المساعد الشخصي الرقمي

مشاهدة النسخة كاملة : ¶¶ஊდطرائف المعلقينდஊ¶¶



Night Moon
12-14-2010, 12:32 AM
http://www.mesa7a.com/forum/imgcache/2493.imgcache.gif



طرائف المعلقين


http://www.mesa7a.com/forum/imgcache/2494.imgcache.gif

دى تعليقات المعلقين فى كرة القدم

مرة مجدي عبدالغني قال
كده مصر خدت كاس أفريقيا 5 مرات ,, و طبعاً احنا عارفين إن الكاميرون خدته 4 مرات ,, و غانا 4 هي كمان ,, و ما شاء الله كلهم أفارقة.



http://www.mesa7a.com/forum/imgcache/2495.imgcache.gif
مرة محمود بكر كان بيعلق على ماتش فى فريق يابانى و للحظ ان الفانله كان عليها اعلان سوزوكى فوق ارقام اللاعيبه و فضل محمود بكر يقول
ماشى سوزوكى بالكورة و اداها ناحيه الشمال ل سوزوكى و ماشى و بيعدى و بيصلحها لسوزوكى اوبا ههههههههه جون جون لسه بقولكم ايه دة و الجون كمان اسمه سوزوكى دة باين اسم سوزوكى دة شائع فى اليابان زى محمد عندنا ههههههههه

http://www.mesa7a.com/forum/imgcache/2495.imgcache.gif

على زايور كان دائما يقول ونازل الاهلى بلباسه التقليدي الفانلة الاحمرة واللباس الابيض

http://www.mesa7a.com/forum/imgcache/2495.imgcache.gif

مرة واحد كان بيعلق على ماتش نسائي قال
لفاول ده بقى هتلعبه سارة .. و سارة بالمناسبة شايلة مادتين فى ثانوية عامة ان شاء الله ربنا ينجحها و تدخل الكلية


http://www.mesa7a.com/forum/imgcache/2495.imgcache.gif

مباراة لمصر وليبيا
كان الكابتن مدحت شلبى المعلق
كورة جت فى القائم للمنتخب المصرى
وقال : هوبا وتضرب فى القائم اليميين تضرب فى القائم اليميين ملكش حق ياقائم ملكش حق ياقائم
كورة تانية لميدو جت فى العرضة قال : ياااه فى العارضة ملكش حق ياعرضه ملكش حق ياعرضه
وبنهاية المباراة قال مع جهازنا الفنى ومنتخبنا الوطنى اللى بيثبت يوم بعد يوم ان مفيش احلى من السَمنة البلدى


http://www.mesa7a.com/forum/imgcache/2495.imgcache.gif

محمود بكر كان بيعلق على مبارة فى كأس العالم وكان التشيك بتلعب قعد ربع ساعة كل ما يقول جمهورية التشيك يقول جمهورية شبين فضحنا


http://www.mesa7a.com/forum/imgcache/2495.imgcache.gif

كان ابراهيم يوسف بيعلق على مباراة وكان ليه افيهات كدة تضحك
فى بداية المباراة راح قايل اعزائى المشاهدين والمستمعين
ليه بنقول المستمعين .. يمكن يكون فى حد كفيف قاعد بيتفرج على المطش


http://www.mesa7a.com/forum/imgcache/2495.imgcache.gif

في تعليق مجدي عبدالغني على ماتش البرازيل و تركيا في كأس العالم 2002 ..
كنت حاسس أن مجدي عبدالغني قلب الماتش فيلم كوميييدي .. و الله الماتش مكانش جامد .. بس أنا ضعت من مجدي عبدالغني و تعليقه اللي تحس أنه بيتكلم من ع القهوة اللي قدام التليفزيون من ناحية رمسيس هيلتون .. مش ممكن يكون قاعد في ستوديو ..!
و ادي كافو بيعدي بواحدة حلوة .. واحدة من بتوع احمد عبدالباقي " يعني كافو بتاع البرازييييل بيقلد أحمد عبدالباقي!
التانية بقى .. اتحسب بنالتي للبرازيل .. و اللاعب بتاع البرازيل شاطها في نفس الزاوية اللي حطها مجدي عبدالغني في ايطاليا 90 .. و النجم معدهاش طبعا .. و قال "بتفكركم بايه ركلة الجزاء دي؟ .. هاه؟ .. ايوة ضربة جزاء مصر في كأس العالم 90 .. عارفين مين اللي جابها جون؟ .. هااااه؟ .. مييييين؟ .. أنا! .."


