www.mesa7a.com/forum/imgcache/2257.imgcache.jpg



http://www.mesa7a.com/forum/imgcache/2258.imgcache.jpg


http://www.mesa7a.com/forum/imgcache/2259.imgcache.jpg


http://www.mesa7a.com/forum/imgcache/2260.imgcache.jpg


http://www.mesa7a.com/forum/imgcache/2261.imgcache.jpg


http://www.mesa7a.com/forum/imgcache/2262.imgcache.jpg


http://www.mesa7a.com/forum/imgcache/2263.imgcache.jpg


http://www.mesa7a.com/forum/imgcache/2264.imgcache.jpg


http://www.mesa7a.com/forum/imgcache/2265.imgcache.jpg


http://www.mesa7a.com/forum/imgcache/2266.imgcache.jpg


http://www.mesa7a.com/forum/imgcache/2267.imgcache.jpg


http://www.mesa7a.com/forum/imgcache/2268.imgcache.jpg


http://www.mesa7a.com/forum/imgcache/2269.imgcache.jpg


http://www.mesa7a.com/forum/imgcache/2270.imgcache.jpg

sniper2000
12-06-2010, 11:00 PM
بصراحة ياجماعة اللى قال الغردقة وصمم على كده المفروض كان يراعى زمايله اللى مش هيقدرو يدفعوا المبلغ ده فى ناس كتير مش قادرة تدفع غير جزء من المبلغ وهتبيع حاجات من معاها عشان تكمل المبلغ على العموم ربنا يوفقنا ويكون مشروع ناجح

MUHAMED SAMY
12-06-2010, 11:57 PM
بصراحة ياجماعة اللى قال الغردقة وصمم على كده المفروض كان يراعى زمايله اللى مش هيقدرو يدفعوا المبلغ ده فى ناس كتير مش قادرة تدفع غير جزء من المبلغ وهتبيع حاجات من معاها عشان تكمل المبلغ على العموم ربنا يوفقنا ويكون مشروع ناجح


بجد والله حاجة تحرق الدم
الحمد لله على اى حال
لو فى ناس معاها حاجة ممكن تبيعها
ممكن يكون فى ناس ممعهاش حاجة عشان تبيعها
ربنا يعمل اللى فيه الخير

شيماء رمضان الوهيبى
12-07-2010, 12:55 AM
اهم حاجة اننا بجد نستفاد من المشروع لان دة اخر فرصة للاستفادة لينا من المعيدين وجميع المشرفين اللى حيكونوا معانا بغض النظر فين مكانة حتى ولو فى ملعب الكلية

mohamed ali
12-22-2010, 09:56 PM
السلام عليكم ياجماعة بالنسبة للمشروع الخاص بشعبة المساحة والخرائط خلاص هو فى الغردقة

تم تحديد الميعاد حيكون يوم 3-2-2010 حيكون ميعاد الانطلاق الساعة 10 عندا الكلية

والمدة حتكون حوالى 9 ساعات حتى مكان الوصول بالاضافة الى ان وادى الدراسة اسمة"بالى"

بلاضافة الى ان اسماء المجموعات نزلت انهاردة فى القسم و جارى تجميع البيانات التفصيلية

لافراد المجموعة تشمل "الاسم . التليفون الشخصى . الرقم القومى . تليفون المنزل. العنوان "

وسوف تسلم يوم الاحد القادم ولوفى وقت سوف يعقد اجتماعات تحضرية للمشروع بس بعد انتهاء الامتحانات

ودا لو فى وقت

وان شاء الله كل جديد سوف اوضحة فى هذا الموضوع