http://www.mesa7a.com/forum/imgcache/2495.imgcache.gif

عبد السلام الحمامصى
فى ماتش
انبى واتصالات بنى سويف من كام سنه
لاعيب من انبى شاط كوره اى كلام
كان تعليقه عليها
وشوطه حلووووووووووووة بس وحشه
وايضا كان ماسك لازمه طول المباره على اى اوفر يترفع من الجنب
يقول
وواحده عرضيه بالطول
يعنى ايه عرضيه بالطول


http://www.mesa7a.com/forum/imgcache/2495.imgcache.gif

في معلق على مودرن سبورت عليه عادة غريبة
حلوة حلوة حلوة
جميلة جميلة جميلة
يللا يللا يللا
مفيش كلمة غير لما يعيدها 3 مرات


http://www.mesa7a.com/forum/imgcache/2495.imgcache.gif

مباراة العام الماضي بين الاسماعيلي وبلدية المحلة - في المحلة كان مذيع القناة الرابعة طول الشوط الأول يقول حسني (عابد ربه) وانتهى الشوط الاول 0/0 وبين الشوطين غيروا المذيع بواحد معروف وفاز الاسماعيلي 2/0



http://www.mesa7a.com/forum/imgcache/2495.imgcache.gif

كان فى ماتش من سنتين كده
بس كان احمد فوزى الجون بيوقف الحيطة فبدل ما يوقف الحيطة وهو على القائم لاء راحلهم يوقفهم
قام الواد اللى هيشوط الفاول حطتهالو والجون فاضى والجون ده كان فى اخر دقيقة
قعد يتفرج عليها احمد فوزى وهى جوه الشبكة والحكم حسب الجون لانه كان صفر
اللى كان بيعلق على الماتش كان محمود بكر على النيل للرياضة
فى عاده فى قناه النيل تستنى شويا بعد ما المذيع ينهى الماتش
محمود بكر افتكر ان الارسال خلاص انقطع قام شاتم احمد فوزى
وبيقول للمساعد اللى جانبه الجون ده تيت
حد يروح للحيطه يوقفها . يستاهل


http://www.mesa7a.com/forum/imgcache/2495.imgcache.gif

الكابتن محمد لطيف
كانت مباراه للمقاولون العرب في بطوله افريقيا وقال جول جول جول جوووووووووووووووووول
والتفت لمن يجلس بجانبه وسأله ..هو مين اللي جاب الجول
وفي بطوله افريقيا التي اقيمت في ساحل العاج 1984 عندما شكر مسؤلي الامن ومحافظ ابيدجان علي التنظيم
اتذكر لميمي الشربيني انه كان يذيع مباراه للاهلي وقال
ماشي بيها مجدي عبدالغني 26 سنه ليسانس اداب وعازب


http://www.mesa7a.com/forum/imgcache/2495.imgcache.gif

علاء الحامولي الله يرحمه كوم تاني
الزمالك يلاعب الاسماعيلي والاسماعيلي متقدم بهدفين لهدف ثم يتعادل الزمالك ونسمع صراخ الحامولي ثم يسنتر الاسماعيلي وينطلق خالد القماش ويحرز هدفا ثالثا للاسماعيلي فيقول الحامولي كلمته الشهيره والتي قالها اكثر من 3 مرات في تاريخه
ا....جون


http://www.mesa7a.com/forum/imgcache/2495.imgcache.gif

علاء الحامولي بيذيع مباراة للمنتخب وعادل المأمور حارس المرمى ووصلته كرة سهلة جداوطبعا رتم المذيع هادي ..والكرة مع المأمور يا مأمور جون يا مأمور


http://www.mesa7a.com/forum/imgcache/2495.imgcache.gif

إبراهيم الجويني في كأس العالم وكان باقي 25 دقيقة كان بيقول بطريقته باقي 25 سنة...واحد جنبه لفت نظره يقوم يقولآه آسف ..فات 20 دقيقة وباقي 25 سنة ...


http://www.mesa7a.com/forum/imgcache/2495.imgcache.gif

علي زيوار بيذيع مباراة للمنتخب الأليمبي بتاع خالد القماش وطاهر أبو زيدالقماش جاب بنلتي وحب هو يشوطه ..لكن المذيع عاوز طاهر أبو زيد هوه اللي يشوطالقماش سجل هدف لكن الكرة لمسة يد الحارس على زيوار ساب الماتش والدنيا كلها وفضل يهاتي ويزعق بصوته كلة اللاعب ده ما بيسمعش كلام المدرب ده لازم يتعاقب ..المفروض يغيره لمفروض يودوه القسم ..


http://www.mesa7a.com/forum/imgcache/2495.imgcache.gif

كروان الإذاعة محمد لطيف بيذيع ماتش للمنتخب وفيه فاول قرب المنطقة تقدم ليها طاهر أبو زيدطاهر أبو زيد ...وشاط طاهر تيجي في طاهر ..تيجي في ظهره وخلاص


http://www.mesa7a.com/forum/imgcache/2495.imgcache.gif

وكان مرة فى كاس العالم بيذيع مباراة للبرازيل وكان هناك لاعب اسمة فالكاو وكان مصر يقول اسمة فالساو وقال ان انا الوحيد اللى فى المذيعيين اللى بقول اسمة صح حتى مذيع البرازيل بيقوله غلط


http://www.mesa7a.com/forum/imgcache/2495.imgcache.gif

موضوع فلكاو وفالساو ده كان مضحك جدا
وحصل في بطوله كأس العالم في اسبانيا 1982 وكانت في رمضان تقريبا
وساب الماتش خالص وقعد يحكي هو فطر ديك رومي شكله ايه وفرق التوقيت ودخل في حاجات تانيه كتيره


http://www.mesa7a.com/forum/imgcache/2495.imgcache.gif

من الأشياء المضحكة لما ابراهيم حسن سجل هدف و أراد أن ينسبه لأخيه حسام ليفوز بلقب هداف الدوري ، اللعيبة راحت لابراهيم لتهنئته فأشار لهم على أخيه حسام فذهب اللاعبون لحسام لتهنئته ولكنها كانت تهنئة باردة بلا حرارة
المهم بعد المباراة الاعلام أراد أن يلبـّسها لنا فذهب المذيع لحسام بالميكروفون و سأله :- انت سجلت الهدف ازاي يا كابتن حسام ؟ فرد العميد : الكورة كانت كورنر واترفعت وأنا دخلت بدماغي فيها وسجلتها في المرمى
لكن الكدبة مكشوفة من الأول ولم تنطلي على أحد ، وتم تسجيل الهدف باسم صاحبه ابراهيم وضاع لقب الهداف من حسام


http://www.mesa7a.com/forum/imgcache/2495.imgcache.gif

طارق يحيى كان بيعلق على متش مش متذكره المهم المحاور قال له تتوقع النتيجة ايه يا كابتن ؟ فرد يحيى وقال : اتوقع التعادل أو فوز احد الفريقين


http://www.mesa7a.com/forum/imgcache/2495.imgcache.gif

عبدالسلام الحمامصي فتى التعليق الأول .. كان بيعلق على ماتش لجنوب أفريقيا سنة 96 .. و جت الكرة لجو موشوي .. و طبعا الاسم كان بالانجليزي .. و الأخ الحمامصي خريج لغات اصلا .. و لما جه ينطق الاسم تخيلوا نطقه ازاي؟ .. قال .. و الكورة دلوقتي مع جون مشوي


http://www.mesa7a.com/forum/imgcache/2495.imgcache.gif

عبد السلام الحمامصي: كان بيعلق علي ماتش للزمالك و الزمالك كان مغلوب و فجأة واحد من الجمهور اللي وراه قال " وشك نحس يا عبد السلام يا حمامصي يا ابن ال ...... " فضل ساعتها يقول الله الله الله و انا مالي انا ياريت الجمهور يكون ملتزم . بس كان شكله وحش قوي


http://www.mesa7a.com/forum/imgcache/2495.imgcache.gif

حماده إمام ..
دلوقتى .. أى كوره .. انشالله يكونوا لسه بيسنتروا .. تبقى " خطراااااااااااااه " و " حلوااااااااااااااااه " و" مين يقابل " و " ياااااااااااااااااااااااا ااااااااه " و " الله الله الله على الحاجات اللى بتعجب الجماهير " .. طول الماتش .. لغايه ما يجيلك هيستريا .. والماتش لسه (صفر- صفر) ..


http://www.mesa7a.com/forum/imgcache/2495.imgcache.gif

مجدى عبد الغنى ده فى التعليق كل ماتش لازم يقولك إنه بيعرف برتغالى عشان كان محترف هناك .. وان مش عارف أيه .. يعنى "ازيّك" بالبرتغالى .. وايه .. يعنى "إتمسوا بالخير" .. و .. (خلاص ياعم احنا فى حصه لغه ؟) ..
وأى ضربه جزاء تيجى .. بتفكّره بضربه الجزاء اللى جابها فى كاس العالم .. ويا ترى اللاعب هيحطها زيه .. ولا هيطلعها بره ..


http://www.mesa7a.com/forum/imgcache/2495.imgcache.gif

مره كان فيه ماتش البرازيل وتركيا فى كاس العالم 2002 و رونالدو جاب جون .. قالك "ياسلالالالام .. حطها كأنه طاير فى حمام سباحه" !!



http://www.mesa7a.com/forum/imgcache/2495.imgcache.gif

* اللواء مدحت شلبى ..

"وينهار ابيض .. ينهار ابيد .. ينهار ابيد"
"يا سلام عليك .. يا سلام عليك يا واد يا مجرم .. "
"وهالله هالله هالله .. هالله هالله هالله هالله هالله هالله .. "
" ويلعب كوره .. مش منضبطه"
"حطها والنبى .. والنبى .. والنبى .. والنبى حطها ياراجل .. حرام عليك .. حرام عليك .. " ..


http://www.mesa7a.com/forum/imgcache/2495.imgcache.gif

* سيد الثعلبى .. بتاع " ياسلام عليك .. تسلم رجليك " ومرّه لما حسام حسن جاب جون قاله: " تسلم صلعتك يا كابتن " ..



http://www.mesa7a.com/forum/imgcache/2495.imgcache.gif

دي باقة كرة سله

أيام مدحت ورده و الجيل الذهبى لكرة السله
كنا دايما بننافس على البطوله و كتير كسبنا
فى مره المذيع كان متحمس جدا جدا
و الماتش صعب و الإسكور قريب
و فى أخر تلاتين ثانيه إحنا متقدمين بفارق نقطتين
و هو سخنان و بيحمس اللاعيبه بصريخ هستيرى:
- خدوا بالكم خلوهم بره المنطقه الخطره
- قفلوا المنطقه الخطره ماحدش منهم يخشها
- ياااااه حاسب يا ساتر لألألألأ أنا بأقول مافيش أى خ** منهم يخش المنطقه الخطره





منقول

حنين الحياة
12-14-2010, 01:43 AM
http://www.mesa7a.com/forum/mwaextraedit5/extra/79.gif

esraa marey
12-14-2010, 08:27 PM
:a28::a28::a28:
حلو اوى
الف شكر

MUHAMED SAMY
12-14-2010, 10:49 PM
جــــــــــــــــامد فحت

مشفتيش حورية وهى بتعلق
:a20:

Night Moon
12-15-2010, 11:19 PM
ميرسي ياجماعة لمروركم
نورتو التوبك

mon ange
07-18-2011, 12:08 AM
هههههههههههههه المعلقين دول عليهم حاجات ويقعدوا يحكوا ويتكلموا